سبــب واحـــد

فيديو القصيدة كان من برنامج شباب الجامعات
علي إذاعة الشباب والرياضة
للي عاوز يسمع بردو القصيدة مع القراءة
تحت أسفل القصيدة الفيديو
ـــــــــــــــــــــــــــــــــــــــــ


سبب واحد
ــــــــــــــــــــــ

ع الشط الدافي بيتمشَّىَ
وبحبه الصافي بيدفَّىَ
وفـ عينه حبيبته خدت لفة
وإديه فـ إيديها بتتخفَّىَ

قالها انا وإنتي بقينا واحد
والدم ما بينا صبح واحد
طب ليه بنتداري ونتباعد
مع إنه جمعنا سبب واحد

ده انا قلبي إتنطط م الفرحة
وبيحلم بضفيره وطرحة
وبفستان أبيض وبزفة
وجناين ورد لينا طرحة

وبضحكك انا قلبي بيحيىَ
وقت ما دنيتنا لينا تحلىَ
وده كله عشان بسمه خفيه
وده كله بحسه عشان ضحكه

والشط أَهووه هنا قدامي
واقف بيلاعب أمواجة
علي رملة أنا برسم أحلامي
يرسملي فـ صورتك يا مزاجة

وانا برضوا معاك مش راح أسيبك
وعلينا الشط ده راح يشهد
علي إني انا روحـك وحبيبك
وانا برضو بحُبَــك راح أشهد

فـ عيونك انا كده بتاخد
وتملي انا فيهم كده شارد
طب ليه بنتداري ونتباعد
مع إنه جمعنا سبب واحد

ــ ـ ـ ـ ــــ ـ ـ ـ ـ ـ ــــ ـ ـ ـ ـ ـ ـ ـــ
بقلم : الشاعر محمد طلعت

الابن الشاعر

محمد طلعت

برافو .. على هذا التقدم الجميل المنتظر

من شاعر شرفنا بإنضمامه الى منتدانا الحبيب

نص يليق بصاحبه ومن تقدم الى آخر .

تقبل مرورى مغ خالص تقديرى ..