(حكاية مصر)من كتابات ما قبل 30/6

من كتـابات ما قبل أحداث 30 /6 /2013م
** حكـــاية مصــر **
--------------

يا مصر إحكى وقولى مــالك

حالك معدش هو حـــالك

يا مصر قولى

العيب عليكى!!!!!!

ولا على الأخ اللـى جالك؟؟؟
..............
هارب ... فى لحظه يبقى حاكم

الشعب يصرخ ... هو كاتم

وخلاص مفيش لزمه لمحاكم

هتعمل ايه ؟؟؟ مسجون وحاكم
.............
قروض زمان

قروض زمان كانت حراااااام

شرع وملوش لزمه الكلام

دلوقتى قرض حلال وعادى!!!!!

ومش مهم الفايده كام؟؟؟؟؟
...........
والقمح

القمح زاد قبل الحصاد

الكدب شغال فى البلاد

وحزب وطنى تانى عاد

وبلاها سوسو . خُد سعاد
...........

حتى الشتا

حتى الشتا من غير مطر

كل المزارع فى الخطر

ومعدش لينا الا الشحاته

من ليبيا أو روسيا وقطر
.......

يا مصر فيكى العيب أصوووول

واللى يقول لأه فلووووووول

إخوان تمكن فى المناصب

وفقير بيصحى يكح فووووول
...........


كانوا وكنا فى الميدان

واقفين نقول الحق بان

وراح زمان . وجا زمان

ورجعنا تانى للى كان
........

إمام على المنبر ... شالوه

رئيس حكومه ضعيف... جابوه

وأى فِل يقول اخوكو

قبلوه وبالاحضان خدوه
.......
أحلامنا عَدِت الحدود

وما خدنا منهم غير وعود

فى كل حاجه السهم نازل

وفى الديون بس الصعود
..........
يا مفكرين السلطه جاه

متبصوا عالحزب اللى تاه

وفى السجون قاعد يشوف

مين اللى هيشرف معاه
...........
ومكانكو محفوظ لا محال

وكبيركو ثورة م العيال

شيلنا حسنى . جيبنا مرسي

فى يوم وليله نجيب كمال
..........................

الشاعر الواعر
احمد عطا
فكرتنى ببوست وكنت نشرته والاهطل فى الحكم كتبت فيه :
ان مرسى بالضبط كسباك وادخلوه عنوة غرفة العمليات لاجراء عملية قلب مفتوح .
وقد كان عزله واجب وطنى من رجال عرفوا قذارة مخططهم وعدم وطنيتهم .
واقسم بالله ولو صح التعبير الذى اطلقه الاخوان المجرمين على ان تلك الثوره والتى خرج لها اكثر من 33 مليون تطالب باسقاط وعزل الاهطل هو انقلاب فنحن نرحب به ونقول ياله من انقلاب رائع اطاح بعصابه لاتعرف للوطن قيمه ولا لمصر هويه .
نحمد الله على عودة مصر الى المصريين الذين احبوها بدون غرض او مصلحه او اهذاف ..
الله ينور عليك واقسم بالله نصوصك لاتخرج إلا من شاعر كبير وذو قدرات عاليه .
تسلم ايدك ويسلم قلمك .
مودتى وتحيتى ...