مافيش مفر

لسه قافل على نفسك
ياتموت انت ياتموت انت
وعيونك غرقانه
نفسها تمسك حاجة
ومافيش مفر
والكون امر..
..من انه يفتح جواك طريق للنور
والسور..
..حلف بكل شروخ الدق عليه
انه فتحلك نفسه ميت مرة
علشان تبات بره روحك يوم
يمكن يموت جرحك من الجوع
تفتحك بره عيونك يوم
يمكن تقع منهم
صور جراح البشر
في مشهد حزين
صورة خنق القمر
فى قلبك سنين
صورة عروسة
بتشوفها في الدكاكين
والضحكة بتقرى الحزن عليك
وانت بتحاول تصنعها
تسمعها كل عيون البني أدمين
والحزن العاطل جوا منك
عايش ويا جراح الناس
والناس جوا
والناس هوة..
..وقعت فيها الفرحة وماتت
لمت كل دموع الدنيا وانت
بتضحك على نفسك مش ساكت
عودت الحزن على القوة
فيكون انت
وتكون هوا

شكرا لكل من الشاعرة صفاء والشاعر عادل سند والشاعرة عزة الزرقانى
على مروركم الجميل ودمتم لى وللمنتدى
لكنى احب ان اعرفكم بانى الذى اكتبه ليس بقصيدة النثر
واعتزر اننى اتأخرت في الرد عليكم

الاستاذ عادل سند اريد ان اسألك ان الذى تقرائه لى هو شعرا ام لا؟
مالى انا بميولك وما تحب وما تكره تفعيلة نثر اواواو.......
انا شاعر فقط