مافيش حاجه ( إيمان البكري )

ما فيش حاجه

مافيش حاجه
مانيش عايزة خلاص حاجة
ولا محتاجة انا لحاجة
ولو عايزة صحيح حاجة
مخليتوليش ولا حاجة

عموماً بصوا فيه حاجة
هقولها بس محتاجة
لعقول تفهم
ولو حاجة
مهيش مفهومة او حاجة
نفسرها بكام حاجة
نوضحها بكام حاجة
وأهى حاجة مع حاجة
هتظهر وتبان لنا حاجة
وانا ما بخفش من حاجة
مانيش مسنودة ولا حاجة
لكن ما بخفش من حاجة
لكن فرضاً لو هقول حاجة
هيحصل إيه ؟؟؟ ولا حاجة
هيعملوا إية ؟؟ ولا حاجة
و بعد الشر بعد الشر
لو واحد من القاعدين
من السامعين من الضالين
فِهِم حاجة هَيعملوا إيه ؟؟؟؟
اكيد برضُه ولا حاجة
فنتوكل على الستار لوجه الله نقول حاجة
فيه ناس بتعيش علشان حاجة
وناس بتموت علشان حاجة
وناس بتموت على الحاجة
وناس تديلك الحاجة
وتبقى ليها محتاجة
وناس تديلك الحاجة
و تاخد ادامها ميت حاجة
وناس تكبر تكون حاجة
و ناس تصغر علشان حاجة
وناس منظر ومش حاجة
وتلقاه كبيرحرس ونفير عليه منظر
وهو جبان وشيخ منصر
ولا يبـنش عليه حاجة

كلامى يا خلق فيه حاجة؟
لحد دلوقتى فيه حاجه؟
كلام عادى وبسيط جداً ولا فِهشِ ولا حاجة
ما انا ما أقدرش أقول حاجة
صحيح نفسى أقول حاجة وميت حاجة
لكن مش قادرة اقول حاجة
لأنى لو هقول حاجة
هييجى ناس بتوع حاجة
وياخدونى ورا الحاجة
وهو لو سمع حاجة
هيعملوهالى ميت حاجة

عموما بصو لو واحد من القاعدين
عاوزنى أبلغه بحاجة
يقول مايخفش من حاجة

نعم فيه إيه؟
لالالالالأ مافيش سرقه
ولا تهليب ولا تهريب ولا حاجة

وبتقول إيه
مصمصوا إيه؟ وخصخصوا إيه؟
ده كله كلام مفيش حاجه

قضية إيه؟
ياشيخ روح خلاص مافيش حاجه

حرامى إيه ؟ ولَكّح إيه؟وهرب إيه؟
شــفـافـيـه ومافيش حاجة

وبتقول إيه؟لالالآلأ عـــيب
لافيه تدليسولاترقيص
ولا تدبيس ولا حاجه

سمع مع هووووس
انا حاسسة انه فيه حاجة

دقيقة سكات لَتبقى حداد
انا حاسسه انه فيه حاجة

زمنكوا ياخلق فيه حاجة
ولازموا كام وميت حاجة
ده لو يعنى إذا كان فيه حاجة
انا عن نفسى مش حاسسة ولا بحاجة
ولا متضايقة ولا حاجة

سعادتك برضه مش زيـى مافيش حاجة ؟
أهـه بيقول مافيش حاجة

جنابك برضه مش زَيـىِ وعلشان زيي مافيش حاجة
أهـه بيضحك بيقول مافيش حاجة

ما أنا قولتلكو من الأول مافيش حاجة

عليا النعمه يا اخوانا مافيه حاجة
ورحمة ابويا ويا أبوك على إللّى جابوك ما فيه حاجه

وعهد الله . وعهد الله. وعهد الله
ما خللولنا ولا حاجه

بقلك ايه خلاص خلص و فركش
يلا يا اخونا مفيش حاجه

يااااااااااااااه بجد دوستى على الجرح اللى مليان مليون حاجة
سعيدة جدا ان يكون مرورى الاول على احساس صادق ومن قلب عاش مرارة وظلم ويأس حقيقين من حاجة ورا حاجة ورا حاجة

تقبلى مرورى

آآآآآآآآآآآآآآآآآه يا إيمان يا بكرى آآآآآآآآآآه
ورغم (الحاجة ) دى يعنى قالوها كتير لكين واياك .. فيه حاجة
وطعم جديد ، يقول .. حاجة
شكراً للمبدع / يا قلبى لا تحزن
فقد قدمت هنا قصيدة تقول لنا حاجة لمبدعة شاعرة
بتقول صح حاجة !
وداد الهــــــــــوارى

إمكانيات لا نختلف عليها
لكن أين الشعر؟
معظم شعر إيمان بكرى لا يمس الإنسان بقدر ما يمس الواقع
وهذا الواقع ربما يكون زائلاً بعد شهور
فماذا سيبقى؟
(ولا حاجة)
على هذا الأساس أرفض ثلاثة أرباع شعر (نزار قبانى) السياسى الزائل عما قريب أو بعيد
وسيبقى شعره العاطفى الصادق الذى يمس الإنسان بصدق

قصيده جميله طبعا

لشاعرتنا الجميله أيمان بكرى

ولكنى كنت أود أن تكون بخط يدها وليست منقول

لتزداد سعادتنا وتنور المنتدى

كل الشكر لك

قلبى لاتحزن

دمت بكل حب

اشكرك استاذى
على هذه القصيده الاكثر من رائعه
التى تمس جروح القلب وتثير بداخله الحسره
على هذه الاوضاع التى نأمل انت تزول
دمتم بكل سعاده

والله عند سماعى لتلك القصيده اول مره .

وعند سماعها فى برنامج القاهره اليوم كنت فى منتهى السعاده

بهذه الكلمات وهذا الإلقاء المتميز لشاعره القاهره الاستاذه

ايمان بكرى . اسعدتنى وابهجتنى لنشر هذه الرائعه ..

كل الشكر والتقدير استاذ / ياقلبى لاتحزن ...

» مافيش مستحيل+
» قصيدة اتحاد كتاب جامعة القاهرة للشاعرة هيام البكري
» مافيش مفر
» مافيش
» مافيش أحساس !!!!!!!!!