مساجله / العيد بيفوت والجيب ما فيهوش

محمود جمعة كتب:

محمد البسيونى كتب:: بنرجع .. لديك السواحل ياجمعه
بيشكى لنا جيبه ولا ودن سامعه !
وسوق الخضار اللى شعلل ولهلب
ومين راح يطفِّى لنا ناره اللى والعه!؟

أدارة مطافي سوق الخضار

حتعمل مناقصة لهذا الحوار

سعادة (مولع بيه اللهيبي )

مدير الادارة حيطفي النهار

ده عايزه مطافى يجيبها أوباما

وتبعت بلاده معونة الندامه

تاخدها لصوصنا على بنوك سويسرا

واحنا ما زلنا نعانى { السخامه }

********************

مع الإعتذار لحبيبى عاطف عاشور

محمود جمعة كتب:

عاطف عاشور كتب:: [/b][/center]

ديك السواحل وعمال يصيح
ومين ف البلدى بيسمع صحيح
ومين اللى فاضي لقولى وقولك
وشيزلونج توتو ف مرينا مريح[/size]

مارينا وناسها وفلوسها الزكايب

وتوتو يا عاطف بتعمل عجايب

تنسي اللى فاكر بسرعة ضميره

فيرجع يقولك ضمير اية يا خايب

مارينا جميله وبنت اللذينا
واخدانى دايما لهايفة ودينا
وآه لو أبلبط ف شرم بلذاذا
وأشرب قزازا ...رح اضرب سرينه

[/quote]

حتدفع ضرايب عشان شفت هايفة

وتدفع ضرايب لدينا اللى شايفة

بأنك بتلعب يا حلو عليها

وتدفع ضرايب عشان هي خايفة

[/quote]

وتدفع ضرايب على حلم بيها

وياخدوا فلوسك تملس عليها

ولو يعنى عايز تزود شويه

ها ترهن عيالك وتلمس إيديها

محمد البسيونى كتب:: [b]لإمتى ياجمعه ح نفضل نهاتى

ونشكى لبعض الهموم دى ليلاتى

وأسعار تولع .. ولا فيه مطافى

بتوقف نموالحرايق يوماتى[/b]

طماطم بعشره وكوسه بسته

وفرخه بجيبها بواسطة روشته

ولحمه بشوفها وارفع إيديه

وادفع مرتب واطول منها حتّه

محمود جمعة كتب:

محمد البسيونى كتب:: [b]لإمتى ياجمعه ح نفضل نهاتى

ونشكى لبعض الهموم دى ليلاتى

وأسعار تولع .. ولا فيه مطافى

بتوقف نموالحرايق يوماتى[/b]

يا أستاذ محمد يا غالي عليا

بلادنا هربت خلاص من ايديا

ووصلت ايدين اللى ما بيرحموش

يطفوها لية ماهم قادوها عمدا وفيا

بلادنا بتغرق ومش لاقيه مرسى

وجوه المشاكل بلاقيها تارسه

نخبّط ونقتل فى بعض بإيدينا

وهما بدماغهم حا توصل لكارثه

عاطف عاشور كتب:: شروقن ما هيجيش كدا بالكلام
ولا بعلو صوتنا ونرجع ننام
شروقنا عاوز وقفة جامدة بصحيص
وحرب الفساد الى زى الزكام

ففوقي يا مصر وكفاياكى نوم
غرقنا ف فسادك وبحر المشوم
كفاية تفاهة وهيافة شباب
قربت منهم أشـــق الهدوم

خساره هدومك وخليها ساتره

شبابنا اللى ضايع بإيدهم وقادره

إيديهم تضيع بناتنا الكوامل

وإعلامنا اصبح كرقاصه فاجره

محمد البسيونى كتب:: بقلبى بسبح بحمد الأله

وبدعى يخفف بعونه البلاء

ويرفع عشانك يامصر الكوارث

عن الشعب داخل كهوف العناء

وإيدى فى إيدَك .. وبادعى معاك

يعزَّه لبلدنا .. وماتشوف هلاك

وياكلوا فى رومى يوماتى .. (حبايبك)

ونرضى ان سابوا لنا احنا حتى الوراك !

بتحلم وحلمك دا حقك تعيشه

وقصرك بتسند حيطانه بهيشه

وعايز يسيبوا لجنابك وراكه

وعيشك وملحك ما تحلم بريشه

محمد البسيونى كتب:: الأستاذ عادل كتب :

داعينا ورفعنا إيدينا لفوق

واحنا ف مذلّه ولزماّ نفوق

ونرجع لربى وسُنّة نبينا

نحرر رقابنا من كل طوق

ح نرجع لربى .. وسُنِّة نبينا

وندعى .. يحنِّن قلوبهم علينا

ويقصف فى عمر اللى يكره بلدنا

ويرفع كمان البلاء اللى فينا !

واحلف ما حدش بيبكى علينا

ولاحد حاسس بدمعة عنينا

واحنا الضحايا بنحلم بعدله

وهوه اللى عالم عباده وبينا

محمد البسيونى كتب:: الأستاذ عاطف عاشور كتب :

شروقنا ما هيجيش كدا بالكلام
ولا بعلو صوتنا ونرجع ننام
شروقنا عاوز وقفة جامدة بصحيح
وحرب الفساد اللى زى الزكام

ففوقي يا مصر وكفاياكى نوم
غرقنا ف فسادك وبحر المشوم
كفاية تفاهة وهيافة شباب
قربت منهم أشـــق الهدوم

معاك فى الكلام دا ومش رايح الومك
عشان الهيافه .. تشق ف هدومك
لكن مصر مالها..ياناس ارحموها
دى صابره وشايله همومى وهمومك

_____________

_____________

ما اظنش بتحمل همومنا اللى كافيه

واوعى تقول لى دى مصر اللى شافيه

مرضنا اللى عايش سنينه معانا

بطوننا اللى فاضيه ورجلينا حافيه

مارينا دى هايصه فى عالم عجيب

ولا حسه بينا وفينا الغريب

بياكل وينهش ف قوتنا اللى فاضل

يطير فى المرتب ف قرشى الرهيب

طلبنا ف أفيشنا زيادة مرتب

عشان المطالب نجيبها ونرتب

وقاريين أفيشنا وفيه مطنشين

ورافضين سعادة لحالنا المعطب

حرب الفساد اللى زى الزكام

بتدمن حياتنا تقولك بكام

وكام حته فينا بترفض زكامها

عشان عارفة إن السلام ليه مكان

مسيرها هاتحمل همومنا وتشفى

دى مصر الحنونة أصيلة وتكفى

كتير م الغلابة اللى دايسيين ترابها

بيتمونوا لحظه ف خيرها وهتدى

وداد الهوارى كتب:

[center][b]

محمد البسيونى كتب:

الأستاذ عادل كتب :

داعينا ورفعنا إيدينا لفوق

واحنا ف مذلّه ولزماّ نفوق

ونرجع لربى وسُنّة نبينا

نحرر رقابنا من كل طوق

[b]
ح نرجع لربى .. وسُنِّة نبينا

وندعى .. يحنِّن قلوبهم علينا

ويقصف فى عمر اللى يكره بلدنا

ويرفع كمان البلاء اللى فينا !

دعـــينا ، وبكــــــينا يارب إنت حـىَّ

تعــــبنا وقاســــــينا ســنين مالها زيّ

عـيالنا اللى شـــــابت ومن غير آوان

علـــيهم ضــريبة الزمــان اللى جـاىّ!!

وداد الهـــــــــــــــوارى

[/b][/size][/b]

عليهم ضريبه واحمال كبيره

واشوفهم ف سكه وواقعين ف حيره

ضياعهم قاتلنى وإيه طب بإيدى

واحنا حياتنا دى صعبه وعسيره

ومين راح هايبكى علينا وإحنا

ساكتين فى جوفنا اللى عايش ف محنه

ومحنه تاخدنا ولا زم نفوق

عشان فيه ولادنا اللى عايشين ف ريحنا

[quote="محمود جمعة"]

عادل عوض سند كتب:

محمود جمعة كتب:

عادل عوض سند كتب:

رشا فؤاد كتب:: وعيشه رغيفها مغمس بدم

بدم اللى ماتوا سابونا فى غم

وضحوا بحياتهم وبارليف بيشهد

وتشهد حياتنا مشاهد تهم

تهم اللى عايز يفضى الجراب

ويغسل حياته فى جرحه اللى داب

بالرغم إن مسحوقه عاصى تملى

لكنه بيرجع ورافض غياب

حا يغسل حياته لازمله الفنيك

وشقفة محاره طريّه وشيك

واربع فطاحل يحمّوا ف جنابه

دا عنده راقات الوساخه .. عاديك

[/quote

وعمرة ما ينضف ولو جاب بحار

فنيك او محارة ولو جاز ونار

حياتة اللى عاشها ف قلب الحرام

بقت طينة تانية وساخة حمار

حا ينضف لو احنا نحمّى ف جنابه

ونسلخ ف جلده نزود عذابه

نطلع وساخه تسد المجارى

وناخدوا اللى باقى ونملا جرابه

لحمه اساسا نبت من حرام

مفيش غير تشفي منه العظام

ويمكن عظامه تجيب التلوث

فأحسن تزقة امام الترام

ترامنا النضيفه ما ترضى تدوسه

دا لازمله كارو حماره يحوسه

وبغله تعضه تجيبله التسمم

وتبقى ساعتها حا تنفع فلوسه

وتدفع ضريبة جيوب الغلابة

وتغلب عيشيتهم وعايشين فى غابه

وغابه ف غابه واهى دنيا لفة

ومشوار حياتهم وفى ميت غرابة

ترامنا النظيفة بتتعب ساعات

محطة بتمشى ومحطة تبات

وإحنا بنزهق ف ساعة الركود

ونتمنى تمشى ف كل الحالات

محمود جمعة كتب:: وداد الهوارى"

"محمد البسيونى الأستاذ عادل كتب :

داعينا ورفعنا إيدينا لفوق

واحنا ف مذلّه ولزماّ نفوق

ونرجع لربى وسُنّة نبينا

نحرر رقابنا من كل طوق

ح نرجع لربى .. وسُنِّة نبينا

وندعى .. يحنِّن قلوبهم علينا

ويقصف فى عمر اللى يكره بلدنا

ويرفع كمان البلاء اللى فينا !

دعـــينا ، وبكــــــينا يارب إنت حـىَّ

تعــــبنا وقاســــــينا ســنين مالها زيّ

عـيالنا اللى شـــــابت ومن غير آوان

علـــيهم ضــريبة الزمــان اللى جـاىّ!!!!!!!!!

وداد الهـــــــــــــــــوارى

زمانهم كمان راح تزيد الضريبة

واللى ما يدفع في فترة قريبة

حترجع بلادنا لسوق العبيد

عبيد الحكومة ..جاتهم مصيبة

[/quote]

ماهو احنا عبيدهم وهما السياده

وإذلالنا طبعاّ طبيعى وعاده

وهما العلالى واحنا الحثاله

يدويوا رقابنا بسن البياده

جيوبنا النظيفة بتنطق يعيش

ومضطرة تنطق عشان تلقى عيش

يأكل ولادها ف ساعات العصارى

تشبع لجوفه اللى دايماً مافيش

غلطنا ورضينا نكون العبيد

فى ظلم السيادة وهل من مزيد

ودلوقتى جايين بنطلب خلاص

وليه كان سكوتنا ف حالنا المميت

رشا فؤاد كتب:: مارينا دى هايصه فى عالم عجيب

ولا حسه بينا وفينا الغريب

بياكل وينهش ف قوتنا اللى فاضل

يطير فى المرتب ف قرشى الرهيب

لايمكن نهوب لناحية مارينا

حا ندخل وتجرى كلابهم علينا

ونصبح ضحايا كلاب الأكابر

ونلقى الحكومه تكلبش إيدينا

رشا فؤاد كتب:: طلبنا ف أفيشنا زيادة مرتب

عشان المطالب نجيبها ونرتب

وقاريين أفيشنا وفيه مطنشين

ورافضين سعادة لحالنا المعطب

علاوة غلاءنا خادوها الحبايب

وبطرس مطنش وحاضر وغايب

وهما بتلهط إيديهم ف خيرنا

واحنا الغلابه وما لهمش نايب

[quote=

"رشا فؤاد"]
غلطنا ورضينا نكون العبيد

فى ظلم السيادة وهل من مزيد

ودلوقتى جايين بنطلب خلاص

وليه كان سكوتنا ف حالنا المميت

[/quote]

يابنتى دا شعب

على قد حاله

ح ينطق يلاقى

حكومه جياله

يرموه ف منفى

ويضيعوا عياله

رشا فؤاد كتب:: حرب الفساد اللى زى الزكام

بتدمن حياتنا تقولك بكام

وكام حته فينا بترفض زكامها

عشان عارفة إن السلام ليه مكان

فسادهم بيوصم خطوط الخريطه

وأمتنا ملهيه عايشه ف زيطه

وفرصه يرشوا فسادهم علينا

واحنا بنخبط دماعنا فى حيطه

رشا فؤاد كتب:: مسيرها هاتحمل همومنا وتشفى

دى مصر الحنونة أصيلة وتكفى

كتير م الغلابة اللى دايسيين ترابها

بيتمونوا لحظه ف خيرها وهتدى

مسيرها ؟؟ وإمتى حا ييجى مسيرها

وهما اللى جونا فى اسود مصيرها

وتوهنا وضعنا وما حد حاسس

ونفسى أجرب ولو ام غيرها

» مساجلة عن الكُره هل من مشترك ؟
» مساجلة فى حب مصر أجمل العرايس
» مساجله فى حب مصر
» مساجله لشباب ثوره 25 يناير
» مساجله بعنوان (أجمل بنوته )