يا كيلو لحمة /...اشمعنى أنا

[quote=]

ياكيلو لحمة

يا كيلو لحمة حلمى وآمــــــالي
تبات ف حضني يا أغلي غــالي
وابوس اديك يا صاحب المعالي
دا لحمى ناشــف وجسمى سالي

يا كيلو لحمة بالستينايـــة (60)
أنهب نهيبة ، أعمل جنايـــــــة
عشان ما تيجي تبات حدايـــــه
ترفعلي راسي مابيــن عيـــــالي

يا كيلو لحمة لقـــاءك مســـرّة
لو كنت جوّة أو حتي بـــــــرة
بَعــــدك بعـــاني من المضـرّة
وغِليت عليّـا والجيب دا خالي

يا كيولو لحمة واحشني خالص
لو حتي كبــــــــدة ولا أوانص
ملنــــاش لاترباس ولا مجانص
والعافية صارت ايــــام خوالى

يا كيلو لحمــة سوخّــت روحي
عِمْيت عنيّــــا زادت جــروحي
ارحم يا سيـدى دا يبقي عيـــدي
لو بابنـــا خبّــــط باللى ف بالي

يا كيو لحمة شــــرّف ف داري
املالى بطنى طفيلــــي نــــارى
دا الجوع نحتني وغلبــت أدارى
قربت تنعى صاحب المعــــالـى

ياكيلو لحمة ما حـــس بيــــــــا
ولا رق مرة وقال هــــديـــــــة
بحته مــــوز ه ، أو حتى ليــــه
أكلهـــا واسهــــر 7 ليــــــالي

!!!

[/quote]

الشاعر الكبير أستاذ عاطف عاشور

والله الشكوة دى عامة وياريتها على اللحمه وبس

دى بقت فى كل حاجة حوالينا لدرجة من كثرة وجودها وصلت لإنها بقيت شيىءعادى

وأظن كمان أن سعر اللحمة فى بعض المناطق غلى عن ستين جنيه

ربنا يستر أظن الناس قربت تنسى اللحمه

أصلها بقت مضرة بالصحة وبترفع ضغط الدم أول م الواحد يشتريها

دا الشعب فى غلب

ع العموم مش هاطول على حضرتك

طبعاً إبداع راق جداً لمس ما يعانيه المجتمع بحرفية شديدة

أدام الله عليك الإبداع والروعة فى التعبير

الأستاذ الشاعر .. عاطف عاشور
لا ادرى انبكى ام نضحك
اعتقد انك منذ ان كتبت القصيده حتى اليوم
تخطى كيلو اللحمه الستون ..
وان كان كيلو اللحم حلم يداعب خيال الكثير
من اهل بلدى الكرام .. فالنسيان هو الأفضل
ولنتذكر فقط ان اللحمه ترفع الكليسترول فى
الدم وتصيبنا بداء النقرس .. وان البقوليات
فيها ما يوازى البروتين الموجود فيها ويمكن
اكتر ..وربنا على الظالم
قصيده جميله استاذ عاطف
ودمت بخير

الكبير اوى
عاطف عاشور
جمال ايه معانى ايه صور ايه
مقدرش اوصف اكتر من كده
فعلا هى قضية كبيرة ولا بد نا نلاقى حل وانشاء الله هنلاقى الحل بس بقى ابقى موووووووووووت
يا حمار
دمت رائعا يا استاذ عاطف اسعدتنا وامتعتنا
تيمو