قصيدة ( غنيوة قديمة ) مهداه لأستاذى (عادل عوض سند)

ملحوظة
ـــــــــــــــــــــــــــــ
هذة القصيدة كتبت بنمط معين ووزن معين لكى تكون خطاب سياسى موجه لفئة معينة

وهى فئة الناس البسطاء الذين لا يتعاطون السياسة.

رجاء
ــــــــــــــــــــــــــ
من يطلع على هذة القصيدة يحاول ان يغنيها وهو يقرئها.
ا
ا القصيدة
ــــــــــــــــــــــــــــــــــ

وتعالى احكيلك يا على
فوق المصطبة يا على
هنقول حواديت يا على
قدام البيت يا على
واقفة الطوابير يا على
تحت القنديل يا على
والقنديل مطفى يا على
محتاج للزيت يا على
والزيت اتباع يا على
اتباع فى مزاد يا على
فى مزاد مفتوح يا على
اتباع للبيض يا على
والبيض خواجات يا على
سرقوا البلاد يا على
وسابوا الفتات يا على
والفتات فين يا على
الناس جعانين يا على
طوابير واقفين يا على
والوقفة طويلة يا على
والعيلة كبيرة يا على
مش لقيه دقيق يا على
نشفان الريق يا على
وفريقنا القومى يا على
اخد الملايين يا على
علشان الكورة يا على
صبحت الاولى يا على
وطلعنا فراعنة يا على
قال ايه فى الكورة يا على
ومحوا التاريخ يا على
وجبولنا تاريخ يا على
بدل التاريخ يا على
عايزين يمحونا يا على
هوانت فين ؟؟ يا على
ماترد عليا يا على
ولا انت خلاص يا على
بعت القضية يا على
ومشيت ف الظيطة يا على
تحت البرنيطة يا على
راسك مغسولة يا على
غسلتها حكومة يا على
حكومة رجال يا على
قال ايه اعمال يا على
اعمال حرامية يا على
باعوا القضية يا على
والجمهورية يا على
صبحت ملكية يا على
والترزى مفصل يا على
قوانين بمقاس يا على
علشان الراس يا على
تفضل موجودة يا على
واحنا ننداس يا على
ويشربونا يا على
مية مجارى يا على
ويأكلونا يا على
قمح فسدان يا على
ويولعونا يا على
ف قطر الصعيد يا على
ويغرقونا يا على
فى العبارات يا على
ويدفنونا يا على
ف عشش الدويقة يا على
وتعالى احكيلك يا على
غنيوة قديمة يا على
يمكن تفهمها يا على
وتعيد الثورة يا على
الثورة البيضة يا على
علشان البيضة يا على
سرقها التعلب يا على
والتعلب فات يا على
خمس لفات يا على
وفا ضله لفة يا على
ويورثونا يا على
والتركة كبيرة يا على
اخواتك فيها يا على
وامك كمان يا على
هو انت فين ؟ يا على
ما ترد عليا يا على
مش عايزة عيش ياعلى
انا عايزة اعيش ياعلى
واتنفس مرة يا على
شوية حرية يا على
هو انت فين ؟ يا على
ما ترد عليا يا على

وبعد طول انتظار ............. عاد على
وفى يده اليمنى ...............عشرة ارغفة
ويده الاخرى..................فارغة
وقال هذا ما جناه أبى.............
وهذا ما جنيته انا...............
أما امى فطلبها................مرهونا برئس واحدة..................

*********************

تمت بحمد الله
ـــــــــــــــــــــــــــــــــ

علاء جمال

بى









ا

الاستاذ / عاطف الجندى

اشكرك على التثبيت

و يا رب اكون قد كلامك

واسعدنى جدا ان انت تكون اول واحد مر على القصيدة

دمت بكل حب


علاء

استاذى / عادل عوض

اشكرك على هذا المرور الكريم

واهداء القصيدة ليك ياعم عادل ده لانى فعلا محتاج

نقدك ومحتاج اتعلم منك.

وده شئ قليل جدا على شخصك الكريم.

ابنك علاء

للشاعرة الجميلة / عزة الزرقانى

اشكرك على تثبيت القضية قصدى القصيدة

واسعدنى جدا مرورك على القصيدة

وتقبلى منى خالص التقدير

علاء

علاء جمال كتب:

للشاعرة الجميلة / عزة الزرقانى

اشكرك على تثبيت القضية قصدى القصيدة

واسعدنى جدا مرورك على القصيدة

وتقبلى منى خالص التقدير

علاء

الشاعر المدهش:علاء جمال
انا قريت القصيدة دى من أول مانزلتها بس أتاخرت فى الرد ماهو أنت السبب
مش أنت قلت اللى يقراها يغنيها وانا شكلها الغنوة طولت معايا وكنت لسه بغنيها الى غاية دلوقتى
وده اكيد من روعتها اللى ملهاش نهاية بجد اتكلمت فى حالة أمة على شفا حفرة من وقوعها فى أعماق الهاوية
منتظرة باقىأعمالك المتميزة
تقبل مرورى وتحياتى

إلى ولدى البكر الشاعر علاء جمال :

والله واحشنى
يا علاء
ولا حدش حاشنى
يا علاء
أنى آجى أشوفك
يا علاء
بتموت خوفك
يا علاء
وتقول يا كبير
يا علاء
واقفين طوابير
يا علاء
لكن مش عيش
يا علاء
يمكن دا حشيش
يا علاء
علشان الأزمة
يا علاء
قولى مالوش لازمة
يا علاء
هههههههههههه
أصلى لو كملت مش هانخلص
سمعهالى بمزاج يوم الخميس فى ندوة المنشية
وعلى فكرة الملحن محمد عبد الدايم جاى ومعاه أصوات ممكن نعملهم كورال
وإنت تغنيها
يا علاء
ربنا يحميها
يا علاء
ههههههههههه
أخوك جابر الزهيرى

الشاعرة الاستاذة / اميرة البدرى

اسعدنى جدا مرورك الجميل على القصيدة.

وتعليقك الرائع.

دمتى ودام قلمك بكل خير.

علاء

الاديبة الشاعرة / صدفة

اسعدنى جدا مرورك الرائع على القصيدة .

واسعدنى جدا جدا ان انتى غنيتيها .

وانا مقتنع جدا بان الشعر رسالة والشاعر رسول مكلف بتوصيل رسالته.

ويارب اكون قدرت اوصل الرسالة.

دمتى بكل خير

علاء

اخى الاكبر / جابر الزهيرى

( يا عم جابر حرام عليك )

الطوابير الى انا شفتها كتبتها فى القصيدة لكن للاسف ملقتش طابور للحشيش

اوعدك فى اقرب فرصة اشوف فيها طابور للحشيش........................صدقنى

هكتبله قصيدة........ههههههههههههههههههههههههههههههههه

دمت بكل حب اشوفك فى ندوة الخميس.


علاء

الى اخى / محمد مديح


شكرا جدا على مرورك يا مديح وبعدين الكلام كله عندك ياعم مديح

ولو مش مصدقنى بص لاسمك ( مديح )


اخوك

علاء

ولدنا علاء جمال
مش عارف أقولك على ولا علاء محيرنى أوى ياعم
أيه الجمال ده
ده أنت حكايه كبيرة قوى
وأنا مش واخد بالى بقه
بس يا عم على براحه شويه
وهدى التون
تلعب ع الوتر المضمون
ههههههههههههههههه

الشاعر الصعيدى الجميل / علاء رزق


كلنا ( على ) وبعدين انا كان نفسى فعلا اطلع مزيكاتى بس للاسف فشلت وطلعت

شاااااااااااااااااااااااااااااااااااااااااااااااااااااعر

اسعدنى جدا مرورك على القصيدة وبعدين مش عارف ليه حاسس ان انت بقيت رقيق اوى

اليومين دول؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

دمت بكل حب

اخوك الصغير

علاء

الأخ والشاعر المتميز علاء جمال

غنيوه حلوة ياعلى

لكن مين يفهم يا على

ياما قولنالك ياعلى

ماتريح بالك يا على

لكن ماسمعتش يا على

ويا خوفنا عليك يا على

م اللى هيجرالك ياعلى

إبداع متميز لا يخرج إلا من شاعر متميز مثلك يا علاء

مش على المرة دى

تقبل مرورى

االاستاذ الشاعر

علاء جمال

حدوتة جميلة

دمت مبدعا متالقا

تقبل تحيتى وتقديرى

الي الشاعر المبدع

والصديف المخلص

علاء جمال اجمل تحياتي

وامتناني بنصك الرئع

كان الله في عونك

وعون ام الصابرين

لكن اسمح لي زعلات ليس منك

لا ..........من علي

ولدنا الشاعر المتميز علاء جمال

أيه يا على الحلاوة دى كلها

دا أنت طلعت حكاية كبيرة أوى يا علوه

ههههههههههه

الشاعر الرائع علاء جمال

الله عليك ياعلى لما بتغنى على جروحنا

دا أنت طلعت حكاية واعرة قوى يا أبوووووى

أخويا العزيز والشاعر المتميز علاء جمال

أسمحلى بالمرور الثانى

أحيى فيك هذه الرائعة بصراحة عجبانى قوى

الفكرة والصياغة والمضمون

وكمان الموسيقى يا على

خدت كل الحروف ممنا ينفع كدة

بس سيب حرف نستعملة

بلاش طب حته على الأقل

سلفنا كام حرف

باين إنك بخيل وكنت عايش فى دمياط

هههههههههههههه

تقبل مزحتى مش هطول عليك بقى يا على

عشان واضح إن لسه عنك إبداعات كتير