شاعر ميِّت ... أحمد سعيد موسى

شاعر ميِّت
....
..
بُصّوا يا أهل العشق وشوفوا
شاعر مَيّت جٌوّه حروفه
شاعر حب ولما اتخان
قطّع شعره وسَبّ كفوفه
.....
هحكي حكايتي لإني الشاعر
إللي اتجرَّح واللي اتهان
لما عشقت ولما وفيت
قمت شربت الويل ألوان
.....
من بين كل الكون دا بحاله
قلبي اختارها وسَلِّم ليها
طلبت قلبي ... قلت: وماله
قلبي وروحي شْوَيّه عليها
قلت: ماضيكي ؟؟
قالتلي: نسيته
يومي وبكره هعيشه معاك
وانت ماضيك؟؟
قلت: مَلِيش
إنتي بدايتي يا أحلى ملاك
قالت: قبلك كان فيه ماضي
متخيلتش لحظه انساه
صوره فظيعه وواقفه قْصادي
فيها الجرح وفيها الآه
قلت: هداوي الجرح بإيدي
وهخبيكي ف قلب وريدي
قالت : عمري مهنسى إديك
اللي اتمدتلي
ولّا ان انت وعدت تصونّي
وجَدّ .. وفيتلي
مكتوب ليا ان انت حبيبي
وانا ف اللفه
وانا بحلفلك ..كله ف كفه
وإنت ف كفه
قالت : إنت حياتي وعمري
وكل ما ليّا
إنت الفرحه اللي اتمنيتها
وضَيّ عنيّا
وانها لو هتضحي بروحها
هيبقى شويه
قالت : إني أرَقّ حكايه
وان وجودها معايا كفايه
كنت بَصدَّق كل كلامها
كنت بخفف كل ألامها
قلت: هواها دَ حب حقيقي
نظره عين بتبللْ ريقي
أصلها راهنه حياتها عليّا
وانا راح اشيلها ف نن عنيّا
وكمان هابني معاها حياه
حتى ماضيها كمان هنساه
بس ياريتني ما كنت نسيته
علشان هيا بشوق فاكراه
.....
جه قدامها ف لحظه ناداها
سابت قلبي لوحده غريق
قالت عادي بكل بساطه :
ممكن تبقى أعز صديق
شُق طريقك وانسى غرامي
إنت ملكش معايا طريق
قالت قالت ..بس يا ريتها
- مَ قالت شيء –
......
ما اتخيلتش إنها لحظه
هتغدر بيا
كنت بصدق دمع عنيها
وخوفها عليا
بندم إني ناديتها ملاكي
دخلت قلبي وناويه هلاكي
بعد ما كانت سر حياتي
سابت قلبي المغرم باكي
بندم إني كتبت قصايدي
إللي تعدي الألف ديوان
غدرها خلّى الكون ف عنيا
إسود ف اسود مش ألوان
وانت يا قلبي ازاي هتفرّق
إللي بيوفي من الخوّان
إللي بيصدق لما بيحلف
م اللي بيحلف بالبهتان
......
كنت الشاعر وآدي حكايتي
شُفْتوا يا أهل العشق نهايتي
آدي جزاتي لَإني وَفِيت
واني بصدق عشقت هَوِيت
هكتب تاني قصايدي لمين؟
واكتب ليه وانا قلبي حزين؟
آخر كلمة هتطلع منّي
قبل ماروح دنيا التايهين
أغلب ناس هما ولاد آدم
وبنات حوا مهما هيوفوا
برضه أكيد همّا الخاينين
وبنات حوا مهما هيوفوا
برضه أكيد همّا الخاينين
............
........
...
شعر / أحمد سعيد موسى

الابن الشاعر الجميل

احمد سعيد

تجربه ربما فشلت ولكن استطاعت ان تُخرج منك

قصيده من أروع ما كتبت .

ولا لوم على الإخلاص للحب الأول . وربما لأنك جئت

الثانى . كان نصيبك هكذا . لا أتمنى ان تكون الثانى دائماّ

ولك مادامت التجربه سوف تجعلك تبدع فمرحباّ بها .

قصيده جميله يا احمد وتقبل منى خالص الموده ...

تثبت تلك الرائعه

بواسطتى تقديراّ لروعة العمل

وتقديراّ للشاعر ...

كنت الشاعر وآدي حكايتي
شُفْتوا يا أهل العشق نهايتي
آدي جزاتي لَإني وَفِيت
واني بصدق عشقت هَوِيت
هكتب تاني قصايدي لمين؟
واكتب ليه وانا قلبي حزين؟

الشاعر الرائع / أحمد موسى

أنت هنا الشاعر .. ورغم حنقى وغضبى لخيانتها

إلا أننى أشكرها على هذه التجربة حتى وإن لم تكن تجربتك فقد

جعلتك تأتينا بهذه القصيدة الرائعة من بؤرة الشعور الجياش

أنت شاعر رائع وستظل ما دمت بكل هذا الجمال والصدق .

دمت مبدعاً

وداد الهـــــــــــــــوارى

عادل عوض سند كتب:: الابن الشاعر الجميل

احمد سعيد

تجربه ربما فشلت ولكن استطاعت ان تُخرج منك

قصيده من أروع ما كتبت .

ولا لوم على الإخلاص للحب الأول . وربما لأنك جئت

الثانى . كان نصيبك هكذا . لا أتمنى ان تكون الثانى دائماّ

ولك مادامت التجربه سوف تجعلك تبدع فمرحباّ بها .

قصيده جميله يا احمد وتقبل منى خالص الموده ...

أبي الحبيب / عادل سند

أكرمك الله كما أكرمت القصيدة بالمرور الأول
وبارك الله فيك أستاذي الكريم
القصيدة قديمة جدا وهي موضوع خيالي
فابنك لم ولن يكون إلا الأول هههههههه

والقصيدة تحولت لسجالا أدبيا بيني وبين شعراء
ولو تحب أن اعود بالسجال لفعلت
شكرا سيدي الكريم
وأكرمك الله كما أكرمت القصيدة وصاحبها
أحمد

أستاذى الشاعر الرائع
أحييك على قصيدتك المدهشة
و التى راقت لى كثيرا
تقبل كل شكرى من محب للشعر
و لقلمك الجميل الذى أسعدنى

اانا كل مرة بعجز عن الرد انا قرات القصيدة 3 مرات علشان اعرف ارد واقول كلمه كدة زى الناس مش عرفه
انا ما عنديش تعليق غير ربنا يحميك Very Happy

مازلت عند رأي
احمد سعيد موسي .. شاعر موهوب جدا
ولديه الكثير ليمتعنا به
دمت بكل خير

سيبها تروح هىَ الخسرانه

بكره تجى لك كدا ندمانه

تعرف قمتك تحكى بحبك

وانت تقول مع الف سلامه

ودائما رائع

وتأتى لنا بكل جميل

دمت بكل حب وخير

[b]

الشاعر الجميل / احمد سعيد موسى
رائع ماكتبت وجميل احساسك
عصام

كل إللى أقدر أقولهولك

إنى أول مره أقرالك

ومش حتكون الأخيره بإذن الله

لأنى شفت فيك شاعر متحكم ومتمكن من أدواته

ربما كان فى النص شىء من الإطاله

ولكنى لم أمل القراءه

فمفرداتك راقتنى

وصدق التجربه الواضح جليا بين السطور

جعلنى أعيد القراءة مرات ومرات

ولا أنسى أن أحييك على إلتزامك الرائع بالوزن

كل الشكر لك على الإمتاع الراقى

وأراك دوما بكل الخير

وربما فى قصة حب تختلف نهايتها

سلام

شاعر الاحساس :أحمدموسى
تجربة مؤلمة حقا وانت بقلمك الرائع عبرت عنها باصدق الكلمات
ولو تجربتك او تجربة غيرك فهى حقا اخرجت لنا رائعة نتغنى بها دوما
قول بس ومتخبيش وانا مش هقول لحد
سرررررررررررر
ههههههههههههههه
tongue

تقبل تحياتى

وداد الهوارى كتب:: كنت الشاعر وآدي حكايتي
شُفْتوا يا أهل العشق نهايتي
آدي جزاتي لَإني وَفِيت
واني بصدق عشقت هَوِيت
هكتب تاني قصايدي لمين؟
واكتب ليه وانا قلبي حزين؟

الشاعر الرائع / أحمد موسى

أنت هنا الشاعر .. ورغم حنقى وغضبى لخيانتها

إلا أننى أشكرها على هذه التجربة حتى وإن لم تكن تجربتك فقد

جعلتك تأتينا بهذه القصيدة الرائعة من بؤرة الشعور الجياش

أنت شاعر رائع وستظل ما دمت بكل هذا الجمال والصدق .

دمت مبدعاً

وداد الهـــــــــــــــوارى

الأستاذة الشاعرة والأخت العزيزة / وداد الهواري
مرورك في حد ذاته إبداع وردك النثري أبهى من قصيدتي الشعرية
فكوني بالقرب دائما فأنتِ نورٌ في جنبات القصيد
محبتي الخالصة
أحمد

» بقيت شاعر ... أحمد سعيد موسى
» هذا أبي ... أحمد سعيد موسى
» أمي ... أحمد سعيد موسى
» لفحة شوق ... أحمد سعيد موسى
» أمي الحبيبة ... أحمد سعيد موسى