هي الدنيا كده

هى الدنيا كده
ظالم معاه مظلوم
ياتخدها بالرضى
ياإما تبات مهموم
...

معايا ياكبير
نتأمل حكمته
ده الفصل الآخير
فى مسرحيته

أميرللنصب خطير
ممدد فى فرشته
رايح جاى كتير
فى طيارة جدته

ياريت يبطل تفكير
ويريح عقليته
مش باقى لنا كتير
ونرتاح من خلقته

واللى سرقه منا
حانعرف سكته
ده برضه مالنا
وخسارة ف جتته

اللى عرفه مرة
حا يفهم حسبته
نص الفلوس برة
والباقى ف مجرته

والبخيل يخبى
تحت فرشته
ويقعد مستخبى
جنب صرته

بوش الصغير
كان آريش ملحته
وقبل ما يتغير
خلاه يدفن هبرته

وسط شارون
يتحايل على والدته
والثانى حايزبون
طلب الغازهديته

مركزمعايا ياكبير
ولاتهت ف قصته
مش ناقصة تأخير
بينا نفتش مكنته

أنا مش عايز كتير
أنا راضى بقسمته
نص ف الماية وأطير
وكل واحد فى سكته

الشاعرة الرقيقة
بنت النيل
تحية طيبة
أشكر لك كلماتك المشجعة
وبالمناسبة أنامررت كثيرا
على مشاركاتك العديدة
والرائعة بالمنتدى
وفقك الله
أسعدنى تشريفك

الشاعر الكبير
أحمد رجب معيط

تحية طيبة

هذا ردى على تساؤلك

غلطان وستين غلطان
اللى فاكرها هوجه شبان
تهدأ ويطويها النسيان
وحانرجع للى فات

الثورة لها بداية
ولسه ماوصلتش للنهاية
ياريت يفهموا الحكاية
ويبطلوا إستعباط

موجة وراها موجات
وكلها مقدمات
لحد ماتلاقوا تسونامى
ينهى كل الحكايات

ده قهر ومر سنين
ودم شهداء ومصابين
إقروا تاريخ الثورات
مفهوم ياعباسيين

أطيب تحياتى

الشاعر الكبير
أحمد رجب معيط

أنا لم أخطئ الفهم
ولكنى رأيتك متشائما
والبيتين من قصيدة قديمة
إنشاء الله خير
وسعدت بمعرفة شاعر كبير

الوردة الحمراء
أرق التحية
للمرور على صفحتى
والشكر واجب علينا
أطيب التمنيات