ضع هنا مشاركات شعر العامية يونيو 2010

الأخوة الأعزاء
يتم هنا وضع روابط الأعمال المشاركة
فى مسابقة شعر العامية لشهر يونيو 2010
مع أطيب التمنيات الطيبة للجميع
مع خالص الود



ض

مشاركة الشاعر جمال الدليل
آخر حجر
https://elgendy.ahladalil.com/montada-f3/topic-t10923.htm

يشرفنى أن أشترك بهذا العمل
ليه يا آدم فى المسابقة
https://elgendy.ahladalil.com/montada-f3/topic-t11053.htm#114532

أتمنى أن تنال هذه القصيدة جائزة باسم الشاعر الإنسان الكبير / خالد عبد العزيز فى ذكراه الثانية رحمه الله ..

كنا بنقسم ضى الحلم

عمر القلب ما شد رحاله إلا لحبك ..
بسمة وشك دايما تفتح كل طريق
كان الشعر بيبدر كل فنونه ..
فيطرح شمس القول فى قصايدك ..
****
يااااه ..
فاكر لما بنينا قصديتين
بيت ورا بيت ..
و عزمنا لأول مرة
نروح ندوات ..
****
و النقد علينا زى المطرة
الناقد من دول ..
بقى بيحدف ببحور الشعر
حركات و اوتاد ..
و احنا ساعتها
لا كنا عرفنا النقد الهدام م البناء ..
لكن ..
من حب عنينا
فـ روح الشعر صبرنا
و اتعلمنا نقول ..
****
و انت ساعتها
قلت بحكمة قلبك
هانقول ..
و اللى هجانا اليوم
بكره هايشكر فينا
و هايدعينا عنده ضيوف ..
*****
و مشينا طريقنا بجد
عمر الشعر ما كان جوانا هزار ..
*****
بقى أى كتاب يتمسى معانا
يصبح مقرى ..
عمر الوقت ما ضيعناه
إما فى ندوة أو فى المعهد أو فى إدينا كتاب ..
*****
كانت تشجينا الأشعار
و تأثر فينا " العبرات "
و كلام " الفاطمة " لما تقول " لحراجى القط ":
"ما طول قلبك .. لا قطع بسنانى الحتة القاسية فيه "
و نعيش مع" تغريبة عب رزاق" و"الصابحة "
الماسكة فى إيدها "الواد حسان"
و التوهة فى غربة "عبد العال" ..
يااااااااه
حكيات عشناها كتير مع بعض ..
*****
و مشينا السكة الصعبة بحب ..
عمر ما أثر فينا الجوع
أو تعب الرجلين م المشاوير ..
و لا كتر مناهدة على فيلمك"مسعود اللالى"
مع نجم ممثل .. أو صاحب شركة إنتاج
يوووووووووه .. لفينا كتير ..
******
كنت تشيل الهم فى قلبك
و تخبى عليا عشان مازعلش ..
و تقول لى بكره هاتتعدل
طول ما بنسعى
الصعب هايصبح سهل ..
*****
عمر الفرقة ما وقفت بينا ..
كنا اتنين فى الشكل
و واحد فى المضمون
توأم روح ..
و لو انك أحسن منى يا صاحبى
فى هدوء الفكر و فى المجهود ..
*****
عمر لسانك ما اتخطى حدود
دايما بينقط شهد
و قلبك بحر كبيييييير
شايل كل هموم الناس ..
*****
كنا بنقسم ضى الحلم
ونحلم يبقى الشعر حياتنا
و شمس الحلم بقت ندوات ..
نتآنس بقصايد حبايبنا من الشعراء
بمحمد عباس محفوظ و بجابر و الديب
و الجندى و كل الشعرا المحترمين ..
*****
يا سلااااااااااام
عمرى ما حسيت بالوحدة معاك ..
و اتعلمت
أحب وجودى بين الناس ..
حبيت ندواتك .. حركاتك .. أفكارك ..
البسمة الونسة
الحب الفواح فى كلامك
الخطوة المقسومة ما بينا
اللقمة اللى نشيلها لبعضينا
السكة المليانة طموح ..
*****
كنا بنقسم ضى الحلم ..
نحلم نحلم نحلم
و نقوم للواقع أقوى كتير مع بعض ..
*****
و فـ يوم
كان الحلم سلام ..
شديت على إيدك
- مش سايبك رايح فين ؟؟؟؟
سيبتنى و مشيت ..
قمت من النوم
خير اللهم اجعله خير ..
بصيت بعيونى
لقيت اللقمة صحيحة بحالها
مش مقسومة ..
و لقيت السكة طويلة و صعبة
و الخطوة تقيلة تقيلة تقيلة
قلت يا صاحبى ..
ده احنا بنقسم ضى الحلم
فجأة لقيتنى لوحدى
فـ دنيا عريضة و صحرا و شمس ..
فين الضل !!
فين الضل فـ بسمة وشك ؟؟؟
ففهمت ساعتها
بإن القلب الطيب فاتنى و راح ..
من حرقة قلبى بكيت و حزنت
ع الحب البركان جوايا خلاص
صليت و دفنت ..
و حبست النفس
بين جدران الأوضة الضلمة
ساعات و ايام ..
*****
و أما ميعاد الندوة حضرنى فقمت ..
و لبست الهدمة مشيت
من نفس طريقنا و رحت ..
رحت لصاحبى الندوة باسمه ..
رحت اناديه و أدعيله و أقوله
مش هانساك ..
و لحد ما نتقابل تانى ..
عمرى ما هانسى
البسمة الونسة
الحب الفواح فى كلامك
الخطوة المقسومة ما بينا
اللقمة اللى نشيلها لبعضينا
السكة المليانة طموح ..
*****
مهما بعدت يا صاحبى هانفضل
نقسم ضى الحلم ..
*****
" مرثية لروحي الهائمة بلا مرسى عسى أن تهون على شق قلبي الحزين الذي فقد شقه السعيد : الشاعر الإنسان / خالد عبد العزيز لاقتراب ذكرى وفاته الثانية رحمه الله .. "




أحمد مصطفى معوض

مشاركة الشاعرة حنان ابراهيم حافظ قصيدة " أكيد ماتت "

https://elgendy.ahladalil.com/montada-f3/topic-t11055.htm

الشاعر محمد طلعت
تم تغيير العمل وأصبح
" سبب واحد "
بدلاً من " كلمة وقلم وكتاب"
وهذا هو لينك القصيدة الجديدة " سبب واحد "
https://elgendy.ahladalil.com/montada-f3/topic-t11189.htm#116170

السلام عليكم ورحمة الله وبركاته

وهذه مشاركتى لهذا الشهر

قصيده بعنوان " نورس حزين "

وهذا رابطها

https://elgendy.ahladalil.com/montada-f3/topic-t11289.htm#117670

وشكرا

طبل الوداع



بين سطور الحياة
كلمات كتير ما بتقراهاش
خطوات كتير ماحسبناهاش
عايشين الدنيا ولا لسه ما عشناهاش
ما اصعب الدمع البرئ
وصوت الحقيقة المؤلمه
بيدق على طبل الوداع
حالف تعود
أصل السفر جوه الحياة
رحلة عناء
فى عيون مطبات الطريق
ضاع الرفيق
تاهت ملامحه فوق شطوط الانكسار
أصل الحياة
نظرات كتير متزوقة
فوق ضحكه صفرا مشوهه
فى أرض الوشوش
سرق البكا كحل الرموش
لما الجروح 0 خطفت ملامحك و السطور
غرق القلم جوه الحروف
لسه الحياة
بتعيد بدايةنفسها
وتسرسب الدمعات ندى
واحنا اللى فاضل مننا
من عين بتعشق فى الخلا
شوية حنين
بحرك غريق
ملقتش غير حبة حكاوى
بين رفوف حاضنه الورق
شايف الامل اللى اتسرق
ولا اللى همك ف السبق
إنك تعيش
من قبل حتى ما تتولد
تايه فى روحك من سنين
صوت الأمل قام وابتدى
يروى عيدان الصبح
من شوق السنين
رغم اللى بيشوف نظرتك
بيلاقى فى عينيك الدفا
علشان ما يلضم ضحكته
عقدين صفا
يمكن يكون باب الأمل
مستنى من بدرى الوصول
مع انه معرفش السفر
مرة الامانى بين حلوق الانتظار
ريق العطش
بيصب فى شقوق الرجا
عشق انبتر
ويلم فى رموش الدفا
اوقات كتير متبعترة
لحظة ما قام الوقت
يعلن بالرحيل
من بين شطوط جزرالوداع
امواج بتعلن رفضها
و تشد ريق الرغبة من نظرة عينيك
وتهد فى قلوع مركبك
يا عمرك المليان أسى
نفسك تبعتر زحمة الأيام
فوق صبح بخيوطه عزف
لحن البكا
نبض الحقيقه المستحى
فوق وشها
من طيبته خاض التجربة
واتحدى اعاصير الشتا
والرعشة فى صوت الامل
لما الحياة فى عيونها تاهت مركبك

يسعدنى المشاركة بهذا العمل المتواضع
https://elgendy.ahladalil.com/montada-f3/topic-t11193.htm