ايه اللى جرالك ؟

شفتك بعد السنين
قلبى مليان حنين
شفتك لكن لقيتك
غرقان جرح و أنين

انا كنت اتمنى اقابلك
لو صدفة ف اى حتة
فينها لمعة عيونك ؟
ليه النظرة حزينة باهتة ؟

الدنيا فرقتنا
و مشينا كتير تعبنا
جات كام عقبة ف طريقنا
و همومنا غيرتنا

انا فيك حبيت طموحك
ثورة فكرك و روحك
حبيت بلدك و ارضك
و جروحها كانت جروحك

شفتك ماشى ف مظاهرة
بتقول ارضى يا طاهرة
راح اموت و تعيشى حرة
تسقط حكومة كافرة

رحت ما شفتكش تانى
فكرك مالك كيانى
بطل الابطال مجاهد
صورة ما فارقت عيونى

قول ايه اللى جرالك ؟
تايه و شارد بالك
خايف على قوت عيالك ؟
ضعت و ضاعت آمالك ؟

فينها ثورة شبابك
طب ايه اسباب عذابك ؟
ايه فى طريقى جابك ؟
فكرنى بشيبى شيبك

ربنا ما يحرمناش من اهتمامك المستمر
و دايما تشجعينا لتقديم الافضل

اخى الشاعر اسامة
طريقة عرضك للفكرة عجبتنى قوى
لكن طبعا هى مقبولة منك و لكن باسمك
يعنى ما اقدرش استبدل افكارى بافكارك
لانى افضل عدم اقتباس افكارك و دمجها فى ابياتى
ودة رغم تفوق طريقتك فى نظم الفكرة
مجهود مشكور

قصيدتك ما بالومش عليك حلوة جدا
و لو عايز تجرب حظك فى المسابقة ربنا يوفقك
لكن معانا اساتذة كبار فى المنتدى افضل تاخد رأيهم حيفيدوك اكتر منى

اخى الاستاذ احمد موسى
شكرا لمرورك الكريم بموضوعاتى
و حقيقى كنتم منورين اسكندرية
و طبعا لقاءنا فى ندوة شعرية كبيرة زى دى
اكيد كلنا استفدنا منه و كنت متألقا

استاذى العزيز عادل عوض سند
اشكرك على الاهتمام و التواصل الدائم
و اعتز برأى حضرتك الذى استفيد منه دائما

الاخت الحبيبة اميرة البدرى
كم اسعدنى رأيك فى القصيدة
و يسعدنى دائما مرورك على موضوعاتى
كما تسعدنى ردودك الرقيقة التى تبعث على الأمل

اخى العزيز الشاعر محمد مديح
اشكرك على المتابعة
و اشكرك على كلماتك الرقيقة
كما اتابع اعمالك و تعجبنى كثيرا