الأيدي البــــاردة .. ياترى خيال ولاّ حقيقة؟؟ ارجو المتابعة

كمال (قال فباله شكلها هاتتعبني, مد ايدو في طابلوة العربية وطلع البرفان المميز الخاص بيه وقالها) : شفتي البرفان دا من باريس وحياتك!! شميه وقولي؟؟؟ إيه رأيك؟؟

أخدته سوزي : لا بجد قولي رايح فين ؟

كمال :صدقيني على بيتي! وخلاص قربنا نوصل ......بس بجد قولي رأيك في البرفن؟؟!

شمت سوزي,,,,, وبقت في خبر كان ,,,,, ووصل كمال لفيلا مهجورة في الهرم ودخل وركن العربية ونادى : نيكولاس .....نيكولاس

(خرج واحد طويل أصلع ولابس روب أبيض, وراح على كمال بسرعة يساعده.. ودخلوها بسرعة في غرفة وسابوها وخرجو! وقفل الباب ...........
فاقت سوزي لقت نفسها نايمه على السرير وشنتطها جنبها والغرفة شكلها غريب جدا! قامت تتسحب ,تبص من خرم الباب بره صالة واسعة جدا ومافيهاش غير ترابيزه مدورة وخمس كراسي!! إستغربت أوي وقالت :هو في إيه ؟؟؟!!معقول يكون دا من مافيا سرقة الأعضاء!!(وهزت دماغها أوي إستنكار ) : لا مش معقول !!

راحت فتحت الباب لقته مقفول بالمفتاح قلبها إتقبض أوي,,,,,,,,,,جريت على شنطتها تدور على الموبيل مالقيتوش !! قالت بس يبقى ظني في محله !! طب اعمل ايه ايه؟!

تلف وتدور بسرعة, إفتكرت الموبيل الصغير اللي دايما بتشيلة في صدرها تحسبا لأي ظروف , وفعلا طلعته بسرعة واتصلت على بيتها ردت دنيا .........الو
سوزي برعب :دنيا الحقيني اللي خرجت معاه شكله من المافيا إياها, لأنه حجزني بغرفة وقفل عليا وواخد موبيلي من الشنطة!! بلغي البوليس أرجوكي...............

دنيا بانزعاج : ينهار اسود!! يالهوي إنتي فين؟؟؟ قوليلي بسرعة و انا ها بلغ البوليس
سوزي تلطم وتوطي صوتها :أنا مش عارفا أنا فين ! بس شكله بيت في حته مقطوعة , مش ها عرف أوصفلك , لأنه خدرني وأنا في العربية!! أعمل إيه ؟؟ أنا خايفة أوي ومرعوبة مش عارفا أعمل إيه؟؟؟

رد عليها كمال اللي كان دخل وهيه مش حاسة : أقولك أنا تعملي إيه ؟
جه وقت المرح واللعب باه ,(واخد منها الموبيل وكسره في الأرض وداس عليه ,ويسقف لها) : لا بجد برافو ! رقاصة ذكيه جدا!! كنتي مخبياه فين دا باه ؟
سوزي برعب ترجع لورا : إنت عايز مني إيه؟؟

كمال بضحكة عاليه جدا:قالها هتعرفي حالا!! تعالي متخافيش ...وخدها من إيدها و.........



......؟

ودخلوا غرفة كبيره!!
كلها فيها خمس أطباء شكلهم مش مصريين خالص؟أربعة منهم كل واحد واقف جنب شاذلونج عليه جثة بيقطع فيها ومن ضمنهم جثث أطفال
أما الخامس نيكولاس قدامه شاذلونج فاضي وماسك حقنه فإيده والمشرط في ايده التانيه !عرفت سوزي بالحال إنه في انتظارها...............

( شهقت شهقة رعب هائلة لو سمعها أهل الأرض لماتوا جميعا! مُتخيل لما تروح للموت برجليك وتشوفه قدامك!!
والدم منظره مخيف وفي كل مكان, وتربيزه عليها حافظه مفتوحة !! و واحد بيحط فيها قلب ,,أما المسكينة سوزي وقعت على الأرض .)....قالها

كمال لا خليكي شجاعة طبعا عرفتى مكانك فين! ويجرها بقسوة, وجه واحد منهم يشدها معاه...وكانت ايده مليانة دم زى الجزار!! وهيه تتوسل ليهم .... ولكن
لا حياة لمن تنادي ! ووصلوها لمكانها وقالها كمال: مش هتحسي بحاجة قلقانه ليه؟
سوزي برعب وإنهيار حرام عليك عملت فيك إيه ؟عشان تعمل فيا كدا !

كمال يبص لنيكولاس : ارفعوها !! ورفعوها وهيه تقاوم باستماتة وتصرخ لكن لا مجيب ! وكتفوها ونيكولاس حقنها بحقنة البنج وهديت أعصابها وعنيها تغرب .......ولسه تأثير البنج في البداية و نيكولاس مش مستنيي بالمشرط فتح فستانها !! و...غابت عن الوعي!وبدأ الجزار مش الدكتور لأنه لو دكتور مش هيعمل كدا!

(فتح جسمها بالمشرط بالطول من الرقبة لأسفل البطن ويخلي بين الجلد والعضم من عند الصدر ,زي اللي بيشفي دبيحه ويشق اللحم ويوسع بإيده! ويكسر القفص الصدري ويطلعه يرميه!
ويفتح الرقبة ويدخل ايده من جوه يمسك الزور ويشده ,يطلعه بكل أجهزة الجسم! متخيلين! طب تفتكروا في حد بالقسوة دي؟؟ ..قسوة ايه ؟ دا جبرووووووت لا قلب ولا رحمه! وكمان حلق شعرها وشق جلد الرأس وقلبها..وفصل القرنية!!

وواحد تاني أخد منه كل اللي طلعه وحطه بحافظات مختلفة! وأثناء كل دا كانت دنيا عند ماهر بيه,,, وحكت له على اللي حصل لسوزي ومكالمتها معاها,, وفضلوا يرنوا على موبيلاتها تاني مافيش رد!!!

ماهر : مش عارف أقولك ايه !! إحنا لسه من فترة قصيرة قبضنا علي عصابة من نفس النوع !!!وأنا كنت فاكر إن كابوس سرقة الأعضاء انتهى! لكن للأسف يظهر إنه بدري أوي على النهاية؟

دنيا : يعني إيه راحت خلاص ؟

ماهر : أكيد لا! إحنا ها نبحث عنها بكل مكان و إن شاء الله نلاقيها مش تقلقي!

دنيا شكرته ومشيت بدموعها والأسي والحزن مالي كل كيانها دي صحبتها الوحيده واللي وقفت جنبها ,
ياترى حصلك إيه ؟ وأجيبك إزاي؟ وروحت تفكر إزاي تعرف مكانها..........؟؟

وتمر الأيام ودنيا كل يوم تروح لماهر تسأل عن أي أخبار ,ولكن دون جدوى !! بس ماهر كان معجب بدنيا نوعا ما !وطلب منها يعرف كل شئ عنها !!! وحكت له حكايتها كلها , ودا خلاها كبرت بنظره أكتر إنها رغم ظروفها مش لجأت للإنحلال ! وأشفق على حالها من اللي حصلها وجرى بداخلة تيار خفي من الأحاسيس الغير مُترجمة!!

وبعد مرور أسبوع ولا حس ولا خبر ...دنيا قالت أروح أشوف خالتي ,, وفعلا راحت وفرحت أوي سعدية بزيارة دنيا لها ,,وحكت لها دنيا على اللي حصل لسوزي ........وسألتها دنيا :
تفتكري ياخالتي هنفضل في الرعب دا لحد إمته؟

سعدية بحزن :والله ماعرف ياضنايا إيه آخرتها ...؟ دا أم محمد تصعب على الكافر!! بس حامل جديد!!
دنيا : هيه معندهاش غيره؟؟

سعدية : عندها ياضنايا ,بس مش يهونوا أبدا ,ولو حتى في ميت عيل!! وبعدين دا عندها أربع بنات ومحمد دا جالها بعد غلب, وكان جوزها هيطلقها لو مش خلفت له الولد , وأهو جه الولد وراح!!!

دنيا باستغراب :هو لسه في ناس متخلفه كدا !! وهيه مالها ولد ولا بنت ,ماهو كله منه,,,يل ربنا يعوض عليها ويديها بداله

سعدية بجدية: قوليلي! مش هتروحي لأخوكي تشوفيه ؟ إيه! يم مش وحشك؟
ولاّ مكنتش بطن واحدا اللي شالتكوا دي!!!

دنيا : مش تقلبي عليا ياخالتي , والله وحشني جدا ,لكن غصب عني !! أروح أقوله إيه؟ أنا مبقتش عارفا !!اللي حصل دا بسببه ولا بسببي أنا ؟ مين يعتذر لمين ؟ مين يهون على مين (وتقوم تروح على الشباك وتسند راسها على حرفه والحزن ملى ملامحها والدموع بعيونها ) أنا تعبانه أوي ومش عارفا أعمل إيه؟ فوضت أمري لله !! مقدرش أقول غير كدا!! دانا مش قادرة أهوب ناحية بيتنا خوفا من الناس مش عايزة أفكرهم بينا وباللي حصل لينا!

سعدية بحزن : إنتي دلوقتي عايشه إزاي وبتصرفي منين؟؟؟
دنيا : من يوم ماختفت سوزي ,منزلتش الشغل ,هيه اللي كانت بتحوش عني الكلاب السعرانة, دلوقتي مين يحميني؟؟ (تتنهد) آهي ماشيه معايا فلوس باقية!

سعدية : ربنا يفرجها عليكي يابنتي ( الباب يخبط تفتح سعدية ,جارتها زينب) أهلا يزينب إتفضلي

زينب : إنتي عندك ضيوف ؟

سعدية: لا دي بنت أختي .... خير أوعي تكوني إتخانقتي مع جوزك تاني؟!

زينب :الله يخرب بيته هو بيهمد أبدا! أهو بيناقر وخلاص ,مش عارفا اعمل إيه ؟جبت بخور وبخرت البيت وشغلت القرآن إنه ينصرف مش بينصرف أبدا!! مش عارفا أعمل إيه؟

دنيا بدهشة : بخور وقرآن !! ليه متجوزا عفريت؟

تضحك سعدية وزينب ترد: والنبي أكتر من العفريت! دا غلب !! دا راجل يتفات له بلاد !!
(يفتح رجب جوز سعدية الباب ,يتفاجئ بزينب ودنيا..... يلوي بوزه)

رجب: متجمعين عن النبي ياختي إنتي وهيه!!!

سعدية : في إيه ياراجل ؟

رجب: في إيه؟ عملالي مؤتمر القمة في البيت يا شملولة!! هو البيت ناقص
زحمة !إحنا لاقيين مكان ننام ولا نقعد فيه؟؟ دا كله..... اوضة وجواها المطبخ والحمام !!

زينب تستأذن ودنيا كمان ..وتقوله سعدية: كدا ياراجل تطردهم!! وبعدين تعالى هنا.... لما إنتا مش عاجبك المطرح مش بدور على مطرح أكبر ليه يا سمسار الهنا ياخويا ؟؟ ولا فالح بس تتشملل وتعايب وتتفرد وتتني علينا!

رجب: باقولك إيه مش تقلبي دماغي ! وبعدين على قد فلوسك ياختي؟

سعدية :وفلوسك إنتا فين يا شملول!! طول النهار أبيع فجل وجرجير في الحارة ,وتيجي آخر النهار تاخد القرشين !! وفول وطعميه لما قطعت قلبنا !

(الباب يخبط يفتح رجب عشان يخلص من موشح مراته !!يلاقي ولد من الحارة يقوله في ناس عايزينك بره .... قال لمراته) : أنا ماشي من بوزك الفقر .............................................وخرج وقفل الباب ,وراح لقي تلاته لابسين لبس خليجي ,) قالهم : نعم خير
؟
؟
؟
؟


تابعوني