جحا والحمار(من مربعات فن الواو )

مراته ناويه تروح

عالمحكمه و { تخلع }

وإزاى تقول مسموح

قدامها وبتقلع ؟؟

سرقوا الحمار مره

وجحانا كان غفلان

وبحبل وف شجره

جم بدلوه بإنسان

***

جحا راح قوام سأله

إزاى بقيت إنسان

حالك ده إيه بدله

إنس انت ولا جان ..؟

***

قاله عصيت أمى

وبالغت فى العصيان

وبدعوه من أمى

فى الحال بقيت حيوان

***

وسنين وانا مسحور

عايش بجسم حمار

وف لحظه جنب السور

السحر فعله طار

***

جحا فكه ودموعه

سايلين على خده

ماهو عشره ورجوعه

من غيره زاد وجده

***

وف مره جوا السوق

شاف الحمار تانى

قال له لحقت تسوء

وعصيتها من تانى ..؟

دم الحمار موجود

ودمنا رايح

فى بيتنا جبنا يهود

والإسم قال سايح

جحا مكانش حمار

دا كان بيستحمر

صابغ وجوه الدار

الفين حمار احمر

وياريت بقى تسكتوا

وسيبو الحمار فى حالو

معرفش دى أخرته

ولا الليله لعيالو

من إمتى ياعزه

بتقولى كلمة بس

فين صاحبة الغزه

فى القلب لما يهِس

صعب الحمار اياك

على قلبك الطيب

ولا الوجل خلاك

تحاميله وتطيب

فؤاد66 كتب:: من إمتى ياعزه

بتقولى كلمة بس

فين صاحبة الغزه

فى القلب لما يهِس

ياسيدى خايفه عليكو

من قال وقولنا وقال

ربك ما يوريكوا

من حرقة العزال

منا ياما قولت عليه

وشكيت كتير همى

ولا عمره قال لى ليه

ماهو أصله جوز أمى

السلام عليكم
اسمحلي الاول احييك علي فنك الراقي بكلمتين ع القد

وشوشت ليك الودع

كن الودع خابر

وحايلته كل الخدع

قال الدكر جابر

الشعر كَانه أماني الحقني يازهيري

هربانه مني المعاني ودماغي صنطاوي

أشبِه حمار العنب شايل حمول غيري

كنى حمار بصحيح بردون ياحصاوي

يابلدنا فيكي العجب

واتحكموكي حمير

نصوم رمضان وف رجب

قالو الصيام أمشير

حمار وقام إتفزع

حلم انه صار إنسان

ولما فاق إتمرع

حمار ما لوهش لسان

حمار عايتمنظر

ويقول أنا شمشون

وقع ملوش منظر

كيه معلقة فى ماعون

صبرى عليه ماصنوش

برطع وقالى ضعبف

كفى حلف ماسيبوش

وأجيب رقبته بسيف

جابر الزهيرى كتب:: والله ما خابر كيف

أسوى فيك يا حمار

من يدى شارب كيف

قالب عينيك بحمار

***

تحرن وناوى الرفس

وكنى قاتل أبوك

وعايزها نفس بنفس

لما الولاد ضربوك

***

نهّق عشان غنّى

سعد اللى عايحبك

هات فى النهيق غٌنّة

لا بزقلة عاندبّك

***

هههههههههههههه

أولنا يا عصبة الواو

الزهيرى

مش بقولك انت ناوى تودينى كلنا كلابوش ربنا يستر ومتقربش من السياسة ابوس ايدك ها
جميلة يا خال

انا فمت يوم مفزوع

قام قلت ايه با هووه

صوت الحمارممزوع

ليه تلعنوا ف ابوه

شابل حموله طاقين

ولايوم شكي ليكم

مالكم كده طقين

ناسين مواليكم

الكود:: دا حمارنا بقي مشهور
انه قليل الفحش
لا تصاحب غبي ومسطول
لكن صاحبلك جحش
..........
ابني مغلبني
طول النهار نافر
كام مرة اعمله
حدوة بحوافر
لولا اني متوضي
قلت ابوه كافر

اقتباس :

جحا لما كان بياع

كان الحمارصاحبه

ولاحد م الأتباع

سيطر عليه وصاحبه

ذكائه كان ملموس

يا ما حير الحكام

جهبز علي فلحوس

كان للكلام حاكم

جحا والحمار اتنين

لكن تفول واحد

علي غلبهم تانين

لم سئلوا يوم جاحد

شافوا المرارقناطير

زي اليومين داهم

عملوا الوجع أسا طير

شربوا الأسي والهم

حق الحمير ضايع

إلا حمار واحد

طلع حمار صايع

وقلبه كان جاحد

الحمل فوق ضهره

رمى نُصّه جوه النيل

والحر كان صهره

قال صاحبه ابن بخيل

مين الحمار فينا ؟؟

واللقمه اهى { فولنا }

والطاوله تكفينا

بننام على { بولنا }

احمر حمار فى السوق

اغلى من الإنسان

لو حد بات مزنوق

بيشوف له جنبه مكان

مين اللى قال داحمار

احنا اللى حّمرناه

ورضينا رفسه وعار

احنا اللى كّبرناه

*********

اختارنا له نطاطى

يطلع ينهق لنا

واما اعتلى الواطى

كربجنا آهو كلنا

**********

دلوقتى مين قادر

يقولوا فين حقنا

برطع كمان نادر

يفضل على قلبنا

» مربعات الواو
» مربعات ..فن الواو
» مربعات فى فن الواو
» قد إيه حبك يامصر (مربعات من فن الواو)
» تجربة فى مربعات الواو