الأيدي البــــاردة .. ياترى خيال ولاّ حقيقة؟؟ ارجو المتابعة

بالحيرة والإنتظار

هكذا تجعلينا أيتها المتميزة جدا أسماء عبدالعزيز

قمة التألق أن تجعلى القارىء مع ما كتبتِ وهو يقرأ وبعد أن يُنهى القراءة فى إنتظار القادم من هذا العمل البديع

المتميزة أسماء عبدالعزيز

أُتابع وأنتظر وأنا سعيد جدا بهذا التمكن الواضح

هى المحكمة هتحكم ، مش هتطلعها براءة يعنى ،

لا لا طلعيها براءة بقا ، او كفاية سنة واحدة وخلاص .

بس هى جابت سيرة سليمان في الموضوع ، هيحصله إيه .

ربنا يستر .

محمد على احمد كتب:: بالحيرة والإنتظار

هكذا تجعلينا أيتها المتميزة جدا أسماء عبدالعزيز

قمة التألق أن تجعلى القارىء مع ما كتبتِ وهو يقرأ وبعد أن يُنهى القراءة فى إنتظار القادم من هذا العمل البديع

المتميزة أسماء عبدالعزيز

أُتابع وأنتظر وأنا سعيد جدا بهذا التمكن الواضح

الأستاذ الشاعر الكبير يسعدنى تواجدكم الغالي .. وحسن المتابعة
ارجو ان تكون النهاية مرضية ..
لك الشكر كثيرا على كلماتك الراقية
دمت بكل الخير

الاء عثمان ((بنت مصر)) كتب:: هى المحكمة هتحكم ، مش هتطلعها براءة يعنى ،

لا لا طلعيها براءة بقا ، او كفاية سنة واحدة وخلاص .

بس هى جابت سيرة سليمان في الموضوع ، هيحصله إيه .

ربنا يستر .

حبيبتي لولو ايه بس مالك يسكر
انتى مش عايزه المحكمه تكم ولاّ ايه
دا لازم تحكم وتقول
؟
؟

عشان
؟
؟

اوكي هبطل غلاسة وانزلك الجزء الجديد ياقمري ولا يهمك
اعتقد انه الأخير
يمكن
دمت بحب

الحاجب : محكمه

ويقف كل الحضور (يدخل المستشارين التلاتة )

القاضي: حكمت المحكمة حضوريا على المتهمة دنيا مروان بالسجن خمسة عشر عام مع الشغل والنفاذ.. وعلى سليمان الغزالي بالسجن عشرة أعوام مع الشغل والنفاذ ! رفعت الجلسة

وترتفع أصوات الجميع متذمرين ومش راضيين عن الحكم !!! والبوليس يقبضوا على سليمان اللي كان موجود بالقاعة ومرحب بالقبض عليه !! لانه مش عايز دنيا تشيلها لوحدها

ماهر لدنيا : الحمد لله مبدئيا !!! أنا كنت خايف توصل لل.........؟ هانقدم النقض وإن شاء الله نكسبه وخدوا الحراس دنيا اللي كانت بتبكي وفنفس الوقت بتحمد ربنا على كل شيء

وإتقلب الحال والصحافة وعناويين الأخبار

مظاهرات بالشوارع تطالب بالإفراج عن دنيا مروان وعدم نعتها بالعاهرة

الأمهات : دنيا أخدت بثأرنا من أعدائنا ومن قتلة أطفالنا!! نطالب بالبراءة

الشباب والشابات : كتر خيرها اللي عرفت توصلهم وتقتلهم!! ناس ماعندهمش ضمير وكمان مش كفاية عصابة الدكتور ممدوح كمان ناس مش مصريين !!المفروض اللي يتسجن.........؟ اللي دخل الناس دول مصر بهويات مزورة!!! ولو كان واحد مننا قابل حد منهم كنا قتلناهم زي ما قتلوا وسرقوا كتير مننا!!

وتمر الأيام والصحف تكتب والناس مولعة ومش عاجبهم حكم القاضي مع إن القاضي كان رحيم بيها جدا !!حد مكانها كان أخد إعدام !! لكن الناس تجمهرت في الشوراع وتهتف وتطالب بالبراءة لبنت مصر اللي الزمان قسي عليها وعمرها مكانت عاهرة! وإنتقمت لكل طفل وشاب وشابة إتقتلوا بدون ذنب ولكل دمعة نزلت من عيون الأمهات!!

ويتقبل النقض ويوم الجلسة القاعة مكتظة جدا بالناس وأغلبهم ستات وأمهات وخارج المحكمة ناس كتير!! وفي الشارع تجمهر غير عادي!!
وفي قاعة المحكمة

وبعد ماسمع القاضي حيثيات القضية وقفت أم من ضمن الحاضرين! وببكاء الأم اللي دموعها بتنزل زي النار بتكوي قلوب البشر! تقف وتقول للقاضي:

لحظة يابيه !! عشان خاطر أم مسكينة إسمعني ويسحبوها الناس يوصلوها للقاضي

القاضي :إنتي مين؟

الأم : أنا واحده من اللي إتحرق قلبهم على ضناهم وفاقدة بصري يابيه

القاضي (رق قلبه) : وعايزة إيه ؟
؟
؟
؟
؟
؟
تابعوني

حقيقى انتى مش ُممكنة

مخليانى صاحى نايم مشغول بالرواية دى

وبرضه لسه ماوضحتيش الحكم الاخير ايه

برضه مُنتظر بس بطلب السرعة ارجوكى

انا والله مش عارفة اقول ايه بس ،

طيب وقعتي قلبي وخليتها تاخد 15 سنة ،

وبعدين طمنتيني وقلتي في نقض ،

وبعدين سبتينا مستنين على نار الحكم النهائي .

عرفتي تمسكى زمام مشاعرنا ببراعة بجد .

عارفة انا قرأت الجزء دا امبارح بس مش رديت اعلق لأنى كنت متأثرة اوى .

الاستاذة والاديبة الجميلة / أسماء عبد العزيز
كنت مستنية النهاية علشان اعلق...........بس انتى بصراحة اللى علقتينى فين النهاية ، اعتقد انك لازم تركيزى على كتابة الرواية رغم انى مش متخصصة بس انا شايفة قدامى غزارة فى الابداع لرواية جيدة الحبك و شايفة انك بتمتلكى ملكة حلوة وهى الحديث بكل لسان بمعنى مفرداتك مناسبة لكل شخصية يعنى عارفة البواب هيتكلم ازاى و سواق التاكسى ازاى والمثقف ازاى و ده فى حد ذاته على ما اعتقد مهم جدا
ربنا يوفقك و من ابداع الى ابداع
بس عارفة لو طلعت فى الاخر بتحلم
هههههههههههههههههههههههههههه
مش هاقولك هاعمل ايه
فى
الانتظااااااااااااااار
؟
؟
؟

محمد على احمد كتب:: حقيقى انتى مش ُممكنة

مخليانى صاحى نايم مشغول بالرواية دى

وبرضه لسه ماوضحتيش الحكم الاخير ايه

برضه مُنتظر بس بطلب السرعة ارجوكى

الأستاذ الشاعر القدير\ محمد على احمد

بصراحة انا سعيدة جدا بمتابعتكم ..
تقبل وافر الشكر والاحترام
والحكم الحلقة الجاية ان شاء الله
دمت بكل الخير

الاء عثمان ((بنت مصر)) كتب:: انا والله مش عارفة اقول ايه بس ،

طيب وقعتي قلبي وخليتها تاخد 15 سنة ،

وبعدين طمنتيني وقلتي في نقض ،

وبعدين سبتينا مستنين على نار الحكم النهائي .

عرفتي تمسكى زمام مشاعرنا ببراعة بجد .

عارفة انا قرأت الجزء دا امبارح بس مش رديت اعلق لأنى كنت متأثرة اوى .

لولو الجميلة والعزيزة على عزيزة دائما
قصدي على قلبي دائما
ههههههههههههههه
بجد بستنى تعليقك
على فكرة بأه وماتجيش بكرة ...
انت عايزاني اطلعها براءة وادخل انا مكانها
دي قضيه كبيييييييييييرة يعني لازم شوية كدة
بس تفتكرى ياقمر الحكم المرادى ولاّ ايه
طب ماتجيبي النتيجه من الكنترول
هههههههه
خلاص خلاص ... حاضر
دمت بكل الحب

عاشقة الشعر كتب:: الاستاذة والاديبة الجميلة / أسماء عبد العزيز
كنت مستنية النهاية علشان اعلق...........بس انتى بصراحة اللى علقتينى فين النهاية ، اعتقد انك لازم تركيزى على كتابة الرواية رغم انى مش متخصصة بس انا شايفة قدامى غزارة فى الابداع لرواية جيدة الحبك و شايفة انك بتمتلكى ملكة حلوة وهى الحديث بكل لسان بمعنى مفرداتك مناسبة لكل شخصية يعنى عارفة البواب هيتكلم ازاى و سواق التاكسى ازاى والمثقف ازاى و ده فى حد ذاته على ما اعتقد مهم جدا
ربنا يوفقك و من ابداع الى ابداع
بس عارفة لو طلعت فى الاخر بتحلم
هههههههههههههههههههههههههههه
مش هاقولك هاعمل ايه
فى
الانتظااااااااااااااار
؟
؟
؟

حبيبة قلبي ملكة الأحرف وعاشقة الشعر الجميلة

والله والله مش بتحلم خالص يعني

تعرفي مابحبش في كتاباتي موضوع الحلم دا بحس انه استهزاء بعقلية القارئ احيانا وفي روايات بجد بتبقى فعلا روعه رغم الحلم اللي فيها
المهم يسكر سايباني حزنانه واقول فييييييييينك مش منوره صفحتى
طب ادي رنه انك هنا وانا اجي على طول
ههههههههههه

جهزي نفسك للى جاى
على فكرة دي اول اعماااااااااااااااااااالى
اتمنى النهايه تعجبكم
بس مش تخلعي بأه لا
استنيني في المتسول والمتعــــــة ... الرواية الجاية
دمت بكل الحب

الأم : عايزة أقولك حرام يابيه تقتلوا الميت مرتين! دي خدت بتارنا كلنا!
أنا عزيزة يابيه.....
أرملة جوزي قبل مايموت كان مسافر بره وعندي بيت كبير وفرن عيش وكان عندي ولد وبنت.. نادر 8سنين ونيره 11 سنه هم اللي طلعت بيهم من الدنيا وكنت بصحتي مش كفيفة!
وفي يوم دخلت عليا نيره قالتلي : يا ماما في ست وراجل ومعاهم ولدين صغيرين... غلابة أوي والناس ب يطردوهم من الشارع خايفيين منهم!! تعالي شوفيهم يامه وساعيدهم ربنا يخليكي!!

نادر :أه والنبي يامه دول باين عليهم غلابة أوي

عزيزة : تعالوا نشوف مين دول (وكانت عزيزة لابسه دهب كتير ومعروفة بالمنطقة إنها بتحب تعمل الخير دايما !! وشافتهم صعبوا عليها أوي) إنتوا منين شكلكم أغراب ؟!

ردت الست :مساكين ياست ومش لاقيين لقمة عيش ولا حته نتاوى فيها للصبح بس

(وتكمل عزيزة: صعبوا عليا يابيه وخدتهم أكلتهم وفتحت لهم الدور الأرضي ناموا فيه ! وجبت لبس قديم من عندي وإدتهم! وكمان فلوس!!

والصبح قولت للراجل جوزها .......ممكن تشتغل في الفرن وتفضلوا قاعدين هنا !! والراجل ماصدق !! وفضلم في البيت إسبوع ونيره ونادر ينزلوا لهم الأكل!! وفي يوم إتصل جوزي وقالي إنه جاي بعد يومين هاينزل أجازة! سيبت نيرة ونادر ونزلت أشتري شوية حاجات ولما رجعت لاقيت الباب مقفول .. قولت يمكن مراته راحت مشوار ..طلعت شقتي مالقتش الولاد .أدور عليهم مافيش أثر! وفي الشارع كله مافيش أثر

وسألت الجيران قالوا ماشفناش حد !! قلبي إتقبض اوي!!! وطلعت بسرعة على فوق وجبت المفتاح التاني للدور الأرضي, ونزلت جري وجيراني معايا وفتحت الباب ويارتني مفتحته(تكمل ببكى)

لاقتهم ياضنايا مقتولين وبطنهم مفتوحة والحتة كلها دم........ (تبكي وتنتحب )
أنا رحت في دنيا غير الدنيا وفقدت بصري من قهرة قلبي عليهم!

وأبوهم جه وأنا مرمية في المستشفى ولما عرف سابني ومشى و ماتحملش الصدمة ! وسابني ضريرة وحيدة بالمستشفى!
ولما طلعت من المستشفى بسأل عليه أهله قالولي مات من الحسرة عليكي وعلى ولاده(وتبكي )
يعني مات حتى من غير ما أودعة ولا احضر دفنته يابيه!

مدينا إيدينا ليهم بالخير سرقوا حشانا وقطعوا لحم ضنانا

(وتبكي أكتر وتكمل)

سيبوها يابيه عشان خاطر النبي !! والجزار حرام عليكم تسجنوه دول قتلوا ضناه اللي كان بيترجاه من الدنيا !!

يابيه نار الفراق مهما كانت بيجي يوم وتنطفي ! إلا نار الضنى تفضل والعة في قلوبنا عمرها ماتنطفي ابدا!! ودول إتقتلوا يابيه من غير رحمة!!

ولما صرخوا مش لقوا اللي ينجدهم
( وتنهار وتنزل برجلها على الأرض ويسندها محامي الدفاع وتكمل)
!حرام يابية تحطوهم في السجن يوم واحد! المفروض يتكافئوا لأن اللي قتلوهم دول ناس سفاحين كانوا بيموتوا فينا وفي ولادنا !!

محامي الدفاع يقومها ويبص للقاضي : بعد كلام الست عزيزة مبقاش في كلام يتقال

القاضي ) تأثر فعلا بكلام عزيزة ! وتجمهر الناس! دا كلو عشان عاهرة مش عاهرة!! ولا العاهرة هي اللي نصفتهم وخدت بتارهم ) :إتفضلي ارتاحي (وكمل) الحكم بعد المداولة.......................................؟؟؟؟

؟؟
؟؟
؟؟

الحاجب : محكمة( يدخل المستشارين الثلاثة )
القاضي : حكمت المحكمة حضوريا على المتهمين دنيا مروان وسليمان الغزالي بالسجن لمدة عام مع إيقاف التنفيذ وغرامة قدرها 5 آلاف جنيه مصري لا غير
يعلو الصياح والصراخ والزغاريد ويهتف جميع من في القاعة يحيى العدل وخرجت دنيا مع ماهر تكمل إجراءات الإفراج ودفع الكفالة !وخرج سليمان ومراتة تزغرد وجريت عليه : أنا ولدت يابو محمد

سليمان: مخلاص راح محمد ياوليه

مراته : صحيح راح محمد لكن ربنا عطانا محمد غيره والتاني هانسميه إيه؟
سليمان مش مصدق من الفرحة وشالهم في حضنه !!وحمد ربه وقال بس كان نفسي في بنت اسميها دنيا

مراته رقعت بالصوت : يالهوي اعمل فيك إيه ياراجل أجيب البنات تقول عايز ولاد !!ربنا يدينا ولاد تقول عايز بنات !إيه المرار دا ياربي

سليمان : خلاص ياوليه فضحتينا قدام بتوع التليفزيون !

وتكلمه المذيعة : كنت عارف إنهم هايفرجوا عنك؟

سليمان : لا! لكن العشم بوجه الله !! ومن قصد باب الكريم لا يُضام

المذيعة لدنيا وماهر : كنتي واثقة من البراءة؟

دنيا : كنت واثقة إن ربنا مش هيتخلى عني!! وواثقة من عدل القضاء المصري !! تحيا مصر

المذيعة : تحب تقول حاجه يا ماهر بيه؟!

ماهر : بشكر ربنا سبحانه وتعالى أولا !! وبشكر القضاء المصري ودي حاجه مش جديدة عليه ! وبشكر كل اللي وقف معانا وبعزي كل أم وكل من فقد عزيز علية

وبعد مرور أيام قليلة راحوا السجن زاروا أحمد وطلب ماهر منه أخته للجواز ووافق وفرح أوي لما شاف أخته وكمان إطمن عليها! و تم زواج ماهر ودنيا!! وأولاد خالتها معاها ببيت ماهر! وعاشوا جميعا بسعادة وهناء!!
مهما طال الليل لابد أن يأتي النهار

تأليف : أسماء عبدالعزيز

انتظروني مع روايـــة المـتـســول والمـتـعـــــــــة
شكرا لكل من مر من هنا وعطر صفحتي بعبير عطرة
وكل من عانق صفحتي ببديع قلمة وجمال حرفة
شكراً لكم....

بدون شك إن الرواية أخذتنا وسيطرت على مشاعرنا بطريقة غريبة ،

وهذا يرجع إلى جمال سردك ، وقدرتك على الجذب والتشويق ،

وفكرتك الرائعة التى لمست الواقع الذى نراه ونعيشه ،

وهذا هو الكاتب المبدع الذى يستطيع رصد الظواهر الإجتماعية من حوله والوقوف عليها.

أحييكى على براعة فكرك ، وجمال مشاعرك ، وبديع سردك .

هذا الجزء الأخير كنت أقرأه وعلى شفتاى ابتسامة سعيدة بإستثناء طبعا الجزء الخاص بالسيدة العجوز .

تقبلي خالص ودي وتقديرى لكِ ، وإعجابي الشديد بالرواية .

وأنا في انتظار روايتك المتسول والمتعة بشوق .

bounce

الاء عثمان ((بنت مصر)) كتب:: بدون شك إن الرواية أخذتنا وسيطرت على مشاعرنا بطريقة غريبة ،

وهذا يرجع إلى جمال سردك ، وقدرتك على الجذب والتشويق ،

وفكرتك الرائعة التى لمست الواقع الذى نراه ونعيشه ،

وهذا هو الكاتب المبدع الذى يستطيع رصد الظواهر الإجتماعية من حوله والوقوف عليها.

أحييكى على براعة فكرك ، وجمال مشاعرك ، وبديع سردك .

هذا الجزء الأخير كنت أقرأه وعلى شفتاى ابتسامة سعيدة بإستثناء طبعا الجزء الخاص بالسيدة العجوز .

تقبلي خالص ودي وتقديرى لكِ ، وإعجابي الشديد بالرواية .

وأنا في انتظار روايتك المتسول والمتعة بشوق .

حبيبة قلبي لولو .. أخجلتني اوى عبراتك وجمال احساسك وطيبة قلبك
دمت لى يسكر .. ودام تواجدك بصفحاتي لتزيدها عطرا وتميز
حبيبتي الغالية انا سعيدة جدا باقامة بين صفحات روايتي واسعد كتير انها عجبتك
واتمنى ان الأخرى تنال اعجابك ان شاء الله
دمت بكل الحب
واعطاكِ الله ماتتمني
Very Happy

[code][quote][u][i] Mad

انا بجد مش قادرة اوصفلك الى حصلى من اول سطر بداته فى قصتك بجد فى بيتنا بس مش فى بيتنا بقيت عايشة جوة القصة اعتذرلك لانى ما اقدرتش اكتب لك اى تعليق فى الصفحات السابقة وهذا من شوقى و لهفتى لمعرفه ما سوف يحدث لانى وللاسف لاول مرة ابدا فى قراتها اليوم وبالطبع لم استطع ان اتركها قبل ان انهيها وما استطع ان اقوله انها اكثر من رائعة وانكى بالفعل مبدعة وساحرة بقلمك سحرتينى وقيدتينى وانستينى كل شىء ولم استطع ان افكر فى شىء ألا مصير دنيا مروان بالفعل انت مبدعة شكــــــــــــــــ أسماءـــــــــرا على جميع المشاعر التى اثارتيها بداخلى من ثورة وغضب وظلم وإنتقام وبالاخير دمعة فرح لنصرة مظلوم اهنئاك بهذة الموهبة واتمنى لكى دوام التوفيق وفى إنتظار لكل جديد
توحة Very Happy

حبيبة قلبي الأستاذة الجميلة \ توحه
انا سعيدة جدا بان روايتي عجبتك .. ووجودك بصفحاتي يعطيها طابع مميز جدا وعزيز على قلبي
كان نفسي تكوني معانا حلقه حلقة .. لكن المهم انها عجبتك ياقلبي
اشكرك جدا على كلامك الراقي جدا .. ورقة قلبك وزوقك الجميل
واتمنى ان ينال قلمي اعجابك دائما
وياريت ياقلبي لو ليكِ أي كومنت على نقطه معينه شايفه انها كان من المفروض متكنش موجوده او حابه تعرفي عنها شيء ياريت تناقشيني ياقلبي
ارجو ان يتواجد عطرك الجميل بصفحاتي
واشكرك على المرور والمتابعه
كوني بألف خير وصحة وسعادة
دمتِ بحب

» انا من (ارجو المتابعة)
» الصمت(ارجو المتابعة)
» هل لى الحق(ارجو المتابعة)
» الحنين(ارجو المتابعة)
» بلاعنوان ارجو المتابعة والرد