من مواويل الزهيرى

صليت على المختار جه نوره فى لسانى

والقلب جاب أفكار للجنة ودانى

نسانى لون النارطهرلى وجدانى

صليت وكانت صلا

رفعت همومى وبلا

دا القلب لما ابتلى

قصدت أزور النبى شوفت النبى جانى

الزهيرى

صبرت والله كتير لما نفد صبرى

والصبر فيه تمرير خلا البدن مبرى

ولا صابنى يوم تقصير ولا يوم نفد تبرى

روحت أشتريته بمال

لقيته عنى مال

غنيت له فى الموال

ليه عشرتك دامت وجاى معاى قبرى

الزهيرى

كتب الشاعر الكبير عادل سند:


الدنيا من حبها للفقر صاحبتنا

وجابت المفترى جوه بقى ف بيتنا

جايب معاه شلّته بالصرمه ربيتنا

صلبونا زى مسيح

ودمنّا بيسيح

وآخر التباريح

قطعوا اللسان مننا ما رحموا شيبيتنا



صعبان عليه قوى إنى أكون مفترى

و الشعر دا مرتوى منى حروف عنبرى

ولا كنت يوم فهلوى وعصابتى ما تتكرى

أولادى دول بصحيح

رشا فؤاد ومديح

وعلاء يسابقوا الريح

شوفناك سند للشعر جينا حداك نشترى

هههههههههههه

عصابة الزهيرى أولادك يا عم عادل

علشان رئيس العصابة أخوك الصغير

الزهيرى

فى المنام جانى ورأيتة
بنورة الدايم عشقتة وحبيتة
ولما رحت وزرت بيتة
الله علية ياجمالة
فية الصلى تحلالة
للمولى جل جلالة
اللى هادانا بهديتة ومحبتة

يا صبر أيه صبرك على ظلم كل الناس

وانت اللى كنت يا صبر عنوان لهم وأساس

مررت جات قسوة غطت على الأحساس

عشان ياما زمان قاسوا

ولفوا الهموم حاسوا

وشافوا سواد كاسو

وعايزين اللى ظلمونا نشيلهم بالأيدين ع الراس

محلى الصلى ع النبى تملى القلوب أنوار

يا قلب صلى عليه أملا حياتى عمار

هو الشفيع لينا من جمر فيه النار

يهرى بدن ظالمين

للحق مش عارفين

ولا عمرهم فاهمين

إنك يا سيدنا النبى سيرتك ملانه أسرار

اهل الحكم باما بتشغلهم كتير حسابات

ا كم ملامح وكم في الدنيا دي حسبات

واالقاضي لو يوم حكم ما تفرقشي معاه حسابات

الحق تاج ياناس وميزانه متابع

وخالق الأجناس الكل ليه تابع

والشين مالوشي اساس دلدول ودالتايع

والطبين نادرين مفيش بينهم كتير حسابات

دخلت ليه فى الغلط وفهمت بالمقلوب ؟؟

احلف انا ما اقصدك والرب رب قلوب

دا انت الحبيب والسند لجلك ابات مغلوب

وانت اللى عارفنى

عالبعد شايفنى

عندك مضايفنى

دا انا لو حا نغلط يوم إرجمنى ياللا بطوب



دا كان يمينى أتقطع يوم ما أقصد أستاذى

أنا قصدى كان الضحك مع سندى وملاذى

وأنت اللى عارف يا خوى جابر ماهوش غازى

يا ضى لعينيه

قصدى ملاغية

موالى دا هدية

دا أنا فى الحروف مكسور وانت اللى عكازى

الزهيرى

هفهف نسيم السجر صحالى أشجانى

وأنا قلبى كان إتفطر من ذل حرمانى

شايف معادن بشر مجنى عليه وجانى

على كتفى شيلت هموم

ولا جتشى مرة فى يوم

أقول يا ناس مظلوم

يا حى يا قيوم هات لى الفرح تانى

الزهيرى

الشاعرة عزة الزرقانى كتب:

فؤاد66 كتب:

وياكو بتعلم قى كل مره جديد

قدامكو راح اسلم فى الشعر إنى وليد

لساه بيتعلم ويعد فوق الإيد

يسمع مع الموال

أجمل كلام إتقال

إبداع ما كان ع البال

يوم بعد يوم حبكم يملا الكيان ويزيد

الله على كلامك الزين

وحروفك الظاهرين

بكلمتين جامدين

وفينا بتعلم

الله عليك كمل

بالمعنى بتجمل

كا الورد ف البساتين

من قلبى مش بكدب أنا بينكو ببقى سعيد

بنسى جراح عمرى وشموع حياتى تقيد

ومحبتى ليكم تجرى ف عروق ووريد

وان يوم لقيتنى حزين

ودموعى ع الخدين

بشعر قوام بحنين

واجرى على بابكم تحضنى مليون إيد

ونصلى ع الهادى ونقول صلاه وسلام

عمره ما كان عادى ولا ضد خير وسلام

ومقامه فى الدنيا والآخره أعلى مقام

صلوا عليه يقلوب

من جوا حالفه تتوب

تبكى عيونها ذنوب

وتعيش بقية عمرها مابين صلاه وصيام

يا موحدين بالله الصبر زينكوا

سبحانه جلا علاه ف الصبر ينصفكوا

حاسس بعبده نشاه ف الخير يجملكوا

عشان رحيم بينا

وكتابه يحمينا

دينا مقوينا

على كل من جالكم قصده يعاديكوا

سيدنا النبى طمعان ف الرحمة أكون جارك

قلبى عليك صلى وربنا بارك

أختارته يوم الشفاعة من قبل ما اختارك

سيرتك بتحينى

ف الرحمة تحمينى

ع القسوة ف سنينى

نفسى اكون وياك ألزم عتب دارك

صلى عليه ربنا من فوق سبع سماوات

ف رسالته جه قلنا أن الجميع أخوات

والخير ملا قلبنا بالحكمة فى الآيات

صليت أنا بقلبى

على رسول ربى

الهاشمى العربى

بحروف تشع بيان من أجمل الكلمات

الزهيرى