سرسوب شجن ... أحمد سعيد موسى

يــا قلبــى ليـه الهـوى خاصـم حدود الباب
وانت اللى بعت الهوى للقرب والأغـراب
الليـل حضـن سكّتك مطرح ما تبقى يكون
عايش غريب دنيتك مدبوح من الاصحاب

سرسوب سنين الهنا إتسرسبت وخلاص
أبكـى عليّــا أنـــا والا علـى الإخــلاص
أزرع تقــاوي الدفـا الشمـس ترمي جليد
والضهـر ييجي الليل من سوّ فعل الناس

إيـاكي تبـدي النـدم علـى اللي عـدّى وراح
قلبي اللي كان لك وطن فاتح حدوده بـراح
بعتيـه فــى قلــب مــزاد من غيـر ألا أونا
سيبتيــه مـع الأمـوات وياريته حتي ارتاح

بجد رباعيات أثرت فيا بجد يمكن عشان حالتها قريبه منى
بس بجد رائع يا أحمد لو كانت دى أولى محاولتك فى الرباعيات يبقى أنا أمام شاعر محترف
كمل فى فن الرباعيات يعنى لايق عليك
ليه كل الحزن ده يا أحمد والشجن رباعيات كشفت فينا المواجع
دمت بكل إبداع
تقبل تحياتى

الله عليك بجد رائع وأكثر من رائع أنت فعلا مبدع من الدرجة الأولى ما شاء الله والله خايفة أحسدك ربنا يحميك أبداع عالى جدا ومتميز
إلى الأمام دائما

احمد

خالص تحياتى

بالطبع الرباعيات اكثر من رائعة

فهى من البسيط وزنة الموال المحفورة

فى وجدان الشعب المصرى خاصة

وتنسجم الموسيقى ايما انسجام بتمام التفعيلة
وسلامتها دون زيادة

ونظرا لأننا نكتب وننطق الموال باللكنة العامية
فبالطبع لم نشكلة
باختصار اقصد وجود الساكنين اخر التفعيلة
تودى الى خلل موسيقى خفيف لايخفى على احمد موسى
ولكنه خلل طفيف جدا جدا
ولكنى ولعلمى بمستواك الفنى التقنى العالى جدا
دائما انشد الكمال
والكمال لله وحدة
حبيبى احمد
رباعيات اكثر من رائعة
خالص الود



خالص تحياتى اليك
ياحبيبى

الشاعر الجميل اوي احمد موسي .. اولا سامحني على التأخير في الرد .. والحقيقة عقابي اني لم أستمتع بهذا النص المذهل في الايام السابقة .. ياأحمد انت ما شاء الله عندك عمق وفكر عالي جدا .. علاوة طبعا على امتلاكك مهارة الصياغة وتمكنك من ادواتك ..هذا طبعا فوق ان شعرك بيخطف القلوب ويدفعك الى اعادة قراءتة مرات ومرات .. ورغم ان مقاطع المو ال كلها رائعة الصور والتعبيرات والالفاظ ومنها ماهو جديد وخاص بك لكن سأختار المقطع الاخير ربما لانه ينسجم مع حالتي المزاجية والنفسية ما أجمل قولك

***
يـا هم فـارق بقى وارحـل وشوف غيـري
مليت خـلاص الشقى والنوح على طيري
دنـا قلبـي لسـه خضار مش قد صد الريح
والحلــم لســه بسيــط محتــاج لتفسيــري


نعم يا شاعرنا الجميل .. ارحل ايها الهم الوطني الكبير ..ارحل وسيبنا بقي ..انا فعلا مليت من اشعار النوح والبكا على حال يلادي وأمتي ..وما زالت بلادنا لديها الكثير من احلام البسطاء التي استولي عليها حفنة من الغيلان المسعورة ..هذة الاحلام مازالت تحتاج الى تفسيرك يا بوحميد وتفسير كل الشباب من جيلك .. وأكيد التفسير حيكون أجمل لو بهذة الروعة في الابداع وهذا التألق في الصياغة وعمق الافكار

الجميل أحمد موسي اصبحت أنتظر أعمالك انا في غاية الاعجاب بك وبشعرك الثري الرائع العميق ...دمت شاعري بكل خير وتألق ..تقبل مروري وتقديري واعجابي

الابن العزيز الغالى الشاعر الجميل المتميز جدا والمتألق دائما
الاستاذ احمد سعيد موسى

تحياتى وتقديرى وشكرا على امتاعنا برائعة من روائع قصائدك
الجميلة وأقولك ايه 0 ايه ياعم الجمال دا كله وايه الابداع
الرائع ده والموال اللى على اصله 0 دا مش سرسوب شجن
دا شلال شجن وابداع وامتاع ملوش حدود 0
عايز اقولك اكتر بس خايف تقوللى ببالغ وبجامل وانا والله
بعبر عن احساسى واعجابى فقط0

دمت بكل خير ومحبة وسعادة ودام ابداعك الرائع 0

صديقى واخويا العزيز احمد موسى
ايه يا حماده الجمال ده بجد روعة يا حماده انا بتعلم منك كتير
والله يا حماده
دمت بكل خير اخوك احمد سعد
تيمو