حلم والا كابوس

موضوع: حلم والا كابوس السبت يوليو 31, 2010 3:15 pm

حلم والا كابوس

***

صحى م النوم الواد مخضوض
قولتله مالك يابنى اتكلم
جاتلك فازعة لامتحنات
والاكابوس العالم جابلك
جابلك بشرة جديدة من النكبات
قال ماعرفش
قلت له لا لازم تعرف
دا انت مازلت ياواد مخضوض
حلم حلمته والا كابوس
قول ما تخافش 0 قال ماعرفش
**
بعد مناهده قاللى يابابا سيبن فى حالى
دا اللى جراللى عمرى ما شفته
وانا ح احكيلك ع اللى جرالى
بعد ما افوق
طب ياحبيبى يالا اتكلم
حلم حلمته والا كابوس
اهدا وقول 00 رد وقاللى
ايوه حا اقول كنت مهول
شايف نفسى كنت مهول
فارد طولى وشادد حيلى
عرض وطول
من حواليه الشعب بيهتف
يحيا المنقذ يحيا المارد
داللى حا ييجى بفكره يساعد
خدنى حماس الحس الوطنى قولت خلاص
راضيين بالاحكام الجايه
قالوا راضيين
قلت رح امنع الامتحنات والمنتخبات
واعمل كل ملاعب الكوره منتزهات
وابنى بيوت خشبية جميلة مش محتاجة حديد وحاجات
واللى حا ينتج لنا دخان
على طول اعام
قالوا راضيين
ولما وصلت لاخر بند من الاحكام 0
طوب الشارع كله اتحول
كله عليه 00 ليه من ايه
هوه البند دا كان فيه ايه
قلت رح الغى قعاد القهوه
ولعب الكورة يابلديات
قمت صحيت م النوم مفزوع
وانا دلوقتى حاسس انى
حا اموت م الجوع 0
خايب قوللى طلعت لمين
عايز تلغى قعاد القهوه
طب يقعدوا فين الفالحين
وعايز تلغى لعب الكورة
طب نتلهى فى ايه يافطين
نام من تانى وحاول تحلم
حلم عظيم 00

***
فات كام يوم وحمدت الله
ان الواد نايم مرتاح
مابقاش يتخض
الامتحانات عدت وخلاص
والواد عواد فرحان مستنى
نتيجته بجد
قبل نتيجته بيوم كان نايم
زى العادة
صحى م النوم بس المرة دى
قام وبيضحك ضحكة غريبة
ماهيش معتادة
صحى بضحكة كل البيت بس اتخضيت
ولما سالته حلم حلمت والا
كابوس
قاللى حا اقولك 0 قلت ياريت00
المرة دى انا حا احكيلك
عاللى حلمته بكل هدوء
اخلص قول
واوعى تقوللى كنت مهول
قاللى حا اقولك المرة دى
كنت خجول
اول مرة الاقى بنات وشباب
حوالية 00 الكل بيهتف :
يحيا المنقذ 00 تانى ؟
يحيا الواعد
داللى حاييجى بفكره يساعد
واما لقيتهم شاوروا عليه
خدنى حماس الحس الوطنى
قلت خلاص 00
راضيين بالاحكام الجاية
قالوا راضيين
قلت حا اطور الامتحنات
ودا اكبر داء
واى نجاح حا يكون متوقف
ع الاخلاق
والغى كمان الحرس الواقف
هنا وهناك 00
والتعيين فى الجامعة حيبقى
للكفاءات مش للبهوات
فجأة انشالت على الاكتاف
وسمعت هتاف :
يحيا الدكتور يحيا الدكتور يحيا الدكتور
وصحيت م النوم وانا بضحك يابا وانا مسرور0
واهى بشرة خير 00
رن التليفون
دى ياغالية على التليفون
ايوه الوه 00 ايوه دا بيت عواد
الوحش 00 بتقول ايه ؟
عواد مانجحش
جاب مجموع ما يجبهوش جحش00
خت الشومة وجرى وراه
الواد ما فلحش الواد مافلحش 00
فالح تحلم تبقى زعيم
فالح تحلم بالدكتور
وانت مخك عمره ماحصل
ولا حا يحصل مخ الثور
غصب عنى يابا انا اصلى
عقدت النيه انى اعيد
ولا اخدشى دروس
ولقيت نفسى بصرخ يانا
انا م الواد عواد مفروس
عواد فين عواد فين
ابنى الخايب عواد فبن
ساعتها مراتى قالتلى سلامتك 00 صحى النوم
دا احنا لسة ماخلفناش
دااحنا لسه يادوب عروسين
حلم حلمته والا كابوس
قول ما تخافش
واول مرة اقول ماعرفش

***
***

الشاعر الرائع المبدع الكبير المتميز

الاستاذ فوزى الشربينى

قصيده رائعه عشنا معاك الحلم والكابوس

لم نستطيع ان نرفع اعيينا الا بعد الانتهاء

من هذا الحلم حتى فى احلامك وكوابيسك رائع

وتمتعنا باجمل المعانى وبالمضمون الهادف

دمت بكل خير وسعاده

تقبل مرورى وتقديرى

موضوع: حلم والا كابوس السبت يوليو 31, 2010 7:15 pm

الابنة العزيزة الغالية الشاعرةالجميلة المتميزة والمتألقة دائما
الاستاذة اميرة البدرى

تحياتى وتقديرى وشكرا على مرورك الغالى وتعقيبك الجميل
اعلى قصيدتى المتواضع الذى دا ئما يسعدنى ويثلج صدرى

دمتى بكل خير ومحبة وسعادة ودام ابداعك الرائع 0

الأستاذ القدبر فوزي الشربيني

تحياتي وتقديري لك ولنصك

الغاية في الأبداع من حيث ما

يتضمنه من حقيقه وليس كابوس

هاكذا اصبح حالنا و للأسف نحن

صامتين لانحرك ساكن.لكن لنا الله

ولنرفع شكوانا اليه فهوا حسبنا نعم الكيل

cheers

موضوع: حلم والا كابوس الأحد أغسطس 01, 2010 3:12 am

الابن العزيز الغالى الشاعر المتميز والمتأأق دائما
الاستاذ يسرى حنفى

تحياتى وتقديرى وشكرا على مرورك الغالى على قصيدتى المتواضعة
وتعقيبك الجميل الذى دائما يسعدنى ويثلج صدرى 0

دمت بكل خير ومحبة وسعادة ودام ابداعك الرائع 0

عمى وأستاذى الشاعر الكبير / فوزى الشربينى

كل عام وأنت بخير

لقد أخذتنى القصيدة إلى ما نحن فيه بالفعل من كوابيس والتى أصبحت من الواقع المعاش والذى نسئل الله أن نفيق منه على

واقع أكثر إشراقا مما نحن فيه

كل عام وأنت والأسرة الكريمة بخير

أخي الكبير الأستاذ/ فوزي الشربيني

السلام عليكم

عندما أقرأ قصيدتك.. أرى بين السطور شفافتك وطيبتك..

للأسف الكابوس هو الحقيقة .. والأحلام هي الأمنيات

تقبل مروري وتقديري

أخوك

طارق منيب

موضوع: حلم والا كابوس الأحد أغسطس 01, 2010 5:30 am

اخى الحبيب الشاعر الجميل المتميز والمتألق دائما
الاستاذ منصور غيضان

تحياتى وتقديرى وشكرا على مرورك الغالى على قصيدتى
المتواضعة وشكرا جزيلا على تعقيبك الجميل الذى اسعدنى
كثيرا واثلج صدرى 0 وعايز اقولك انى عندما شرفت بمقابلتك
بالاسكندرية وكاننى اعرفك منذ فترة 0 فهذا الوجه البشوش
السمح وهذا الابداع الرائع وتلك الاخلاق الكريمة كل ذلك
متمثلا فى شخصك الكريم 0

دمت بكل خير ومحبة وسعادة ودام ابداعك الرائع 0
وكل عام انت والاسرة الغالية فى كامل الصحة والعافية 0

هههههههههه

الله شاعرنا الكبير / فوزى الشربينى

موضوع جميل وفيه سخرية روعة .. بس أوعى تخلى إبنك ينام تانى لأحسن

الكابوس ده كان هيخرب الدنيا أكتر ماهى خربانة ههههه , هيلغى الكورة يعنى مش هيبقى

فى أهلى

أستاذ فوزى الشربينى تقبل مرورى ومزحتى معك .. ودمت بكل خير .

تحياتى وودى وتقديرى لما تقدم .

موضوع: حلم والا كابوس الأحد أغسطس 01, 2010 6:13 am

حبيب قلبى الشاعر الجميل المتميز والمتألق دائما
الاستاذ طارق منيب

تحياتى وتقدديرى وشكرا على مرورك الغالى الدائم على
قصائدى المتواضعة وشكرا على تعقيبك الجميل الذى دائما
يسعدنى ويضيف لى ويزيدنى علما وثقافة 0

دمت بكل خير ومحبة وسعادة ودام ابداعك الرائع 0

موضوع: حلم والا كابوس الأحد أغسطس 01, 2010 6:22 am

الاخت العزيزة المبدعة القديرة الرائعة
الاستاذة ايمان الروبى

تحيالتى وتقديرى وشكرا عل مرورك الكريم على
قصيدتى المتواضعة وشكرا جزيلا على تعقيبك
الجميل الذى اسعدنى كثيرا واثلج صدرى 0 وعلى
فكرة انا اهلاوى واتحاداوى بس مابحبش الكورة 0

دمت بكل خير ومحبة وسعادة ودام ابداعك الرائع وكل
عام انتى والاسرة الكريمة فى كامل الصحة والعافية0

موضوع: حلم ولا كابوس الأحد أغسطس 01, 2010 7:29 am

المبدع الكبير الأستاذ / فوزي الشربيني ... والله الفكرة جميلة جدا بس يا راجل عايز تلغي أهم شئ الكوره !!!!! يا استاذ فوزي دا حلم جامد قــــوي وإن كنت ألمح من وراء هذا الحلم اشياء كثيرة في بطن الشاعر دمت أخا غاليا ومبدعا جميلا أخوكم محمد البهنساوي

موضوع: حلم والا كابوس الأحد أغسطس 01, 2010 7:49 am

اخى العزيز الشاعر الكبير المتألق دائما
الاستاذ محمد البهنساوى

تحياتى وتقديرى وشكرا على مرورك الغالى
على قصيدتى المتواضعة وشكرا جزيلا على
تعقيبك الجميل الذى اسعدنى كثيرا 0
بس بجد الواحد ساعات يكره الكورة واللى
اخترعها من كتر التصرفات الغير مسئولة
اللى بتحصل احيانا 0

دمت بكل خير ومحبةوسعادة ودام ابداعك الرائع0

» كابوس
» حلم دا والا
» كابوس أم حقيقة ؟
» ((حلم ،،، أم كابوس))؟؟؟/قصة قصيرة .
» انت مسلم والا قبطي