حروف ودموع { قدس }

قاف .. مضمومه

دال .. مسكونه

سين .. مضمومه

حضنك دافى

كله أمومه

بتضمّيهم ضمّه حنونه

وبتشتاقى ولا تستائى

لمّا ولادك جوّه ترابك

بتلمّيهم .. وبتاخديهم

مش زعلانه

قلبك يرقص

فرحان بيهم

عطر الدم يفوح ف ربوعك

طالع من اطفال مدفونه

لمّا فاتونا

لسّه فى سمع الواحد مِنّا

كلمة .. بابا

صعب اعيش محروم م الكلمه

بس النعمه

الحرمان بيزيدنى صلابه

ياه .. عالغابه

لمّا قانونها

بيمشّوه على خلق غلابه

طفل بيلعب

لحظه واطلع اجيب اشلاؤه

تاهت بين جنازير دبابه

والمح وشّه بيضحك ليّه

والقى العين البصّه بنورها

فى ننى عنيّه

عايزه تقولّى

نشّف دمعك

إيّاك تبكى لحظه عليّه

انا فى الجنّه يابويا .. ولكن

عايزك تاخد تارى بميّه

والقى ايديّه رغم الرعشه

تاخده تضمّه

واشعر ان سخونه ف جسمى

بدأت تسرى

منا مش عارف

إن الدم النازف دمى

او كان .. دمّه

أبدأ لمّه

تلمح عينى

شيء ف يمينى

والقاه كفّه

كف الطفل الميّت حاضن

شيء جوّاه

شيء مش عارفه

بفتح كفّه .. شفت حجاره

وفيها حياه

فيها النبض الحى الرافض

إن الأرض يدوسها جناه

قصيده من ديوان

جرعة وطن

ياه .. عالغابه

لمّا قانونها

بيمشّوه على خلق غلابه

استاذنا الشاعرالكبير عادل
لقد طوعت الكلمات لحال قدسنا الاسير...ندعوه سبحانه وتعالي بالفرج القريب..كلماتك الشعريه كادت ان تبكيني من صدق التصوير
بارك الله فيك...ممدوح عزت موسي

شوفت الصوره بكاميرات قلبى
عينى بتنزف دمى حقيقى
مالى طريقى
حتى الحرف فى وسط كلامك
يصرخ يعلن كل الامك
حاسه برعشه ايدك
خنقه صوتك
حاسه بأن النقطه فى دمك
تعلن انك رافض تلمح
رافض تسكت
ع اللى بيجرى كتير قدامك

الشاعر الرائع والمبدع القدير
أبى واستاذى ماهذه الرائعه
التى رجت قلبى بشده
وسالت دموعى من جمالها وروعتها
ارجوا ان تقبل خربشاتى البسيطه
فانا لم استطع ان امنع نفسى
بسبب فيضان المشاعر الذى حركته هذه القصيده
بداخلى الله عليه بجد رائع جدا جد اجدا
دمت بكل سعاده وخير

ياااااااااااه ع الروعة

يااااااااه ع الكلمة

لما تقولها وتنزف دم

نفسه يطهر ارض القدس

بقاف مضمومة ودال مسكونة

وسين مضمومة وتشبع ضم

ف حضن عيالها لامة عزالها

وشايلة الهم

هم اللقمة وهم الهدمة هم الدم

ما يوم يتلم

مش عارفة اقولك ايه يارائع ابدعت وامتعت

دمت بكل خير وسلام

ياه عليك وعلى كلامك

بتجيبه منين

من احزانك

ماهى احزنا

بس الكلمه لها ميت معنى

على لسانك

تسلم جراح الحرف

الشاعر الكبير عادل عوض سند

دمت لنا ودامت اشعارك الوطنيه البنائه

دمت بكل حب

ملحوظه

تثبت القصيدة بواسطتى

لروعة الحرف والمضمون

تلمح عينى

شيء ف يمينى

والقاه كفّه

كف الطفل الميّت حاضن

شيء جوّاه

شيء مش عارفه

بفتح كفّه .. شفت حجاره

وفيها حياه

فيها النبض الحى الرافض

إن الأرض يدوسها جناه

قصيده من ديوان

جرعة وطن

الله عليك ياأستاذ
عادل
اشكرك لتلبية طلبى

الشاعر الجميل / عادل عوض
تحياتي لك
ولقصيدتك ولأسلوبك المتميز
وإحساسك الملئ بالصدق والإبداع
دمت بكل خير

ازيك يا اونكل عادل
واحشتنى والله ايه الجمال
دا كلوا بجد الله ينور عليك

ممدوح عزت موسي كتب:: ياه .. عالغابه

لمّا قانونها

بيمشّوه على خلق غلابه

استاذنا الشاعرالكبير عادل
لقد طوعت الكلمات لحال قدسنا الاسير...ندعوه سبحانه وتعالي بالفرج القريب..كلماتك الشعريه كادت ان تبكيني من صدق التصوير
بارك الله فيك...ممدوح عزت موسي

[size=24] الاستاذ القاص الكبير

ممدوح عزت موسى

مرورك النادر يسعدنى . وكلماتك تضيف الصفاء والبهاء لقصيدتى

واشكر وجودك الواعى ونظرتك الفاحصه الواعيه لكلماتى .

تقديرى استاذ ممدوح مع خالص تحياتى ومودتى ...[/size]

أميرة البدرى كتب:: شوفت الصوره بكاميرات قلبى
عينى بتنزف دمى حقيقى
مالى طريقى
حتى الحرف فى وسط كلامك
يصرخ يعلن كل الامك
حاسه برعشه ايدك
خنقه صوتك
حاسه بأن النقطه فى دمك
تعلن انك رافض تلمح
رافض تسكت
ع اللى بيجرى كتير قدامك

الشاعر الرائع والمبدع القدير
أبى واستاذى ماهذه الرائعه
التى رجت قلبى بشده
وسالت دموعى من جمالها وروعتها
ارجوا ان تقبل خربشاتى البسيطه
فانا لم استطع ان امنع نفسى
بسبب فيضان المشاعر الذى حركته هذه القصيده
بداخلى الله عليه بجد رائع جدا جد اجدا
دمت بكل سعاده وخير

الابنه الغاليه الشاعره

اميره البدرى

انا آسف ان كنت قد تسببت لك فى بعض الدموع .

والحمد لله ان قصيدتى قد اعجبتك وراقتك . وللعلم كلماتك جميله جداّ

ومعبره جداّ وفاقت كلماتى .

اشكرك ميرو على هذا التواجد المضيء وكلماتك المحفزه والدافعه

تقبلى منى كل المودة والتقدير ...

هناء سعيد كتب:: ياااااااااااه ع الروعة

يااااااااه ع الكلمة

لما تقولها وتنزف دم

نفسه يطهر ارض القدس

بقاف مضمومة ودال مسكونة

وسين مضمومة وتشبع ضم

ف حضن عيالها لامة عزالها

وشايلة الهم

هم اللقمة وهم الهدمة هم الدم

ما يوم يتلم

مش عارفة اقولك ايه يارائع ابدعت وامتعت

دمت بكل خير وسلام

الاخت الشاعره الكبيره

هناء سعيد

سعادتى تفوق الوصف بمرورك وكلماتك الاكثر من رائعه .

المبدع هو انتى والابداع من حرفك والبهاء من وجودك .

كل المودة والتقدير استاذه هناء ..

الشاعرة عزة الزرقانى كتب:: ياه عليك وعلى كلامك

بتجيبه منين

من احزانك

ماهى احزنا

بس الكلمه لها ميت معنى

على لسانك

تسلم جراح الحرف

الشاعر الكبير عادل عوض سند

دمت لنا ودامت اشعارك الوطنيه البنائه

دمت بكل حب

ملحوظه

تثبت القصيدة بواسطتى

لروعة الحرف والمضمون

الاخت الشاعره

عزه الزرقانى

الاحزان قد تخلق ما لم يخلقه الفرح ولذلك تجدى القصيده الوطنيه

تأخذ بقلوب القراء اكثر من القصيده العاطفيه .

مرورك اسعدنى وراقتنى كلماتك ووجودك اضفى على قصيدتى البهاء

كل الشكر والمودة والتقدير ...

د /صلاح طاهر كتب:: تلمح عينى

شيء ف يمينى

والقاه كفّه

كف الطفل الميّت حاضن

شيء جوّاه

شيء مش عارفه

بفتح كفّه .. شفت حجاره

وفيها حياه

فيها النبض الحى الرافض

إن الأرض يدوسها جناه

قصيده من ديوان

جرعة وطن

الله عليك ياأستاذ
عادل
اشكرك لتلبية طلبى

دكتور صلاح طاهر

شرفنى هذا الحضور الراقى من اخى صلاح على كلماتى

وقد ابهجتنى ان راقتك قصيدتى فكل الشكر لك اخى .

واتمنى ان اسمع صوتك لأتشرف بك .

كل المودة والتقدير ...

مراد ناجح عزيز كتب:: الشاعر الجميل / عادل عوض
تحياتي لك
ولقصيدتك ولأسلوبك المتميز
وإحساسك الملئ بالصدق والإبداع
دمت بكل خير

اخى الشاعر الجميل

مراد ناجح

التميز هو مرورك والسعاده فى وجودك بصفحتى .

سعدت جداّ بكلماتك واشكر هذا التواجد المشرف لى .

كل المودة وتقبل تحياتى ...

اساذنا / عادل سند
اهو كده
هو ده الكلام اللى يحرك مشاعرنا
عقبال ما يحرك حكامنا العرب
اللى خذلونا على طول الخط
يارب حرر القدس من ايد المغتصبين
شكرآ يا عادل بك
وياريت ماتحرمناش من القصايد الجامدة دى

*غزل العيون. كتب:: ازيك يا اونكل عادل
واحشتنى والله ايه الجمال
دا كلوا بجد الله ينور عليك

الابنه العزيزه

غاده حسنى

الجمال هو مرورك على صفحتى .

وانا بجد سعيد لهذا التواجد المضيء .

شكراّ غاده .ما تحرمنيش من وجودك .

كل المودة وخالص تحياتى ...

اسامه عبد المقصود كتب:: اساذنا / عادل سند
اهو كده
هو ده الكلام اللى يحرك مشاعرنا
عقبال ما يحرك حكامنا العرب
اللى خذلونا على طول الخط
يارب حرر القدس من ايد المغتصبين
شكرآ يا عادل بك
وياريت ماتحرمناش من القصايد الجامدة دى

الاستاذ الشاعر

اسامه عبد المقصود

شرفت وسعدت بمرورك الاول على متصفحى وقصيدتى المتواضعه .

واود ان اقول لك ان لى قصائد وطنيه كثيره نشرت هنا واخذت وقتها الكافى

وإن شاء الله عند صدور ديوانى الوطنى { جرعة وطن } سوف يكون لى

الشرف ان اهديك نسخة منه .

سعيد لمرورك وتقبل منى كل الود والتقدير ..

أمال يعنى تبقى عما أزاى
والله ياخى نصك يدرس لما فيه من تماسك وتناغم ومقدرة على الصياغة الشعرية

وانا لما اسمع شعرك طبعا
لازم اهلل "" يا الله يا الله ""

شكراااااااااااا

الأستاذ / عادل
انا فى انتظار ديوانك
حتى اسبح فى بحر كلماتك الرقيقة
وربنا يستر ومغرقش فى بحر كلماتك
لأنى مبعرفش اعوم
دمت لنا يا غالى

عادل عوض سند كتب:: قاف .. مضمومه

دال .. مسكونه

سين .. مضمومه

حضنك دافى

كله أمومه

بتضمّيهم ضمّه حنونه

وبتشتاقى ولا تستائى

لمّا ولادك جوّه ترابك

بتلمّيهم .. وبتاخديهم

مش زعلانه

قلبك يرقص

فرحان بيهم

عطر الدم يفوح ف ربوعك

طالع من اطفال مدفونه

لمّا فاتونا

لسّه فى سمع الواحد مِنّا

كلمة .. بابا

صعب اعيش محروم م الكلمه

بس النعمه

الحرمان بيزيدنى صلابه

ياه .. عالغابه

لمّا قانونها

بيمشّوه على خلق غلابه

طفل بيلعب

لحظه واطلع اجيب اشلاؤه

تاهت بين جنازير دبابه

والمح وشّه بيضحك ليّه

والقى العين البصّه بنورها

فى ننى عنيّه

عايزه تقولّى

نشّف دمعك

إيّاك تبكى لحظه عليّه

انا فى الجنّه يابويا .. ولكن

عايزك تاخد تارى بميّه

والقى ايديّه رغم الرعشه

تاخده تضمّه

واشعر ان سخونه ف جسمى

بدأت تسرى

منا مش عارف

إن الدم النازف دمى

او كان .. دمّه

أبدأ لمّه

تلمح عينى

شيء ف يمينى

والقاه كفّه

كف الطفل الميّت حاضن

شيء جوّاه

شيء مش عارفه

بفتح كفّه .. شفت حجاره

وفيها حياه

فيها النبض الحى الرافض

إن الأرض يدوسها جناه

قصيده من ديوان

جرعة وطن

......................

أستاذي العزيز

والشاعر القدير

عادل عوض

شوفت يا عم الحاج كلامك

خلى القلب ينقط دمعه

لأوكمان الصوت انا سامعه

من أحداث كانت مكتوبة

مش أكذوبة

لأ دي حقيقة

إلأطفال كلتها بريئة

من أفعال أولاد صهيون

أنا مش عارف

جتلي الجرئة

أقراازاي وافضل ف مكاني

فين عنواني

هو اللي انا بكتب لك منه

ردي على المكتوب قدامي

أرجوك قول لي

أنا فين عايش

قول لي انا هادي

واللا انا طايش

علشان أسكت ع اللي بيحصل

أستاذي الغالي

عادل عوض

والله لم أعرف كيف كتبت ما كتبته

ولكنه قد كتب

لأنني انفعلت جدآ وتأثرت تأثر شديد مع كلماتك

معلش بقى يا عمي

لو في كسر واللا حاجة إلتمس لي العذر

إبنك

عمرو زيتون

حروف ودموع { قدس } 278776

إيّاك تبكى لحظه عليّه

انا فى الجنّه يابويا .. ولكن

عايزك تاخد تارى بميّه

والقى ايديّه رغم الرعشه

تاخده تضمّه

استاذى القدير عادل عوض

لا اجد من الكلمات ما اعبر به عن اعجابى

بجمال قصيدتكم

ما كل هذا الابداع ماشاء الله

دمت مبدعا

فارس الشعر العامي بمنتدى الجندي
أخي الأكبر عادل سند
اللللللللللله عليك و الله أستاذ في كل كتاباتك
هكذا يكون الشعر
أخوك جابر الزهيرى

اخى وصديقى العزيز الشاعر الكبير المتألق على الدوام
الاستا ذ عادل عوض سند

تحياتى وتقديرى وشكرا على امتاعنا برائعة من روائعك الوطنية
واهنئك مقدماعلى اصدار ديوانك الجديد الذى سوف يكون بالطبع مليئا
بالجرعات والطلقات الصائبة 0 ارجوا ان احجز نسختى من
الان 0
ودمت بكل خير ومحبة وسعادة ودام ابداعك الرائع
وتقبل مرورى المتواضع

عادل حسنين رزق كتب:: أمال يعنى تبقى عمنا أزاى
والله ياخى نصك يدرس لما فيه من تماسك وتناغم ومقدرة على الصياغة الشعرية

اخى العزيز الشاعر

عادل حسنين

اشكرك على مجاملتك وكلماتك التى استشعر الخجل امامها .

والله يا عدوله انت واحشنا وكنا كتوقعين حضورك ندوة اتحاد الكتاب

لكن لن نقبل منك العذر الندوه القادمه .

شرفت بمرورك البهى وتعليقك الجميل .

وتقبل منى كل المودة والتقدير ...

» سر حروف اسمك
» حروف عتابك ندى
» حروف
» حروف إسمى
» اقرا حروف الكون