قصيدة علم العروض للشاعر سيد البالوي

قصيدة
علم العروض



قبل اما نبدأ فل كلام
كل القواعد تحترم
دا لافينا مختار مل اله
ولا فينا بانى للهرم
وان كان صحيح كل اللى قال
الشعرا اكبر مدرسة
خليك صريح وافتح كتاب
قبل اما تبدأ هلوسه
وعشان كتير فيه ناس كتير
مش عارفه تظبط ودنها
قال الخليل علم العروض
من سته فوق عشرة انتهى
والشعر مش بس العروض
أو صورة تنده لاختها
الشعر نابع من القلوب
ومعاه كتيرمن وجدها
وعشان كمان فيه ناس زمان
قالوا الحكايه معقربه
هشرح اصول علم العروض
يمكن انول منكو الرضى

وابدأ كلامى عن بحور
صافيه واصفى من الندى
تفعيلة واحدة والكمال
زان الجمال من حسنهم
سبعة واولهم اصيل
وافر ومن وافره ائتلف
والتانى من هزج الكلام
مجزوء لوافر يشبهه
والتالت الحر الجميل
بتقارب الاوتاد بلغ
عدد حروفه الاربعين
ومعاه كمان اربع صور
والرابع اللى فيه خلاف
مابين تدارك او خبب
غنى عليه العندليب
والكل من سهله نهل
والخامس الرمل السريع
يصنع بنسجه ملحمه
والسادس الكامل وليه
تفعيلة تامه ومحكمه

واخيرا السابع اديه
يقفل دواير المؤتلف
معناه بيعنى الاضطراب
ولهذا سميى بالرجز
والباقى هنتابعوا اهتمام
علشان ننول المرتبه
دايره وفيها الانسجام
قالوا بحورها مركبه
تسعه واولهم همام
اطول من الليل ف الشتى
عدى بحروفه الاربعين
ولا حد من طوله اشتكى
والتانى من بعديه مديد
ممتد في اجزائهَِ
والتالت الحلو البسيط
اللى انبساطه وسطهم
خلى البحور زى القلوب
بيودوا ديما بعضهم

ونعود نقول رابع ميزان
من وحى ديرة مركبه
اسمه مضارع للبحور
واقرب مثال ارى للصبا
والخامس الاسهل طريق
اسمه كمان المنسرح
ياجي معاه سادس فريد
مجتث يعنى منقطع
والسابع ال اسرع سريع
فل ذوق وتقطيعه كده
حركه وساكن مرتين
وضروري وياهم وتد
ياجى وراه تامن خفيف
والتاسع اسمه المقتضب
يبقى تمام كل البحور
معروفه لينا مبينه
باقى نعود نشرح اصول
بعض المعانى الغامضة

ازاى هنعرف الاختلاف
وازاى نقطع عل ورق
وازاى نفرق باحتراف
شكل الزحاف من لون علل
لكن وقبل اما نخوض
نرجع ونعرف مسألة
علم العروض اختار حروف
وقوامها عشرة مسلسلة
لمعت سيوفنا و البيان
من وحى اشواق الرجا
تفعيلة يعنى مسيقى من
بعض المقاطع اصلها
ومقاطع الشعر الجميل
معروفه للى يحبها
حركة وساكن دا الخفيف
ومحركين يبقى تقيل
وان جم تلاته بالسكون
يبقوا جميعا دول وتد

اسمه كمان مجموع صحيح
واخوه زميله ف العدد
بس الخلاف ان السكون
فارق حركاته بوسط
والمقطع الخامس جبل
فاصله وصغرى ف الجمال
والسادس اللى باربعة
ساكن معاهم قال لهم
سمكة مثال عن وصفهم
اما الزحاف تغيير بسيط
مختص بثوانى السبب
وعشان نكون اكتر يقين
مفرد وتانى مزدوج
والعلة تحذف اوتذيد
وتطول سبب وتطول وتد
والبيت يقسم شطرتين
حشو العروض ضرب انتهى
حتى الكلام منى خلاص
رافض يكمل بعدها
لكن هتفضل فيه حروف
علم العروض عاجز يبين وزنها

قالولى عمق الكلمة ****عشان تبقى من الافذاذ
كتبت الكلمة بسهولة**** ماهو سهل الكلام اعجاز

منكم تعلمنا أن يخوض الشاعر كل التجارب كما يخوض الفارس كل ميادين القتال
شاعرنا واستاذى الكبير عاطف الجندى تقبل عظيم شكرى وتقديري لمرورك الكريم
على تجربتى البسيطة وتقديرك لجهودى المتواضعة

خالص شكرى وتقديري لمرورك الكريم استاذ عبد العزيز المنسوب