الرئيس الجديد

رئيسنا الجديد عايزينك أمين
وسامع كلامنا ولو كنت فين
وعندك ضمير تراعي الفقير
فلاح ولا عامل تكون له نصير
!!!
مش زي اللي قبلك يعبي البنوك
وتعمل لأهلك عشا ن يورثوك
ِتـلم الديــابة يــسفــوا الــغــلابة
ونبقي في غابة وكله حزين
!!!
تراعي ضميرك نِصوت عشانك
تخالف ف سيرك نِصوت عليك
ونـهتـف نــشيـلك نهـارك وليلك
ويحـتار دليـلك ما تلــقي معــين
!!!
صبرنا ما نلنا وتهنا ف ملام
ويا ما أتغــازلــنا بِحلو الكلام
كان عايزيلخص ولابنه يورث
وِعز الم.....ص نهبها اللعين
!!!
فا قمنا بثورة حرية ورغيف
طالبنا بنظافة فا شالوا نظيف
وحسني وعزمي وطبعاَشريف
وكله مِشرف وكله وِصيف
!!!
حبيبهم رشيدهم فاروقهم سرور
أنسهـم غاليــهم وباقي الطبور
يجيبوا شقــانا يـنولوا رضانـا
ياماطلوا علينا يخشو الجحور
!!!
دي كانت عصابة لماما وبابا
وشله وحاشيه سابتها خرابه
فا شوف أما اقولك فبادي الامور
طا وعني أكونلك مؤيد غيور
!!!
تباعد عيالك تباعد مراتــك
لآما وديني نكسر بلاطك
بلدنا جميلة وخيرها كتير
وعايزينها عيلة وأنت الكبير
!!!
تعيش بالمشورة لهدفك تروح
تـلاقــينا ثورة بهــمة وروح
ها تسئل علينا ها نسئل عليك
ها تهمل كلامنا نِطلع عينيك
!!!
الشعب انت منه فكن له مطيع
ما تــبعدش عـنه لآما تـضيـع
وأخر كلامي أقولك يا صاحب
وأهديك سلامي والفين مراجب
!!!
وأقابلك با هلاَ وأقولك واعييد
فاهلا وسهلا رئيسنا الــجديد
!!!!!!!!!!!!!!!!!!!!!!!!!!!!!!!!

ايه يا عم يسرى جو الانتخابات ده هههههههههههههههه رائع كما تعودنا يا كبيرر
وبص يا سيدى يا عم الجديد
هتبقى رئيسنا وتلبس جديد
ده من خيرنا برضه فا اوعى الشيطان
يغرك يقولك تبيع الحديد
وتعمل كا عزو وتسرق وتنهب
وتملا دماغك بأنك مخلد
اديك شفت غيرك ولا قدرش يهرب
تحب البلد دى هتفضل مؤيد

]
استاذنا نصائح من ذهب
واظن انه ان شاء الله هيسمع لانه ليس له اخيار اخر بعد ان صحى الشعب من نومه الطوييييييييييييييييييييييييييييييييييل جدا
شكرا لك هذاتالنص المتع اخى العزيز
تحياتى

الاستاذ الشاعر الجميل حنفي سرحه
قصيده رائعه لشاعر أروع مخضرم
تقبل اعجابي وتحياتي

أيوه ياسيدى قول له أحسن تبقى وقعته سوده زى اللى قبله
بس مش بعد تلاتين سنه يعنى
أستاذى يسرى حنفى سرحا
ماأروعك
والله العظيم زجليتك رائعه
ابدعت ياأستاذى . لك منى كل حب وتقدير واحترام

الاستاذ يسري كتب...
صبرنا ما نلنا وتهنا ف ملام
ويا ما أتغــازلــنا بِحلو الكلام
كان عايزيلخص ولابنه يورث
وِعز الم.....ص نهبها اللعين
!!!

**************

اولا هي قصيدة جميل كعادتك دائما

ثانيا الكلمة اللي انت احرجت تقولها علي عز قالها الاستاذ يسري العزب في قصيدة في ندوة دار الادباء يعني مفيهاش احراج ولا حاجة هما يستاهلوا اكتر من كدة بكتيييييييييييييييييييييييييييييييييير
ربنا ينتقم منهم جميعا ويرزقنا بالرجل الصالح الحكيم العاقل قول انشالله

الشاعر الكبير والأخ الفاضل أستاذى يسرى حنفى

ررروعة بجد حضرتك ررائع

مضمون قوى جداً

مساير للحدث فى تسلسل متفرد

موسيقى خدمت النص إلى أبعد الحدود

دائماً ررائع فى إبداعك الذى يضيف إلينا الكثير

الشاعر العبقري
يسري حنفي سرحة
لقد سرحت بنا سرحة ما بعدها سرحة
هههههههههههههههههه
أحسنت وربنا يولي من يَصلح ويُصلح ولن يُصلح غير صالح
وفاقد الشئ لا يعطيه
تقبل تحيتي ومودتي