مقدار الشاعر

مقدار الشاعر مش شعره

مقدار الشاعر بمشاعره.

أنا طبعا متفقة مع حضرتك فى دة،

لكن للأسف يا أستاذة عزة، الصدق أصبح عملة نادرة حتى فى الشعر ،مش عارفة بقة بصراحة هى عدوى الكذب منتشرة لدرجة انها توصل حتى للشعر

طبعا أنا مش بتكلم بصفة عامة لكن دى نوعية موجودة فعلا دلوقتى ، والأصعب انهم بيمتلكوا احساس ففنان بجد ، ومشاعر مرهفة بجد ، لكن المشاعر دى مش أكتر من كلام

براعة فى الكلام المعسول وبراعة فى الكذب ،

أنا فى وقت من الأوقات فقدت الثقة فى جميع الشعراء وكرهت الشعر برغم عشقى ليه ،
واكتشفت انه دى نوعية من الناس اتكلم عنهم الله سبحانه وتعالى فى سورة الشعراء( والشعراء يتبعهم الغاوون ، الم ترى أنهم فى كل واد يهيمون ، وأنهم يقولون مالا يفعلون )

لكن فيه استثناء فى الاية ( الا الذين أمنوا وذكروا الله كثيرا )
والاستثناء بيعنى القلة، بمعنى انه الصادقين منهم قلة قليلة.

وأى مشاعر فى الدنيا محتاجة فى المقام الأول للصدق ، ولو فقدت مصداقيتا بتفقد المشاعر دى كل قيمتها.
تقبلى مرورى ، وتحياتى