سكران حب ..القصيدة الفائزة لشهر فبراير 2010

موضوع: سكران حب الخميس فبراير 18, 2010 7:02 pm

الابن العزيز الغالى الشاعر الجميل المتميز والمتألق دائما
الاستاذ احمد سعيد

تحياتى وتقديرى وشكرى على امتاعنا بقصائدك الرائعة والاكثر
من رائعة كمان انت ماسبتش حاجة لاجدع شاعر رومانسى يقولها
مش بقولك انت اللى قصايدك لازم تتبروز دى مش قصيدة دى
لوحة رومانسية رائعة من اجمل ماشاهدت وما قرات

دمت بكل خير ومحبة وسعادة ودام ابداعك الرائع
وتقبل مرورى المتواضع

زينات القليوبي كتب:

أحمد موسى كتب:: بحبك ياللي من حسنك تغير الحور
و بكتب شعر لعيونك بخيط من نور

وبكتب بالدهب وصفك
وكل الشعر مش واصفك
لكن يا حبيبتى بحلفلك
لهجعل كل أشعاري
تخلّي السحر من شعري
يكون مبهور

عيونك لؤلؤه شايله
معاني السحر ف النني
عيونك جنه والجنه
نسيمها بمسك متحنّي
وشَعرك نيل بدون ضفّه
جبينك طفل ف اللفه
قصاده الشمس تتخفّى
وتصبح بور

وعشقك شئ محيّرني
أسافر بيه لبره الكون
ياخدنى بشوقي ويجيبني
لا انا عاقل ولا مجنون
أسلّم ع الشجر بالإيد
وأكتب ع الورق إسمك
وأفرد ع الطريق تنهيد
ماهو مرّت عليه قدمك
تشوفنى صحابي تستغرب
تقرّب منّي وتطبطب
وناس بتشوفنى تتهرّب
يقولوا م الهوى مسحور

وانا وعنيكي قدّامي
بشوفها كالسما واصفى
عيون الحور على بابهم
في كفّه وتبقي في كفّه
أشوف فيهم شطوط عشقي
ومرسى الحب واللهفه
ما هيّا لوحدها صنعت
من القلب الحجر شاعر
وخلّت نبض إحساسه
فى قلب بحورها بيسافر
وموج العشق بيشيله
ويتمايل مع ميله
ونسمة حب بتجيله
وتتمنى يجيلها الدور

ويسكر قلبي من شفه
كما الجمره وسنان فيروز
وخمرة عطر بنضارة
زهور اللوز
واشوف الورد فوق خدّك
ربيع مصنوع على قدّك
دنا قلبي الملك .. عبدك
بشوقه يفوت جبال وبحور

دنا قلبي النهار عندك
وليل عمري ف جزيرة شوق
منايا أدق باب قلبك
فيفتحلي وياخدني لفوق
لأبعد نجمه ف عنينا
نعيش انا وانتي وحدينا
طيور الحب حوالينا
بتحمينا وتبني السور

دا حسنك ف الوجود آيه
وإسمك غنوه ف لساني
منايا تكوني ويّايا
وقلبك يبقى عنواني
نهاري تكوني شمسايه
وليلى تكوني قمرايه
أنام وتنامي جوايا
ونصحى بزقزقات عصفور

شعر / أحمد سعيد موسى
16/2/2010

لا لا مش ممكن ياأحمد ياسعيد ياموسي
منك لله !!!
ده أنت كده مش
(( سكــــــــــران ))
دا أنت الوحيد اللي
(( فااااااااايق ))
واحنا اللي بقينـــــــــــــا
(( سكاااااااري ))
!!!
***********************
(( تثبت القصيدة بواسطتي ))
***
(( تقديـــــــــراً .. وإشــــــــــــادة ))
بنص ..
(( فـــــــــــارق ))

وإبداع ..
(( متميــــــــــز ))

وقلم ..
(( داهــــــــــش ))

وإحساس ..
(( مـُتفـــــــــرد ))

المشرف العام
زينـــات القليوبــي

الله يحفظك يا ماما زينه
والله العظيم دا شرف كبير ليا
أنا هعوز ايه تاني بعد كدا ؟
ربنا ما يحرمني منك ابدا
تقديري

[quote="أحمد موسى"]

وانا وعنيكي قدّامي
بشوفها كالسما واصفى
عيون الحور على بابهم
في كفّه وتبقي في كفّه
أشوف فيهم شطوط عشقي
ومرسى الحب واللهفه
ما هيّا لوحدها صنعت
من القلب الحجر شاعر
وخلّت نبض إحساسه
فى قلب بحورها بيسافر
وموج العشق بيشيله
ويتمايل مع ميله
ونسمة حب بتجيله
وتتمنى يجيلها الدور

مش قلت لك أميرالرومانسيه يااحمد !؟

إيه الجمال دا كله ، والله رائع ورمانسى

لأبعد حد ، نص فى منتهى الإبداع ، أحسنت

ياأستاذنا الكبير قوى .

دمت بكل الخير يااحمد .

محمد البسيونى

موضوع: سكران حب الجمعة فبراير 19, 2010 4:57 am

الابن العزيز الغالى الشاعر المتميز والمتألق جدا جدا
الاستاذ احمد سعيد موسى

تحياتى وتقديرى ومرور اخر على قصيدتك الرائعة سكران حب
بعد ان عرفت انك داخل بيها مسابقة الجامعة انشاء الله فاطلعت
عليها مرة اخرى ولم امل من قراءتها اكثر من مرة والمرة دى
اشتركت معى فى قراءتها شريكة عمرى وعلقلت عليها بكلمات
مش تدخل بيها مسابقة الجامعة وبس داانته تدخل بيها اكبر موسوعة ادبية من اوسع ابوابها
ومش ح اقولك بقة ع التعقيب الجميل اللى قالته وبالتوفيق انشاء الله يااجمل شاعر رومانسى محترم

ملحوظة : قصيدتك دى يطلع منها الف غنوة عاطفية من اغانى
الزمن الجميل

ضياء الدين البري كتب:: السلام عليكم .. مجرد راي
الشاعر الرائع .. أ / احمد
احترامي وتقديري

رائعه من روائعك التي تخاطب الوجدان ..
ودائما ما أنتظر كلماتك لأتمتع بالقراءه ..
وأشاهد الصور ..
وما بين حروفها المعاني الرائعه التي تحرك مشاعري..

دائما موفق ان شاء الله
وللجميع تحياتي

الحبيب / ضياء البري
أشكرك لمرورك الدائم والثناء على نصوصي المتواضعة
أنت الأبهى والأحلى يا صديق
تقديري

[quote="أحمد موسى"][center][font=Traditional Arabic][color=blue][b][size=24]بحبك ياللي من حسنك تغير الحور
و بكتب شعر لعيونك بخيط من نور

وبكتب بالدهب وصفك
وكل الشعر مش واصفك
لكن يا حبيبتى بحلفلك
لهجعل كل أشعاري
تخلّي السحر من شعري
يكون مبهور

عيونك لؤلؤه شايله
معاني السحر ف النني
عيونك جنه والجنه
نسيمها بمسك متحنّي
وشَعرك نيل بدون ضفّه
جبينك طفل ف اللفه
قصاده الشمس تتخفّى
وتصبح بور

اللة يااحمد تعبير جميل جدا مااروع مزج البراءة
والطفولة بالحب ودام الحب مادامت الحياة
ودام الابداع الراقى ودائما متالق
تقبل مرورى

شادية الملاح] Very Happy

طارق منيب كتب:: طب لما أنت سكران .. يبقى أحنا بعد ماقرينا القصيدة دي أيه.. شامين؟!.. معقول كل الجمال والتعبيرات البليغة دي.. أكثر من رائع ياأحمد
خاص تقديري لعملك الجميل..

ربنا يكرمك يا أستاذنا يارب
أنا أقل بكتير منم شهادة حضرتك دي
ربنا يحفظك
دعواتك يا أستاذي
أحمد

الشاعر أحمد موسى
أنت من أجمل الأصوات الشعرية فى المنتدى الرائع هذا
و دائما أقف أمام روعة كلماتك منبهرة
قصيدة كسابقيها رائعة
Very Happy

رشا فؤاد كتب:: أخى الصغير أحمد بصراحة رائع ومتميز ومن أجمل ما قرأت لك ومفاجأة مذهلة وتطور يحسب ليك وأنا كان عندى أحساس قوى بموهبتك المتفردة جميل جدا ومن أبداع رائع إلى أبداع أكثر روعة

ربنا يبارك فيكي يا أستاذة رشا
أنا لسه مكتبتش شعر حتى الآن كل دا محاولات
بس ان شاء الله هكتب
تقديري و احترامي

عادل عوض سند كتب:: حسبى الله ونعم الوكيل

ههههههههههههههههه

إيه ياابنى اللى انت عامله ده ؟؟؟

والله العظيم يا احمد انت شاعر مشكله . ومالكش حل

قصيده فوق الوصف ولا توجد من الكلمات ما يعطيها

حقها . إمكانيات فوق العاده مع خصوصيات فى الكتابه

ومفردات رغم استهلاكها إلا انها جددت نفسها فى قصيدتك

قصيده تحسب لك واسمحلى اشد على يدك وبقوه واهنئك

الله ينور يااحمد والى التميّز دائماّ ...

بتحسبن عليا يا غالي ؟؟
الله يسامحك

ربنا كرمك يارب يا أستاذنا
ومشكورعلى المرور والحضور
بس ياريت تعرفني ايه قصد حضرتك بالمفردات المستهلكة وكدا ؟؟

القصيدة اتكتبت من غير ما آخد فيها كلمة واحده من أي تعبير مستهلك في شعر تاني

فياريت حضرتك توضح القصد كي يرتاح صدري
تقديري

بجناحين من نور زي الملايكة
خدتنا وخطفتنا بعيد اوى
وحلقت بينا لفوووووووووووق رغم قلبك لسه عالأرض
وسرقت مننا قلوبنا واحنا بنبص عليك بروحنا
جبار فى رقته جبارعلى -رأى حليم-
لاوكمان عندك شقاوة وعيون بتشوف الحب بإحساس مختلف
ومكاااااااار عامل نفسك تلميذ وانت استاذ يابنى والله
شوف جمالك وابداعك بقى؟

بحبك ياللي من حسنك تغير الحور
و بكتب شعر لعيونك بخيط من نور

وبكتب بالدهب وصفك
وكل الشعر مش واصفك
لكن يا حبيبتى بحلفلك
لهجعل كل أشعاري
تخلّي السحر من شعري
يكون مبهور
Mad

هنا ياحمد انت حلفت وصدقت لأنك فعلاً قدرت تبهرنا
انا أتأخرت اوى فى المرورمعليش وبعدين شايفه زحمة ماشاء الله
مبروك وبرافو عليك الف مرة وان شاء الله حتكسب عن جدارة فى المسابقة
لك مودةواحترام

[justify]

الشاعر الجميل /أحمد موسى
الله على النص ده
اللي أنا معجب بيه جداً
وبيك كشاعر جميل
يحتمل الإعجاب من عدمه
لأنه على وعي بدوره
في الحياه
وأنا ليا عتاب عليك
لأنك بتحاول دايماً تتجنب
ردك على تعليقاتي يمكن
لأني صريح شويه
وده لأنك شاعر والنقد
فيك حلال ومجدي
وأنا لتاني مره بحييك على
نصك ده
مع تحياتي/

السلاموني

محمد السيد السلامونى كتب:: الشاعر الجميل /أحمد موسى
الله على النص ده
اللي أنا معجب بيه جداً
وبيك كشاعر جميل
يحتمل الإعجاب من عدمه
لأنه على وعي بدوره
في الحياه
وأنا ليا عتاب عليك
لأنك بتحاول دايماً تتجنب
ردك على تعليقاتي يمكن
لأني صريح شويه
وده لأنك شاعر والنقد
فيك حلال ومجدي
وأنا لتاني مره بحييك على
نصك ده
مع تحياتي/

السلاموني

أستأذن إخواني وأخواتي هنا في المنتدى بالرد على الأستاذ محمد السلاموني أولا ..

أستاذي الحبيب .. والله ابدا ومش ببقى متعمد نهاااااااائي أنا بنتظر مرورك فعلا لانه بيفيدني كتير وأنا بأعشق النقد وبحترم الناقد وبعتز برأيك جدا أيا كان رد فعله عندي وأنا مؤمن بشئ
(( النقد البناء هو روح أي نص وحياته , والنص الذي لا يستقطب الآراء والإنتقادات يعتبر نصا عقيما إن لم يكن ميتا ))

والحمد لله إن نصوصي بحظى باهتمام ناقد كبير زي حضرتك على وعي كامل بكلامه وعارف هو بيقول ايه وليه ؟؟

أحمد موسى أصغر من إنه يتجاهل أي حد والله يا استاذي
لإنه هوا اصلا لا شيء جمب فحول الشعر هنا أمثال حضرتك .. أنا اللي بعلق على القصايد بس مش مره واحده وبترتيب الأعضاء المرور حسب ترتيب مرورهم ولو حضرتك بصيت في اي نص ووجدتني رديت على حد بعدك وسيبت ردّ حضرتك يبقى أنا فعلا والله سهيت غصب عني وأعتذر لحضرتك فورا , بس أنا واثق اني معملتش كدا , وتقدر حضرتك تراجع نصوصي بنفسك وتتأكد

حضرتك تشرفني يا أستاذ محمد في اي وقت وفي كل وقت
ولولا النقد والنصح والتوجيه .. ميكونش فيه تقدم ..

تقديري واحترامي لحضرتك
تلميذك

الشاعرة عزة الزرقانى كتب:: يانهار ابيض عليك ايها

الشاعر الشاعربمعنى الكلمه احمد موسى

دى مش قصيده دى لوحه فنيه مبهره

والمفروض تثبت كا أعلان دائم

دمت بكل جمال وروعه وابداع متفرد

دمت بكل حب

الله يكرمك يا استاذه عزه ع الكلام دا
أهي كلها محاولات عشان نتعلم
تقديري واحترامي

عادل عوض سند كتب:: الابن الجميل الشاعر

احمد موسى

معلش مرور آخر وكان من المفروض ان انوه فى تعليقى

الاول ولكن الزهيمر منه لله بقى .

حماده ياريت تغير الجمل المظلله بالازرق الى :

واسمك غنوه بلسانى ..

دا حسنك ف الوجود آيه
وإسمك غنوه ف لساني

الأستاذ العظيم / عادل سند

أشكرك للإهتمام بقصائدي والإهتمام بالنقد
والمساعدة في التطوير والتقدم , ملاحظتك جميلة
وعين الإعتبار ولكن اسمح لي سيدي الفاضل
بــ لساني تعني أنها مؤقتا الآن باللسان
أما كما قلت فـ لساني أقصد بها الإستمرارية والدوام
هذا هو رأيي المتواضع
وأكرر شكري واحترامي لشخصكم الكريم
محبتي ووافر مودتي
أحمد

مراد ناجح عزيز كتب:: الشاعر الجميل / أحمد سعيد
تحياتي لك أولا
وثانيا يسعدني أن أكون واحد ممن أشادوا بالقصيده في روعتها
الرومانسيه وجمالها الإبداعي
دمت بكل خير

أستاذي وصديقي الحبيب
مراد ناجح
وأنا لا يسعني سوى شكرك على ما أثنيت
على القصيدة وكاتبها
محبتي وتقديري

الإدارة كتب:: الشاعر الرائع أحمد موسى
لا أجد كلاما يوفيك حقك
من الثناء على هذا العمل الرائع
تقبل كل تقدير

وأنا لا أجد أيضا من الكلمات ما يسعفني للردّ عليكم
تقبلوا صمت حروفنا وقلتها ..
محبتي

ابيه احمد انا طبعا مش بعلق لكنى بدخل لاقرأ واتعلم ولكنى استمتعت جدا بقصيدة حضرتك وبالكلام الجميل اللى فى تعليقات كبار المنتدى على القصيدة

و أفرد ع الطريق تنهيد
الله
صورة حلوة جدا

أم القوافي كتب:: يا اللـــــــــــــــــــــــــه يا أحمد

أنت كدة عاوز لك قاعدة

لازم أكون فايقة عشان أعرف أرد عليك

يا أجمل ابن في الدنيـــــــــــــا

أسكــــــــــــــــــــــــــرتني

:

انتظرني

:

والله يا أجمل أم في الدنيا
مرورك لوحده عندي بديوان
ربنا ما يحرمني منك ابدا
وهنتظر العودة
تقديري

حقيقة لا يستطيع المرء ان يقرأ القصيدة مرة واحدة
فكلما انتهى منها نادته ليعيد قراءتها
قصيدة مليئة بالاحساس و المشاعر الصادقة

دينا كامل كتب:: ماشاء الله
قصيدة قوية جدااااا
رغم رقة ألفاظها

شكرا لامتاعنا

الدكتورة / دينا كامل
ربما تكمن قوة القصيدة في رقتها
ولكن قوة قصائدي تكمن في مروركم
وتشجيعكم الدائم ..

أنا من يشكرك للحضور
تقديري

إدارة المنتدى تتقدم بخالص التهنئة لك أيها الشاعر القدير أحمد موسى
على فوز هذه القصيدة بجائزة المنتدى لشهر فبراير 2010
ألف مبروك

Smile

الف الف مليون مبروك

الشاعر الجميل احمد موسى

حقيقى تستحق عن جداره

ولست الفوز فى هذه القصيدة فقط

ولكن تستحق الفوز فى كل ما كتبت

فاهنيئا لك الفوز

وهنيئا لنا ايضا

الفوز بك

مبروووووووووووووووووووووووووووووووووووووووك

دمت بكل حب

ألــف مبــروك يا بو حـميد Very Happy

تستاهل بجد النص فوق الرائع ما شاء الله عليك Very Happy

حبيت أهنيك وأقولك دايماً في تميز وتقدم أجمل وأجمل إن شاء الله Very Happy

» الى شاعرة القصيدة الفائزة بجائزة فبراير 2010
» فِضِل فرعون (القصيدة الفائزة عن شهر إبريل 2010 )
» خمسه وسته تساوى اتناشر ! القصيدة الفائزة يناير 2010
» نخيل الوجد الفائزة بجائزة المنتدى لشهر مارس 2010
» *الْخيْاَل* القصيدة الفائزة بجائزة المنتدى لشهر سبتمبر