حروف ودموع { قدس }

اسامه عبد المقصود كتب:

الأستاذ / عادل
انا فى انتظار ديوانك
حتى اسبح فى بحر كلماتك الرقيقة
وربنا يستر ومغرقش فى بحر كلماتك
لأنى مبعرفش اعوم
دمت لنا يا غالى

عمرو زتون كتب:

عادل عوض سند كتب:

قاف .. مضمومه

دال .. مسكونه

سين .. مضمومه

حضنك دافى

كله أمومه

بتضمّيهم ضمّه حنونه

وبتشتاقى ولا تستائى

لمّا ولادك جوّه ترابك

بتلمّيهم .. وبتاخديهم

مش زعلانه

قلبك يرقص

فرحان بيهم

عطر الدم يفوح ف ربوعك

طالع من اطفال مدفونه

لمّا فاتونا

لسّه فى سمع الواحد مِنّا

كلمة .. بابا

صعب اعيش محروم م الكلمه

بس النعمه

الحرمان بيزيدنى صلابه

ياه .. عالغابه

لمّا قانونها

بيمشّوه على خلق غلابه

طفل بيلعب

لحظه واطلع اجيب اشلاؤه

تاهت بين جنازير دبابه

والمح وشّه بيضحك ليّه

والقى العين البصّه بنورها

فى ننى عنيّه

عايزه تقولّى

نشّف دمعك

إيّاك تبكى لحظه عليّه

انا فى الجنّه يابويا .. ولكن

عايزك تاخد تارى بميّه

والقى ايديّه رغم الرعشه

تاخده تضمّه

واشعر ان سخونه ف جسمى

بدأت تسرى

منا مش عارف

إن الدم النازف دمى

او كان .. دمّه

أبدأ لمّه

تلمح عينى

شيء ف يمينى

والقاه كفّه

كف الطفل الميّت حاضن

شيء جوّاه

شيء مش عارفه

بفتح كفّه .. شفت حجاره

وفيها حياه

فيها النبض الحى الرافض

إن الأرض يدوسها جناه


قصيده من ديوان

جرعة وطن

......................

أستاذي العزيز

والشاعر القدير

عادل عوض

شوفت يا عم الحاج كلامك

خلى القلب ينقط دمعه

لأوكمان الصوت انا سامعه

من أحداث كانت مكتوبة

مش أكذوبة

لأ دي حقيقة

إلأطفال كلتها بريئة

من أفعال أولاد صهيون

أنا مش عارف

جتلي الجرئة

أقراازاي وافضل ف مكاني

فين عنواني

هو اللي انا بكتب لك منه

ردي على المكتوب قدامي

أرجوك قول لي

أنا فين عايش

قول لي انا هادي

واللا انا طايش

علشان أسكت ع اللي بيحصل

أستاذي الغالي

عادل عوض

والله لم أعرف كيف كتبت ما كتبته

ولكنه قد كتب

لأنني انفعلت جدآ وتأثرت تأثر شديد مع كلماتك

معلش بقى يا عمي

لو في كسر واللا حاجة إلتمس لي العذر

إبنك

عمرو زيتون

مروة البسيونى كتب:

إيّاك تبكى لحظه عليّه

انا فى الجنّه يابويا .. ولكن

عايزك تاخد تارى بميّه

والقى ايديّه رغم الرعشه

تاخده تضمّه


استاذى القدير عادل عوض

لا اجد من الكلمات ما اعبر به عن اعجابى

بجمال قصيدتكم

ما كل هذا الابداع ماشاء الله

دمت مبدعا

جابر الزهيرى كتب:

فارس الشعر العامي بمنتدى الجندي
أخي الأكبر عادل سند
اللللللللللله عليك و الله أستاذ في كل كتاباتك
هكذا يكون الشعر
أخوك جابر الزهيرى

الله عليك يا أستاذ عادل دايما بنتعلم منك حاجات كتير حتى أبداعك بيعبر عن شخصيتك الجميلة وقلبك الطيب فعلا الكلمة هى أكبر تعارف للمبدع وأنت بحق مبدع فى كل شىء مبدع خلقا وإبداعا
ربنا يكرمك

استاذى الجميل /عادل عوض

الطفل الفلسطينى عندما يحارب ويدافع عن ارضه فهو يفعل ذلك بصدق شديد جدا ولذلك عندما يموت فأنه يموت وهو متشبث وممسك بسلاحه الى ابعد الحدود .. ولكن تصور ان هذا السلاح ( حجر )

اعتقد انك ممسك لقصيدتك فى يديك مثلما يفعل ذلك الطفل الفلسطينى
لان قصيدتك هى سلاحك الذى تحارب به ..كما عودتنا دائما ابداع
فى زمن ليس به ابداع الا القليل.

تقبل مرورى المتواضع

تلميذك
علاء

رشا فؤاد كتب:

الله عليك يا أستاذ عادل دايما بنتعلم منك حاجات كتير حتى أبداعك بيعبر عن شخصيتك الجميلة وقلبك الطيب فعلا الكلمة هى أكبر تعارف للمبدع وأنت بحق مبدع فى كل شىء مبدع خلقا وإبداعا
ربنا يكرمك

علاء جمال كتب:

استاذى الجميل /عادل عوض

الطفل الفلسطينى عندما يحارب ويدافع عن ارضه فهو يفعل ذلك بصدق شديد جدا ولذلك عندما يموت فأنه يموت وهو متشبث وممسك بسلاحه الى ابعد الحدود .. ولكن تصور ان هذا السلاح ( حجر )

اعتقد انك ممسك لقصيدتك فى يديك مثلما يفعل ذلك الطفل الفلسطينى
لان قصيدتك هى سلاحك الذى تحارب به ..كما عودتنا دائما ابداع
فى زمن ليس به ابداع الا القليل.

تقبل مرورى المتواضع

تلميذك
علاء

ع عدولة
ومدّه جميلة
ودال دا دوايا
ولام لمانا
تحت رعايته
وحبه الخالص

كلنا فداء القدس الحبيبة
في قلوبنا دائما وأبدا
أحييك على هذه القصيدة
النابعة من قلب يؤمن بالقضية