باموت فيكي

موضوع: رد: باموت فيكي الثلاثاء مارس 16, 2010 7:04 pm

الاستاذ الكبير عمو جابر الزهيرى انا مقدرش اقول راى طبعا لكن عندما قرأت القصيدة استمتعت بيها وكانت سهلة فى كلماتها كمان واكيد هتعلم كتير من حضرتك

موضوع: رد: باموت فيكي الثلاثاء مارس 16, 2010 7:22 pm

ابنتى الشاعرة الواعدة أشرقت راضى :
بجد (أشرقت ) الأنوار من كلماتك الجميلة على هذه القصيدة وأنا
( راضى ) إلى الأن على مستواك الجميل وأتمنى سرعة التطور لأراكى فى المستقبل علم من أعلام الشعر فى مصر

جابر الزهيرى

موضوع: رد: باموت فيكي الثلاثاء مارس 16, 2010 8:52 pm

ياميت بين حروف الصبر جواها
يعيش الحرف والكلمه ماتنساها
حبيبة كل من عشش على حالها
حزينه وبرده بتحاوط على عيالها
يامين يغزل ضفايرها دي ساكنه في قصر
جمال ودلال وعز وجاه حبيبتي يامصر

موضوع: رد: باموت فيكي الأربعاء مارس 17, 2010 5:12 pm

الشاعر الأستاذ على قابيل:
مرورك الرائع الذى أسعدنى يؤكد أنك شاعر أروع وهذا مانطقت به حروفكم التى أضاءت حول قصيدتى فأظهرت ما بداخلها من صور
عظيم تقديرى لشخصكم الكريم وأتمنى التواصل

الزهيرى

موضوع: رد: باموت فيكي الخميس مارس 18, 2010 9:05 am

جابر الزهيرى كتب:: باموت فيكي
و مش حاسس
بلمسة إيدك الدافية على جبيني
باموت فيكي
و مش سامع
و لو كلمة سلامتك قوم
أنا عايزاك
باموت فيكي
و مش شايف
دموع عينك علىكفني
و لسه القلب بيقوللي
دي مكسوفة تقول رايداك
باموت فيكي
و مش لاقي أمل واحد
يرد الروح لجسم عليل دواه حبك
باموت فيكي
و ليه دايماً معانداني
و من دون البشر ديه
باحس إن إنتي كارهاني
قوليلي إزاي أنا ارضيكي
عملتك للغرام قبلة
و قلت إن إنتي عنواني
و عشت سنيني أتمني الرضا منك
و اديني باموت
لمين رايحة و سايباني
خديني لجنتك مرّة
بلاش تفوتيني وحداني
دا أنا منك
دا أنا ليكي
و رغم دا كله يا بلدي
باقولهالك
باموت فيكي
باموت فيكي
باموت فيكي
/

الشاعر ذا المشاعر الوطنية الصادقة / جابر الزهيري

قصيدة تعلن عن براعتك في الاستهلال

حيث جذبتَ معكَ القاريء إلى محبوبة تغازلها تباريها

تعاتبها تناجيها (وفجأة) تنفتح الدلالة عن تلك المعشوقة

فتميط الستار عن أعين القارئين ليجدوك محبا لبلدك مصر

وتعشق حبات رمالها وتتغنى بانتمائك لها

ما أجمله من انفتاح دلالي يفاجيء المتلقي بما ليس معتاد في ذهنه

فقد وصلت بنا إلى قمة الإثارة مع محبوبتك

لتسبر أغوار هذا الحب وتعلن أنه حب ليس تقليديا

بل هو حب من نوع خاص

وعشق من نوع نادر

غزلية وطنية تعلن عن مكنون نفسك لتلك الأرض الطاهرة

لله درك على ما تفضلتَ به من جمال النظم

:

كن بخير كما تهوى أن تكون

:
أختك فوزية شاهين

:

موضوع: رد: باموت فيكي الخميس مارس 18, 2010 11:18 am

باموت فيك
يا احلى عسولة

موضوع: رد: باموت فيكي الخميس مارس 18, 2010 7:10 pm

صديقى الحبيب الدكتور عادل تركى :
انت اللى عسول وأنا فى انتظار عسلية علشان المنتدى بقه( معسل)بوجودك
مساء الخيييييييييير
هههههههههههههههه
أخوك الزهيرى

» قصيدتي (فيكي بلدي)
» يا دنيا ليه الكل مسعور فيكي(أشعاري غنائيه وليست خواطر)