عاشق

انا عاشق بلا اسرار

برغم اني ف طريق عشقك

بريحاته وجياته

بوشوشته وأناته

بلخبطته ومتاهاته منيش محتار

وراضي برضه بالمقسوم ومش بختار

وكيف اختار مادمتي الدار

ورسمة عينك العسلي

سبيلي ف اخر المشوار

انا الحاضن كفوف البرق

انا العارف حدود رسمك

ف غرب وشرق

انا الوحداني متغرب ف احضانك

ومش شايف ف بعدك فرق

انا ابنك ف افطاني وكرارسي

بطوف شطك باحلامي ومتاريسي

حروف مصرك ف تكوين وتاسيسي

حروف مصري

فغنواتي وقصاقيصي

نور

استاذة عزه

متابعاتك الجميلة

شيء مش جديد علي شخص رائع زي حضرتك

عم عادل

ده شغل قديم

والله كويس انه عجبك ياجميل

اميرة
طبعا متشكر جدا

ويارب يكون كلامي بيعجبك

قصيدة جميلة فعلا ً بس مادامت المحبوبة مصر يبقى عينيها عسلي ليه؟؟؟
سؤال يطرح نفسه وانت عارف أد كتيرة وجميلة العيون السود في بلدنا يا أستاذ نـــور

هههههههههههههه

الواحد بيشوف حبيبته زي ماهو عاوز
حبيبتي انا لونها عسلي
اه
مصر لونها عسلي
مش اسود

مصر لونها عسلي مش اسود

هههههههههه

علي غرار مصر هاتفضل غالية عليا

جميله يا نور تسلم مشاعرك وحبك لمصر ام الدنيا

الاخ الشاعر نور
من اول مره اقرا لك
وبقول انك على حق
اعنيها عسلى وكمان واسعين
ما احلاهم وااه وهمه صابحين
دى حبيبة نور يا ناس كيف شا يفين
وهو يكتب فيها مدى شهور و سنين
بحلمه وطموحه سايرمعاها بحنين
اخى نور اكتب بكل الالوان لكل التذوقات
مع تحياتى لك بكل تقدير واحترام
بنت الصعيد ريمى

الله الله
يانور
الله ينور عليك

الشاعرنور/
وأنا هنا لما بقول شاعر
أنا راضي عن نفسي تماماً
لأن كلمة شاعر وبيملك أدوات
غير أي حد بيتقاله الشاعر فلان
تصويرك جيد وإحكامك على نصك
عالي إلا إن الحبيبه الوطن
محتاجه منك زاويه
مختلفه لإني قولت ده
لزميل قبل كده الفكره
اللي مش جديده نعمل فيها
إيه إلا بإختلاف التناول
أو اختلاف الزاويه اللي حانشوف منها
النص وكويس إنك شاعر
علشان مهما أقولك مش حاتزعل
مني
وفكرتني نسيت أقولك ماتقولش
لحد النص ده قديم ولا جديد
لأنه بمجرد خروجه منك مبقاش يخصك
مع تحياتي/
السلاموني

بنت الصعيد ربنا يكرمك

دكتور صلاح متشكر جدا

الحمد لله انه عجبك

محمد السيد السلامونى كتب:

الشاعرنور/
وأنا هنا لما بقول شاعر
أنا راضي عن نفسي تماماً
لأن كلمة شاعر وبيملك أدوات
غير أي حد بيتقاله الشاعر فلان
تصويرك جيد وإحكامك على نصك
عالي إلا إن الحبيبه الوطن
محتاجه منك زاويه
مختلفه لإني قولت ده
لزميل قبل كده الفكره
اللي مش جديده نعمل فيها
إيه إلا بإختلاف التناول
أو اختلاف الزاويه اللي حانشوف منها
النص وكويس إنك شاعر
علشان مهما أقولك مش حاتزعل
مني
وفكرتني نسيت أقولك ماتقولش
لحد النص ده قديم ولا جديد
لأنه بمجرد خروجه منك مبقاش يخصك
مع تحياتي/
السلاموني

متشكر جدا طبعا لكلام حضرتك

الرؤية

معرفش انا شايفها كده

او كنت شايفها كده ف وقت من الاوقات

موضوع ان النص قديم

ده لا معناه حاجه حلوة ولا حشة انا بس صدت اقول انه من فترة كبيرة

اكيد مفيش زعل

ياريت كلنا نعمل كده

جميل يانور
الله ينور عليك

الشاعرالرائع :- نور الدين الشريف

قصيدة رائعة ومعاني أجمل .

تقبل مرورى وإمنياتى بمزيد من التقدم والإبداع أيها الرائع .

دمت بخير .

د صلاح ربنا يكرمك

ايمانالروبي

الف شكر لكلماتك الرقيقة

الابن العزيز الشاعر الجميل المتميز جدا
الاستاذ نور الشريف

تحياتى وتقديرى واعجابى بقصائدك الجميلة المتميزة بالاسلوب الحديث
ايه ياعم الرومانسية الوطنية دبة قصيدة عاشق قصيدة جميلة فعلا
دمت بكل خير ومحبة وسعادة ودام ابداعك الرائع
وتقبل مرورى وشكرا

استاذة امال منورة المنتدي والله

الله عليك ياعم فوزي يا شاعر يا جميل
ربنا يعزك ويبارك في عمرك