الأيدي البــــاردة .. ياترى خيال ولاّ حقيقة؟؟ ارجو المتابعة

اسمحيلى بقا القصة استفزتني اوى ،

بجد ايه الناس اللى نفوسها ملوثة دى ،

وبعدين تقولك ايه بلاش انتا كفاية اختك النهاردة ،

قال يعنى صعب عليها وعندها احساس .

والله الناس اللى زى دي عايزة الحرق في ميدان عام .

مالك بس يالولو ...اوووووووووووه شكلك اتفاعلتي مع القصه اوي
اوك ياسكر اليكي الجزء ال..........
؟
؟

دمتِ بحب Very Happy

ويموت الدكتور عمر..!

وبسرعة إدت الولد بنج كلي !! وممدوح بدا شغله
يستأصل القلب وحاطه بسرعة في الحافظة!! مع إنها عملية صعبه لكن ممدوح جزار شاطر أوي.!! سوري !! جراح شاطر
وأخد باقي أجهزة الجسم! وحطها بحافظات مختلفة! ونضفوا المكان وأخفوا كل الآثار! ورموا الجثث بالمحرقة بتاعة المستشفي! و العجيب إنهم ولا أكنهم عملوا حاجه ولا ضمير يأنبهم ولا الهوا!

أما سمر المسكينة كانت بتنزف بشده!! أخدتها سميحه للدكتورة فهيمه وعالجتها بمراهم وأدوية لوقف النزيف !!!!! وفضلت البنت مرعوبة وخايفة حد يلمسها !! ومش عارفا تنام أبدا وتتخض من فتح الباب!

أما سميحة مش سابتها في حالها !! جت وهددتها: لو قولتي لأي حد , أو قريبتك على اللي حصل يبقى مافيش غيرعشماوي تاني

خافت سمر أكتر ورجعت في سريرها لورا وتحضن أختها أوي!! أما سميحة الملعونة تبص لريهام بنظرات خبيثة ! خلت سمر تفكر لازم يهربوا من الدار دي بأي طريقه!

وتمر الأيام ودنيا تحاول.. وكل يوم تألق أكتر من اللي بعده !! وفي يوم بعد الفقرة قعدت علي تربيزه لوحدها وكأنها بتشرب.. جه واحد شكله مش مصري أوي : هاى

دنيا بصت له وابتسمت : هايات إتفضل

حازم قعد : أنا حازم شو إسمك؟

دنيا بسخرية : شو !! إنت مش مصري ولا إيه؟؟

حازم : تكرم عينك ياست , أنا لبناني....... وإذا مضايقتك بتركك في الحال!

دنيا (يخرب بيته جميل ..أوي وهزت دماغها) : لا عادي إتفضل وصبت له كاس !! أما كاسها مش بينقص !!

وتفكر في خالتها اللي قتلوها كانوا عاملين عرب!! قاطعها حازم : عن جد رقصك بيطير العقل .........من وين كل هالحلى يالغالي

دنيا : من مصر , يالعالي ( دانت رايق أوي, شورتك سوده لو طلعت إنتا)

حازم : بعرف إنك مصرية , لكن أنا بسأل على هيدا الجمال من وين؟؟

دنيا :إنت أهبل ولا إيه؟

حازم :شو قِلتي ؟؟؟ انا مو فهمان عليكي!!

دنيا : خلص حوراتك عندي ولاّ عندك؟

حازم بدهشة: عندي ولاّ عندك مشان شو؟

دنيا بزهق ( دا أهبل ولا إيه ؟ هيه الحكاية ناقصة عبط ! ودا أقوله إيه؟): يعني نقضي وقت لطيف مع بعض؟!!

حازم هز دماغه يعني فهم : أهاااا !! مشان نبقى عُشاق ؟

دنيا : احسبها زي ماتحسبها........... هاه خلص بأه فين؟؟؟

حازم باستغراب : يا ألله شو هالحكي !! ليش العجلة !! قدامنا الليل طويل!! بنتعرف أكتر وبنشوف !

دنيا : إتعرف يا سيدي !! إنت هنا فمصر من زمان ؟

حازم : إي .. نازل أعمل بزنس بمصر , وفسح وهيك يعني!! وكل عام بنزل هون , بس هايدي أول مره بشوفك؟؟ جديدا إنتي؟؟

دنيا : إيه الهيك دا ؟؟؟ أه جديدا

حازم يضحك أوي : هيك بالبناني يعني كدا
دنيا : ااااااه يعني كدا !! والله مانا فاهمه حاجه !! المهم كنت بتيجي هنا كتير !!

حازم : كنت باجي هون لسوزي !!! وينها الحين ؟؟؟ تركت العمل؟ أو شو؟

دنيا: سوزي سابت الشغل (دخل الشك بقلب دنيا !! قررت تاخده عندها!)

حازم : يا ألله شو مشتاقلها كتير ! كُنا أصحاب عن جد!!

دنيا : يلا بينا عندي وأحكيلك ! اوكى

حازم : أوكى ... بس إياك تكوني مسويالي مقلب وتكون إمك بالبيت!

دنيا تقوم وتشده من إيده : لا إطمن أمي ماتت من زمان ...... وخرجوا مع بعض , وطلعوا الشقة وكانت سكون تام و الكاميرات .أون لاين

حازم : هيدا بيت سوزي !!!! وينها؟؟

دنيا : مش موجودة أنا اشتريته منها. إنت جيت هنا قبل كدا ؟؟

حازم : يس .. أنا جيت هالبيت من قبل.. كتير مع سوزي!

إلتفتت دنيا بدهشة: جيت هنا ؟ إنتوا كنتم اصحاب أوي كدا ؟( وطقم المراقبة كله إنتبه !!)

حازم : كتير ( كان واقف قداام صورة سوزي) كنا أصدقاء .... منذ تلات أعوام ..... وكل عام بنزل على هالبار وبقابلها وبنقضي وقت كتيرحلو.. نضحك ونلهو هي بتعرفني نحنا على علاقة !! لكن الغريب لما جيت أنا هالمره ملاقيتا ومن وقت طويل مابتتصل فيني!! وجوالاتها مسكرة من زمان....! وينها ووين بيتها الجديد؟ عن جد إشتقت لها كتير!!!

دنيا بحزن شديد بعد ماتأكدت منه لأنه كلامه مش مُريب: سوزي إختفت فجاه وماعرفش مكانها

حازم التفت لها بدهشة: شو!!اختفت!! شو هالحكي؟؟؟ كيف اختفت؟؟؟ يعني شو؟ أنا ما بصدق

دنيا : مش عارفين عايشه ولا ميتة!!!

حازم : شو هالحكي , مافي شرطة !!مافي قانون!! مافي عندكم حدا يشوف وين راحت! كيف هيدا؟؟ تختفي و ماحدا يسأل!

دنيا بحزن شديد: دورنا كتير مافيش أثر

حازم بحزن شديد : بتركك الحين ! ما بقدر أحكي !!يحرام
كانت بدها تروح عسوريا وانا وعدتها بإني باخدها معي هالمرة ..الله يردها ع خير !! هيدا رقمي بمصر لو بدك شي !أو في أخبار جديدا عنها! دقي علي

دنيا فسرها أهي المافيا سبقتك وخدتها ! أخدت الرقم ووصلته للباب , وإتنهدت وراحت نامت)

والصبح راحت تزور الأولاد بعد مرور إسبوع من إقامتهم بدار الأيتام!! و كانت سمر خفت ومازالت بتفكر إزاي تهرب

دنيا أول ماشافت الأولاد حضنتهم وتبكي !! وسمر قالت لدنيا خدينا معاكي
دنيا قالتلها مش هينفع دلوقتي لما أخلص شغل كمان إسبوع واحد بس

سمر حكت لدنيا علي اللي حصل لها كله!!! وصُعقت دنيا من اللي سمعته واللي إتسببت في حصوله ! ( صحيح لكل قاعده شواذ ! لأن مش كل دور الأيتام سيئة ! وتوجد الكثير والكثير من مؤسسات جديرة بالاحترام والتقدير وتقوم بواجباتها بجداره!! ) ومن غير تفكير بلغت ماهر بالكلام دا

وبسرعة ماهر جه ومعاه القوه و قبض على سميحة وعشماوي وطقم الإدارة, و اعترفوا على بعض وتم حبس جميع المسؤولين عن هذه الدار .........وترحيل الأطفال على دار أيتام جديدة من الدور التي لها سمعة طيبة وخدماتها للأطفال جيدة ورعايتها لهم تتم على أكمل وجه ............ويستمر التحقيق ...

أما بالنسبة للأطفال المفقودين اعترفت سميحة بإنها كانت بتديهم ل سيد اللي كان بيوديهم مستشفى السلماوي بدون علم إدارة المستشفى !وكان سيد بيشتغل فيها...........!!!

وكانت صاعقه لماهر ودنيا !! كدا بدأوا يحطوا أيديهم علي طرف الخيط؟؟ أقنعها ماهر تساعدهم في القبض على تمرجي الغبرة !! على وعد بإنها تكون شاهدة !!وطبعا وقعها في الفخ!! ولا شاهده ولا نيله! ورسم ماهر خطه للتعامل مع التمرجي سيد! بدأها بتليفون من سميحه لسيد!

سميحة : الو إزيك يا سيد!!

سيد : إنتي بتتكلمي منين ؟؟

سميحة : من بؤي ياعنيا!!

سيد بلهفه لمعرفة الأخبار: ودا وقت تريقه !! قوليلي سمعت إن عندكم لبش جامد !! الكلام دا صحيح ؟؟!!

سميحة : أه!! لكن أنا مالي أنا قولت عليهم كل حاجة وخلعت ! يعني اعتبروني شاهده !!! المهم عندي ليك شغلانه سُقع!!

قاطعها سيد: لا ياختي خلينا نِكن اليومين دول ! بدل مانتقفش وساعتها يطلعوا القديم والجديد!! باقولك إيه إهدي يا سميحة !وهدي اللعب !!

سميحة غمزها ماهر اللي كان جنبها فاحتدت نبرتها وقالت له: باقولك إيه دي شغلانه سُقع ومش لازم تعدي من إيدينا !واحده معاها فلوس وعندها المكان والزباين!! عايزة اللي يشفي لها الزباين وبس!! وتاخد على كل راس 3000 جنيه !!!! قولت إيه ؟موافق ولا أشوف غيرك!

سيد : غيري مين؟! إنتي اتهبلتي !! دا سُقع بصحيح !! بس إسمعي , مضمونه ؟

سميحة بسرعة: طبعا يا سيد وخليك فاكر كل راس 3000 واللي هيشفي الضحية 6000 ! عندك اللي يعمل كدا ولا إيه ؟ طمني عشان أرد علي الست

سيد : يابت ليكون كمين وتبقى شورتك طين!!

سميحة !! ماتخلص ياخويا !دي مش من هنا خالص!! ومش هتشوفك ولا تكلمك ! إنت اتفق مع ناسك وهات رقمهم وأنا أكلمك بكره ترد عليا,,,,, ماشي؟؟؟ ولو غدرت ديتها إيه.. نتاويها ويا دار ما دخلك شر

سيد هز دماغه بخبث : ماشي ......... بس قوليلي هتهبري كام في الليلة كلها؟

سميحة : هو أكل وبحلقه !! المهم أنا هاخد 1000 يل سلام بأه .......وقفلت الخط !!

بص لها ماهر وقالها: برافو عليكي أوي !! لو شديتي حيلك معايا هطلعك منها ..

سميحة : أنا خدامتك يابيه !! وكانت دنيا قاعده وسامعه كل الحوار دا !! لكن كان بيشغلها حاجه واحده بس ؟؟؟

لازم تلاقي بسرعة جدا العصابة عشان تحلو اللعبة وتكمل! واستأذنت ماهر وسابته !!ومشيت بعربيتها حيرانة تفكر وتلف في الشوارع ! وآخر ما زهقت روحت عشان ميعاد البروجرام!

أخدت شاور سريع وراحت على الملهى وهيه عماله تفكر !! ياترى ممكن تقابل حد منهم ولاّ ؟؟ ويا ترى تمرجي الغبرة ليه صله بيهم ولاّ دول فرع تاني ؟؟!!

ولبست بعدم اهتمام وهيه بتفكر وبتقول لنفسها طب افرض فعلا اللي خطف سوزي قابلني يبقى إيه العمل ؟؟ نادت على الحارث وإدته فلوس وقالت له:

روح الصيدلية وهات بخاخة مخدر ..وإدته فلوس زيادة !! ونزلت الصالة ورقصت رقص عادي جدا وكأنها مجرد آله مش أكتر !!!
وتفكر بسرعة وتكلم نفسها: لو جه وخدرته هاوديه فين ؟؟ شقة سوزي متراقبه وكاميرات !! يبقي هيقبضوا عليه وخلاص !! أنا عايزة أنتقم منهم
؟
؟؟
(مش يكفيها حبسهم أو إعدامهم و استغلت فكرة ماهر لاستدراج اللي ورا التمرجي سيد عشان تنتقم منهم !!مش تبعتهم السجن زى ما ماهر فاكر!! وخطرت ببالها فكره جهنميه ؟
؟
؟

تابعوني
Smile

من أراد الضياء والإتعاظ جاء إلى هنا

الأستاذة أسماء عبدالعزيز

لم أكن مُخطأ حين قلت أن إسم أسماء عبدالعزيز لن يُمحى من ذاكرتى

وهذا كان مع أول تصافح لى مع إبداعاتك المتميزة جدا من خلال الخواطر

وها هنا من خلال الإبداع القصصى

فى الأيدى الباردة

أسجل سعادتى بتميزكِ البديع

أتشرف بالمتابعة حتى النهاية وما يليها من بدايات

تقبلى أرق تحياتى وبساتين التقدير

بعتذر على تأخيرى في الرد ، وبجد عجبتني اوى الحلقة دي ،

وأنا كل مرة بقول مش هتوقع حاجة، وأرجع اتوقع وفي الاخر اتكبس ،

ينفع كدة شوفي حل في جمال قصتك والأحداث المشوقة دي .

مش تطفل لكن كنت حساكى امبارح مرهقة او متغيرة مضايقة ، مش عارفة .

وبليز شوفي رسالتى على الخاص ،

تحياتي .

ياااااااا أه ده كله أختى أسماء

تشويق وأثارة ومفاجأت وأفكار جديدة فى كل مرة

بجد القصة ده تنفع تبقى مسلسل درامى يبهر المشاهدين

أسلوب رائع وأفكار جريئة

بس مأساوية جدا وهذا ما يجزننى بالفعل قد حزنت على جيع الضحايا سعدية سوزى والطفل المسكين و سمر التى قطعت قلبى بحق

فى انتظار الجديد والمثير
تحياتى اسماء مصطفى

محمد على احمد كتب:: من أراد الضياء والإتعاظ جاء إلى هنا

الأستاذة أسماء عبدالعزيز

لم أكن مُخطأ حين قلت أن إسم أسماء عبدالعزيز لن يُمحى من ذاكرتى

وهذا كان مع أول تصافح لى مع إبداعاتك المتميزة جدا من خلال الخواطر

وها هنا من خلال الإبداع القصصى

فى الأيدى الباردة

أسجل سعادتى بتميزكِ البديع

أتشرف بالمتابعة حتى النهاية وما يليها من بدايات

تقبلى أرق تحياتى وبساتين التقدير

الأستاذ القدير الشاعر\ محمد على احمد
اشكرك كثيرا على مرورك الكريم .. وعلى كلماتك الراقية التى تنم على التواضع وطيب النفس
ويسعدني كثيرا ان روايتي عجبتك ويارب عندما تنتهي روايتي تكون النهاية مرضية وقوية
ولك جزيل الشكر ايضا على المتابعة
دمت بكل الخير
وكل عام وانت بخير حال

الاء عثمان ((بنت مصر)) كتب:: بعتذر على تأخيرى في الرد ، وبجد عجبتني اوى الحلقة دي ،

وأنا كل مرة بقول مش هتوقع حاجة، وأرجع اتوقع وفي الاخر اتكبس ،

ينفع كدة شوفي حل في جمال قصتك والأحداث المشوقة دي .

مش تطفل لكن كنت حساكى امبارح مرهقة او متغيرة مضايقة ، مش عارفة .

وبليز شوفي رسالتى على الخاص ،

تحياتي .

حبيبة قلبي لولو الجميلة(آلاء بنت مصر )
عايزة اقولك انك من أغلى الناس على قلبي رغم الفترة البسيطة اللي عرفنا بعض فيها من خلال كلماتنا هنا

بالنسبة لروايتي ان كانت جميلة فهي بمشاركتك الجميلة ياقلبي
وبعدين تعالى هنا
توقعى براحتك ياقلبي وابعتيلي توقعك وانا اغيرها خالص ولا انك تتكبسي ياسكر
ههههههههههههه
بجد هتوحشيني جدا
انا شفت رسالتك ياقمري ورديت عليها
بالنسبة للضيق او الارهاق فالنت عندى مش مظبوط ولذلك مش قادرة اتصفح كل المواضيع بسرعة مش أكتر وبعدين ياعمري الصدق بالمشاعر اكيد بيوصل حاجات كتير مانقدرش نقولها

دمتى بكل الحب صديقتي الحبيبة Very Happy

dr asmaa كتب:: ياااااااا أه ده كله أختى أسماء

تشويق وأثارة ومفاجأت وأفكار جديدة فى كل مرة

بجد القصة ده تنفع تبقى مسلسل درامى يبهر المشاهدين

أسلوب رائع وأفكار جريئة

بس مأساوية جدا وهذا ما يجزننى بالفعل قد حزنت على جيع الضحايا سعدية سوزى والطفل المسكين و سمر التى قطعت قلبى بحق

فى انتظار الجديد والمثير

تحياتى اسماء مصطفى

حبيبتي الدكتورة الجميلة \ أسماء مصطفي
يسعدني كثيرا عبير عطرك بصفحتى ومتابعتك لروايتي المتواضعة
وسعيدة جدا انها نالت اعجابك بس يارب
يكون دا رايك بنهايتها ايضا
تقبلى وافر الحب والاحترام Very Happy

والفكرة كانت إنها تنفذ خطة ماهر اللي أوهم سيد بيها .. وتخليها حقيقة يعني سيد يجيب مساعدينة يساعدوها في التخلص من ؟؟ أوف !! مخها ركب ومبقتش عارفا هيه عايزة مين يخلص علي مين ماهو جايز أوي يكون اللي ورا سيد همه نفسهم اللي خطفوا سوزي!!
لكن لا !
افتكرت دنيا حاجه مهمة جدا!

إن سوزي قالت لها إنه طلع بيها بره العمار وإنها ببيت مهجور !! يعني مش مستشفى وهزت دماغها وقالت خلينا نشوف الرحال هتحط فين؟؟)
وفي نفس الوقت خدت بالها من الحارس شاور لها يعني جاب طلبها! فأنهت رقصتها بسرعة, وراحت على غرفتها وغيرت ملابسها .
جه الجرسون قالها في عمدة بره عايزك تقعدي معاه!
ردت دنيا بعصبيه : أنا مش فاضيه وأخدت شنتطها

الجرسون : طب 5دقايق بس ! مش ها تخسري حاجه !

دنيا إلتفتت ليه وبعيون شاردا : وماله نصبر خمس دقايق مايضرش
ونزلت وراحت ليه ......... وقعدت شاردا وهو يغازلها ويكلمها
وهيه مطنشاه وسرحانة وفجأه ؟
؟

وقع نظرها علي إيده ! شكلها ناعمة أوي أوي! الفلاح مش كدا أبدا! حتى لو مش ب يزرع ولا يقلع بتكون ايده خشنه شويه وباين عليها الشقي ! دا غير إن مخارج ألفاظه مضادة لشكله خالص ! فالتفتت ليه و

دنيا : عجبتني يا بلدينا ! وملت له الكاس وحاولت تلمس إيده فعلا ناعمة جدا! يبقى ظنها في محله!

عوض : وإنتي دخلتي قلبي كدا خبط لزق مش عارف ليه!!

دنيا بنظرات خبيثه: بس انا عارفا ليه !! حاسب لتلزق يا؟؟ بلدينا!
اسم الحلو إيه؟؟

عوض : اسمي عوض ؟ عمدة كفر المنصوري ب قنا!!!

دنيا تهز راسها بتشفي لأنها عرفت إنه هو دا اللي عليه العين ! لأنه لومن قنا يبقي ملامحه مش كدا!! الصعايده رجاله أوي وتبان عليهم الرجولة ! أما دا شكله زي الأرجوز بالجلابية الفلاحي اللي أطهر من جسمه وقالتله : عندي ولا عندك ؟؟

عوض :عندي!!

دنيا : هو إنتا عندك سكن هنا ولاّ إيه؟؟؟

حس عوض اللي هو مش عوض إن البنت ذكيه جدا ومش سهله!! : لا أنا قاعد في بنسيون!!

دنيا بضحكه فيها إحساس بالنصر : هو لسه فيه بنسيون ,,, اسمه فندق أو أُتيل !! يلا ياعسل !! شكل ليلتك هاتبقى فل أوي !! باقولك إيه تعالى عندي هاروقك أوي أوي

وخرجوا وفي اليوم دا كان ماهر في مركز البوليس عشان التحقيقات ! ودنيا ماتصلتش عليه ؟
وركب عوض معاها عربيتها وهيه ساقت مافيش خمس دقايق عملت إنها تعبانه وقالت :أه أه إلحقني ( ومالت علي الدركسيون !! وهو يقولها مالك في إيه و ...........؟

بيبص حولية يشوف حد واخد باله ولا؟
ماهي بتتألم ووقفت بالعربية !!
وكانت بالوقت دا وطت جابت من شنطتها بخاخ المخدر وفي نفس الوقت كان كمال بيطلع إبرة البنج عشان يديها لدنيا !!
وفجاه إلتفتت له دنيا وبخت في وشه رذاذ المخدر بقوه في وشه ...........وغاب عن الوعي ووقعت منه حقنة المخدر اللي كان عايز يخدرها بيها ويسوق هو بيها وياخدها علي الفيلا المهجورة زي سوزي!! لكن دنيا كانت أسرع منه وفاجئته !!

ولما وقعت الحقنه وشافتها دنيا تأكددت إنه هو.. وأخدت الحقنه وحقنته بيها بكل غِل ,,,,, وبسرعة طلعت بالعربية على بيت خالتها اللي كان مقفول من يوم موتها وجوزها لسه في السجن ........................ ووصلت البيت وسابت العربية مقفولة وراحت على أبو محمد اللي كان إتخطف إبنه وكان اسمه سليمان و كان جزار ..؟؟؟
الدكان مقفول!! بسرعة راحت على البيت ونادت عليه طلع كلمها وشوشته دخل بسرعة جاب الساطور ولفه في قماشه سودا وجري معاها!! وكان الكلام دا الساعة 4 الفجر و الموبيل بتاع دنيا يرن !!
ماهر بيتصل !!
سابته يرن وقالت فنفسها كفاية عليك كدا !!
مش هسيبك تتئزي بسببي لأني بحبك! و إنتزعها من شرودها سليمان بصوته الخشن كله تمام يا ست , بس إنتي متأكدا إن دا من العصابة اللي بتخطف العيال واللي موت محمد إبني ؟؟

دينا بشرود وحزن تام : أيوه متأكدا جدا !! وهو اللي قتل صحبتي وخالتي كلهم عصابة واحده
وكان سليمان كتف كمال تكتيفا سودا وقعدو يدلقوا عليه ميه وهو ولا هنا دا بنج يابا وحقنه كمان!
فضلوا صابرين لما بدأ يفوق ويهزي بالكلام وينادي أصحابه !!
وفوقوه !!( وأول ما كمال فاق وفتح عنيه حصل له مش رعب وذعر بس لا ,دا هلع كمان ومن هنا لبكرة خوف ونظرات التوسل !! غريبة أوي كمال يتوسل (فاكرين جبروته مع سوزي وغيرها طبعا !! يعني مافيا أجنبيه لتصدير الأعضاء !! وعصابة التمرجي لبيع الأعضاء عشان الفلوس وبس !! واللي يموت يتحرق بجاز ماهي أرواح البشر رخيصة أوي!)
المهم خلينا مع ابن الحارة الجدع سليمان !! اللي مسك الساطور لكمال وقاله: شايف الساطور دا !!هاقطعك بيه حته حته لو ماقولتش مين اللي وراك!! وفين أتباعك

كمال يحاول يتحرر من قيوده لكن مش قادر والتوسل مش جايب نتيجة فقال بسخرية: إنت ماتقدرش تقرب مني أنا مش مصري رخيص زيكم

الكلمة نزلت علي سليمان حرقته !! طلعت النار في دماغة ومحسش بنفسه إلا وهو بيحشر القماشة السودة في بوء كمال وبالساطور على قدم رجل كمال وقطعها !!ودنيا صرخت من المنظر المهول دا!!! فخدها سليمان في حضنه! يهديها مش تخافي !! لكن مين من كتر الرعب والمنظر المُقزز حست إنها مش قادرة تقف علي رجلها !! في حين كمال يزوم زي التور المدبوح لكن بصوت مكتوم من القماشة

سليمان أنا هاشيل القماشة دقيقه تكون قولت أتباعك مين وفين ( شاور كمال براسة يعني موافق !!
وفعلا شال سليمان القماشة !! فقال كمال كل حاجه وعنوان الفيلا كمان!!! وسابوه وجري على العنوان وفعلا إتأكدوا من صحة كلامه وكان الدم هيتفجر من راس سليمان عايز يدخل يخلص عليهم كلهم!! لكن دنيا قالتله إصبر عشان مش تروح في داهية !!إنت عندك عيال !!,,, انا ليا ترتيبي..........................؟ وكان النهار طلع ورجع سليمان على كمال وإطمن إنه لسه متكتف بس كان بينزف بشده وكان سليمان كممه !! سليمان قاله خليك كدا ؟أما دمك يتصفى خالص !! يمكن تموت وتريحنا وترتاح !!وسابه وراح على بيته يرتاح,, ولكن من فين تيجي الراحة !!!

أما دنيا إتصلت على حازم وطلبت منه إنه يعلمها شوية كلمات لبنانية لزوم الخطة..
وبعد ماخلصت المكالمة راحت بسرعة على ماهر وسألته عن سيد وكان ماهر زعلان منها عشان مردتش عليه وكان قلقان عليها جدا ! فاعتذرت له إنها كانت نايمه!
ماهر : خدي بالك من نفسك !! المهم سميحه كلمت التمرجي وقال لها إن الدكتور موافق والممرضة الخاصة بتاعته وهيكونوا بالمستشفى بانتظار المعاد والمكان مننا ؟ هاه إيه رأيك؟

دنيا بتنهيدا قويه : حلو أوي هات التليفون وإطلب الدكتور !!

ماهر بانزعاج : إنتي بتقولي إيه ؟ لا!! إنتي لا! أنا هكلمهم واديهم معاد بشقتك و..... قاطعته دنيا

دنيا جرا إيه يا حضرة الضابط !! خوفك عليا وحبك ليا!! نساك كل حاجه ؟ لما تجبهم عندي هتقبض عليهم بتهمة إيه ؟ لازم تلبُس

ماهر : نجيب حد من عندنا طُعم ........قاطعته دنيا بحنان شديد: كفاية عليك يا قلبي كدا!!

وإلتفتت وقالت بشراسة أنا هخليهم يقضوا علي بعض !! وأخدت الورقه اللي فيها الرقم من مكتبه وخرجت بسرعة

وقعد ماهر والحزن كاسي ملامحه : خايف عليها أوي (فهب واقف وخرج ركب سيارته وراح علي شقة سوزي وبرج المراقبة فاكر المسكين إن كل حاجة هتحصل في شقة سوزي!! مايعرفش إن القطه الوديعة من كتر ما آست بقت كأنثى النمر شرسة جدا !!,,ورتبت ترتيب غريب جدا! الشيطان مايقدرش عليه !!

وإتصلت على الرقم ورد ممدوح : الو مين؟
؟
؟
؟
؟
تابعوني
الجزء القادم هو
؟
؟

كدة العملية سخنت أوى اوى ،ياترى الخطة ايه ،

أنا مستنية اعرف الباقى بفضول رهيب ،

انا شوفت رسالتك ورديت .

تحياتي يا أجمل أنسانة .

القاصة الجميلة / أسماء عبد العزيز
تحياتى إلى شخصك الجميل
وتقديرى وإعجابى لفنك وموهبتك الراقية
استطعت وبكل قوة أن تقتحمى عالمنا بهذه القصة الممتعة والجذابة
فبتنا وكلنا شوق لمعرفة النهاية
أعجبنى جدا عامل التشويق الذى اعتمدت عليه فى عرض رائعتك
ولكن اسمحى لى أن أعبر لك عن هاجس ما جال بخاطرى
وهو أنك وللأسف الشديد قد أوقعت نفسك فى مأزق شديد أدى بك إلى أخطاء جمة
سوف أناقشك فيها إن شاء الله بعدما تنتهى القصة
لك منى ألف سلام
وأسجل مرة ثانية إعجابى الشديد بما سقتيه لنا من إبداع
دمت رائعة

لولو الجميلة ..فعلا الاحداث بدات تشد جامد واللي جاى اهم كتير من اللي فاااااااااااااات
خليكي معايا يا قمري
دمت بحب

أبوعدنان كتب:: القاصة الجميلة / أسماء عبد العزيز
تحياتى إلى شخصك الجميل
وتقديرى وإعجابى لفنك وموهبتك الراقية
استطعت وبكل قوة أن تقتحمى عالمنا بهذه القصة الممتعة والجذابة
فبتنا وكلنا شوق لمعرفة النهاية
أعجبنى جدا عامل التشويق الذى اعتمدت عليه فى عرض رائعتك
ولكن اسمحى لى أن أعبر لك عن هاجس ما جال بخاطرى
وهو أنك وللأسف الشديد قد أوقعت نفسك فى مأزق شديد أدى بك إلى أخطاء جمة
سوف أناقشك فيها إن شاء الله بعدما تنتهى القصة
لك منى ألف سلام
وأسجل مرة ثانية إعجابى الشديد بما سقتيه لنا من إبداع
دمت رائعة

اخي الكريم والقاص المتميز \ ابو عدنان
اشكرك كثيرا على المرور وحسن المتابعة وعلى كلماتك الراقية ..
وانى سعيدة جدا ان روايتي نالت اعجابك لحد دلوقتي
اما عن الهاجس ...؟؟
ياريت فعلا انك تنوه لى عن هذه الاخطاء هلى خطا بالكتابة ام بالفكرة ام بالحبكة .. وهذا المأزق عبارة عن إية لأن الهاجس دا باين انه اتنقل عندي .. وبعدين ..؟ اما لو شيء يمكن اصلاحة ياريت تقولي من اجل انقاذ مايمكن انقاذة
ومعلومة قليلة تمنع بلاوي كتيرة هههههه

لك فائق الشكر ووافر الاحترام

دنيا بميوعه وكل أسلحة المرأة : ألو أنا ياللي بِدها تَعمُل معك البزنس..

ممدوح ( ضعيف جدا من ناحية الستات) : طلباتك!!

دنيا :تكرم عينيك .. عرفت إنو إنتا جراح كتير ممتاز.. وبعرف كمان إنك بتعشق المصاري (الفلوس).. وانا بلبيلك كِل طلباتك ..وشو مابدك..والمطلوب منك
رقم واحد: عندي ناس مابدي إياهم يعيشوا .. بَدي تقنصهم وتقصف رقابيهم

ممدوح : والبضاعة ليكي ولا لينا ؟؟

دنيا بدلع : مين لينا ؟؟؟!!!

ممدوح : يعني ليا أنا والمساعدة بتاعتي !!!

دنيا : لاااااااااا ! شوف ياقلبي أنا ما بكذب عليك ..لو إليك لحالك ..أترك البضاعة كلها كرمان لعيونك!!

ممدوح : إنتي مش مصريه ؟؟

دنيا بدلع : لا لبنانيه وحيده ومهضومة كتير وعندي فلوس كتيييييير ومحتاجة حد معايا أثق فيه ويكون ليا لوحدي!!

ممدوح : أحب الجمال اللبناني !!! طلبك موجود يا قمري !! أفلسعلك أمها !

دنيا تضحك أوي : لما نتقابل نحكي اكثر !! تعال ملهى الساحرة في الهرم وإتفرج عليا وبعدين نحكي براحتنا ! ها شو قِلت

ممدوح : امرك ............................... وقفلو الخط( ودنيا تضحك ضحكت إنتصار الأنثى!)

وجهزت نفسها ونزلت للصالة بقمة التألق وسابت خبر على الباب باسم ممدوح ونبهت على الحارس أما يجي يدخله على طول ويغمز لها !!! و فعلا شرف دكتور الغرام وغمز لها الحارس , ودخل وقعد على التربيزه اللي حددتها مُسبقا دنيا !!
وغمزت لممدوح وكانت بترقص وكأنها رقصتها الأخيرة ! وخلصت وراحت الغرفة ولبست لبس مثير جدا وتأنقت جدا ونزلت الصالة لممدوح , اللي وقف عشان يسلم عليها ومنبهر بجمالها الأخآذ!

دنيا : إيه مالك ؟؟
ممدوح : بجد إنتي أجمل بكتير من الصورة اللي رسمتهالك في خيالي

دنيا : لا بس إنتا جنتل أوي !! وشيك موت !! لكن أما تلبس ع زوقي ,يبقى " الله عليك"

ممدوح : موافق أنا من إيدك دي لإيدك دي !! أأمريني يا قمري!!

دنيا : الناس اللي عم بحكيلك عنهم .. أربعه خطفوا أختي وقتلوها ,وانا عايزة أنتقم منهم !! هتساعدني؟؟

ممدوح :: طبعا !! أنا ومرفت بظرف وقت بسيط نكون خلصنا كل حاجه

دنيا بزعل ودلع: ما تذكر اسمها قِدامي !! تولع قلبي من الغيرة ! من أول ماشفتك حسيت إنك بتكون ليا!!

ممدوح: لا سلامتك ! ياريت تكوني ليا

دنيا بجديه : شوف أنا بعطيك عنوان الفيلا اللي فيها المجرمين!أنا بكون معاك بس ماحدا بيشوفني!! تروح إنتا ومساعدتك والتمرجي عشان تخلص بسرعة!! وتاخد معاك كل الأدوات اللازمة !وتفكر كيف بتخدرهم؟! وتعمل حسابك في حافظات مشان تشيل فيها البضاعة يا قلبي ! اللي مبروكة عليك ! بس بشرط مشان نبقى بأمان أنا وياك ؟

ممدوح باهتمام :إيه ؟

دنيا : تكون دي أخر مره تعمل فيها كدا ! انا عندي فلوس كتيره ونسافر وخد اللي عايزة !! دا الشق الأول من الشرط موافق؟؟؟

ممدوح : اوكى بس كدا..................... دانتي تأمري!!

دنيا باهتمام وخبث و دلع تقرب منه وتبص فعنيه : وتكون مساعدتك آخر ضحية تقوم بقتلها مشان نطمن إن ما حدا بيكشف هاللعبة ! ولاّ شو؟؟وأنا بقتل التمرجي!!!

ممدوح: موافق واخد العنوان ومشي بسرعة وراح لمرفت في البيت كانت بتاخد شاور ! وطبعا كان معاه المفتاح , دخل الشقة ينادي عليها .: ميرفت
ميرفت : أنا في الحمام يا قلبي ,,,,,,

ممدوح(راح علي الحمام وفتح الباب ويبصلها بخبث وقال) مش هتبطلي باه عمايلك دي؟!!

ميرفت بضحكه : انا عملت إيه ؟

ممدوح :آل يعني مش عارفا !! إنتي عارفا إني جاي دلوقتي !! المفروض تكوني بانتظاري!! مش بتاخدي شاور !!إنتي عارفا إنك وحشاني موت!!

ميرفت بضحكه عاليه : دا مجرد شاور!! هخلص بسرعة وأجي وراك

ممدوح : سابها وقفل الباب وراح غرفة النوم قعد على السرير وسند ضهره على المخدة (وقعد يفكر ويفكر هيعمل إيه ؟؟ يسمع كلام دنيا ؟؟ صحيح دنيا أجمل من مرفت بمراحل!! لكن حيران أوي !!مرفت ستره وغطاه وحبيبته!

يسأل نفسه طب و بعدين أعمل إيه ؟ ماهي مرفت لو حست بحاجه هتقلب الدنيا عليه وممكن تدمر حياته وتسجنه ,لإن روحه بايديها!! )وأثناء شروده ..... دخلت مرفت الغرفة لابسه الروب والفوطة على شعرها, تفك الفوطة وتظبط شعرها وعيونها متابعة ممدوح في المرايه ! اللي كان بيفكر ويراجع حساباته ......... لو قتلها ممكن يحصل إيه؟؟ويقول لنفسه يعني هيحصل إيه؟ ولا حاجه من ضمن اللي عملته بس إزاي يتم دا !

قاطعه صوتها بتسأله:مالك يا قلبي؟ في إيه ؟ وسرحان كدا ليه؟؟ومنطقتش ولا كلمه من ساعة ماجيت !! جرا إيه يا جووو ....... مالك؟؟

( حوار من خلال المرايه)

ممدوح بابتسامة مصطنعة : مافيش !! كل الحكاية إن الصفقة الجديدة قلقاني شويه!!
ميرفت باهتمام: ليه قولي بتفكر في إيه؟؟

ممدوح : خايف أوي !! الصفقة دي يا ترفعنا فوق.. يا تنزلنا سابع أرض!!

مرفت( إلتفتت لممدوح وجت قعدت جنبه على طرف السرير) : إنت كلمتها؟

ممدوح بتنهيدة : آه كلمتها والموضوع شكله كبير!!

مرفت : قالت إيه؟؟

ممدوح : أبدا .........بتقول الموضوع كله 4 أفراد مش مصريين , قتلوا أختها ,عايزة تنتقم منهم مش أكتر!! تقتلهم وناخد البضاعة!!!

مرفت : مش مصريين!! أمال جنسيتهم إيه ؟؟

ممدوح : ماعرفش

مرفت بغضب: إزاي ماتعرفش !! لازم تعرف جنسيتهم إيه وقتلوها ليه؟!

ممدوح بسخرية: باقولك إيه ؟ وإحنا مالنا جنسيتهم إيه ,,,,, إيه هتفرق معاكي !! ماهو كلوا واحد ( وقرب منها أوي .... عيونه بعيونها بنظره صارمة منه) : جرا إيه ؟ هي هتفرق معاكي ولاّ إيه ؟ إن كنتي خايفه قولي من أولها !!

مرفت بتوتر : إنتا اللي فيه إيه؟ مالك متحمس أوي كدا ؟ (وبتهكم) إلا قولي الهانم جنسيتها إيه؟

ممدوح : لبنانيه

مرفت (قامت وقفت ولفت إدته ضهرها وبحده جامدة) : قولتلي باه !! لبنانيه هه دا إيه الجمال دا !! أتاري متحمس أوي!! لا يا بابا مش موافقة! إلغي!........... إنت قابلتها؟

ممدوح : أيوة !! عشان تقولي على التفاصيل كلها وأفهم منها!!

مرفت : أهااااااااااااااا قولتلي بأه !! عشان كدا داخل سخن أوي!! تلاقيها جميله أوي!! قول قول ماتتكسفش!

ممدوح : اعقلي يا مرفت أنا مش كدا !!

مرفت بسخرية: هـــيــهــي !! بأاا إنتا مش كدا؟ دانتا كدا وأبو كدا كمان!!! قول كلام غير دا !!

ممدوح (يقرب منها ويطمنها ) : إنتي عارفا إني بحبك ومش شايف غيرك! بلاش الغيرة الهبلة دي

مرفت بضحكه أنثوية ماكرا: ولو مش بتحبني ياعنيا , أنا قدرك !! ماتقدرش تغيره ! لو حاولت بس تغيره........................ هاقتلك !!

الكلمة نزلت على ممدوح كالصاعقة !! مكنش متوقع إنها تفكر في كدا فهز دماغه بمكر وإصرار وسخرية وقال فباله البادي أظلم !!!!

مرفت : مالك سكت يعني ؟؟!!!

ممدوح : إسمعي أنا كل اللي في دماغي شغل وبس ! تصدقي ماتصدقيش براحتك حاجه ترجعلك إنتي!! يلا سلام (وقام وخرج من الغرفة عشان يروح , جريت عليه مرفت : إنت زعلت ؟!! أنا آسفا (وقربت وحضنته ) خلاص باه ماتبقاش قاسي !!! اللي إنتا عايزة أنا موافقة عليه !!!

ممدوح بشرود وابتسامه غامضة باهته جدا طبطب عليها : خلاص يا مرفت , ربنا يسهل أما نشوف الأيام هتاخدنا لحد فين !! سلام ( وخرج وقفل الباب ومرفت سندت على الباب بضهرها وتتنهد وتفكر كنا مرتاحين وأنا وهو وبس !! يا ترى الهانم الجديدة دي هيكون وضعها إيه ؟ وإتنهدت ودخلت تنام !!

أما ممدوح روح بيته وفضل يفكر ويخطط إزاي يتم العميلة دي على أكمل وجه ,خاصتا إن اللعب مش على أرضه !! يعني كل اللي عمله كان في المستشفي ,يعني في أرضه لكن!!!!!!! الصفقة الجديدة تقلق بكل المقاييس يكفي إنها فمكان مايعرفش حاجه عنه,ودا قمة التهور !!يهز دماغه ويقول كله يهون عشان خاطر الجمال اللبناني!!!!!!! ونام

أما دنيا بالوقت دا كانت بترسم وتخطط إزاى تخلص من الكل بخبطه واحده! ورن موبيل دنيا :الو مين؟

ماهر : إزيك ! إيه نسيتي صوتي؟!

دنيا باشتياق : أكيد لا!! لكن الرقم غريب مش رقمك!! كنت بتأكد مش أكتر ! وانت فاكر إنك ممكن تتنسى؟؟ لو نسيت الدنيا كلها إنت لا!!

ماهر بلوعة الحنين الممزوجة بالغضب والتوتر : زعلان منك اوي !! أنا عارف إن مش من حقي أتدخل في حياتك ( قاطعتة دنيا : إنتا !! إنت من حقك كل حاجه !!

ماهر باشتياق شديد لنبراتها
( مع إنه ضابط المفروض إنه قوي جدا , لكنه حساس أوي والحب مالوش كبير !! والضعف في الحب قوه مالها حدود!! قال) : سيبك من البكش دا وقولي كنتي فين ؟ قلقان عليكي موت !! وبعدين معاكي!! مش هتقولي بتعملي إيه ؟ إوعي تتصرفي من دماغك لازم تشركيني معاكي,على الأقل أحميكي!!! ولا إيه؟

دنيا بدموع الحنين تتنهد ( تحضن التليفون وتقول لنفسها: إبعد باه حرام عليك مش عايزة أغرقك معايا .. أنا خلاص حياتي ادمرت ! لكن إنتا العمر كله قدامك سامحني أرجوك وإنساني) وقاطعها ماهر:الو الو , دنيا إنتي فين ردي عليا!

دنيا تحاول تتحكم في أعصابها : معاك !

ماهر بلهفة: مالك في إيه ؟للدرجادي مكالمتي ضايقتك ( يرن تليفون المكتب جنب ماهر ) لحظه دنيا هقفل وأكلمك تاني سلام دلوقتي وقفل

دنيا قفلت معاه وتبكي ومش عارفا تعمل إيه !!تكلم نفسها:ياتري فعلا ماهر بيحبني!معقول ميزان الحظ يجي يوم ويتعدل !طب إزاي بس وأنا برتب آخد بالتار !! تار خالتي وصاحبتي وكل اللي ماتوا وإتسرق جسمهم بدون أى داعي!! ذنبهم إيه ؟؟
آآآآآآآآآآه .. , يارب ساعدني أعمل إيه ؟ أنا فعلا بعشقه وعارفا إنه مش من حقي لأني مش مناسبة ليه .. هو يستاهل أحلى البنات! مش واحدا مغتصبه والظروف خلتها كمان رقاصه !! أنا لازم أبعد عنه وأخرجه من اللعبة عشان مستقبله !!راحت نامت!! اما ماهر بيه إلتقط السماعة : الو
اللواء سعيد الرازي: أهلا ماهر

ماهر وقف : اهلا أهلا يافندم

سعيد : اسمع في موضوع مهم لازم تعمله بنفسك,إبن أختي كلمني ,خطيبته إختفت في محل ملابس بمدينة نصر !!دا رقمه كلمه اعرف منه المكان و روح بسرعة شوف في إيه؟؟ وربنا يستر ماتكنش زى عصابة المطعم إياه,,,,,,,, تبقى كارثا !!

ماهر : حاضر يافندم وقفل ونادى : محمود

دخل الضابط محمود : نعم يافندم

ماهر بحزم : اجمع القوه بسرعة جدا !

محمود : خير يفندم ؟
؟
؟
؟
تابعوني

إيه السرعة المفاجئة دي ، امبارح حزء والنهاردة جزء ،

بعدين نطمع في كرمك كدة ،

عارفة اللى دنيا بتعمله دا بيفكرني بدعاء :

اللهم أضرب الظالمين بالظالمين ، وأخرجنا منهم سالمين .

أنا في انتظار الجزء الجديد .

تحياتي .

حبيبة قلبي لولو .. وحشتيني كتير ياقمر
انا نزلت الجزء بسرعة عشان اعوض الفترة اللي هاغيبها شوية
لاني مشغوله شوية اليومين دول
وعلى فكرة يا قمر فعلا دا اللي كان جوايا وانا برتب حبكة الروايه والنهاية
اللهم أهلك الظالمين بالظالمين وأخرجنا منهم سالمين
توقعك كان في محلة يا بنت مصر الجميلة
يسلملي زوقك ياقمر
دمت بكل الحب Very Happy

نُتابع ونُصفق تقديرا لهذه الروعة

وننتظر القادم بشغف

الرائعة أسماء عبدالعزيز

أصبحت مشغولا جدا بهذه الرواية

ومثلى كثير فلا تغيبى علينا

تقبلى بساتين الإعجاب والتقدير

ماهر : اللواء كلمني ..... خطيبة قريبه ,,,,إختفت بمحل ملابس! خلصنا من الحمامات طلعت لنا محلات الملابس!!

محمود بدهشة : محل ملابس !! تحت أمرك يفندم( وخرج محمود وجمع القوات وراحوا على العنوان, اللي أخده ماهر من عمرو قريب اللواء سعيد لما إتصل بيه ! و أول ما وصلوا للمكان جري عمرو على ماهر بيه

بغضب هائل : يافندم لميس دخلت المحل دا و مخرجتش منه !!

ماهر: هدي نفسك إن شاء الله نلاقيها ( و دخل المحل وكان محل راقي وواسع بس مش جدا) سأل المدير : فين صاحب المحل ؟

المدير : أنا يا فندم

ماهر : إيه اللي حصل ؟

المدير : يا فندم لاقينا الشاب دا, داخل علينا ويتخانق معانا!! يقول خطيبتي كانت هنا وإحنا ماشفناش خطيبته دي!! سيادتك عارف اللي بيدخلوا ويخرجوا كتير !! إحنا هنراقب كل واحده أو واحد يدخل أو يخرج ....
مش معقول الكلام دا !!
ويتهمنا بخطفها (بسخرية) نخطف مين وليه !! أنا بتهمه بالتعدي علينا بالسب (يقاطعه عمرو إنت كذاب ) (يشاور له ماهر إنه يستنى مش يتكلم)

ماهر بتمعن وتفكير ( ومجموعه من الضباط والعساكر يفتشوا المكان): خلصت كلامك ؟

المدير بتوتر : أه

ماهر : ايوه ياعمرو

عمرو بانفعال : أنا جيت أنا ولميس هنا دخلنا المحل نشتري فستان وكان المحل فاضي مافيش زباين كتيره ! وجاني تليفون سيبتها دخلت تتفرج وتنقي , وخرجت أتكلم في الموبيل , وأما خلصت دخلت مش لاقتها! لفيت المحل كله أدور عليها مالهاش أي أثر!! سألتهم؟!! ردوا بقلة زوق ماشفناش حد تلاقيها مادخلتش أصلا شوفها راحت فين !!؟ تعصبت عليهم لأنها مخرجتش ! أنا هاجنن راحت فين ؟! أرجوك يافندم قولي هيه فين وحصلها إيه !! انا مش إتحركت من قدام المحل وهيه مخرجتش أصلا والمحل فاضي !! بالله عليك قولي تبقى فين!!!!

ماهر : ماتقلقش قولتلك إن شاء الله نلاقيها ( وسابه وسأل المدير عن الحمامات قال فنفسه :يمكن يكون زى عملية المطعم وتكون في عصابة من النوع دا في المكان دا بردوا !!(بس تفتكروا ممكن يكون فعلا كدا !!) لكن أخده من شروده رد المدير إن مافيش حمامات للزباين ,

في حمام صغير للعاملين بالمكان فقط! وفعلا تفحصه ماهر ومالقاش حاجه كان حمام صغير جدا و مافهوش حاجه مريبة !! ولف المحل كله يدور بكل ركن ويخبط على حيطان المكان ربما يكون في غرفه مخفية ولا حاجه لكن بدون أمل !!!

وخرجت القوه وخرج ماهر ومعاه المدير وعمرو منهار ! وفجاه جه ببال ماهر يفحص تاني غرفة الملابس أهو آخر أمل مع إن القوه فحصتها.... وقد كان!

دخل ماهر تاني وراح على غرفة تبديل الملابس , وهو ب يراقب رد الفعل على ملامح المدير اللي بدا عليه التوتر جدا!!! ودخل ماهر لكن كانت الغرفة عاديه جدا!! مافيهاش أى شيء مريب أو مثير للشك!! لكن اللي خلى ماهر مصمم يدور بكل ذره فيها توتر المدير, اللي وشه اتقلب أكتر وب يحاول يحافظ على هدوئه لكن بدون جدوى!!

ودخل محمود يتابع مع ماهر اللي خرج من الغرفة فاقد الأمل ! مش قدر يوصل لشيء ! لكن السؤال اللي محيره ليه القلق والتوتر والخوف اللي بدا على المدير ؟! ولما خرج ماهر منها تنهد المدير بارتياح ووقف المدير يودع ماهر بابتسامة عريضة ووراه غرفة تغيير الملابس وماهر وشه للغرفة وللمدير
المدير : شفت يافندم يارب تكون صدقتني !! إحنا ماشفناش خطيبته دي خالص ! وحضرتك فتشت بنفسك و إتاكدت!!

ماهر ساكت وبتفكير عميق يبص للمدير ويقول بنفسه شكله مريب وفرحان أوى وزال التوتر لما خرجت من الغرفة !! و........

.....

..وقعت عين ماهر على برواز جنب باب الغرفة ,بس مش غريبة شويه !! في حد بيشوف براويز صور بمحلات الملابس!! يمكن!!

وراح ماهر على البرواز وشالة لقي تحته مفتاح كهربي صغير(قاطعه بسرعة المدير وقاله مفتاح لمبة الغرفة!!) ماهر ضغط عليه بسرعة وسط دهشة محمود اللي كان بيسأل نفسه بيعمل إيه ماهر؟؟ و بيفكر في إيه؟!! ومع ضغطة ماهر على المفتاح نزلت غرفة الملابس للأسفل !! صعق محمود أما ماهر هز دماغه بدهاء وفرحان باكتشافه مفتاح اللغز!! وراح يبص علي غرفة تغيير الملابس اللي هيه عبارة عن أسنسير للبدروم !! وضغط تاني وطلعت تاني وجرى المدير عايز يهرب

لكن ماهر قال: امسكوه ( و تلمت القوه ومسكوا كل العاملين بالمحل)

أما ماهر ومحمود وعمرو وجزء من القوه دخلوا غرفة الملابس

وأمر ماهر واحد يضغط المفتاح وفعلا نزلت الغرفة بالبدروم !!

ماهر يلاقي نفسه وسط مجزره أو مشرحه !!مش عارف ؟؟ (تفتكروا يقدر الكلام على وصفها؟!!)

وجد مجموعه أشخاص اللي بيشرح جثث!! واللي بينقل الأعضاء بالحافظات واللي بينضف الأرض !واللي بيغلف الجثة اللي أصبحت هيكل ويحطها بكيس كبير بسوسته !!

وبصراحة كان فريق العمل نشط جدا لدرجة إنهم مانتبهوش لدخول ماهر واللي معاه !! انتبهوا كلهم على صرخة عمرو اللي إنهار لما شاف جثة خطيبته ومسروق منها كل حاجه !!

وتم القبض على الجميع وخرجو من المحل !! وشمعوه بالشمع الأحمر وكانوا مش معتمدين على ضحايا المحل إعتماد كلي ..وإلا كان اكتشفوه من زمان!!!ولأن كمية الجثث اللي وجدها ماهر كتيرة جدا على محل ملابس !!والمتهمين إعترفوا إنهم كانوا بيلموا أغلب الضحايا من خارج المكان!! وتم القبض على الجميع والتحقيق معاهم

(وأول ماماهر خلص تحقيق ومروح طلع موبيلة وكلم دنيا وكان فرحان إنه قبض على العصابة)
قالها إنه خلاص قبض على العصابة وأكيد دول اللي خطفوا سوزي!! لكنه إتفاجئ برد فعل دنيا اللي كان غير متوقع وخلاه يحس إنه بيجمع نقط ميه من بحر كبير !! يعني المافيا لسه موجودة مش الدكتور والممرضة وبس ولا عصابة الحمامات ولا محل الملابس !! دول منتشرين بشكل يرعب !! ياترى لسه في تاني أكتر من كدا ؟؟؟؟؟ هنشوف!!

وإتصلت دنيا بسليمان ترسم معاه الخطة اللي هاينفذوها بكرة الفجر!! وسألته عن كمال قالها إنه راح لقاه ميت وشالة بشوال ورماه بالبحر وقالتله دنيا كويس اوي كدا ورسمت معاه الخطة و..........؟ اتصلت دنيا على ممدوح و
دنيا : الو ..........كيفك؟
ممدوح : إنتي مش بتعرفي تتكلمي مصري؟
دنيا : شووور
ممدوح : خلاص خليها مصري
دنيا :أوك شوف يا ممدوح ........إنت هاتروح الفيلا بكرا الساعة 4الفجر ومعاك كل اللي إتفقنا عليه وتدخل من باب المطبخ و.............................
ممدوح : إتفقنا سلام

ومر الوقت بطئ جدا على دنيا وأولاد خالتها حواليها فحضنها وتتنهد وتقول لازم أمكم ترتاح في قبرها!!!( وتفتكروا يا تري هيتم كل اللي رسمته ولاااااا؟؟ ) أما ممدوح و مرفت كانوا بيجهزوا الحافظات والمعدات (وكان لمرفت وجهة نظر تانيه غير وجهة نظر دنيا خالص؟؟ تفتكروا هيحصل إيه؟
؟
؟
؟
؟

تابعوني

محمد على احمد كتب:: نُتابع ونُصفق تقديرا لهذه الروعة

وننتظر القادم بشغف

الرائعة أسماء عبدالعزيز

أصبحت مشغولا جدا بهذه الرواية

ومثلى كثير فلا تغيبى علينا

تقبلى بساتين الإعجاب والتقدير

الشاعر المتميز\ محمد على احمد
اشكرك كثيرا على المرور ويسعدني كثيرا متابعتكم لروايتي
واتمنى ان تنال اعجابكم
اشكرك كثيرا على كلماتك الراقية
دمت بكل الخير

انا كمان هطرح نفس سؤالك ، ياترى هيحصل اللى رسمته ولا إيه ،

ومرفت دي هتعمل إيه ، إيه هيحصل أنا مش عارفة ،

وانا بحاول أربط بين كل جزء أقرأه وبين اول مش مشهد لما دنيا كانت في المحكمة ،

وأسأل ياترى هتدخل ليه ، هيحصل إيه ، طيب هتخرج براءة ، ولا هتشرف كام سنة كدة في السجن .

والله حيرتيني . أمرى لله بقا هحاول مش افكر واستنى .

حبيبة قلبي لولو .. والأديبة الجميلة بنت مصر
والله يالولو مش قادرة اقولك قد ايه سعادتي لما بشوف اسمك منور صفحتى اما عن اللى هيحصل فهو ممكن يكون
؟
؟
صراع أنثوي مثلا
يمكن
تعالي نشوف
هيحصل ايه
دمتي بكل الحب ياعمري

متابعك يا أسماء فى هذا الفيلم الدرامي و الغموض و الإثارة
موضوع يمثل سينيمائيا
أحسنت و لكن قولك ( ( ياترى فيه كدا! وصلت البجاحة لحد كدا!! دايما عارفين اللي بيعمل جريمة يعملها بعيد عن مكانه عشان محدش يكتشفها!! و لو اتكشفت مايعرفوش مين الجاني !! )
هذا رأيك أنت و لا دخل للعمل به
و فى رأيي التواضع حذفه أفضل أو جعله على لسان واحد من الأبطال
أحسنت

استاذنا القدير \ عاطف الجندي
اشكرك كثيرا على المرور والمتابعة ويسعدني كثيرا
ان روايتي المتواضعه نالت اعجابكم
وجرى حزف هذا الجزء فعلا أفضل بكثير
شكرا لك كثيرا
المشكله في اعمالى انها كلها تنفع سينمائية لكن للأسف مافيش سينما لسه
دمت بكل الخير والود

ومر الوقت ودنيا مش راحت شغلها ونزل ممدوح و مرفت وسيد بعد ما أقنعة ممدوح يجي معاهم ويدوله فلوس زيادة!

ووصلوا الفيلا.. وكانت دنيا وسليمان واقفين بعيد عشان محدش ياخد باله منهم.. وفعلا محدش أخد باله لكن ممدوح كان عارف إن دنيا موجودة!! وعارف بالخطة كلها

( تفتكروا عارف؟؟َولاّ؟)

ودخلوا من باب المطبخ وفتح ممدوح الباب اللي على الصالة براحة.. يراقب وكان نيكولاس و أصحابة بيلعبو بوكر وقدامهم الخمر و يشربوا من الأزايز مباشرة! وكان باين عليهم السكر جدا ! ممدوح قال نستنى شوية !! وفعلا إستنوهم لما إتخمدوا كلهم وجري ممدوح ومرفت يدوهم حقن البنج وسيد يساعدهم وبدا ممدوح بتنفيذ تعليمات دنيا بدبح الأربعة مره واحده قبل مايبتدي!!
ودا حير مرفت أوي وسالته أول مره تعمل كدا !!

ممدوح بعصبية : مش شغلك !وإنهمك في العمل ونظرات الحيرة بعيون مرفت اللي كانت طول ماهي بتشتغل تبص له ومستغربة جدا !

في حين دخلت دنيا وسليمان من باب المطبخ وراحت دنيا تبص من الباب المفتوح على الصالة ولاقتها فاضية دخلت براحة تدور!لقتهم في الأوضة سمعت مرفت بتقول لممدوح :هي الهانم مش هتيجي تتأكد من الشغل ولا إيه؟
ممدوح بتلقائية : لا.............. هيه واثقة فيا (وانتبه لكلامه علي نظره ناريه من عيون مرفت اللي قالت : إيه ؟ واثقة !! هي لحقت تعرفك عشان تبقى واثقة ؟!

ممدوح : لا مش قصدي

مرفت : ولاّ قصدك !!ماتفرقش!! طب وفلوسنا ولا إنتا كمان واثق!!

وساد الصمت و رجعت دنيا بسرعة للمطبخ وقالت لسليمان البت دي شكلها مش سهلة!!
سليمان : والله لو مين ................... هاقطعها ....وأخلي أكبر حتة زي عقلة الصباع !!

دنيا : لا إسمع مالكش دعوة بيها سيبهم لبعض !!يلا زمانهم خلصوا إطفي النور !
وفصل سيلمان النور عن الفيلا
ممدوح :روح ياسيد شوف مفتاح النور هتلاقية في المطبخ

إتلفتت مرفت لممدوح بدهشه : وإنت عرفت منين ؟إنت جيت هنا قبل كدا ولاّ إيه؟

ممدوح بتوتر : لا ............. بس خدت بالي منه لما كنا مستنينهم يناموا ( وطبعا دا غلط !!لإن إتفائة مع دنيا .......ساعة ماتطفي النور يبعتلها سيد على المطبخ وهي هتتخلص منه!!بس اللي مايعرفوش ممدوح إن دنيا معاها سليمان!!!؟؟؟

وطبعا كلام ممدوح مدخلش دماغ مرفت اللي فهمت إن ممدوح متفق مع دنيا وشكلهم هيخلصوا منها !! بصت للجثة اللي كانت قدامها , وراح سيد على المطبخ ودخل يحسس وإتفاجئ بخبطه على راسه من سليمان بمقبض الساطور !!صرخ ووقع على الأرض وإندهشت مرفت أوي من صرخة سيد والنور اللي رجع فبصت لممدوح اللي قالها
أنا آسف يامرفت !!سامحيني في اللي هاعمله و فنفس اللحظه ؟!

بادرته مرفت بحقنه كانت معاها وقالت : سامحني إنتا ياحبيبي !! أنا كنت مجهزاها للي بعتني عشانها كنت هاخلصك منها عشان تفضل معايا !!

لكن إنت اللي بعت !!بعت بالأوي كمان !

(وعلى الباغي تدور الدوائر) !!

ماتخفش دا سم شديد المفعول عشان مش تتوجع كتير !!
ويتشنج ممدوح جامد وتدخل دنيا وسليمان وراح سيلمان مكتفها

دنيا : برافو قصرتي عليا المشوار (وتبص دنيا لممدوح ونزلت على ركبتها جنبه وتكمل: يحرام شفت يادوحه حبيبتك قتلتك إزاى ! لاء لاء إخص عليكي يامرفت (وتلمس ممدوح بطرف أناملها )
حد يقتل حبيبه !!عامتا يادوحه تقدر تموت وإنت مطمن ياحبيبي لأني هاخد بتارك!
أينعم إني كنت هقتلك مكافئه على قتلك لناس كتير وخاصتا أطفال الملاجئ لكنها سبقتني ودلوقتي لازم تشوف عشيقتك

((((( يتشنج ممدوح أكتر وأسرع ويموت )))))

تكمل دنيا بتنهيدا : يخسارة يامرفت كنت عايزة يشوفك وإنتي بتموتي!!

سليمان : أجيب راسها باه بالساطور ونخلص

دنيا بسخرية : جرا إيه يابو محمد ماتبقاش قاسي أوي كدا (وراحت على طاولة العدة بتاعة ممدوح وتلف بأناملها علي محتوياتها وتسأل مرفت :تحبي تموتي إزاي؟؟؟ بدا ولا دا ولا دا!!
ومرفت تصرخ

دنيا تضحك :غيرك صرخ كتير ولا حد سمعة!! منهم صديقتي الوحيده ومنهم خالتي ومنهم الأطفال اللي كنتي بتحكمي عليهم بالموت !!

وإنتي إيش تكوني ؟؟ ولا حاجه نكرة!! إنتي مش ربنا عشان تاخدي روحهم بمزاجك !!
(ومسكت دنيا آله حادة أوي وقربت منها ببطء) وكتم سيلمان بؤها وضربتها بطعنات قويه متتالية ووقعت مرفت غرقانة بدمها
دنيا : يلا يسليمان بسرعة امشي زي ماتفقنا!

سليمان : لا تعالي معايا!

دنيا : لا ماتفقناش على كدا !!روح عشان خاطري إنت عندك أولاد ومراتك على وش ولادة !!إمشي أرجوك بسرعة!!

سليمان يبكي وهو ماشي وبص لها وقال :أول مره أتمنى المولود يجي بنت عشان أسميها على إسمك!!

دنيا بامتنان: خد بالك من نفسك ومن عيالك ومهما حصل لا شفتك ولا شفتني !! إوعى تغلط عشان خاطري !! يلا إمشي باه (بص لها بامتنان ومشي بيبكي ) وقعدت دنيا وسط الجثث والدم وطلعت الموبيل وطلبت رقم ماهر :الو
دنيا بحزن ودموع : إزيك

ماهر بلهفة :فينك ؟؟مال صوتك!!

دنيا تتماسك : أنا هنا

ماهر :هنا فين ردي بسرعة في إيه؟

دنيا : مش تزعل مني!! أنا( وتنهار وتبكي) بحبك أوي

ماهر بحزن وقلق : إنتي فين ؟وعملتي إيه قولي؟!!

دنيا : ماهر أنا بجد عمري ماحبيت ولا هحب حد غيرك!! بس غصب عني ضيعتك مني !!سامحني أرجوك

ماهر فقد صبره : إنتي فيييييين وعملتي إيه؟ردي!

دنيا : أنا هنا تعالى أشوفك (إدته العنوان وجري ماهر وركب عربيته وراح على العنوان ودخل لاقاها وسط بحر دم وأعضاء وجثث

ماهر بذهول : إيه دا !! معقول كل دا !! مين دول ! مش تقولي إنك إنتي اللي عملتي كدا !!ردي عليا
( بصت دنيا في الأرض وتبكي )

ماهر باستسلام يطلب القوه والإسعاف وتركب دنيا البوكس وماهر يركب عربيته والحسرة ماليه قلبه لكن الواجب واجب والبدلة ليها حكمها !!

لكن ماهر تنحى عن القضية ومسكها عاصم بيه !وإعترفت دنيا إنها حرضت على القتل وقتلت التمرجي والممرضة ورفضت تقول أي أسباب
وصارت أقاويل الصحف و.....................

ونرجع من تاني لقاعة المحكمة اللي فيها دنيا!!
اللي سكتت وخلصت كلام وسابت القاضي والمستشارين بحيرة شديدة والقاعة صمت تام

لكن المصوريين والصحافة كانوا ماليين المحكمة وفرصة ذهبيه ! لإن خلاص إتكشف سبب إنتقام العاهرة!!هي عاهرة ولاّ إيه؟؟طب نسميها بعد كل دا إيه؟
القاضي الحكم بعد المداولة(وياخدوا استراحة قصيرة وخلال الوقت دا القاعة هرج وكلام بصوت عالي أما الصحفيين يصوروا دنيا مروان والناس يدعولها بالبراءة بعد ماتكشفت الحقيقة

الحاجب : محكمه

ويقف كل الحضور (يدخل المستشارين التلاتة )

القاضي حكمت المحكمة حضوريا على المتهمة دنيا مروان بــــ ؟
؟
؟
تابعوني

» انا من (ارجو المتابعة)
» الصمت(ارجو المتابعة)
» هل لى الحق(ارجو المتابعة)
» الحنين(ارجو المتابعة)
» بلاعنوان ارجو المتابعة والرد