أمي الحبيبة ... أحمد سعيد موسى

هدية إرتجالية لأمي في عيدها الماضي أهديها هنا لأمي الحبيبة وفاء أمين علّها ترضيها

أمي الحبيبة

أمي يا نسمة شوق
بالحب ترويني
بشتاق أدوق وأدوق
وأموت وتحييني

بهديكي كلماتي
يا عمري وحياتي
وف عيدك اهديكي
قلبي ونبضاتي

يا أمي من غيرك
أقدر أعيش ازاي
وانا كلي من خيرك
يا دنيتي ومناي

مقدرش يوم يا امّه
أحيا بدون ضمه
ودعوتك لمّه
كل الفَرَح والخير

يا امّه يا وش السعد
يا وعد و اجمل وعد
لو مش هبوس إيدك
منين هدوق الشهد؟ !!

يا وصية الغالي
رسول إله عالي
وسراج و بيلالي
وبدعوتك يا امّه
الدنيا تحلالي

لو بِتّ يوم مهموم
ما تدوق عنيكي النوم
والقي الأمل مرسوم
ف عنيكي قدامي

يحميكي رب الكون
يا أغلي قلب حنون
بيقوي أحلامي

شعر / أحمد سعيد موسى

جميل جدا مبدع بمعنى الكلمة وقصيدة فى وقتها تعبر بها عن مشاعرنا جميعا
سعيدة جدا كونى أول من يمر على إبداعك

يا وعد و اجمل وعد
لو مش هبوس إيدك
منين هدوق الشهد؟

الله عليك يا احمد ربنا يخليلك الولدة ويبارك لها فيك قصيدة جميله

الشاعر الرائع احمد موسى
قصيده فى منتهى الروعه والجمال
لاغلى انسانه فى الوجود
ومهداه إلى شخصيه رائعه جدا
كلماتك مسك وحروفك عنبر
واحساسك من دهب وسبحانه ربك
لفنك وابداعك وهب

دمت اخى مبدعا رائعا كما انت
دمت بكل سعاده وخير
تقبل ودى وتقديرى لشخصك الرائع

أحمد موسى كتب:: هدية إرتجالية لأمي في عيدها الماضي أهديها هنا لأمي الحبيبة وفاء أمين علّها ترضيها

أمي الحبيبة

أمي يا نسمة شوق
بالحب ترويني
بشتاق أدوق وأدوق
وأموت وتحييني

بهديكي كلماتي
يا عمري وحياتي
وف عيدك اهديكي
قلبي ونبضاتي

يا أمي من غيرك
أقدر أعيش ازاي
وانا كلي من خيرك
يا دنيتي ومناي

مقدرش يوم يا امّه
أحيا بدون ضمه
ودعوه تكون لمه
كل الفرح والخير

يا امّه يا وش السعد
يا وعد و اجمل وعد
لو مش هبوس إيدك
منين هدوق الشهد؟ !!

يا وصيه الغالي
رسول إله عالي
وسراج و بيلالي
وبدعوتك يا امّه
الدنيا تحلالي

لو بِتّ يوم مهموم
ما تدوق عنيكي النوم
والقي الأمل مرسوم
ف عنيكي قدامي

يحميكي رب الكون
يا أغلي قلب حنون
بيقوي أحلامي

شعر / أحمد سعيد موسى

أ

الى الشاعر الرائع أحمد موسى
طب اقول ايه بعد الجمال ده!
وكمان ارتجالية
يابخت ماما بيك وربنا يخليهالك ولا يحرمكم من بعض أبداً
وعايزين نكتب عن الأب العظيم كمان ودوره فى حياتنا مش كده ولا ايه؟
الف الف الف شكر على هديتك الرائعة متلك
Suspect

الله عليك يا احمد وعلى روعة قصيدتك والتى كُتبت فى الام

والتى تستحق وبكل صدق ان يُكتب فيها اجمل الكلمات .

قصيده رائعه يا احمد وكلمات خرجت صادقه فأستمتعنا بها

وانت هنا كتب قصيدتك من بحر الموال او البحر البسيط

وكتبت : ودعوه تكون لمه . وهنا حدث خلل بالوزن .

وتصحيحها : ودعوتك لمّه . ولغيرتى على جمال النص

تقبل منى هذا التطفل .

لك منى كل التقدير على روعة هذه القصيده ...

رشا فؤاد كتب:: جميل جدا مبدع بمعنى الكلمة وقصيدة فى وقتها تعبر بها عن مشاعرنا جميعا
سعيدة جدا كونى أول من يمر على إبداعك

مشكورة يا أستاذتنا
بارك الله فيكِ
شكرا للحضور

» أمي ... أحمد سعيد موسى
» هذا أبي ... أحمد سعيد موسى
» جوه المقبره ... أحمد سعيد موسى
» أرجوكي ... أحمد سعيد موسى
» مات الضمير ؟؟ ... أحمد سعيد موسى