تلات مقاطع لأسبوع الموت الفاتح بُقــُّه علينا

إلى عبد المنعم عواد يوسف و الوردانى ناصف و فؤاد حداد

(1)
عوَّاد

كان بصعوبه بيرفع إيده
يسلم بيها علىَّ
كان بيمد عينيه من تحت لفوق
تحدف حزمة حنيَّه
كان بيشوف الدنيا كبيره
و كان بيشوف الخلق كبار
لكن كان شايف نفسه صغيَّر
مع إنه طول الوقت
كبير
آخر مره قابلته
خــَدنى ف حضنه بْرقــَّه و شوق
مَدّ عينيه ـ كالعاده ـ لفوق
فتح الباب لكلام
كان بيننا رايح جاىّ
كل اللى اقدر اقوله عليه :
ميّت ... لكن حىّ

(2)
وردانى

قاعد ع الكنبه و قدّامه
علبة بسكوت بيوزع فيها
على حبايبه
زى الجد على الأحفاد
فرحان بالناس حواليه
سايب صوتهم يعلا
و بيفكر طول الوقت :
مين يستاهل ؟
مين الكلمه بتطلع منه
جميله و بالساهل ؟
مين أحلامه رقيقه
ف شكل و ريحة الورد ؟
كان بيدوَّر فينا
على ملامحه الخجلانه
و لا مرّهَ اتقابل ويَّاها ف حَدّ
يمكن مطرح ما فارقنا و راح
يلقى اللى ما عمر قلوبنا ادتهوله !

(3)
حداد

و حتفضل طول الوقت تهل
و حتفضل زى الشمس تطل
وحيفضل جرح بعادك
ملازمنى زى الضل
كأنه لسه جديد
و حيفضل نغمك يملا الدنيا
بريحة الفل و طعم التنهيد
الأسبوع الفايت كان أسبوع الحزن
جا لك من عند حبايبك رسولين
حسيت بسلامى معاهم ؟
حسيت نفسى الدافى
اللى انت ما شفتوش
بيجرجر صفحاته وراهم ؟
حسيت شوقى إليك ويَّاهم ؟
يا ما كان نفسى آجى لك
بس أوانى ما آنش
و حياتك يا كبير
خلى الكرسى اللى على يمينك
...... فاضى !!

وحيد وصفى
25/9/2010

أخى الرائع وحيد وصفي
بجد وحشتنا
نورت المنتدى أيها الجميل
***
البقاء لله أخى الشاعر
و رحم الله الثلاثة
لى عودة للعمل و لكنى الآن فى عجلة من أمرى
دمت بخير

عاطف الجندى كتب:: أخى الرائع وحيد وصفي
بجد وحشتنا
نورت المنتدى أيها الجميل
***
البقاء لله أخى الشاعر
و رحم الله الثلاثة
لى عودة للعمل و لكنى الآن فى عجلة من أمرى
دمت بخير

و الله يا عاطف انتم اللى واحشيننى جدا
و انا عايز اقول لك إن أقوى الشعراء
اللى لهم نشاط فى المنتديات موجودين هنا
و إن المنتدى ده خرج منه شعراء بجد

أخي الشاعر / وحيد وصفي
أحييك على هذا الوفاء .... ورحم الله الشعراء الكبار عبد المنعم عواد / الورداني ناصف / فؤاد حداد ... ولا راد لقضاء الله
محمد البهنساوي[b]

الاستاذ الشاعر\ وحيد وصفي

تحياتي لشخصك الكريم ووفائك الرائع

البقاء لله والحمد لله ولااله الا الله

الذي لايحمد علي مكروه سواه

محمد البهنساوي كتب:: أخي الشاعر / وحيد وصفي
أحييك على هذا الوفاء .... ورحم الله الشعراء الكبار عبد المنعم عواد / الورداني ناصف / فؤاد حداد ... ولا راد لقضاء الله
محمد البهنساوي

[b]عمنا محمد البهنساوى
ربنا يديم مودتك

يسري حنفي سرحه كتب:: الاستاذ الشاعر\ وحيد وصفي

تحياتي لشخصك الكريم ووفائك الرائع

البقاء لله والحمد لله ولااله الا الله

الذي لايحمد علي مكروه سواه

أخى يسرى
أشكر كريم مرورك
و طيب تعازيك

الشاعر الصديق

والأخ الأكبر / وحيد وصفي

رحم الله شعراءنا

وأسكنهم فسيح جناته

وأشكر لك وفاءك الجميل

محمد مديح

تلات مقاطع لأسبوع الموت الفاتح بُقــُّه علينا 5s479710

تلات مقاطع لأسبوع الموت الفاتح بُقــُّه علينا 57531_10

[quote="محمد مديح 1"]

الشاعر الصديق

والأخ الأكبر / وحيد وصفي

رحم الله شعرائنا

وأسكنهم فسيح جناته

وأشكر لك وفائك الجميل

محمد مديح

بما إنك حبيبى إسمح لى أغلس عليك
شعراءنا و ليس شعرائنا
وفاءك و ليس وفائك
يا إما تكتب بالعاميه و تريح نفسك

شكرا لأخلاصك ايها الرائع

والشاعر الجميل وحيد وصفى

ورحمهم الله

واسكنهم فسيح جناته

دمت بخير

الاخ الحبيب الشاعر

وحيد وصفى

وحشتنى .. ووحشنى سجايرك اللى ما تتشربش

هههههههههههههههههههههه

نورت المنتدى حبيبى والله فرحت جداّ بتلك العوده الجميله

واحييك على تلك اللفته الرائعه تجاه من تخمل اليهم كل هذا الحب

رحم الله امواتنا اجمعين ..

شرفتنا اخى وحيد وتقبل خالص مودتى وتقديرى ...

إلي الإنسـان الشـاعر
( وحيـــــد وصفــــي )
لن أقول : تثبت ( قصيدتك ) بواسطتي .

بل انحني احتراماً وتقديراً

( للقيـــم النبيلـــة والمُثــــل العليــــا )

وأنا أقول : يثبت
( الوفـــاء / العرفــــــان / الأخــلاص )

بواسطتيَ

شاعرة الشعب
زينات القليوبي

رحم الله امواتنا اجمعين ..

( لو موتنـــــــــــا بيـــــــــك حانعـــــــود )
***
رداً علي رائعة : وحيد وصفي / ثلاث مقاطع للموت !!!
***

وحيــد يامخلــص قووووي
ياأطيـــــــب الأولاااااااااااد
الموووت كوانا قووووووي
حصد الضعيف والقووووي
وبحق جاه ( القـــــــوي )
خلا قلوبنا رماااااااااااااااااد
...

وانت اللي بتحبنـــــــــــــا
لو يوم خلص عمرنــــــــا
تجرررررري تقول اسمنــا
تحيي أوااااااااااااام ذكرنــا
نرجع نعيـش جواااااااااااك
ف حكايــــــــــه للأحفااااد
...

أغلي ( الحبايب ) هنـا ؟!
(عــــــــواد ) حكايته هنا
( ورداني ناصف ) هنــــا
وانا ياابني .. بكره ( هنا )
هاديــــــــــــه ومطمنـــــــه
بيك .. اللي ( ميت ) عااااد
...

عرفاك ياواد حــــــــزّان ؟
مايموتش فيك .. إنســــــان
أول ما أموت ياوحيـــــــــد
حاتلم كل .. حفيـــــــد !!!
وتعيد ياواد .. وتزيـــــــــد
دايماً ف كل معاااااااااااد !
...

وتقول : دي ماما زينــات
كانت تقول ياولاد .....؟!!
وحاتحكي عنّي كتيييييييييير
وآلقي الحكاوي تطييييييييير
تخطفني م الأموااااااااااات
وألقي زمانـــي اتعااااد !!!
...

طول م ( الوفـــــا ) موجود
لو موتنـــــــا بيك حانعــــــود
ماهو أنت ( ياابن الجــود )
لو ( حد ) فيك بيموووووت
كـــــان مااااااااااااااااااااااات
( فــــــــــؤاد حـــــــداد )
!!!

دمت
( للوفـــــــاء )

ماما

زينات القليوبي

ما أجمل ان يبقي الاموات احياء في دواخلنا .. يرحلون بعيدا بعيدا بالاجسام ..ولكنهم يعيشون قريبا قريبا في قلوب محبيهم .. قد اكون لم التق شخصيا بالراحلين الثلاثة ..ولكني اراهم الان في ابداعك ..لقد عاشوا ورايتهم يوم ان رحلوا

أحيي فيك الوفاء والاخلاص ايها الشاعر الكبير الاستاذ وحيد وصفي

اللهم ارحمهم ا وأغفر لهم وأرحمنا اذا صرنا الى ما صاروا اليه

الشاعرة عزة الزرقانى كتب:: شكرا لأخلاصك ايها الرائع

والشاعر الجميل وحيد وصفى

ورحمهم الله

واسكنهم فسيح جناته

دمت بخير

تعيشى يا وزه و تدوم الأخوه

عادل عوض سند كتب:: الاخ الحبيب الشاعر

وحيد وصفى

وحشتنى .. ووحشنى سجايرك اللى ما تتشربش

هههههههههههههههههههههه

نورت المنتدى حبيبى والله فرحت جداّ بتلك العوده الجميله

واحييك على تلك اللفته الرائعه تجاه من تخمل اليهم كل هذا الحب

رحم الله امواتنا اجمعين ..

شرفتنا اخى وحيد وتقبل خالص مودتى وتقديرى ...

بصرف النظر عن أسباب الانقطاع أو أسباب العودة
أنا لقيت اننا عمالين نتفرفط زى حبات السبحه المقطوعه
و لقيت ان الدفا الوحيد فى الدنيا هو اننا نتلم فى حضن
بعض حتى الواحد يموت و هو مطمئن

د /صلاح طاهر كتب:: رحم الله امواتنا اجمعين ..

و أحياؤنا قبلهم أخى صلاح
فمن يدرى بالأحوج للرحمة

زينات القليوبي كتب:: ( لو موتنـــــــــــا بيـــــــــك حانعـــــــود )
***
رداً علي رائعة : وحيد وصفي / ثلاث مقاطع للموت !!!
***

وحيــد يامخلــص قووووي
ياأطيـــــــب الأولاااااااااااد
الموووت كوانا قووووووي
حصد الضعيف والقووووي
وبحق جاه ( القـــــــوي )
خلا قلوبنا رماااااااااااااااااد
...

وانت اللي بتحبنـــــــــــــا
لو يوم خلص عمرنــــــــا
تجرررررري تقول اسمنــا
تحيي أوااااااااااااام ذكرنــا
نرجع نعيـش جواااااااااااك
ف حكايــــــــــه للأحفااااد
...

أغلي ( الحبايب ) هنـا ؟!
(عــــــــواد ) حكايته هنا
( ورداني ناصف ) هنــــا
وانا ياابني .. بكره ( هنا )
هاديــــــــــــه ومطمنـــــــه
بيك .. اللي ( ميت ) عااااد
...

عرفاك ياواد حــــــــزّان ؟
مايموتش فيك .. إنســــــان
أول ما أموت ياوحيـــــــــد
حاتلم كل .. حفيـــــــد !!!
وتعيد ياواد .. وتزيـــــــــد
دايماً ف كل معاااااااااااد !
...

وتقول : دي ماما زينــات
كانت تقول ياولاد .....؟!!
وحاتحكي عنّي كتيييييييييير
وآلقي الحكاوي تطييييييييير
تخطفني م الأموااااااااااات
وألقي زمانـــي اتعااااد !!!
...

طول م ( الوفـــــا ) موجود
لو موتنـــــــا بيك حانعــــــود
ماهو أنت ( ياابن الجــود )
لو ( حد ) فيك بيموووووت
كـــــان مااااااااااااااااااااااات
( فــــــــــؤاد حـــــــداد )
!!!

دمت
( للوفـــــــاء )

ماما

زينات القليوبي

[size=24

]مكسوفه ليه يا دموع
محتاره ليه ياعين
لو كان لمَيِّت رجوع
يبقى طريقه منين[/size]
.....................
مليون بعد الشر عنك يا زينه
و ربنا يجعل يومى قبل يومك
لأن الدنيا من غيرك حتبقى حاجه تقرف

محمود جمعة كتب:: ما أجمل ان يبقي الاموات احياء في دواخلنا .. يرحلون بعيدا بعيدا بالاجسام ..ولكنهم يعيشون قريبا قريبا في قلوب محبيهم .. قد اكون لم التق شخصيا بالراحلين الثلاثة ..ولكني اراهم الان في ابداعك ..لقد عاشوا ورايتهم يوم ان رحلوا

أحيي فيك الوفاء والاخلاص ايها الشاعر الكبير الاستاذ وحيد وصفي

اللهم ارحمهم ا وأغفر لهم وأرحمنا اذا صرنا الى ما صاروا اليه

آمين آمين

وحيد وصفى كتب:

عادل عوض سند كتب:: الاخ الحبيب الشاعر

وحيد وصفى

وحشتنى .. ووحشنى سجايرك اللى ما تتشربش

هههههههههههههههههههههه

نورت المنتدى حبيبى والله فرحت جداّ بتلك العوده الجميله

واحييك على تلك اللفته الرائعه تجاه من تخمل اليهم كل هذا الحب

رحم الله امواتنا اجمعين ..

شرفتنا اخى وحيد وتقبل خالص مودتى وتقديرى ...

بصرف النظر عن أسباب الانقطاع أو أسباب العودة
أنا لقيت اننا عمالين نتفرفط زى حبات السبحه المقطوعه
و لقيت ان الدفا الوحيد فى الدنيا هو اننا نتلم فى حضن
بعض حتى الواحد يموت و هو مطمئن

ربنا يجمعنا على الخير

ولا ينقص منا احد

اللهم آمين ....

أخي وحيد
و كأن هذا العام بيخطف الأحباب
و يفرق الأصحاب
و عدى بقية العام على خير
رحم الله الثلاثة و ألحقنا بهم فى دار النعيم
و بالنسبة للقصيدة
حقيقة لقد استطعت أن تجلس الثلاثة على مائدة واحدة
هى مائدة الشعر بالفصيح أو بالعامي و تخرج من كل واحد منهم
أشياء حميمية جدا و ربما كان قربك و معايشتك
للراحلين ( عبد المنعم و الوردانى ) من أحداث و مواقف
بها الحميمية الصادقة و الاتكاء على اللحم و الدم
أما بالنسبة لفؤاد حداد فهو الأستاذ و الذى ربما لم تجتمع معه فى لقاء
فجاء العمل يعتمد على صورة بعيدة و كاميرا تلتقط الظاهر بعكس
الأول و الثانى فهى وضحت تفاصيل دقيقة ربما تمر على الكثيرين منا
دون التفات
أحييك أيها الرائع و حقيقى كلامك عن سبب عودتك و رد الأخوة عليك
و قصيدة الكبيرة زينات القليوبي فقد جعلونى فى مشاعر متضاربة بين الفرح و الحزن
و الأكيد بأننا - بتجمعنا - فى أياد ٍ أمينة فمن سيحس بالشاعر سوى شاعر مثله
دمت أخا و دمتم أخوة لي

[quote="عادل عوض سند"][quote="وحيد وصفى"]

عادل عوض سند كتب:: الاخ

ربنا يجمعنا على الخير

ولا ينقص منا احد

اللهم آمين ....

يا رب يا عادل ... يا رب

عاطف الجندى كتب:: أخي وحيد
و كأن هذا العام بيخطف الأحباب
و يفرق الأصحاب
و عدى بقية العام على خير
رحم الله الثلاثة و ألحقنا بهم فى دار النعيم
و بالنسبة للقصيدة
حقيقة لقد استطعت أن تجلس الثلاثة على مائدة واحدة
هى مائدة الشعر بالفصيح أو بالعامي و تخرج من كل واحد منهم
أشياء حميمية جدا و ربما كان قربك و معايشتك
للراحلين ( عبد المنعم و الوردانى ) من أحداث و مواقف
بها الحميمية الصادقة و الاتكاء على اللحم و الدم
أما بالنسبة لفؤاد حداد فهو الأستاذ و الذى ربما لم تجتمع معه فى لقاء
فجاء العمل يعتمد على صورة بعيدة و كاميرا تلتقط الظاهر بعكس
الأول و الثانى فهى وضحت تفاصيل دقيقة ربما تمر على الكثيرين منا
دون التفات
أحييك أيها الرائع و حقيقى كلامك عن سبب عودتك و رد الأخوة عليك
و قصيدة الكبيرة زينات القليوبي فقد جعلونى فى مشاعر متضاربة بين الفرح و الحزن
و الأكيد بأننا - بتجمعنا - فى أياد ٍ أمينة فمن سيحس بالشاعر سوى شاعر مثله
دمت أخا و دمتم أخوة لي

و لا عمره كان فيه فرق بين عامى و فصيح
الكل شعراء
أما عن فؤاد حداد
فهو الغالى الذى لا أنساه
و لا أنسى لقاءين جمعانى به
فنصحنى فى كل لقاء نصيحة
و النتيجة
نصيحتان صنعتا منى شاعرا
لذلك أشعر عندما يرحل شاعر أنى يجب أن أرسل معه تحية للعظيم
فؤاد حداد
و أما عن الانقطاع و العودة
فأنا نسيت كل شىء
و لم أعد أذكر غير أنى أحبكم جميعا

رحمة الله على الجميع
و بارك الله فيكم
و رربنا يجعلها آخر الأحزان

» تلات وردات قصيدة للشاعر محمد أبو زيد الاسيوطي
» ضحكو علينا
» تلات تصاريح
» تلات عصافير
» ليه مكتوب علينا