عايزاني اقولك بس شعر ازاي

عايزاني اقولك بس شعر ازاي
والقلم فيك م الام مقصوف
والتهمة جاهزة مقشرة
حايز قصيدة مفجرة وزن الوجع ملتوف
وبتقوليلي ابتسم
طب وايتسم علس ايه
عل الخيبة والويية والا اللي حالك فيه
تلتين تلاف سعران
وكام خواجة وبيه
واقفين يدقوا العلم على جسمك العريان
اما اللي حبك شرف
حبه صبح مكروف
فمتلطبيش الرضا مني
قلبي انا زعلان
كوز المحبة اتخرم
مبقتش زي زمان
عضم الجناح انكسر
ريشي صبح منتوف
اكتب قصيدة ازاي
وانسى اللي كان ليا
وانا ليا عندك امل
رضعتوا حرية
دلوقتي جاية تسحبي
كل الحاجات ديا
والحب عمره يا حبيبتي
ما يمتزج بالخوف
وازاي اكونلك ولد وازاي اغطيكي
ظهري اللي كانلك سند
ما اتعرى باديكي
بعتيني للي دفع
تمن المحبة خيار
وانا اللي كنت الجدع
اتبعت بالقنطار
كل اللي حبك فهم
وانا اللي كنت حمار
فهمت متاخر
واللعب ع المكشوف
فلو سمحت اسكتي
فيا مكفيني
قلت حروف القلم
كترت زنازيني
فمشيت انا في الحيط
ع الحبل والمسامير
كله اكتفى بالعض
ع الشفة والضراضير
والفرجة ع الزفة
والرقص والحناطير
قلبسوا في الحيطة
اوع الدماغ طراطير
بالخيية ع الويبة
صبح اللسان ملفوق
فلو سمحت اسكتي
فيا اعملي معروف
شعر / حاتم كامل 2014/3/16

استاذنا الجليل عادل بك عوض دعني اشكرك شكرا دعمه التقدير واحاط به الامتنان من تلميذ صادف ان اعجب استاذه ولو اني لم ات به من بعيد فمن بيتكم تعلمت كيف اكتب فشكرا لك و لاهتمامك تقبل مودتي

يا استاذ محمود يا محمود بك يا جمعة هرد على حضرتك بلبلدي كدا سيبنا ناكل عيش في المنتدي يعني الناس لما تقرا القصيده وقد تعجبها وبعدين تقرا تعليق معاليك والشعر الرائع اللي بيذله هتنسي قصيدتي خالص ومش هيتبقى في اذانها وعقلها الا ما ختمت به من جميل الابيات ودرر الكلمات وانا روحت بلاش فالتعليق كان اجمل من القصيده تقبل شكري وامتناني ومودتي