نامت عيونك( أول مشاركة - كتابات ماضية)

نامت عيونك حبيبى

وكــــلـــك راحــــة

وسهرت عيونى مجروحة

ودموعى جراحة

ظالمنى وجارحنى طبيبى


وفاكرنى مرتاحة


يابختك بقسوة قلبك


واشواقك الجراحة


ده عمر ما قلبى يسامحك


وأخيرا هقول الصراحة


نسيتك وعمرى ما هفتكر


أنى حبيتك


نسيتك..صعبان عليا أنى اديتك

حياتى ومشاعرى وسميتك

نور عنيا وخليتك حبيب سنينى


أرحل وغيب....زيد اللهيب

صعب الحبيب..يبقى غريب

وصعب الطبيب

يجرح قلوبنا بقسوته

يهدم مشاعرى جوايا

ويندمنى على محبته

واتمنى ما يبقى قريب


سلام ...خلاص

مفيش إخلاص

ومفيش وعود بتتفذ ولا فى أحساس

مهما نتكلم ونمدحه وسط الناس

يجرحنا تانى بقسوته

ما قلنا خلاص


سلام أكيد

مبقتش بتمناك وياريت تفضل بعيد

ولا ناوية أعيد كلامى تانى

ولا فيه أزيد

أمشى حبيبى وكفاية

ولقانا يوم الوعيد

سلام أكيد