ليه مكتوب علينا

ليه مكتوب علينا
ليه مكتوب علينا نعيش متشتتين
نعيش متوترين
نتوه جوه بيوتنا ال فيها ساكنين
ونغرق فى بحورنا ال ركبنا مراكبها
ونعيش جوه بلد
مش عرفين مين صاحبها
بلد مكتوب عليها
ترضى بنصيبها
ماهو الاحسن ترضى
بدل ما نخربها
ليه مكتوب علينا
منفرحش فى لمه
ونعيش دايما فى ضلمه
وال بنقدر نعمله نصرخ ونقول
مالك يادنيا دايما علينا ظالمه
مالها الدنيا ومالنا
هى ال سرقت مالنا؟
هى ال قتلت عيالنا؟
هى ال باعت ارضنا؟
هى ال خانت عهدنا؟
هى ال حرمتنا من اغلى مالنا؟
من كرامتنا..من فرحتنا...من اسره وصحبه ولمتنا؟
ليه مكتوب علينا
نعيش مستنيين حزن وهم وانين
ماتيجوا نغير طريقتناونرسم صوره لسكتنا
صورة لضحكتنا
صوره للمتنا
انا نفسى نرجع تانى نتلم ف حتتنا
يوم الخميس ..... يوم الخميس شارعنا كان كله بيتجمعوالكبير يتكلم والصغير يسمع ولما حد يحكى حاجه وحشه حصلتله العيون تدمع
وال مخنوق من المعيشه تتلملوا قوام فلوس
والكل ليه يدفع
يكفيكوا شر الفرقه
نار
ألم
حرقه
ولا لما تكون جنازه
كله ياخد قوام اجازه
كات حياه حلوه وجميله
كات جميله اه بلذاذه
كله راح لما فرقونا
كله راح لما شتتونا
كل حاجه حلوه زمنها ولى
وال باقى هم عنى عمره يوم ما تخلى
ليه مكتوب علينا يابلد
ياال مات فيكى الشهيد
علشان نعيش عهد جديد
مش عشان السرقه تكتر
والرئيس يبقى جديد
لا عشان تبقى تانى يد واحده
تبقى جامده وكل واحد فيكى
يبقى ليكى ايد حديد
لكى الله يا مصر
عبدالتواب صبحى الرفاعى

أخى عبد التواب
أحجز مقعدى أولا
و لى عودة إن شاء الله
مودتي

اشكر الاستاذ عاطف الجندى
ومقعدك داخل قلوبنا

دائما نقدك يهمنى
حتى ولو كان بالسلب
تحياتى