صورة ع القزاز

رسم الضى ع القزاز رسمة
بلون شفاف ملفوف
على حيطان الاوضة صورة
معكوسة والأمل متلوف
ماهيش صورتى ولا فكرتى
والصورة حتعمل معروف
تنطق تقول هى ...
واعمل ايه ..مش قادر اشوف


حتى القزاز عارفها
والضى حافظ شكلها
قلت فى نفسى حأنسى
وأنسى روايتها كلها
ولا نسيت
لا اترميت
فى حضن ناس
تانية زيها

صورة وعششت
فى تلافيف مخى الجوانية
والكدب ساكن مسمعى
يصرخ اقول مش هى
ولازلت فى كدبى عايش
حياتى زى التمثلية
لا منى ناسيها
ولا بقول اللى فيها
ولا بطولها
ولا بخفيها
مسكينة قلوبنا....
ربنا يشفيها