ضيف كرسى الاعتراف المنتظر

الشاعرة والأخت الأستاذة هناء سعيد :
يا ستى مليون شكر على المليون مبروك بتوعك وأنا مقدر ظروفك فى عدم الحضور لأنك إنسانة ملتزمة بالمواعيد وسبق إنك حضرتى لما عزمناكى قبل كده
ونيجى للسؤال
التكريم يعنى شئ كبير بالنسبة لكل إنسان مش شرط يكون شاعر او مبدع لأن التكريم فى حد ذاته لمسة جميلة تعرف المكرم إنه عمل حاجة مفيدة يستحق عليها كلام جميل من من يقدر تعبه
والحمدالله لقيت فى حياتى ناس قدرت أنى عملت حاجة وحبوا يقولوا شكراً إنت ماشى صح
وأتمنى يكون تكريم كل مبدع فى حياته لأنه هيفرح قوى بتقدير الناس لكن التكريم بعد الوفاة فى نظرى ملهوش قيمة لأن صاحبه مش هيستفيد بيه فى شئ إلا إذا كان فى واحد بيحبه لله ويقراله الفاتحة
الزهيرى

أستاذ جابر
بعد الفترة اللى قضيتها فى المنتدى يعنى حوالى شهر ونص ممكن أسألك وتجاوب بكل صراحة
أيه رأيك فى المنتدى ؟؟؟؟
سؤال بريئ

الأخت الشاعرة المتميزة رشا فؤاد :
كل مكان له وعليه
سواء مواقع أدبية أو تجمعات ثقافية فمثلاً فى هذا المنتدى أجد قامات كبيرة فى الشعر سواء فصيح أو عامى و قصة قصيرة ونثر ونقد ولكن أجد البعض لا يتوجه بنصائح نقدية بناءة لشباب المبدعين وما أكثرهم فى المنتدى
ليس من باب التعالى والأستاذية واستعراض العضلات ولكن كمدرس لإخوته وأب لأبناءه فهل من وصل إلى مكانة عالية فى الإبداع لم يجد من يسانده؟
لابد من التواصل مع الشباب عن طريق التبسط فى طرح النصيحة
ربحت فى هذا المنتدى تعرفى على شعراء وشاعرات وكتاب قصة طالما سمعت عن إبداعاتهم ولم أشرف بلقائهم بالإضافة إلى تواصلى الدائم مع أصدقاء وإخوة كنا نلتقى على فترات متباعدةوأقترح
على إدارة المنتدى (إن كان لى الحق فى ذلك ) تكثيف الجزء الخاص برعاية شباب المبدعين لتخريج أقلام متميزة يفخر بها المنتدى كأبناء له
الزهيرى

الأخت العزيزة والشاعرة الرائعة هناء سعيد :

يعنى من أمتى الزهيرى مش صريح معاكى ؟

ولو يا ستى السؤال مش برئ أنا موافق وهجاوبك

أول شئ أفكر أنى أعمله لما أكون مبسوط أعرف كل اللى حاسس إنهم بيحبوا سعادتى

(أوعى تفكرى سعادتى أنى بافخم فى نفسى )

هههههههههههههه

قصدى السعادة

علشان يفرحوا معايا

أما لو زعلت فيه ناس معينة أستشيرهم علشان آخد رأيهم من غير ما يعرفوا إنى فيه حاجة

مزعلانى لإنى مابحبش أخلى حد قريب منى يكون زعلان بسبب حاجة تخصنى لأن لو حصل زعلى

بيزيد أكتر

وربنا مايجبشى أى حزن

أنا فى انتظار أى أسئلة تانية

والسلام عليكم

أخوكى جابر الزهيرى