ازاي تنكدي علي جوزك ؟؟؟؟؟؟؟

اظبطى المنبه من بالليل على ميعدا متأخر عن ميعاد شغله يعنى لو المفروض
يكون فى شغله الساعة 8 اظبطى المنبه على 8 الا ربع عشان يروح متأخر و
يأخدله كلمتين فى جنابه

2- لما يصحى للشغل اعملى نفسك نايمة عشان ينزل من غير فطار

3- لو صحاكى بالعافية و قالك اعملى شاى
تروحى بسرعة و تقفلى محبس الميه و قوليه بما أن مفيش ميه يبقى مفيش شاى

4- و لو صحاكى بالعافية و قالك اعملى فطار عشان جعان
ا لحد ما يتأخر على شغله و قوليه مفيش وقت ابقى هات ساندوتش فى الشارع
( طبعا فى خباثة انتى عارفة ان مفيش حد فاتح الصبح )

5- اتصلى بيه فى عز شغله و قوليله على حاجات كتير قوى انتى عايزاها عشان الأكل
( و حاولى تكون الحاجات دى مكان وجودها بعيد أوا مش موجودة فى المنطقة )

6- و بعد أما يدوخ و يجيب الحاجات دى كلها و يروح ع البيت
قبل ما يقعد ع الكرسى قوليله ( أخ نسيت أقولك تجيب طماطم عشان السلطة و دقيق عشان السمك و شامبو عشانى بس كده )

7- حاولى تنزليه كتير عشان ينهد حيله

8- احجزى مكانك قبليه فى التليفزيون و هاتى اللى انتى بتحبيه و حاولى تكون مسلسلات مملة
أو أغانى هبلة أو فيلم كرتون عشان يجيله شلل أطفال

9- حاولى تشفرى قنوات الرياضه و الأخبار و ما تخليش الا اللى انتى بتحبيه

10 - لما ييجى من الشغل اتلكعى فى عمل الأكل عشان يموت من الجوع و ياريت تحرقى الأكل
و
تقوليه ( أنا آسفة يا حبيبى غصب عنى الأكل اتحرق و لو كنت جعان روح هات
أكل جاهز ) و ده عشان يدفع فلوس كتير بدل ما هو حاططهم على قلبه

11- و لما يحب ينام العصر شوية عشان هو راجع تعبان
شغلى بسرعة أغانى عالية أو أعملى أى حركة فى الأوضة و ولعى النور كل شوية بأى حجة عشان ما ينامش

12- و لما يقعد معاكى اقعدى احكيله عن أى حد و ارغى معاه عشان يصدع و مخه ينفجر

13 - و لو قعد يوم أجازة عشانك خديه و روحى عند مامتك أو عند أى حد من أهلك و لو مرضاش روحى لوحدك بحجة انهم حالفين عليكى
أما
لو مرضاش و صمم انك تقعدى معاه تقومى بكل خباثة و تعزمى أى حد عندك بس
يكونوا كتير و لما ييجوا قوليله بكل براءة ( ما قالوليش انهم جايين دول
حبوا يعملوها مفاجأة )

و كل لما يحبوا يمشوا اعزمى عليهم يقعدوا كمان شوية ان شا الله حتى يباتوا

تبقي عيشه نكد
و ربنا يسترها

هههههههههههههههههههه
بقى كده يا سارة
عاوزه تولعيها حريقه ؟
هههههههه

» ازاي أكون
» ازاي تموتي؟
» انساكي بس ازاي
» عايزاني اقولك بس شعر ازاي
» إنت عايش ازاي ؟ ... من ديوان ( نفس دافى )