قصيدة حب الوطن للشاعر سيد البالوي ضد الإرهاب

عندك بكام لسه زخيرة تشترى
لقلوب بتعشق دا التراب
عندك بكام لسه عقول متغيبة
مش شايفة روحها م الضباب
جمع جيوشك كلها يا اسود سواد
امحي ضميرك وانتحر
وإعلن حقيقتك للملأ إنك خراب
إنك خسارة تتذكر أو حتى نلقالك أثر بين الحطام
ان المعاني بتلعنك
وان الجماد جنبك بشر وإنك غمام
طب يسوى كام
طب يسوى كام سعر الوطن عندك يا عاهر امركان
طب يسوى كام قلب انفطر
على قلب واقف للأمان
لساك جبان
لساك جبان يابن الزواني واللحا
وابن الجماعة الفاضحه
ياللي بتقتل خير جنود
قلبك دا أيه مصنوع حجر
طب مين هجر
طب مين هجر قلب العظيمة القاهرة غيركم يا اسوأ من غدر
ناسيين تاريخ ولا انتوا ميح
ولا الرسول وخدينه سكه للدجل
ياخوان هبل
هكسوس وماتوا ف ارضها
ولويس ركع من شعبها
واللي افتكر انه يغيرها بثقافته انجذب
ياما كتير منتوش تتر
دا انتوا حايلا شوات شخوص
مع كلب تركي ومعزة بايعة عرضها
يا ارضها
يا ارضها اللي بتقتل مسلمين بسلاح صهاينة وتشتري
كاس بالرشاوي تمسكه ويبوسها فاجر ع الجبين
ودي تبقى مين
ودي تبقى مين علشان تنافس قاهرة قهرة جميع الافاقين
عندك بكام لسه زخيرة تشترى
لسه الاسود مستأسدين
لسه اللي راحوا بيصرخوا
عايزين يعودوا من جديد
لسه ف بلدي بيتولد مع كل لحظة ميت شهيد
جمع جيوشك كلها هات اردغانك
ع الحدود
فيه جيش اسود
فيه جيش جنود مصري وقادر يهزمك
قولي يابايع دا الوطن عندك بكام
أصل اللي عندي بالفؤاد صعب اللي زيك يعرفه
صعب اللي بايع للبلاد يعرف حقيقة دا الوطن
أصل اللي عندي يا سواد
حب وفداء ملهوش تمن
مهما ها تقتل ف الجنود
أو تسعى تهدم ف الوطن
مع كل طلقة بتنطلق
روحي بترجع من جديد
والأرض بتقولي محال
حب الوطن يوم ينقتل
حب الوطن حب الاله
هو اللي خالد ف السما
أما انت يا حسرة عليك
كل الأراضي بتلعنك
وف يوم مماتك يا حقير
كل اللحود راح تلفظك
والدود ها يقرف يلمسك
ماهي الديدان عاشقة الوطن
أما انت خاين للبلاد
طب يسوى كام عندك يا بايع دا التراب
اللي احتواك واللي حماك واللي ها يحضن جتتك
يالهوتك يوم الحساب
وانت بتعلن ع الملأ خاين عميل
والكل رافض طلتك
والكل رافض طلتك
حتى الجحيم
الشاعر سيد البالوي 3/11/2014