صديد ... أحمد سعيد موسى

الشاعر المبدع احمد موسى
قصيدة جميلة و لكنها مليئة بالحزن و اليأس
الشباب هو الأمل
و لازم يسعى ورا الحلم لما يحققه

سمعت انه حصل لك حادث
ارجو ان تكون بخير
و حمدا لله على سلامتك

على الرغم من الالم والشجن الذى بالقصيدة لكن سعدت بمرورى

الشاعر الجميل / احمد سعيد
بحرك غريق
والشط مش باين مداه
حلمك كابوس
والليل عبوس
تمسك فانوس
وتروح تدوّر ع النهار
تلقى النهار في العتمه تاه
الشط مش باين مداه
واما اختفى طوق النجاه
نزفت عيون عمرك
صديد
..
ايه الجمال ده كله ياعم احمد
بجد انت راجع بقوه
وقصيده رائعه
دمت بكل خير

وتروح تدوّر ع النهار
تلقى النهار في العتمه تاه
الشط مش باين مداه
واما اختفى طوق النجاه
نزفت عيون عمرك
صديد
قوم انتفض
ما تسيبش عمرك ينسحل
تحت الجليد
لو صدرك العريان ضعف
إضرب جبال التلج بالكف الحديد
وان يوم يزورك إنكسار
إكتب على خد النهار
آخر سؤال
ليه كل يوم الحزن يكتب
فوق جبين الشوق نشيد
ليه بلقى زهرة دنيتي
طارحه الشجن من لون جديد
والقى الأماني اتيتِّمت
والفرح دبلت زهرته
جوه الوريد



حبيبى احمد
عالى قوى يااحمد

صورة وجمال الفاظ وتراكيب

وصور غاية فى الروعة

شاعر التميز والحزن العميق:أحمد موسى
قصيدة حزينة نابعة من بركان مشاعر دفينة لا تاتى الا من شاعر مبدع حقا
لا تأتى الا من احساس صادق يشعر بالهم الحقيقى لهذا الوطن
كتبت فابدعت فامتعت
لك منى كل تقدير لحرفك المدهش
تقبل تحياتى

أحمد موسى كتب:

صديد
..
.
الفرح تايه والألم
عمّال يزيد
والحزن عشش ف الحشا
جوه الوريد
والمُر سرسب بالنقط
يكتب نشيد
سمِّم عروق الفرح مات
والسندباد
أصبح غريق بحر الدموع
مع كل عيد
حلم الورود
مصلوب في حضنك يالربيع
حتى الندى وقت السحر
ميّت شهيد
بحرك غريق
والشط مش باين مداه
حلمك كابوس
والليل عبوس
تمسك فانوس
وتروح تدوّر ع النهار
تلقى النهار في العتمه تاه
الشط مش باين مداه
واما اختفى طوق النجاه
نزفت عيون عمرك
صديد
قوم انتفض
ما تسيبش عمرك ينسحل
تحت الجليد
لو صدرك العريان ضعف
إضرب جبال التلج بالكف الحديد
وان يوم يزورك إنكسار
إكتب على خد النهار
آخر سؤال
ليه كل يوم الحزن يكتب
فوق جبين الشوق نشيد
ليه بلقى زهرة دنيتي
طارحه الشجن من لون جديد
والقى الأماني اتيتِّمت
والفرح دبلت زهرته
جوه الوريد
ليه ألف ليه جوايا ساكنه
والجواب سافر بعيد
واقلب كتاب العمر
في الهامش تشوف
انّ الحقيقه الواضحه من عمر التاريخ
مكتوب لحلمك يتوِأِد
وان يوم يفكر ينتفِض
بيموت شهيد
..........
شعر / أحمد سعيد موسى

هو ده الشعر
وإلا فلا
الله عليك الله عليك
ربنا يزيدك شاعرية
عشان تمتعنا كمان وكمان
وربنا يشيل عنك الهم والحزن عشان تقدر تقوم تنتقض حتى لو بقيت شهيد
ساعتها هنفرح ونهنيك
ولو انتصرت يبقى ده يوم المنى

الشاعر الجميل / احمد موسى
سعدت جدا بمرورى على عملك الجميل
تقبل مودتى وتقديرى

جميلة قوى ياأحمد

ربنا يبعد عنك الحزن ودائماً تكون فى تألق دائم .

دمت بكل الخير .

كالعادة يا احمد بتعرف ترسم الاحساس قصيدة رائعه وحزينه وايكتنى

الجميل احمد موسى :

قصيدة معبرة وصادقة خرجت من شاعر يملك أدوات الشعر أستطاع ان يأخذنى الى عالمه


دمت ودام قلمك وابداعك





أخوك





علاء

الشاعر المبدع / أحمد موسي
أحزنتني يافتي

والله يجازى اللى زرع كل عهذا الحزن في صدور الشباب الذي لازال في ريعانه
والمفروض أنها أجمل أيام العمر

ولكن سعادتي أن هناك شعراء شبان بهذا الرقي والاحساس العالي

وأهمس في أذنك أن تظل حساسا ولا تكتب إلا ما تشعر به حقيقة

لا تكن محترفا

دمت عميقا جميلا رقيقا

عاطف