طفلة صغيرة

طفلــة صغيــــرة

صورة الطفولة رجعتنى
أحن تانى للبراءة
عيون شقية حيرتنى
شقاوة حلوة بتبتسم
وضحكة حلوة بتترسم
وطابع الحسن البرىء
وقلب أخضر كان جرىء
وشارع هناك فى حينا
وبيت كبيرموجودهنا
وصورة أبوياع الحيطان
وحضن أمى ودول جيران
دقواالبيبان
والمشكلة
بهتت غناوى العمروبالخرس..
متلتمة
صبحت طلاسم مظلمة
خلت همومنامعضلة
نشبة خيالات المآتة المحزنة
والعنكبوت عشش علينا
قطع إيدين متشبكة
ساهمة العيون ومعيطة
ولاحياتى ملخبطة
بعدالفرح والزأططة
باشتاق لوردك ياجناين,
عمرى شايل
حتى اخويا لماسابنى ف محنتى
فين إيدحنونة كات بتمسح دمعتى؟
سيبك من الناس اللئام
كترت سهام الغدرمن جوه عيون متشوهة
وضحكة صفرافوق شفايف
مصبوغين من البكا
وقلوب من الهم اللى شايلاة
صبحت منهكة
بعدالبراءة والطفولة المبهجة
شيلت الأمانى ع الطريق
وفاردة خطوتى
باروى بساتين القلوب الطيبة
من نيل عيونى الدبلانين هم وأسى
وتروح وتيجى الذكريات
والقلب ينزف م الآهات
ألم صورتى الطفلة
تحت أنقاض السكات
وارجع الذكرى لورا
يدوسنى قطر الذكريات
أبكى على روحى هناك
جوة صورة عمرى فى البرواز
وقلب كان أخضر ونادى,
وطفلة بريئة صغيرة.
شادية الملاح
الاسماعيلية

و أتارينى بقول المنتدى منور ليه ؟
نورت المنتدى يا شاعرة الإسماعيلية الجميلة
و عضوة اتحاد كتاب مصر
شادية الملاح
مرحبا بقصائدك الجميلة و سعادتي غامرة بوجودك هنا
تقبلى خالص الود
أخوك

تثبت القصيدة
قبل ما حد يثبتها
هههههههههه
ترحيبا و تقديرا

شكرا لك اخى عاطف
وسعيدة لوجودى بالمنتدى
بين اخوتى واتمنى ان اكون
ضيفة خفيفة عليكم

شادية الملاح

الله الله عليكى عمل رائع

تقبلى مرورى

الاخ العزيز استاذ عادل
شكرا لمرورك على متصفحى
وسعيدة لوجودى بينكم

شادية الملاح

اخى احمد هذاتواضع كبير منك فانا مازلت احبو فى بلاط صاحب الجلالة الشعرولك منى خالص الشكرعلىتواصلك معى وامنى دوام الودوالمتابعة وشكرا لك مرة اخرى
شادية الملاح

الله
سرد شعرى جميل

أستاذة :- شادية الملاح

الكلماتك رائعة والصور الجمالية أروع

دمت بكل خير ودام ابداعك الراقى .