مساجله / العيد بيفوت والجيب ما فيهوش

عاطف عاشور كتب:: خخخخخخخخ
هههههههههه

أنام وأدخلكو بكره
بجد تعبااااان

ماشي يا ابو جمعه
براحتك

هههههههههههههههههههههههههههه

نوم العافيه .. احنا مستنيين ..............

وعيشه رغيفها مغمس بدم

بدم اللى ماتوا سابونا فى غم

وضحوا بحياتهم وبارليف بيشهد

وتشهد حياتنا مشاهد تهم

تهم اللى عايز يفضى الجراب

ويغسل حياته فى جرحه اللى داب

بالرغم إن مسحوقه عاصى تملى

لكنه بيرجع ورافض غياب

يا عيننا العجوزة مرايتك ضريرة

وباحلم فى عجزك نقاء السريرة

فاتبعد همومنا نشوف الحقائق

حقايق بتكتشف حياتنا المريرة

بقلبى بسبح بحمد الأله

وبدعى يخفف بعونه البلاء

ويرفع عشانك يامصر الكوارث

عن الشعب داخل كهوف العناء

غيتونى يا أهلى وبا صرخ يا ناسى

جيوبى اللى فاضيه . ومنهم بقاسى

حكومة { نظيفنا } ما عمره نصفنا

وعيدنا اللى عدّى رهنت ف مداسى

[b][left]
يعينك ياصاحبى فى عيدنا اللى جى

دا لو كنت لسه بلحمك .. وحى !!

وشوف النهارده الطماطم بكام !؟

دا ع العيد ياصاحبى ح يشوونا شى[/
left][/b

]

ومين راح يسيبك تعلم ولادك

ولادك حزانه ف قضية جنابك

جنابه اللى ناسى وعامل طناش

وإنت اللى صابر ف لحظة عتابك

طماطم بتسعه وعشرة وتعلى

وبكره ف واحدة ماتلقاش وتغلى

صحيحة وسليمة وتشفى العليل

ولو حتى تشفى هاتغلى وتغلى

رشا فؤاد كتب:: حرام حتى ضانى يدوقها بدنا

ويجى الأضحى تجوع فيه عيالنا

فى ثورة دموعهم فاتشعل نيران

تكلبش إيدنا فى ظلم اللى باعنا

مدام ده عاجبهم نجوّع عيالنا

كفايه الضرايب تسمم بدننا

وبطرس وغيره بياكلوا المشفى

واحنا بنحلم بعضم وما طولنا

رشا فؤاد كتب:: وفى منا باعوا ف لحظة سكوتهم

وثورة بداخلهم بتاكل ف قوتهم

وتكره سكوتها وترفض تشوفهم

فى عينها اللى شافت مراره ف وجودهم

ما كله بيسكت يقولك اعيش

ويشحت فى قوته وجيبه ما فيش

ولو مره قالك اكلت النهارده

تلاقى اللى واكله يادوبك قريش

رشا فؤاد كتب:: يا دنيا وغرورة ف توهتم تاخدهم

وواهمين ف لحظة حياتنا ف حياتهم

وربى وقادر يحوش المظالم

فى ظلم اللى ظالم يمرر عيشتهم

بندعى لبطرس ما يلحق ضحيه

وكل اللى ظالم ما يمسك عيديه

يدوقوا ما دقنا يمرر عيشتهم

وانت عليهم يارب البريه

رشا فؤاد كتب:: وعيشه رغيفها مغمس بدم

بدم اللى ماتوا سابونا فى غم

وضحوا بحياتهم وبارليف بيشهد

وتشهد حياتنا مشاهد تهم

تهم اللى عايز يفضى الجراب

ويغسل حياته فى جرحه اللى داب

بالرغم إن مسحوقه عاصى تملى

لكنه بيرجع ورافض غياب

حا يغسل حياته لازمله الفنيك

وشقفة محاره طريّه وشيك

واربع فطاحل يحمّوا ف جنابه

دا عنده راقات الوساخه .. عاديك

رشا فؤاد كتب:: يا عيننا العجوزة مرايتك ضريرة

وباحلم فى عجزك نقاء السريرة

فاتبعد همومنا نشوف الحقائق

حقايق بتكتشف حياتنا المريرة

مرايتى الضريره بفعل الكيماوى

واعمى واخرس واطرش وناوى

اسوّد حياتهم كما عيشتى سوده

واداوى جروحى واكون ليها كاوى

منصور غيضان كتب:: بقلبى بسبح بحمد الأله

وبدعى يخفف بعونه البلاء

ويرفع عشانك يامصر الكوارث

عن الشعب داخل كهوف العناء

داعينا ورفعنا إيدينا لفوق

واحنا ف مذلّه ولزماّ نفوق

ونرجع لربى وسُنّة نبينا

نحرر رقابنا من كل طوق

محمد البسيونى كتب:: غيتونى يا أهلى وبا صرخ يا ناسى

جيوبى اللى فاضيه . ومنهم بقاسى

حكومة { نظيفنا } ما عمره نصفنا

وعيدنا اللى عدّى رهنت ف مداسى

[b][left]
يعينك ياصاحبى فى عيدنا اللى جى

دا لو كنت لسه بلحمك .. وحى !!

وشوف النهارده الطماطم بكام !؟

دا ع العيد ياصاحبى ح يشوونا شى[/
left][/b
]

ينوّر بيوتهم يا رب بحريقه

ويشوى جتتهم بأيشع طريقه

يخلّص بذنبى ومن نور عيونهم

وتنضف حياتنا اللى كانت سويقه

رشا فؤاد كتب:: ومين راح يسيبك تعلم ولادك

ولادك حزانه ف قضية جنابك

جنابه اللى ناسى وعامل طناش

وإنت اللى صابر ف لحظة عتابك

ولادنا وفاقده اليها إنتماء

ما هما ف قصورهم وإحنا ف خلاء

وإيدنا قصيره ومش طايله قوتها

وعايزينا نحفظ فى حاء وباء

رشا فؤاد كتب:: طماطم بتسعه وعشرة وتعلى

وبكره ف واحدة ماتلقاش وتغلى

صحيحة وسليمة وتشفى العليل

ولو حتى تشفى هاتغلى وتغلى

ولسّه مادامت نفوسنا المريضه

بتهتف تؤيد عصابات عريضه

بتنهش لحومنا وياريتها عاجب

وعايزانا نرقد على كل بيضه

عادل عوض سند كتب:

محمود جمعة كتب:

عادل عوض سند كتب:

محمود جمعة كتب:

عادل عوض سند كتب:

محمود جمعة كتب:

عادل عوض سند كتب:

محمود جمعة كتب:

عادل عوض سند كتب:

رشا فؤاد كتب:: بينحل فى وبرى مدوب جنابه

ويقسى نقوله سيادته وجنابه

جنابه مطلع عنينا تملى

وأمتى هانخلص ويخلص عذابه

عذابه حا يفضل ويوصل عيالنا

وياخدوا مرضنا وياخدوا اللى جالنا

وفيروس عذابه حايفضل معانا

وياكل مافاضل بعد ما كلنا

حيفضل قطيع يتولد من قطيع

و يفضل كابوس الديابه الفظيع

يمصوا في دم الخروف اللى ساكت

يسلم ولاد ه ويفضل مطيع

ياريت عالضحيه يرخّص لحومنا

ويرحمنا حبّه لانرهن هدومنا

ويمنع دبيحنا فى سوق البهايم

ولو هجنا يعنى ما حدش يلومنا

يرخص لحومك ؟؟ ويسرق منين ؟؟

ده لازم يطلع عنيك ف العيدين

لحد ما تكفر وتعلن براءتك

وتخلي اسمك كوهين بنيامين

حرام يعنى ناكل وده كل عام

ولو حته ضانى ندوق الإدام

الهى ما يوعوا يشوفوا الضحيه

ولايشوفوا ضانى ليوم الزحام

حرام يا بني طبعا ف شرع الديابه

كبيرهم وابنة وأهله وصحابه

هم اللى ياكلوا ويملوا ف كروشهم

واما التنابلة يسفوا ف ترابه

ويعنى حرام لو حا يعطف عليّه

ندوقوا لحومهم واهى فرصه ليّه

أليّن فى بطنى اللى ماتت فى فولها

واهديها وجبه .. ولو ربع ليّه

عشان تبقي ضايع ومخبول ف مخك

الفول علاجك وأبنك وبنتك

فتمشي وتايه ف عمرك يا مصري

ما تعرف كرامتك بقي من اهانتك

اراهن ولو مره اكلوا فى فولنا

ويغمز بكوزه فى ميّة سطولنا

حا يعيى ويتعب وحا يروح اوروبا

يعالج فى حاله ويتعب عقولنا

بياكلوا يا دولة الباتون سالية

جي من فرنسا موجوج واية

معاة جبنة ريكفور ..وأما غداهم

رومي محمر وسيمون فيميه

عادل عوض سند كتب:

محمود جمعة كتب:

عادل عوض سند كتب:

رشا فؤاد كتب:: بندعى معاك يعجل ساعاتهم

ونسعد نلاقى مافيش حد منهم

بيحرق ف جوفنا يصحى الجروح

جروحنا اللى تنعى حياتنا ف عيشتهم

بندعى ولكن ماهوش مستجاب

عشان احنا أصلاّ قبلنا العذاب

بعدنا عن الله وسنة رسوله

فسلّط علينا شوية ذئاب

تركنا يا عادل بجد الكتاب

وسنة نبينا وفعل الصحاب

وقلدنا كل اللى وارد علينا

فلازم ندوق من فعالنا العذاب

وربك يا حوده دا رب القلوب

وجابر خاطرنا وغافر ذنوب

ويمكن دا برضه اختبار لينا احنا

فإدعى يا حوده يزيح الغروب

ربك يغير حياتنا لعذاب

لما نغير وننسي الكتاب

ولو مرة نرجع لرب البرايا

حنرجع أكيد للزمان اللى غاب

عادل عوض سند كتب:

محمود جمعة كتب:

عادل عوض سند كتب:

رشا فؤاد كتب:: عذابه اللى فارد مطلع عنينا

ف ظلمة واخدنا وشاقق أيدنا

فى كتر المشاغل قضية ف قضية

وإمتى القضية حلولها تجينا

حلولها لايمكن حا تيجى بسهوله

وديّه قضيه كبيره ومهوله

واحنا رضيا نسلم لحومنا

أكلنا خيرنا لأكبرها غوله

الحل صعب ومش مستحيل

جيلنا اللى طالع يكون جيل نبيل

نعلم ولادنا على دين محمد

ويحفظ كرامتة وما يكون ذليل

ومين راح يسيبك تعلم ولادك ؟؟

وتزرع محبة رسولنا بجهادك

مجرد ماتنوى حاتلقى الاساور

حديدها المصدى دا عنوان بلادك

نخاف ربنا والا نخشي العباد ؟؟

ولادنا أمانة ..ويوم الميعاد

ربك حيسأل ايه سيبنا ليهم

تقوي ودين والا دنيا وفساد

عادل عوض سند كتب:

محمود جمعة كتب:

عادل عوض سند كتب:

رشا فؤاد كتب:: ومين اللى خلى الحقيقة سراب

لسانا اللى ساكت ف ظلم وخراب

مخرب حياتنا مهنى السيادة

وإحنا اللى سادة وعيشنا العذاب

ورغم احنا ساده وإيدنا ما لاقيه

اخدوا الى فاضل ولا لينا باقيه

ونرجع نعاود شقانا الطبيعى

ولا نشوفش راحه كطور جوه ساقيه

سادة ؟؟ دي قهوة سعادتك ياريس

فين السيادة وجيبي مفلس

لا قادر اجيب ربع رومي لولادي

ولو قلت لحمة المرتب يهيس

وانا اقصد بساده وباعنى مافيش

جيوبى النضيفه بتنطق { ياعيش }

وبهتف واقول له ما ترحم ولادى

ويقهر فى امى يقول ما معاييش

[size=24]
ماعوش من خزينة مصر الجعانة

لكن خزانة سويسرا ملانة

يبص على الشعب من برج عالي

المفجوعين دول ياكلوا اهانة [/size]

محمود جمعة كتب:

عادل عوض سند كتب:

محمود جمعة كتب:

عادل عوض سند كتب:

محمود جمعة كتب:

عادل عوض سند كتب:

محمود جمعة كتب:

عادل عوض سند كتب:

محمود جمعة كتب:

عادل عوض سند كتب:

رشا فؤاد كتب:: بينحل فى وبرى مدوب جنابه

ويقسى نقوله سيادته وجنابه

جنابه مطلع عنينا تملى

وأمتى هانخلص ويخلص عذابه