العيد قبل الزواج حاجة وبعد الزواج حاجة

العيد قبل الزواج حاجة وبعد الزواج حاجة

العيد قبل الزواج غير العيد بعد الزواج خالص قبل الزواج له طقوس مختلفة وبعد الزواج موال تانى

فاكر طبعا العيد قبل الجواز و ازاى كنت بتعيش ايام وليالى العيد كان العيد يبدأ قبلها بكذا يوم تقعد تحضر وتخطط انت وصحابك لسهرة ليلة العيد هنروح فين ونعمل ايه ولازم نروح اماكن جديدة ونعمل حاجة جديدة احنا برضه استايل ونفهم فى الروشنة ومستحيل ابداً نكرر نفسنا ده حتى الناس تاكل وشنا مش كده ولا ايه

وطبعا لازم الشلة كلها تكون موجودة بربطة المعلم ولا يقبل عذر من احد دول هما يومين فى السنة وبعدين هى سهرة ليلة العيد تحلى غير بالشلة كلها وهات يالعب وهزار ومفيش مانع نروح السينما ولازم يكون فيلم خفيف خفيف العملية مش ناقصة دراما

وبعد السينما ناخد مركب فى النيل وبعد كده يحلى المشى فى شوارع وسط البلد وممنوع حد يروح غير بعد الفجر

وفى البيت ساعات تصبر لحد ما تصلى العيد وبعدين تقول فينك يا سريرى وساعات يأخذك سلطان النوم الى ملكوته فتغمد سيف اصرارك وتستسلم له مرغم حزين لأنك ستفقد فرحة وبركة صلاة العيد تستاهل حد قالك تسهر

وفى الحالتين تقوم من النوم العصر وتستعد لجولة جديدة من المرح والانطلاق وبرضه شوية زيارات عائلية سريع سريع

تعالى بقى للعيد اللى يعدى عليك وانت فى ايام الخطوبة ياااه على دى ايام طبعاً حضرتك بتصحى من النجمة بعد ما تكون جهزت من قبلها طقم الخروج والبرفان وهدية العيد ( فى الفلاحين العريس بيدى خطيبته 100 او اكتر كل واحد وظروفه تشترى هى اللى يعجبها تصدق احسن حتى الواحد يشترى نفسه من وجع الدماغ ) ويا دوب يا صاحبى تخلص صلاة العيد وتطير على بيت خطيبتك وتقعد م الصبح للمسا واحنا ورانا ايه حتى نتغدى من يد حماتى هو فى احلى من اكل حماتى واول ما العصر يهل تاخد الامورة فى ايدك وطيران على بره حتى الواحد ياخد راحته شوية بدل ما هو حاسس انه متراقب زى ما يكون قاعدين فى القسم

وهكذا يا صديقى العزيز تكون ايام وليالي العيد فى قمة السعادة والفرحة

بس بعد الزواج يا معلم خد عند بس خليك رجل اللى اكلته بط بط هيطلع على عينك وز وخرفان كمان مش مصدق خد عينة من كلام المدام اللى ممكن تسمعه كل عيد ( بقولك ايه لازم تجيب هدوم جديدة للعيال و وكمان تعمل حسابك فى عيدية محترمة اسمع لازم العيال يروحوا الملاهى اشمعنى عيال الجيران وكمان نروح نزور ماما اول يوم العيد وخلى امك تانى يوم مش كفاية ماما زعلانة منى من العيد اللى فات هنجيب كام كيلو لحمة اعمل حسابك فى اربعة كيلو وبرضه نفوت على اختى اول يوم ولو حتى ساعة زمن اه طبعا انا عاوزة طقم جديد وبرضه تجيب لروحك هدوم جديدة بلاش فضايح وكمان اسمع اهم حاجة بلاش تعمل ابو الرجالة وتفرق على عيال اخواتك عيدية كبيرة هما يعنى كانوا بيسألوا علينا الا كل فين وفين )

وهكذا يا صديقى مرة ثانية تجرى غالباً الاموروعليك ان تعيش وتقاوم وتستمر فى الحياة

اقولك ايه طيب بذمتك قبل الزواج كنت تعرف كيلو اللحمة بكام ولا الطماطم كان البركة فى الحاج والحاجة لكن دلوقتى انت وسط المعمعة وعليك ان تقاوم وتحاول وتعيش 000 اه بالمناسبة عيد سعيد وكل سنة وانت طيب

احمد صلاح محمود

ahmedsalah124@yahoo.com

هههههههههههههههههههههههه

اكيد انت متجوز يا ابو حميد

ياللا دوق بقى .. وإياك تشتكى .

بس الجواز حلو يا حماده ... صح ولاّ لأ ؟؟؟

كل سنة وأنت طيب ، وعيدك سعيد يارب .

بس ياأستاذ أحمد في مبالغة في الكلام اوى ،يعنى أنا مثلا مش بحب أخرج في العيد ، العيد للأطفال والناس المحرومة من الخروجات طول السنة ، فبتقول إن العيد مناسبة حلوة نخرج فيها ، وفجأة تلاقي الناس كلها خارجة ، وطبعا الشوارع زحمة مووووت ، وحاجة خنقة على الأخر ، تبقا فين أصلا حلاوة الخروجة . وكمان كلامك بيظلم الزوجة أوى ، رغم إن الزوجة أكتر واحدة بتقدر ظروف زوجها .

تحياتي وكل سنة وانت طيب .

Very Happy

استاذ احمد اسمح لى ابدى اعجابى بكلامك البسيط و موضوعك المتكامل الاركان و نتظر ابدعات اخره و ما اجمل قلمك حين يخطوا على صفحات المنتدى و شكراااااااااااا Very Happy

هههههههههههههه

» قبل وبعد الزواج ههههههههه
» (هدية العيد مني لكم) فلاش تكبيرات العيد
» قالوا عن الزواج
» ما رايكم فى الزواج الاجبارى ؟؟؟؟؟؟؟؟
» دثّريني بحرير الروح..!