الـمـتـســول و الـمـتـعــــــة... أرجو المتابعة

مصيبة أحسن أكون أنا كمان متراقبة ولا حاجة .

خلي بالك بقا من نفسك أنتِ اللى كاتبة الرواية أحسن يشموا خبر ولا حاجة هههههههه .

مش عارفة ليه قلتِ إن الرواية ممكن مش تعجبني اوى ، لكن أنا ممكن أستنتج إحساسك بكدا من قرأتك لتعليقاتى عليها .

لكن صدقيني إكمنى بس الأيام دي بشد في شعري من تشتت التركيز عندي بطريقة غريبة .

تاني حاجة إني أنا قرأت جزء من منتصف الرواية قبل كدة ، لكن انا عملت فرملة ومش كملتها للأخر عشان أتابعها معاكِ هنا ،فتقدري تقولى إني عارفة بعض من تفاصيلها وبالتالى آثرت على حماسى في التعليقات .

لكن صدقيني أنا هنا بنحني لكِ إعجابا بفكرك الواعي والرافض لحال كثير من الشباب الكسلان الآن ، واللى مستني الوظيفة تجيله على باب البيت ، واللى بيمشى في سكة اللى يروح ميرجعش ،
وأنا من خلال الجزء الصغير الذى قرأته مسبقاً ، أعتقد أن اى شاب سيقرأ الرواية سيعيد حساباته من جديد .

رغم إني لاحظت أنك تلقيتي نقض وليس نقد فالنقض هو النقد الهدام أما النقد فهو النقد البناء ، ولكن رأيتك لا تهتمي للنقض وهذا أفضل شئ فعلتيه

أكيد بتقولى إيه البنت الرغاية دي ، لكن أنا في الحقيقة مش بعرف أقول كلمتين على بعض فبعوض هنا هههههههههه .

تحياتي لفكرك الواعي ، وجمال روحك .

عاشقة الشعر كتب:: الاستاذة الاديبة / أسماء عبد العزيز
ايه الجمال ده....كملى يا قمر
نحن فى الانتظار
؟
؟
؟
منتظرين اهوه
مش هنمشى غير لما تكملى
تحيتى وارجو ان تتقبلى مرورى راى اكيد انتى عارفة كويس أستاذة

حبيبة قلبي الجميلة عاشقة الشعر
منورة يقلبي هنا وبجد سعية جدا لمتابعتك يسكر بس يارب الرواية تكون تستاهل
بجد الله يستر وتعجبكم
دمت بكل الحب ياقلبي

الاء عثمان ((بنت مصر)) كتب:: مصيبة أحسن أكون أنا كمان متراقبة ولا حاجة .

خلي بالك بقا من نفسك أنتِ اللى كاتبة الرواية أحسن يشموا خبر ولا حاجة هههههههه .

مش عارفة ليه قلتِ إن الرواية ممكن مش تعجبني اوى ، لكن أنا ممكن أستنتج إحساسك بكدا من قرأتك لتعليقاتى عليها .

لكن صدقيني إكمنى بس الأيام دي بشد في شعري من تشتت التركيز عندي بطريقة غريبة .

تاني حاجة إني أنا قرأت جزء من منتصف الرواية قبل كدة ، لكن انا عملت فرملة ومش كملتها للأخر عشان أتابعها معاكِ هنا ،فتقدري تقولى إني عارفة بعض من تفاصيلها وبالتالى آثرت على حماسى في التعليقات .

لكن صدقيني أنا هنا بنحني لكِ إعجابا بفكرك الواعي والرافض لحال كثير من الشباب الكسلان الآن ، واللى مستني الوظيفة تجيله على باب البيت ، واللى بيمشى في سكة اللى يروح ميرجعش ،
وأنا من خلال الجزء الصغير الذى قرأته مسبقاً ، أعتقد أن اى شاب سيقرأ الرواية سيعيد حساباته من جديد .

رغم إني لاحظت أنك تلقيتي نقض وليس نقد فالنقض هو النقد الهدام أما النقد فهو النقد البناء ، ولكن رأيتك لا تهتمي للنقض وهذا أفضل شئ فعلتيه

أكيد بتقولى إيه البنت الرغاية دي ، لكن أنا في الحقيقة مش بعرف أقول كلمتين على بعض فبعوض هنا هههههههههه .

تحياتي لفكرك الواعي ، وجمال روحك .

حبيبة قلبي لولو الجميلة
انا مش بقول كدا عشان تعليقاتك ياقمري لا بس انا حساها اقل فعلا من الايدي
والايدي الباردة اقل من امنحيني عذرا اللي هنزلها ان شاء الله هنا مخصوص عشانك وعشان اللي متابعين رواياتي الأعزاء على قلبي جدا

لكن قوليلي انتِ قريتي جزء منها فين
ورقية ولاّ في منتدى تاني .. لانها نزلت ورقية من سنه ولكن دي النسخه المعدله منها .. ونزلتها على الموقع اللى كنت مشتركه فيه
قوليلي بأه انت يسكر قريتيها فين
واحسن متكمليش لانها هنا من دونك هتبقى يتيمه بجد

بالنسبة للقد ياقلبي
ممكن تكون كتاباتي اوكي ينقصها الخبرة وأشياء كثيرة ولكنى دائما احاول التعلم والارتقاء بها ومحدش بيتولد روائي كبير
ومع ذلك في حاجات وأوضاع تحتم علينا نقدمها كدا زي ماهيا
بلغة شبابنا
ماهي يالولو خليكي معايا
الرساله كلها موجهه للعمر من 16 الى 30 ووالله في اكبر من كدا وبيعمل اكتر من كدا
مش معقول هكلمهم بألفاظ غير الفاظهم وكلمات غير كلماتهم
المهم انها بردو مختلفه عن باقي كتاباتي

اللي بعد كدا كله رومانسي بجد رغم المشاكل اللي بناقشها ولكنها في طابع رومانسي

حبيبة قلبي قلمي بدونك يتيم
هذه حقيقة تقبلي فائق الود والحب

انا قرأت جزء منها على موقع مجلة الابتسامة ،

عشان تعرفي بس إن في ناس مهتمة وبتفتش وراكي ههههههههههههههههه .

بس ياريت لو قلتيلي هى مطبوعة ومتواجدة في آى مكتبة فورا لازم اجيبها ،

هو إحنا نطول يكون معانا حاجة من ريحتك .

لكن النقد ، أنا لا انتقدك في شئ لأني أنا لم أرتقي بعد لمستوى النقد ،

إنما أنا متفهمة جداً طريقة تفكيرك وطريقة عرضك للرواية .

تعرفي كلامك بحسه متشابه اوى مع وجهة نظري ،

لأني بشوف إن الكاتب المبدع والناجح ، هو اللى شعاره :

إن أفضل عمل لم يكتبه بعد ، سواء قصة ، رواية ، مقالة ...

لأن لو الكاتب حس إن افضل قصة كتبها ، يبقا خلاص هيكتب ليه بعد كدة .

الفاضلة القاصة اسماء
سأتابعك من الآن
فانت قاصة موهوبة بالفعل

الاء عثمان ((بنت مصر)) كتب:: انا قرأت جزء منها على موقع مجلة الابتسامة ،

عشان تعرفي بس إن في ناس مهتمة وبتفتش وراكي ههههههههههههههههه .

بس ياريت لو قلتيلي هى مطبوعة ومتواجدة في آى مكتبة فورا لازم اجيبها ،

هو إحنا نطول يكون معانا حاجة من ريحتك .

لكن النقد ، أنا لا انتقدك في شئ لأني أنا لم أرتقي بعد لمستوى النقد ،

إنما أنا متفهمة جداً طريقة تفكيرك وطريقة عرضك للرواية .

تعرفي كلامك بحسه متشابه اوى مع وجهة نظري ،

لأني بشوف إن الكاتب المبدع والناجح ، هو اللى شعاره :

إن أفضل عمل لم يكتبه بعد ، سواء قصة ، رواية ، مقالة ...

لأن لو الكاتب حس إن افضل قصة كتبها ، يبقا خلاص هيكتب ليه بعد كدة .

اهااااااااااااا مجلة الابتسامة
تعرفي يالولو انى بحب المجلة دي اوى وبها كل أعمالى من اول مابدأت وأخدت فيها وضعي لكن للأسف اتشغلت عنها بوفاة والدي وظروف اخري ودلوقتي المنتدى دا والمذاكرة اخدت وقتي
لكن بجد بعشقها
تسلميلي ياقمري على اهتمامك الجميل
بالنسبه للروايه هي بتتباع في جميع منافذ بيع الجرائد اليومية وبعض المكتبات
ولكن بدل ماتشتريها يسكر ابعتيلي عنوانك برساله خاصة وانا ابعتهالك وابعتلك نسخه من حينما يدق قلب الأنثى وعليها اهداء لأني مش هنزلها هنا لأنها لسه نازله السوق من 5 اشهر وهى كبيره جدا قصة مسلسل

فعلا الأفضل لم يكتب بعد
دمت بكل الحب ياعمري

محمد سالم كتب:: الفاضلة القاصة اسماء
سأتابعك من الآن
فانت قاصة موهوبة بالفعل

الأستاذ القدير\ محمد سالم
اشكرك كثيرا على مروركم الكريم وكلماتكم الراقية .. وسعيدة جدا بالمتابعه
واتمنى ان تنال روايتي إعجابكم
دمت بكل الخير

الأديبة البارعة / أسماء عبد العزيز

حكاءة واعية - وسيناريست بارعة فى الإنتقال بالحوار لخدمة النص

لفت نظرى إهتمامك بالمكان والزمان وتوظيفهما جيداً خاصة فى البيت الريفى

وأثرهما فى حياة الأشخاص الذين ترسمين ملامحهم بمهارة الفنان التشكيلى

وأعجبنى إستخدامك للرمز فى شخصية ( جوزيف ) وإستغلاله لنقط الضعف لمن

يريد إستغلاله وتجنيده لصالحه .

تفتحين ملفات القضايا الشائكة فى سلاسة وخفة ظل أهنئك عليها .

ولكننى رأيت روايتك ممسرحة أمامى تتحرك شخوصها وتتحاور وتدور فى الأماكن .

ألا تفكرين فى كتابة المسرح الذى نفتقر إلى كتَّابه ؟!

أتمنى لك المزيد من من التقدم والتألق .
.
وداد الهــــــــــــــــــــــوارى

وداد الهوارى كتب:: الأديبة البارعة / أسماء عبد العزيز

حكاءة واعية - وسيناريست بارعة فى الإنتقال بالحوار لخدمة النص

لفت نظرى إهتمامك بالمكان والزمان وتوظيفهما جيداً خاصة فى البيت الريفى

وأثرهما فى حياة الأشخاص الذين ترسمين ملامحهم بمهارة الفنان التشكيلى

وأعجبنى إستخدامك للرمز فى شخصية ( جوزيف ) وإستغلاله لنقط الضعف لمن

يريد إستغلاله وتجنيده لصالحه .

تفتحين ملفات القضايا الشائكة فى سلاسة وخفة ظل أهنئك عليها .

ولكننى رأيت روايتك ممسرحة أمامى تتحرك شخوصها وتتحاور وتدور فى الأماكن .

ألا تفكرين فى كتابة المسرح الذى نفتقر إلى كتَّابه ؟!

أتمنى لك المزيد من من التقدم والتألق .
.
وداد الهــــــــــــــــــــــوارى

الأستاذة الأديبة القديرة \ وداد الهوراي
بصراحة مرور حضرتك شرف كبير اوى لصفحتي المتواضعة
اشكرك كثيرا على مرورك الكريم وكلماتك المشجعة .. واتمنى انها تنال اعجابك للنهاية
بالنسبة للمسرح ياريت بس بحس انى ماعنديش حس الفكاهه اوى او يمكن يكون قدام بصراحة اتمنى ذلك
تقبلي فائق الشكر ووافر الاحترام
دمت بكل الخير والحب

الأستاذة الأديبة القديرة \ وداد الهوراي
بصراحة مرور حضرتك شرف كبير اوى لصفحتي المتواضعة
اشكرك كثيرا على مرورك الكريم وكلماتك المشجعة .. واتمنى انها تنال اعجابك للنهاية
بالنسبة للمسرح ياريت بس بحس انى ماعنديش حس الفكاهه اوى او يمكن يكون قدام بصراحة اتمنى ذلك
تقبلي فائق الشكر ووافر الاحترام
دمت بكل الخير والحب

الأديبة الموهوبة / أسماء عبد العزيز

كيف تدعين أنك لا تملكين روح الفكاهة وأول ما لفت نظرى

وأعتقد أنه قد شاركنى هذا الرأى الكثير من الأعضاء ؟

أنت تتمتعين بخفة الظل حتى فى ردودك التى تنم عن روح طيبة ودودة

غير متعالية . ثم أن لديك ملكة تقليد اللهجات وسوف يساعدك هذا فى

حوارياتك .

دمت بخير وسعادة

وداد الهــــــــــــــــوارى

وداد الهوارى كتب:: الأستاذة الأديبة القديرة \ وداد الهوراي
بصراحة مرور حضرتك شرف كبير اوى لصفحتي المتواضعة
اشكرك كثيرا على مرورك الكريم وكلماتك المشجعة .. واتمنى انها تنال اعجابك للنهاية
بالنسبة للمسرح ياريت بس بحس انى ماعنديش حس الفكاهه اوى او يمكن يكون قدام بصراحة اتمنى ذلك
تقبلي فائق الشكر ووافر الاحترام
دمت بكل الخير والحب

الأديبة الموهوبة / أسماء عبد العزيز

كيف تدعين أنك لا تملكين روح الفكاهة وأول ما لفت نظرى

وأعتقد أنه قد شاركنى هذا الرأى الكثير من الأعضاء ؟

أنت تتمتعين بخفة الظل حتى فى ردودك التى تنم عن روح طيبة ودودة

غير متعالية . ثم أن لديك ملكة تقليد اللهجات وسوف يساعدك هذا فى

حوارياتك .

دمت بخير وسعادة

وداد الهــــــــــــــــوارى

الأستاذة الأديبة القديرة \وداد الهواري
انه ليوم عيد بالنسبة لى لعودتك الجميلة لصفحتي
بجد اشكرك على روحك الطيبة ونقاء قلبك
اتمنى لك كل السعادة والهناء والتوفيق دائما
وسأحاول ان وعدتنى بأنه سيظل قلمك المميز وروحك الجميلة بجانبي
دمتِ بكل الخير والحب
تقبلى اجمل زهور الكون لقلبك الجميل

عدنان بغضب :انا مابتهددش

جوزيف : ماتزعلش اوى كدا ياحبيبى دا مش تهديد دا مجرد تنويه ,المهم ندخل في الجد بأه ,عايزين نمتع الشباب شويه وندلعهم ,اصلهم صعبانين علينا اوى.. مافيش شغل ولا فلوس ومحبطين وعايزين مُتعه ومش عارفين!!

عدنان : لا والله فيكو الخير!!

جوزيف : شفت بأه إحنا طيبين أوي ازاى!

عدنان : ماتخلص باه وتجيب من الآخر

جوزيف : شوف .. عايزين نخلي الشباب يتمتع وياخد فلوس بدل الإحباط اللي عندهم ونشغلهم شويه بالمتعة

عدنان :انا مش فاهم حاجه عمال تلف وتدور على إيه ماتجبها خبط لزق هاتمتعم وتديهم فلوس قصاد إيه؟ لخص

جوزيف:قول هايحصلو على المتعة إزاي؟

عندنا شبكه صغيره هاتقوم بإدارتها إنتا.. موظفينا مش كتير 5بس!!3بنات وشابين بس كدا, هايقعدو على النت ويتعرفوا على الشباب اللي بيدور على المتعة........... والجنس الناعم اللي بيعانى من الحرمان !! يعني يرضيك يعانو الحرمان وإحنا موجودين مش عيب!!! وانتا توفر المكان والحماية!!! وليك على كل حاله ميت ألف دولار

عدنان: هه! دا إيه الكرم دا كلو!!
,بردوا ماقولتش انتم هتستفادو إيه؟؟؟
باقولك إيه شايف ختم على قفايا؟! في إيه ماقولنا دوغرى بأه انا عايز أنام.

جوزيف اوكى ياحبيبى اكشف ورقي اكتر بس اعمل حسابك يا معانا يا علينا يعنى توافق تبقى حبيبي.. ترفض تبقى عدوي!!
معايا تعيش وتاخد فلوس لما تشبع!!
مش معايا تموووووووووووت ودا مش مجرد كومنت أو تنويه دا تهديد!!

عدنان: قولنا مايمشيش معايا

جوزيف لكن يمشي معايا انا ..
إنت خلاص من وقت ماوقع اختيارنا عليك وانت دخلت اللعبة غصب عنك, وعشان اكشفلك ورقي يبقى مش هنا تعالى معايا اوريك كل حاجه على الطبيعة!!

عدنان انا مش منقول من هنا
جوزيف: مش تخاف حياتك تهمنا طول مانت معانا , وكمان هارجعك تاني

ولبس عدنان ومشي معاه وركبوا العربية وطلع على المقطم فيلا كبيره ودخل جوزيف فتحت له واحده جميلة جدا .. بص لها عدنان وقال في باله يخرب بيتك دا الشغل حلو أوي

جوزيف :تعالى عدنان ودخل الفيلا.. واسعة ..دورين لكن مافيش أساس كتير ودخل غرفة من الغرف بالدور الأرضي وقاله تعالى شوف جهاز كمبيوتر سرير كاميرا مايك, ونادى بوسي وقالها نادي باقي الطقم عشان تتعرفوا على مسيو عدنان مدير الشبكة

عدنان :انا لسه مش وافقت

جوزيف: خلاص ياحبيبى إنت أوريدي بقيت جوه اللعبة

وجه الطقم كله.. ووقفوا صف جنب بعض و شاور جوزيف عليهم يعرف عدنان على كل فرد!! الأولى بوسي... التانيه جولي... التالتة شاهي... والشباب ماثيو... وكامينو

والمطلوب زى مفهمتك انا مش محتاج اكتر من 20 حاله مش كتير وكل واحد ليك عليه ميت ألف دولار

عدنان : اشمعنى 20 بس مالبحر يحب الزيادة !!!!

جوزيف: الصفقة مدتها 10 أيام بس وتنتهي.. إذا خلتهم اكتر كلو بتمنوا ياحبيبى!!
لكن بعد العشر أيام ينتهي كل شيء! وكنت بتسال ليه إحنا بندي فلوس ومتعه؟
أقولك أنا ليه..................؟
الشباب الإحباط مالية ومعندوش شغل و بيهرب لمتعته الوحيده وهي الإنترنت!! يتعرف على بشر ويضيع الوقت!! وتلاقيهم ب يقعدوا عليه بالساعات ! وإحنا استغلينا النقطة دي كويس .. وضعنا لهم أحلى برامج تفتح شهيتهم وتلغي عقولهم ولا يقولك فلسطين ولا عراق ولا عرب ولا غيرة بل بالعكس قدرنا نعمل غسيل مخ عن بعد!

وقولنا نزود العيار شوية نمتعهم ونديهم فلوس ونخلي الحياة وردي
ويكون أداه نعمل بيها ربكة للمسؤلين فمصر!!

هاتقولي إزي؟؟

هانعمل شيء بسيط ينشر الرعب وبكدا نلهي المسؤولين عن المشاكل الدولية بمشاكلهم الداخلية وماتسألش أكتر من كدا لينا أسبابنا الخاصة وانتا ليك فلوس وبس

عدنان :وأيه الرعب فكدا ؟ دا متعه وفلوس وكتير من الدول العربية مُصرح فيها دا وبدون حساب أو عقاب

جوزيف : فعلا عندك حق ,لكن انا أقصد حاجه تانيه الإيدز ياحبيبى!

عدنان أتفزع وهب واقف: إنت بتقول إيه.. إيدز يانهار اسود؟!

جوزيف:جرا إيه يامان دانتا ذكى!! هاتخلينى أغير رأيي فيك ولاّ إيه!

عدنان :ذكى إيه؟! ولا ذكى ولا نيله انته خليت فيها ذكاوه.. تقولي إيدز يعنى موت!! أنا مهما كان اللي بعمله غلط لكن مش بئزي حد!!!
انا بشحت صحيح بس بيد ونى برغبتهم.. وليا عشيقات بيجونى بمزاجهم وكل هدياهم ليا برضاهم.

جوزيف :تفتكر اهلك وأولادك وناسك يا ماااان لو عرفوا كدا هيكون دا رأيهم بردو؟؟؟؟
والحكومة كمان هيكون دا رأيها ؟؟؟
فووووق يااااماااااان دا لمصلحتك !!

عدنان :ايدز وتقول لمصلحتي ازاى باه؟!!وبص لهم بذهول وقال: يعنى دول عندهم إيدز؟

جوزيف: وانتا مالك ومال الإيدز الشبكة هاتبقى تحت إشرافك فقط!! وهازود المبلغ شويه خليه 200 ألف دولار

عدنان صعق من المبلغ : كل واحد !! (وقعد يفكر دا النت ماليااااااااااااااان إيه دا هايبقى أغنى اكتر واكتر ويبقى مالهاش لازمه الشحاته ورجع قال لنفسه: لا الشحاته دى في دمى !! والآخر بص لجوزيف) وقاله بجديه: كل واحد ربع مليون دولار انا لو اتمسكت فيها إعدام ياحبيبى موافق ولاّ؟؟

جوزيف: اوكى يا مان بس في موقع توظيف.. لو جالك شباب عشانه تديله الظرف المقفول فيه 5000 جنيه ..وفى حاجه مهمة جدا ..؟
؟
؟
؟
؟
تابعوني

ايه يا قمر الابداع ده وايه القدرة على الاثارة والتشويق دى بجد هايله ومش معقوله ربنا يحميكى بس يا ريت ما تتاخريش علينا علشان انا اتعلقت بالحكايه دى خالص وبقت عندى زى مسلسل الساعة 9 ربنا يوفق تمنياتى لكى بدوام النجاح

كدة الموضوع كبر أوى ،

تفتكرى في كدة فعلا حقيقي ،

لو في تبقا كارثة ،

بس اكيد في ليه لا ،

أصل حكاية الايدز دي اول مرة اسمع عنها .

عامة زى ماقالت الاستاذة توحة روايتك بقت زى مسلسل الساعة 9

رغم إن أنا مش بتفرج أصلا على التلفزيون ، لكن انا متبعاكِ هنا ،

لأن روايتك أفضل من مسلسلات التلفزيون .

شفتي كنت هنسى ، انا سبتلك رسالة على الخاص .

توحة كتب:: ايه يا قمر الابداع ده وايه القدرة على الاثارة والتشويق دى بجد هايله ومش معقوله ربنا يحميكى بس يا ريت ما تتاخريش علينا علشان انا اتعلقت بالحكايه دى خالص وبقت عندى زى مسلسل الساعة 9 ربنا يوفق تمنياتى لكى بدوام النجاح

حبيبة قلبي الجميلة\توحه
تسلملي ياعمري على كلامك الجميل دا ومتابعتك اللي انا سعيده بيها جداااااااااا
انا ماقدرش اتأخر يسكر ..
كوني بكل خير
ودمتِ بكل الحب والود Very Happy

حبيبة قلبي لولو الجميلة
تسلميلي ياسكر على متابعتك الجميلة ..
بالنسبة للإيدز
ممكن يكون حقيقة وممكن يكو خيال بس يالولو انا اعرف ان كان في في شرم الشيخ فئة معينه من الفايات الأجنبيات الحاملين للفيرس .. كانوا بيشتغلوا في شرم
كل شغلتهم انهم يشغلوا الشباب لحد ما الفاس تقع على الأرض..ههههههههه مش الراس

المهم وبعد كدا يعرف الشاب انه عنده الايدز ودا كل شغلهم
هاتقوليلي المفروض يتعالجو منه بدل ماينقلوة ..
هاقولك فعلا لكن دا كان غزو من نوع جديد
زي ماتحطي السم بداخل الطبق اللي بيموتوا فيه الشباب
وهم بيكونوا مجندين والفيرس بيكون كامن عندهم وبينتقل عادي جدا من شخص لآخر وبعدين خدي بالك من شيء مهم ..هاتقولي مهمها كان اللي هيتنقل لهم المرض مش كتير هاقولك معاك حق
هاتقولى ماهو مش كل الشباب مستهترين
هاقولك معاك حق

تعالى تخيلي معايا
لو واحد من دول اتجرح وبجانبه واحد سليم ولمس الدم يتنقل الفيرس على طول
ولما يتزوج ... هينقل المرض للزوجه

وتعالى في حاجه اخطر بكتير وسط الاهمال الموجود ببعض المستشفايات العامه العادية والتى تكاد تكون الخدمات بها معدومة
يحدث نقل دم من شخص لآخر وفيه الفيرس بكل سهولة ..

واسمعي الخطر من دا كله
على فكرة انا قبل ما بكتب روايتي ببحث عن كل شيء واسأل كمان الأطباء في النواحي الطبية التى تخص اى حالة بداخل الروايه
وسألت فعلا دكتور بجهاز المناعهوأمراض الدم عن أبسط الطرق لنقل المرض
رد ببساطه وقال: الــقــُـــبـــــــــــــــلة
مُتخيله
الوضع هيكون ازاى

ومع ذلك المرض دا بأه له علاج بس طبعا بعد ما بيحجزوهم بالحجر الصحي
وانت ادرى ياقمر مجرد كلمة ايدز بتعمل رعب اد ايه

وبعدين الهدف من روايتي دى اللى ممكن اكون مش راضيه عن حاجات فيها كتير
اوضح للشباب ممكن يحصلك ايه ... غير حاجات تانية ومشاكل هاتقابليها بالروايه بس ياريت تتابعيها هنا ماتروحيش الموقع التاني لأني بردو بعدل فيها وانا بنزلها

نشوف مع بعض ايه هيحصل وياريت تناقشيني في اى نقطه لو حابة
دمتِ حبيبتي بكل الحب والتقدير

لازم يعرفوا إنهم بقى عندهم إيدز

عدنان بانزعاج شديد: يعرفوا !! نعـــــــــــــم !انت كدا هاتقلب الدنيا علينا

جوزيف :مش هاتلحق تتقلب إحنا عاملين حساب كل حاجة , لازم يعرفوا ولاّ إنتا نسيت.. قولتلك عايز رعب وبلبله جامدة يعملها الموضوع دا !

ومضى عدنان عقد التحالف مع الشيطان على تدمير شباب بلده ولآد وبنات وينشر الإيدز بمصر وينشر الرعب والذعر بين الناس ونسي ربه والطمع أغراه مش كفاية أخطاؤه لا كمان يزيد البله طين على رأى المثل...............

عدنان سأل جوزيف عن طقم العمل : بيتكلمو عربي كويس ؟

جوزيف : شوور.. عشان مافيش شك يحوم حواليهم والضحايا مش تخاف منهم!!

عدنان : انتو خبثا بشكل! عاملين حساب كل حاجه

جوزيف : لا يا مااااااااااان الغلط ممنوع

ودخلت كل بنت غرفه لوحدها فيها الجهاز والكاميرا والمايك و ماثيو غرفه وكامينو غرفه وإبتدى الشغل........! ومشي جوزيف بعد مارجع عدنان شقته اللي كان عمال يفكر ازاى يستغل الوقت مش لسه هايستني النت وعايز يتأكد من وعد جوزيف دول ربع مليون دولار!!

وكان بالوقت دا احمد مع أصحابه وجاب الكمبيوتر وركب النت وكلهم هيموتوا من الفرحة أحمد ومصطفى وفتحي !!وقعدوا كلهم يبحلقوا فيه وأحمد : باقولكوا إيه أصحابي في المدرسة بيقولوا إن في مواقع دردشة ممكن تتعرف على أي حد !!

مصطفي : أيوة أنا عارف كدا لكن عمري ماشفت

فتحي بسخرية :هاتشوف فين وانت طول النهار مع البهايم !يا خوفي ل في يوم تنهق زي الحمير

مصطفي بضيق : احترم نفسك يا فتحي و بلاش طولة لسان !

فتحي:إيه وأنا جبت حاجه من عندي مش هي دي شغلتك!

أحمد: بس استنوا بأه !1(كلهم انتبهوا للشاشة )وقالوا يالهوي .................!

مصطفي : صورهم حلوة قوي!!

فتحي : ودول هانتعرف عليهم إزاي؟؟

أحمد : نكتب اسم مستعار وندوس إنتر ( وفعلا فتحت الدردشة وفضلوا يتعرفوا على ولاد وبنات للصبح ومصطفى وفتحي مبسوطين خالص !

أما بالنسبة لعدنان:
تاني يوم جت سوزى بلبس مثير جدا جدا.. لابسه جيب ضيق جدا لونه أحمر كاتم وجاكت أبيض مرسوم عليها وتحته بلوزه حمرا مبينه جزء كبير من جسمها أول مشافها عدنان
قال: يخر بيتك دانت جامدا موووووووووت !

سوزى بميوعه أوى : إيه عجبتك!! طب عينك باه !!

عدنان:عجبتينى دا إيه.. قولي هوستينى ..جننتينى.. موتيني.. بحبك أوى وأشيل عيني إزاي؟ دانتي ولعتيني !

وطلب غدا من المطعم وقعدوا يتكلموا ويضحكوا
رن جرس الباب جه الغدا حاسب العامل وقفل الباب!! وجهز كل حاجه على السفرة ويرمقها بنظراته من حين لآخر ويقول جميله ياخربيتها!

وخطرت بباله فكرة جُهنمية..........؟ إنه بعد ما يستمتع بيها تكون هيه أول ضحية ويقبض الربع مليون دولار ويتأكد من صدق جوزيف؟؟!!

المهم وراحوا على السفرة ويأكلها بإيده ويتبادلوا اللمسات والهمسات والعبارات الساخنة والقبلات الحارة والجو باه حر أوى

سوزي: يل بينا , وشالها ودخل بيها اوضه النوم وقفل الباب وبعد فتره خرج من الغرفة و دخل الحمام أخد شاور وطلع لقاها بتلبس.

عدنان: إيه بتعملى إيه؟

سوزى :إيه بلبس باه اتأخرت لازم امشي.

عدنان : لااا.. لسه بدري تعالى نشرب كاسين

سوزى :اوعى !!!! و بطل شقاوة
عدنان : سابها وراح المطبخ واتصل ببوسي
قال ل بوسي ابعتى واحد من الولدين اللي عندك حالا بسرعة جدا
بوسي: هابعتلك ماثيو

عدنان اوكى بس بسرعة وقفل وجاب كاس وحط فيه مخدر وعصير فريش وخرج من المطبخ كانت سوزى لبست وبتظبت نفسها قدام المراية قرب جنبها ووقف وراها مُحتويها.. تبتعد قائلة : بطل شقاوة,, أنا اتأخرت اوى

عدنان :خدي كاس العصير دا عشان تبقى فريش أوي إيه رأيك ساقع جدا؟

سوزى:مرسي واخدتة وبدأت تشرب وهو يبص لها نظرات خبيثة .. ولما تبص ليه يبتسم ابتسامة مصطنعه!! وقبل مايخلص الكأس كانت في خبر كان, شالها ووداها الاوضه التانيه إللي هو مش بيستعملها ونيمها على السرير.

ورن جرس الباب راح بسرعة يفتح دخل ..؟
؟
؟

ماثيو

تابعوني..

الأديبة الرائعة أسماء عبدالعزيز

كل ما اكتب رد امسحه اقول لأ تستاهل اكتر

فاعذرينى اعترف بعجز الكلمات عن التعبير

أُتابع من البداية وللنهاية بإذن الله

تقبلى بساتين التقدير مع أرق التحايا

الأستاذ الشاعر المميز\ محمد على أحمد
اشكرك كثيرا على مرورك الكريم وكلماتك الراقيه المشجعة دائما ..
واشكرك على حسن المتابعة واتمنى انا تنال اعجابكم
تقبل فائق الشكر والاحترام
دمت بكل الخير

شهوة المال نقمة ، ممكن تخلى الانسان البعيد عن دينه يفقد عقله ،

ويندفع وراها زى صاحبنا عدنان .

وعن الايدز انا عرفت منك حاجات والله مكنتش عرفاها ،

ربنا يحفظنا اصل مصر مش ناقصة ايدز كمان كفاية اللى فيها .

الاء عثمان ((بنت مصر)) كتب:: شهوة المال نقمة ، ممكن تخلى الانسان البعيد عن دينه يفقد عقله ،

ويندفع وراها زى صاحبنا عدنان .

وعن الايدز انا عرفت منك حاجات والله مكنتش عرفاها ،

ربنا يحفظنا اصل مصر مش ناقصة ايدز كمان كفاية اللى فيها .

حبيبة قلبي انتى فيييييييييين .. انا بجد بنتظر ردك ياقمر عشان ادلق باقي الحلقات هههههههههههههههه
انا سعيده اوى ان المعلومات دي افادتك يقلبي ولو في اى حاجه بس نادي
هتلاقيني على طووووووووووول
اجرى بعيد
ههه
تابعي اوي اللي جاي يمكن تضحكي شويه
وركزي اوى ههههههههه
دمت بكل الحب والود
Very Happy

عدنان لماثيو بنظرة خبيثة وهزه من دماغه يعنى ادخل بسرعة

ماثيو بابتسامة ذئب.. دخل الغرفة .. وانقض عليها كذئب مفترس

وبعد فترة خبط عليه عدنان :إنتا ماصدقت يل باه .. مشى ماثيو!! وقعد عدنان يفوقها بحذر خايف يلمسها بعد ماثيو.

سوزى :عدنان أنا دايخه أوى

عدنان :قومي باه اتاخرتى

سوزى هو حصل إيه ؟

عدنان ماعرفش لاقيتك أغمى عليكى فجاه.. شيلتك نيمتك وعمال أفوق فيكى يل باه اتاخرتى !

وقامت تظبط لبسها بتقوله انا تعبانه اوى !

عدنان:مالك يا حياتي؟؟

سوزى: ماعرفش تعبانه أوي... زى مايكون خبطني سوبر جيت!

عدنان يضحك: وكمان منقياه سوبر.. طب جيت من غير سُوبر حتى! بس بجد هو سُوبر أوي !(وضحكوا كتير)

(ونزلت بسرعة وهيه ماتعرفش إنها دلوقتى أصبحت مريضه بالإيدز تمن لخيانتها لجوزها المسكين أوي خالص!! اللي كان في الوقت دا في شركته!
يا حرام! شقيان وتعبان .. تفتكروا بيعمل إيه؟)

علام عنده اجتماع مهم!وبعد مانتهى الاجتماع توجه بنظرة للسكرتيرة الجميلة وقالها : باقولك إيه كفاية كدا انا تعبان جدا !

مي بدلع : خلاص يافندم مافيش مشكلة نأجل باقي المواعيد !

علام بنظرات الرغبة: خُديلي معاد معاكي إنتي..... أصلك وحشاني

مي بضحكة أنثوية ماكرة : موافقة !! ناخد مانخدش ليه؟هو إحنا صغيرين!

علام : طب يل اسبقيني يا حلوة وأنا جاي وراكي !!

وكان علام عنده علاقات كتير.. مع إنه مشغول دايما لكن أهم شيء عنده مزاجه يكون رايق جدا!!!!

ودخل علام وكانت مي جابت معاها اكل من بره وجهزت السفرة من أشهى المأكولات !
مي تقرب منه تحضنه : يعني متأخرتش؟

علام : ماقدرش أتأخر عليكي يا حلوة!!( وقرب منها وكمل ) إيه الوليمة دي كلها !!!!
مي بدلع : مانا قولت زمانك جعان!

علام بخبث ورغبه : أنا فعلا جعان ! جعان منك إنتي و.....................
ويمر الوقت ....................... يخرج علام ويودعها بقبلة ويمشي !!! وتقفل وراه الباب !!مي لوحدها قدام الباب المقفول.... تبص للأكل اللي برد ومحدش لمسه !! وتبص لنفسها بقرف وقدامها المرايه اللي ورا باب الشقة شايفة نفسها قذرة أوي!.. بلوزتها مفتوحة ولبسها متبهدل!! وكأنها كانت مع حيوان مش أكتر !
مايعرفش إنه بيتعامل مع أُنثى!! ومسكت الطفاية الكريستال ورمتها بزجاج المراية ونزل كله متكسر على الأرض ! وقعدت في الأرض تبكي وتسأل نفسها ليه كل دا؟
عشان طقم جديد ولاّ هدية غالية ولاّطقم دهب . ولاّعربية ولاّ................؟؟

( تفتكروا في حاجة تستاهل إنك ترخص نفسك ؟ مافيش!!)

تقوم مي بعدما أرهقها البكى .. تلم نفسها وسابت كل حاجة وخرجت!! وروحت مي وكان علام وصل بيته والخدامة مجهزا الغدا !!!

علام في بيته له بريستيج عال جدا .. دخل على غرفته.......... كانت سوزي نايمه على السرير سرحانة و بسترجع إحساسها مع عدنان!

علام : سوزي ................. إيه مالك؟

سوزي تبتسم : مافيش (وقامت وقربت منه تتدلع عليه يمكن من احساسها بالذنب في حقه !! يمكن !! )

بعدها علام عنه وبلا مبالاة : يل عشان جعان أوي(وخرج من الغرفة)........

. (سوزي : بارد ماعندكش إحساس تستاهل اكتر من إني أخونك! وافتكرت عدنان فابتسمت وبصت لنفسها في المرايه ..معجبه بجسمها أوي!)
وسبقها علام على السفرة ونزلت وراه وهي بتنادي نورمينا ... نورمينا!
نورمينا خرجت من غرفتها : هاى مام .....هاي داد (وكانت نورمينا تالتة ثانوي وبنتهم الوحيدة )

علام : أخبار الدراسة إيه ؟

نورمينا : إكسلنت دادي !!

سوزي بنظرات التهكم : إكسلنت دادي!! ممكن بقى تقولي لدادي إكسلنت في الدراسة ولاّ وفي الكومبيوتر والإنترنت!!؟؟

نورمينا بعدم اهتمام : بكل حاجه مامي ! أنا عارفا مستقبلي كويس (وقامت من على الأكل )
علام : رايحة فين ؟ كملي أكلك

نورمينا : شبعت دادي

علام يستغرب ويكلم سوزي : البنت مأكلتش

سوزي بسخرية : ال دايت يا سيدي!!

علام : خدي بالك من البنت شوية سنها دا خطر أوي.. وشوفيها بتعمل إيه على النت والكومبيوتر!!

سوزي : إنت عارف إن البنت متربية كويس !!ثم إنك عايزني أراقبها ولاّ أتجسس عليها؟
علام يمسح ايده بالفوطة : وإيه المشكلة إنك تراقبيها !! إنتي أمها و مسؤولة عنها!!

سوزي بتهكم : هو أنا اللي مسؤولة عنها بس؟ أمال حضرتك فين ؟ هي بنتي لوحدي ولاّ إيه؟

علام يقوم ويتوجه لغرفة المكتب ويطلب من الشغالة فنجان قهوة !وسوزي وراه تكمل كلامها !! يقاطعها علام بحزم وجديه : إسمعي أنا مش فاضي للمهاترات دي فاهماني ؟!
أنا راجل بدير شركات بملايين !!يعني محتاج أركز بكل شيء بشغلي وأروق دماغي وبس !! أما إنتي شغلتك بيتك وبنتك !!كلامي واضح؟!!

سوزي : يعني إيه؟ جاريه عندك أنا !!أنا ست وليا كياني و احتياجاتي الخاصة (التفت لها علام وبنظرة صارمة بعيونها مباشرةً):في حاجه نقصاكي؟!
؟
؟
؟
؟
تابعوني

اه فعلا ناقصها كتير ، بس هو غبي شويتين اوعديم الاحساس .

ماهو عشان كدة انا مش بحب الرجل الزوج ،

تلاقيه إما خاين ، إما اناني ، إما غيور وخنيق ، إما سي السيد، إما ملل ، إما صوته عالى باستمرار ، إما عنده قصور في التفكير ، إ ما اهبل وعبيط ههههههههه ، نادر اووووووى لما تلاقي شخص متفهم ومتفتح وقادر يحتوى الانسانة اللى معاه من غير ما يجرحها او يجى عليها .

اكيد بتقولى انى شردت الرجالة خالص ، لكن والله انا بتكلم على الرجل الزوج فقط ، اما الصديق ، والأخ دول حاجة تانية ، وخاصة الصديق .

ههههههههههه
حبيبة قلبي لولو انا بجد مش عارفة خفة الدم دي كلها .
انا حقيقي ضحكت كتير على كلامك بس اسكتى ماتوديناش في داهيه
ماهو مافيش غنى عنهم
تعرفي ياقلبي اكيد مش كلهم كدا .. المشكله كلها تتركز في شيء واحد بس
وهو حسن الاختيار او سوء الاختيار
وبما ان المعروف والمسلم بيه ان الزواج بطيخه مقفوله
فاشربي بأه يسكر وانتى ساكته وحلوه كدا
ههههههههههههههههههه
ايوه خليها هادية كدا وابتسمي
ومهما حصل اوعى تنفعلى خاااااااااالص خليكي بارده جدا
هههههههههههههههه
ربي يسعدك ياقمري

سوزي توترت وخافت يقرا اللي جواها: لا
علام : خلاص يبقي تعملي اللي باقولك عليه !! ومن فضلك عايز أشرب القهوة لوحدي !! أنا عندي شغل أوكي !
من فضلك اقفلي الباب وراكي
خرجت سوزي ورزعت الباب وراها بعصبيه وقالت: حقير!( وعلق علام : كلكم زبالة) في حين كانت مي روحت شقتها وهي مدمرة نفسيا واتصلت على صديقتها الوحيده سما ..............................: الو سما

سما : مالك مي في إيه ؟ صوتك فيه حاجة!

مي : مخنوقة أوي

سما : من إيه يا حياتي؟ إتكلمي

مي :ماينفعش في التليفون! أنا هاجيلك! عاصم موجود؟

سما :لا في الشغل

مي : أوكي أنا جايه دلوقتي.. يل باى (وقفلت ونزلت ركبت عربيتها وراحت على بيت صاحبتها سما و......................

كانت سما إنسانه محترمة جدا و بتشتغل مدرسة لغه إنجيزية..
وعاصم جوزها دايما مشغول ! بيشتغل بالمباحث وعندهم ولد وبنت توأم لسه بسن الحضانة !
وكانوا حياتهم مستقرة بسبب رزانة سما وعقلها الكبير واحتوائها ليه! !

وهو كمان كان إنسان رزين محترم ومتفاهم جدا!لكن انشغال عاصم عنها وعن البيت بسبب عمله ممكن يتيح الفرصة لحاجات كتير خاصتا إن سما إنسانه جميلة وحساسة..........)

سما : اهلا مي

مي تسلم عليها : أخبارك إيه ؟؟

سما : مانتي عارفا عاصم مشغول جدا وانا الشغل والبيت وأهي أيام بتعدي وخلاص !!

مي : أنا قرفانه أوي من الراجل دا ! زهقت بجد !بحس إنه حيوان مش إنسان! تخيلي وهو معايا بيحتقرني!
طب لما هو مش بيحبني جابرني على الوضع دا ليه؟؟
وأنا معاه بتمنى الموت.. هيكون أهون عليا منه!!

سما بضيق : إنتي اللي وافقتي على الوضع دا من الأول ! من رأيي تسيبك منه وكفاية انحلال لحد كدا !!دوري على علاقة شريفة أفضلك!!

مي:ماقدرش أسيبه!دا جبروت عمره ما هايسبني فحالي !إنتي ماتعرفيش حاجة!

سما : إنتي مكبرة الموضوع .. إنتي مجرد سكرتيرة حلوة بيقضي معاها وقت لطيف !وصدقيني لو سيبتيه مش هاتفرقي كتير معاه !!

مي : يابنتي إفهمي !! أنا بعرفة من زمان! قبل ماشتغل عنده بالشركة!!

سما :باستغراب : نعم! إزاي بقى ؟ أول مره أسمع منك الكلام دا!!

مي : إنتي عارفا الوحدة والفراغ وكمان مافيش فلوس!
فكنت بدخل على النت أتعرف على ناس أقول يمكن
أقابل حد كويس ينتشلني من ظروفي الزفت دي!
وفعلا إتعرفت عليه كان داخل باسم مستعار
محتاج صديقة ناضجة!!
و تعرفنا وكنا بنتكلم كتير

سما : معقول !! مش ممكن ! دا رجل أعمال كبير, استحالة يكون فاضي لحاجات زي كدا!! شات ونت! ؟

مي :هه .. مايغركيش في ناس كتير لها وضعها .. وبتدخل بأسامي وهميه للتسلية والتعارف !! وفعلا كلمنا بعض كتير وكنت كل يوم استناه !كنا نتكلم بعد من 1 لبعد الفجر ونكمل على الموبيل وفهمت طباعه كويس !!

وكان بيشحنلي بمبالغ كبيرة عشان يرضني !

وفهمني إنه بيحبني ولازم أكون ليه لوحده! وماكلمش حد تاني ! ولو كلمني ولاقاني ويتنج كان يزعل أوي وعشان أرضيه كنت بعمل أي شيء !! كنت حاسة إن هو اللي هيخلصني من الفقر, و وصلت لدرجة إني.................

سما : إنك إيه؟؟؟

مي بخجل من صديقتها: إني... عبر النت

سما مش مصدقة : كمان على النت ؟؟!!)

مي : أيوة!! وطلب مني آجي أقابلة ونتجوز ولما جيت أغراني بفلوسه وهداياه وضحك عليا وقال إنه بيحبني و ميقدرش يستغنى عني!
ولما رفضت وضع العشيقة قال خلاص نفترق !وأنا كنت خلاص اتعودت عليه!!

سما بتهكم : قصدك على فلوسه

مي : يمكن!

سما مش مستوعبة : مي إنتي بتكدبي صح ! قولي إنك بتكدبي! علام مش فاضي للنت والكلام الفارغ دا !
ثم تعالي هنا أنا مكنتش فاكره انك بالرخص دا!

(بصت لها مي بدهشة ! وكملت سما بغضب): مستغربة ليه ؟أيوة إنتي رخيصة بجد!
كل الناس عندهم وقت فراغ وكل واحد جواه همومه !مش معنى كدا نلجأ للفساد ونبقى عشيقات لحد !! إيه التفاهة دي !

و تسمحي لنفسك تتكلمي بكلام خاص عبر النت! وبعد كدا تبقي عشيقة..

يا سلام ناقص إيه أكتر من كدا تقدري تقوليلي ؟!أنا كنت فاكره انك من ظروفك السيئة مُجبرة على الوضع دا ..

لكن لااااا!

للأسف إنتي اللي عايزة كدا ..ولسه فاكره تفوقي وتقولي انك بتكرهي نفسك هه! والله كويس !!

بجد يا مي أنا اتخدعت فيكي !!

مي : إنتي متجوز ة ومستقرة ماتحسيش بإحساس اللي زيي!

سما : مين قالك إن ليلي قصير وليلك طويل !!
مين قالك إني وقتي مشحون وقلبي حاسس بالأمان!! وإنتي قلبك فاضي وعندك عدم أمان ووقتك فاضي!! أنا فعلا متجوزة!!
لكن الليل عندي طويل أوي...... بيعدي تقيل وبطيء!!
دايما مش معايا !دايما مش حاسسني !
دايما مشغول عني !
حياتي حيرة وقلق وخوف !
وكمان معرضة بأي وقت أفقده!! حتي لوفكر ياخد أجازة.......؟
باله يكون مشغول!!
وتليفونات على طول!
ولو فاضي شوية يلعب مع الأولاد !! أما أنا

(تسكت بحزن بالغ وتتنهد).. في حين اللي جنبك كتير ويتمنوكِ ويتوددوا ليكي تعملي إيه لما يكون قدامك أحلي أكل ومش قادرة تمدي ايدك تاخدي منه ؟؟! تعرفي أنا عندي النت في البيت بقالي 7 سنين وبدخل كتير جدا !!بدخل مواقع علمية وعلى طبيبك الخاص, وأضرار الأدوية, الموضة, ومعلومات!! لكن أعمل شاتنج أو أدخل على مواقع مُخلة,لاا طبعا!!
الحاجات دي تقلل من شأنك حتى قدام نفسك !!

هاتعيشي نفسك شيء مش من حقك؟؟؟ أوكي!! كلها لحظات مش أكتر وتسيب ليكي بعدها ندم مالوش آخر!!!
ولعلمك؟؟؟
رغم إني بأمس الحاجة للمشاعر والأحاسيس ولو حتي وقتيه !! ماقدرش أبدا أكون غير ليه.. مهما كنت مسجونة معاه !!

مي : عندك حق بس أنا عمري ماتخيلت إنك تكوني كدا!! بالعكس شكلك إنتي وعاصم متفاهمين جدا والحب واضح أوي بينكم.....ورن موبيل مي وأول ماشافت الاسم توترت أوي (سألتها سما :مين يا مي؟؟شاورت لها مي إنها تسكت وردت : ألو أيوة ..؟
؟
؟

تابعوني

» انا من (ارجو المتابعة)
» الصمت(ارجو المتابعة)
» هل لى الحق(ارجو المتابعة)
» الحنين(ارجو المتابعة)
» بلاعنوان ارجو المتابعة والرد

** الـمـتـســول و الـمـتـعــــــة... أرجو المتابعة**

الـمـتـســول و الـمـتـعــــــة... أرجو المتابعة