قسوة الدنيا

مبقيناش نخاف من الليل وظلمته
بقينا نخاف من الصبح وقسوته
فجر جديد
معاه قدر عنيد
تلاقى معاه ناس نوعها فريد
وناس ما بتجبش إلا الظلم كأنه حديد
يقيدوا بيه الأحرار
القيد بالنسبة لهم كأنه إنتصار
ياه على البشر
اللى الغدر جواهم انتشر
وناس عانت من الضياع فى الحوارى
شعارهم هوه على ماضينا ندارى
وبعديها يبقى معاهم فلوس على عين الشمس تسد
وهو عمال فى ماضيه بيهد
نسى الأصل
لأنه إفتكر إنه معاه المصل
اللى فاكر إنه من غيره هينقرض
وهو معهوش إلا المرض
وناس بتقوم تشتغل ما بتدورش على المال
ناس إحنا بنسميهم العمال
ناس متكلة على ربنا
بيقولوا إن رزقنا هيجى لحد عندنا
محدش بياخد رزق حد
ولا حد يستاهل إن إديه تتمد
عايز أقولك ياللى فاكر إنك عشان إمتلكت المال
إمتلكت الدنيا والجنة والجمال
إذا كانت فلوسك من حرام هتشوف أهوال
فاكر إنك بالمال
عرفت طريقك للدلال
فاكر إن بفلوسك هتحقق الآمال
فاكر إن بفضل المال
هتبقى بأحسن حال
فاكر إن المال
هينسيك أيام الفقر والإذلال
فاكر إن المال
للخير هو الدال
ده السعى بالحرام للمال
هو بداية طريق الأهوال