اقرا الجديد حيغروا النشيد

بعد مااتربينا عليه
الشئ الوحيد
اللى راضين بيه
حيغيروه
بين قوسين حيصنفروه
بس يا ترى النشيد الجديد
من فين حيستوردوه
خوفى ليكون صينى
ما تفرقوش عن اخوه
ولا تايوانى مضروب
فى الخلاط يضربوه
اوعى ظنى يصدق
ويكون امريكى امركوه
وع الهيب هوب نرقص
دانس ونظبطوه

حيغروا بلادى بلادى
ويجيبوا المصيف فى الوادى
وعبد الكريم يبقى جون
وجون يبقى هنادى
واعمل شعرى ضفيرة
والنيل ينفد ع الهادى
شررم ..اوه ماى هارت
قصدى فؤادى

الرجل ربنا يرجعه
قبل النشيد ما حد يرقعه
وضميرى يمشى نايم
وصعب امنعه
والرشوة تبقى تبس
والجيب م الفلس نوسعه
النشيد دأنا
ورث النيل ومصنعه
عهده جيش حالف عليه
اصونه مش اضيعه
وخايف اكون اخر مرة
اقوله او حتى اسمعه

الاستاذ محمد عليو

فعلا قلبو كيان الدنيا

ومخلوش حاجه فى مكانها

ولا نشيد ولا اسعار ولا الدار ولا الخضار

كله اتغير كله حصار

بجد ذكرت اهم قضيه بل قواضى بنعانى منها

شكرا لموضوعك الجميل

الاستاذ / محمد عليو

القصيده بها مضمون ولكن طريقة الطرح تحتاج

اللجوء الى تعديل الوزن . انا انصحك ولا انتقدك

اتعب شويه والنتيجه انا اضمنهالك .

تقبل مرورى وتحياتى ..

» النشيد الوطنـى لِموظف
» الرئيس الجديد
» اقرا قطز وصلاح
» اقرا حروف الكون
» اية الجديد فيك