جرالك ايه !!

جرالك ايه يا انسان
على المال تجرى لأميال
مع انه ادامك اكوام
لكن الطمع عمى الانسان
عمى ناس ما بيشفوش
هم ناس ما بيلاقوش
عمى عيون عن الحقيقة
ناس فقراء وناس بريئة
ناس ضحكتهم من جواهم
تغطى كل هم معاهم
ناس شاكرينه عز وجل
راضيين بالفقر لو حتى جبل
ناس الدين فوق الجبين
للرب دايما داعيين
وناس من المال مش عارفة
تاخد فيلا ولا شقة
تركب موديل السنة ديه
ولا العربية مش لايقة
مش لايقة إيه بس يا ناس
هو انتوا حاسين بالناس
ولا انتوا من غير احساس
حسوا شوية على دمكوا
وافتكروا ناس زيكم
وانسوا الفيلا السنة دى
وافتكروا غلبان بينادى
بيقول يارب يا كريم

شاعرنا الجميل أ / محمد عبدالواحد
أنرت صفحتى المتواضعة
لك خالص تحياتى

استاذى واخى العزيز أ / عادل عوض
يشرفنى ويسعدنى نقدكم وايضاحكم
ولكم جزيل الشكر

لك جزيل الشكر أ / محمود جمعة
ويسعدنى النصح والارشاد
لك خالص احترامى