وانا عاقل ومش مهبول

واللّه هقول كلامى
وأكون عليه مسئول
فى الاعاده
مش هنتخب
أى حد م الفلول
ازاى دا يوصل للأعاده
حد منهم
والله بصحيح مغلول
فى الاعاده
راح انتخب
حد تانى
لو بتاع ام الخلول
لازم يكون مننا
وبحبنا مشمول
واللى قرِّيِّب مننا
دكتور محمد
واجهه لحزب اصبل
وراجل ابن اصول
بس كلمه ولازم اقولها
هىِّ رجاء مش شرط
وانا عاقل ومش مهبول
مرسى هينجح
بأذن الله
لكن يسيب حزبه
علشان يزيد حبه
والحجه تبدأ فى الافول
يبقى انتماؤه لمصر
يعلى بيها
من بعد سنوات النزول
وأى حجه يمسكوها عليه
بأنسحابه تبدأ تزول
الساعه تبدأ تسير
لو عدِّلوا البندول
لجل يسود الآمن
ونزرع محبه فى الحقول
ونجنى الامل مع المحصول
ياريت يكون
حد فاهمنى
غلطان يفهمنى
لأن شرحى للمسأله هيطول
نفسى تقوم مصرنا تنشط
من بعد طول الخمول
نفسى ترجع صورتها
لوضعها المعدول
كلمه وقلتها لله
وانا مصرى
مانيش مشلول
ولاخايب ولا بهلول
انا مصرى حر
مانيش مذلول
ولا بعرف كلام معسول
واللى عنده رأى تانى
يتفضل يقول
===

انا مصرى حر
مانيش مذلول
ولا بعرف كلام معسول
واللى عنده رأى تانى
يتفضل يقول

أخي عطية
مرحبا بك فى بيتك و منتداك
و أهلا بقلم جميل
يسعدنا التعرف عليه
تقبل خالص ودي

انا معك فى رفضك للفلول

ومعك ايضا فى كلامك عن محمد مرسى

فانا قلتها من قبل . لقد وًضع الشعب المصرى

بين فكى الرحى او شقى الرحى .

اللهم ولى من يصلح ...

» طيب - عاقل - مش مجنون
» وانا مش .. رشـــــــا !!!
» تفضل مجنون مع الناس أو عاقل وحدك ؟
» إحساس عاقل / رداً علي قصيدة / إحساس .. قاتل شعرعزة الزرقاني
» أنا وانا