مساجله / العيد بيفوت والجيب ما فيهوش

[quote="محمود جمعة"]

عادل عوض سند كتب:

محمود جمعة كتب:

[color=indigo]

رشا فؤاد كتب:: كلامكم بيصرخ على كل عادى

وإحنا فى سلامنا وهو اللى بادى

يجرح ورافض نعيش الأمان

وفارض قراره وتبصم أيادى

[size=24]

ايادي بتبصم عشان مصلحتها

تبصم وتنهب ف بلدي وعافيتها

واما مصالحي وسرب الذباب

فأوعي تجيب للي باصم سيرتها

بتبصم وتحلف تبيع البلاد

وشالوا ف { كتابنا } آيات الجهاد

وننطق نلاقى حديدها ف إيدينا

وتضحك ويضحك { كوهين } اللى عاد

[center]
كوهين يا بن بلدي أكيد العوبان

أخد من بلدنا طاقية وحصان

وغير ف اسمة واسم العيال

واصبح خليفة وحامي المكان

كوهين بيننا يا ابنى ودعّم مكانه

وقوى فى شوكته وعملق كيانه

واحنا اللى جنبه صبحنا الغلابه

ومين اللى جابهم ؟؟ ومين اللى خانوا ؟؟

طاهر الصوفاني كتب:: بكلم في روحي وماشي بهطرش
بهرتل والخبط وبضرب لاوندي
يجيلك في راسك وعينك يابطرس
يبيعك نظيفنا لتوباك أو ياوندي

وتبقي فضحتكم يابعده بجلاجل
وازغرط واحنجل عليكوا بحناجل
وتشهد عليكم يوميها الخلايق
واسلل لموتكم جميع المناجل

جيوبي بتصرخ تطلع لسانها
انادي عليها تدلدل ودنها
قميصي اشتكاني لحدت شرابي
يشابي لجزمه لازمني بدالها

غتوني الحقوني بفرفر بموت
بعت الحديده ورهنت التابوت
ضريبه ونهيبه وجبايه ماتكفي
ماكفا العصابه خراب البيوت

لو تسمحلي بقي ياعمنا اني ابقي اضيف علي كلامي كلام

اهو يمكن استفيد في اخر المساجله بشئ منه

استغلال بقي

ههههههههه

مرتب يادوبك يكفى بصعوبه

ويخصم ضرايب مع كل نوبه

ولسه دا بكره المصيبه حا تكبر

ضريبة المبانى على كل طوبه

**************

يا عم ولايهمك استغل زى ما انت عايز

هههههههههههههههههههههههههه

طارق منيب كتب:: زمان كنا نلعب بكرة شراب

وتطير طيارتنا فوق السحاب

ولو قضيناه حتى جوة خرابة

مفيش بنا نغمة حزن وكآبة

زمان كنا نرفي في البنطلون

ونعجن عجينا بكل الفنون

وفي الفرن كنا نقف الطابور

ونصبر وكله لعيدنا يهون

يا اهلاّ يا روقه بطلعة جنابك

وادخل وشرّف مجالس صحابك

وابعد عن اللى مايوعى يعيّد

لتلقى حبايبه بتخبط فى بابك

محمود جمعة كتب:

طارق منيب كتب:: زمان كنا نلعب بكرة شراب

وتطير طيارتنا فوق السحاب

ولو قضيناه حتى جوة خرابة

مفيش بنا نغمة حزن وكآبة

زمان كنا نرفي في البنطلون

ونعجن عجينا بكل الفنون

وففي الفرن كنا نقف الطابور

ونصبر وكله لعيدنا يهون

زمان راح يا طارق بكل الجمال

كان عند ابويا كتير من العيال

سبعة ف مدارس دا غير امهم

مرتب صغير ولكن يكفي لانه حلال

حلالنا ما ينفع يا حوده ف جواره

واسعارنا نارها دى غطت ف ناره

وهوه يصيّف فى كابرى وفينيسيا

حريقه تولع فى اهله وداره

وداد الهوارى كتب:: [color:9d6f=blue
رفــــــــــــعنا البطولة شـــــــــــعار الرغـــــــــــــيف

لا كــــــــــعك ف صــــــــوانى ، لا ترمــــس لضـيف

ولا بونبونايـــــــــــــــة لـــــــــــــعَّيل ف عـــــــــــــيد

يصـــــــــــَّرخ ويـدعـــــــــى على ابن النـــــــــضيـف

كل عام وأنتم بكل خـــــــــــير مهما يكون العيد ........ برضه عـــــــــيد

وداد الهـــــــــــــــــوارى
[/b]

دا عيدنا ممرر بفرض الضرايب

وكل اللى واخده مرتب وخايب

ولسه حا يفرض ضريبه جديده

على كل شعره ف راس اللى شايب

نورتى المساجله يا ست الكل

مرحباّ بعودتك ..

الشاعرة عزة الزرقانى كتب:: العيد جه

ومعيدناش

ونعيد فين

إذا كان معاناش

ولا لقمه هنيه

ولا حاجه بلاش

ورغيف العيش زى القشاش

لم اللى ف جيبنا

علشان حناش

بيبعه بنص جنيه يابلاش

بالذمه دى دنيا

ولاحتى حياه

ممكن تتعاش

وياما حا نشرب مادام اتخرسنا

وقربه بتنشح غلاهم فى راسنا

وبكره رغيفنا حا يصبح علامه

ويرفع فى سعره بظلمه اللى داسنا

مني سليمان كتب:: يشحتف حياتك يا بطرس يا غالى
هههههههههههههههههه
الرائع
أستاذ عادل عوض سند
منتهى الجمال وخفة الظل
مش معايا إننا دعينا كتير وربنا مش بيستجيب
تفتكر بيحاسبنا على ذنب إرتكبناه وناسيين
والا عايز يخلص ذنوبنا وندخل الجنة من غير ملحق
تحياتى لإبداعك الغير مسبوق

عارفه يا منى ربنا مش بيستجيب لنا ليه ؟؟؟

علشان احنا حبينا المهانه . وبعدنا عن سكة الله

وسنة نبيّه عليه الصلاة والسلام .

وخرس اللسان عن الحق واصبحنا نخاف .

وكل دى اسباب تكفى لإبادة امه كامله .

لنا الله . ويمكن لما ندعى تانى ربنا يستجاب

ادعى معانا بس بإخلاص .

ههههههههههههههههههههههههههههه

محمود جمعة كتب:

وداد الهوارى كتب:: [color:d7d0=blue
رفــــــــــــعنا البطولة شـــــــــــعار الرغـــــــــــــيف

لا كــــــــــعك ف صــــــــوانى ، لا ترمــــس لضـيف

ولا بونبونايـــــــــــــــة لـــــــــــــعَّيل ف عـــــــــــــيد

يصـــــــــــَّرخ ويـدعـــــــــى على ابن النـــــــــضيـف

كل عام وأنتم بكل خـــــــــــير مهما يكون العيد ........ برضه عـــــــــيد

وداد الهـــــــــــــــــوارى
[/b]

كله بيدعي ومفيش اي فايدة

جالهم شيطانهم بكارت المعايدة

بقكرة خبيثة ما تخطر لحد

يلغو العيدين ..وبطل معانده

[/center]

[center] دا همّا حا يلغوا كمان المواسم

وبطرس حا يفرض قراره اللى حاسم

على اللى حايطبخ بلحمه لعياله

ضرايب جديده لمواطن { وداسم }

رشا فؤاد كتب:: يا عيدنا واخدنا لفين فى الحكاية

وأمتى النهاية عاتعزف بدايه

بدايه شروق الأمان جوه جوفنا

ساعتها السعادة هاتبقلنا غايه

سعاده وبطرس وزير الماليه ؟؟؟

ما اظنش يا روشا تصدق عنيا

دا راجل حقودى وكاره لبلدى

ورافع قانون الضرايب عليّا

رشا فؤاد كتب:: كتب الشاعر الكبير محمود جمعة

اسود عليهم بأذن الاله

وكل اللى جاوز بظلمه مداه

حيدفع بعمره لمصر التمن

وجوه الزنازن يصلح قفاه

معاك فى الحكاية سوادهم يزيد

وأمتى هايخلص عشان نستفيد

رجوع المحبه فى ضحكة زمان

ونلحق نعيش الحياه من جديد

نعيشها دا لو قالوا بطرس دا مات

حا فرق جوافه وانصب رايات

وعيدنا حا يرجع يعيّد علينا

وننسى ومان السواد اللى فات

رشا فؤاد كتب:: يا مصر يا غاليه تدمع عينينا

عليكى فى حالنا وأمتى تغتينا

فى لحظة وجود الظلام بيحاوطنا

ونلقلى أيديكى فى أيدينا تنادينا

دى نامت بقالها قرون م الزمان

وضاع فيها ذاتنا وضاع الامان

وبطرس بيضحك ورافع عصايته

وباعت يقولك ولسّه كمان

ولسه كمان مدارسنا طاله
بدروس ومواجع على دماغنا حاله

ربى يصبر ويمن بهداة
دا احنا غلابة مالينا سواه

عاطف الجندى كتب:: عيدنا اللى عدى مفهوشي جديد
و لا لبس جبنا و لا كان سعيد
طالاما النضافة مصاحبة جيوبنا
هنفضل .. و خوفى يبيعوا الحديد !
***

ولسّه ياصاحبى دا بكره تشوف

حا يفرض ضرايب عاللى يجيب خروف

وعالفروه برضه حا يفرض ضرايب

دا عا للى يعوزها فى سوء الظروف

[quote="محمد البسيونى"]

عادل عوض سند كتب:: غيتونى يا أهلى وبا صرخ يا ناسى

جيوبى اللى فاضيه . ومنهم بقاسى

حكومة { نظيفنا } ما عمره نصفنا

وعيدنا اللى عدّى رهنت ف مداسى

راح أدعى لربى وأشكى له حالى

ورايا تأمم مراتى وعيالى

وبرفع إيديّه .. ودمعى ف عنيّه

يشحتف حياتك يا بطرس يا غالى
[

/quote]

نظيفنا اللى نظف جيوبنا ياعادل !؟

وبطرس ضرايبه قضت عاللى فاضل !؟

بترهن مداسك .. وتشكى لناسك

ماتحفظ لسانك .. وتسكت ياراجل

ماتسكت وسيبنا نقاسى الل بينَا

شويه .. وعيد تانى داخل علينا

وحتزيد همومك ..و ترهن هدومك

وعيدنا وعيدك ح يبقى ف ( مارينا )

ياخوفى ليبقى ليمانهم دا عيدنا

ماهوّه مصيرنا ما اصبح فى إيدنا

وبطرس حا يفرح ويشمت فى اهلى

ويفرض ضريبه جديده { لحديدنا }

الغامض كتب:: هههههههههه والله هو دا الحال يا بونا

ههههههههههههههههههههه

وانت شايفنى قسيس ولاّ إيه ؟؟؟؟؟؟؟؟؟

عموماّ شرفنى مرورك وأهلاّ وسهلاّ بك ..

الشاعرة عزة الزرقانى كتب:: عيدنا ولا معيدناش

راح تفرق أيه

أهى ماشيه الدنيا

و مبتهداش

تتعطل ليه

مش فيه غيرك

مليون بيه

ومعاهم ماشيه

وعال العال

وحساب شغال

عاطل شغال

ولا شاغل البال

والحال بقى عال

طب عايزين ايه

أدي له جنيه

وانا أكُل ب ايه

ياعزه دى عينهم علينا بحساب

وعينهم ما يملاها حتى التراب

جشعهم حايقضى على شعب كامل

{ وكامل } حياته بقيتها عذاب

محمود جمعة كتب:

عاطف الجندى كتب:: عيدنا اللى عدى مفهوشي جديد
و لا لبس جبنا و لا كان سعيد
طالاما النضافة مصاحبة جيوبنا
هنفضل .. و خوفى يبيعوا الحديد !
***

عيد عند بطرس وعز ونظيف

وعييدنا أحنا في فصل الخريف

لا تلبس ..لا تخرج ..ولا تبتسم

بلاش كحك حتي وعيد خفيف

نعيّد وجيبنا ما فيهش الفلوس

ولا كحك بيتى ولافيه غموس

وبطرس حا يعمل بطاقه جديده

ويصرف فراخنا فى هيئة لبوس

محمود جمعة كتب:

رشا فؤاد كتب:: يا عيدنا واخدنا لفين فى الحكاية

وأمتى النهاية عاتعزف بدايه

بدايه شروق الأمان جوه جوفنا

ساعتها السعادة هاتبقلنا غايه

سعادة وفيها الوحوش والديابة ؟؟

دا فاضل يصادروا المطر ف السحابه

وياخدوا ضرايب على كل نجمة

حتدفع والا ؟؟حدفع وحسكت. .أخر خيابه

بنودهم كتيره واحنا الضحيّه

وخوفى ليعمل ضريبه عفيّه

وجوه المراحض يوقّف رجاله

وياخد ضريبه على { ش ...} ليّه

************

مراحض / مراحيض

محمود جمعة كتب:

رشا فؤاد كتب:: كتب الشاعر الكبير محمود جمعة

اسود عليهم بأذن الاله

وكل اللى جاوز بظلمه مداه

حيدفع بعمره لمصر التمن

وجوه الزنازن يصلح قفاه

معاك فى الحكاية سوادهم يزيد

وأمتى هايخلص عشان نستفيد

رجوع المحبه فى ضحكة زمان

ونلحق نعيش الحياه من جديد

سواد القلوب مش حيخلص يا بنتي

حيفضل يعكر ف بحري وسفينتي

لازم نمد الايادي العويلة

نشيل كل مجرم معطل مسيرتي

تشيل كل مجرم !! وكيف راح تشيله ؟؟

ولو شلته جابوا . لمجرم بديلُه

فى اول وآخر مافيش فايده يا ابنى

معايا ادعى ياللا بداهيه تجيله

رشا فؤاد كتب:: يا لهوى يصادروا المطر ف السحابة

وتصبح حياتنا ملوك للديابة

تقرقش عضامنا تفلس جيوبنا

ف لحظة عذابنا عشان م الغلابة

ولسه حا يعمل ضريبة الولاده

وعاللى حا يدخل لأقرب عياده

وعاللى يفكر لو يستحمى

وينوى يقضّى { لحيظات } سعاده

رشا فؤاد كتب:: وعيدك ف عيدى هانبقى مارينا

دا أمتى هانلبس فى توب الأميرة

قرارهم قررنا عليه مرغمين

ف ريش النعام هما نفرش حصيرة

[b]حا يفرض ضريبه لمن له حماره

ويفرش حصيره قصاد العماره

ونفسه يشوفنا بنمشى وعرايا

ونربط { لب....} بحتة دوباره
[/b]

بسمة الورد كتب:: ولسه كمان مدارسنا طاله
بدروس ومواجع على دماغنا حاله

ربى يصبر ويمن بهداة
دا احنا غلابة مالينا سواه

مدارس وجايه واخونا الوزير

مطنّش مريّح دماغه الكبير

عياله بتاكل دنادى بصنوبر

واحنا عيالنا بتمضغ شعير

عيالنا صبورة واحنا كمان
بنسمع كلام الوزير الهمام

نقول اهى ايام وهتعدى علينا

زى غيرها ماعدت تمام

عادل عوض سند كتب:

محمود جمعة كتب:

وداد الهوارى كتب:: [color:e42f=blue
رفــــــــــــعنا البطولة شـــــــــــعار الرغـــــــــــــيف

لا كــــــــــعك ف صــــــــوانى ، لا ترمــــس لضـيف

ولا بونبونايـــــــــــــــة لـــــــــــــعَّيل ف عـــــــــــــيد

يصـــــــــــَّرخ ويـدعـــــــــى على ابن النـــــــــضيـف

كل عام وأنتم بكل خـــــــــــير مهما يكون العيد ........ برضه عـــــــــيد

وداد الهـــــــــــــــــوارى
[/b]

كله بيدعي ومفيش اي فايدة

جالهم شيطانهم بكارت المعايدة

بقكرة خبيثة ما تخطر لحد

يلغو العيدين ..وبطل معانده

[/center]

[center] دا همّا حا يلغوا كمان المواسم

وبطرس حا يفرض قراره اللى حاسم

على اللى حايطبخ بلحمه لعياله

ضرايب جديده لمواطن { وداسم }

حتفرق كتير لو بتطبخ كوارع

حيفرض ضرايب على كل كارع

ولو فتة بلدي ياولينا يا عادل

حنقلع هدومنا ..ننام ف الشوارع

رشا فؤاد كتب:: وعيدك ف عيدى هانبقى مارينا

دا أمتى هانلبس فى توب الأميرة

قرارهم قررنا عليه مرغمين

ف ريش النعام هما نفرش حصيرة

ما بعنا الحصيرة يا بنتي العزيزة

نسدد لبطرس ضرايب عزيزة

عزيزة دي تبقي الجاموسة اللى حيلتي

بتدفع ضرايب الف وبريزة

» مساجلة عن الكُره هل من مشترك ؟
» مساجلة فى حب مصر أجمل العرايس
» مساجله فى حب مصر
» مساجله فى حب المصطفى سيد الخلق اجمعين
» مساجله لشباب ثوره 25 يناير