الواد العفريت

موضوع: الواد العفريت الجمعة يناير 22, 2010 2:33 pm

يدخل كل كيانى ف لحظة
ويسيطر على ايدى وبمزاجه يكتب على الكى بورد ويعمل عالم تانى
ويدخلنى معاه
بيبوظ كل الدنيا وراه
واتمنى ف مره واحده اخد منه موقف
واحذفه منى ولو قدام الناس
مش عارف ليه بيدخلنى ف حوارات من غير اى معنى
ومن غير مايكون لى ذنب ممكن يخلينى اعيط
ولو جه ولقانى معيط ممكن يقولى ماشفتش دموعك ورينى تانى وتالت
الواد ده فين
وازاى اقدر امسكه واتحكم فيه
هو وبكل بساطه بيدخل روحى ف ايها وقت وبيتنفسنى كمان
وساعات يخنق انفاسى ويخلى الدنيا تضلم عز النور
الواد ده غريب
حبيته ف مره وقلت دا بيخلينى اشوف خيالات
هو فضل فرحان ومن ساعتها ومش عايز يسيبنى ف حالى
وكل ما احاول اعمل معاه اى حاجة
يفلط زى النار ف الجو
ويحاول يرجع بطريقة تانيه بس باحسه هو بالظبط
لما يرجعنى لاول حرف ف اخر كلمه معاه
الواد دا بيعمل ليه كده؟؟؟؟؟؟؟؟؟
يمكن اكون تار بايت ليه
او اكون زعلته بدون ما اقصد
حتى ف عز النوم بيجينى بدون دستور
ويخش عليا بكل هدوء
ويصحى كيانى يعيش جواه
الاقينى مشتت بينهم اتوه

الشاعر الكريم محمد
من مده بعيدة لم تدخل لعل المانع خير
مرحبا بعودة الجمال و النثر الراقى جدا
مساؤك جميل

نثر راقى و كلمات عظيمة
أخ محمد

اخى الحبيب استاذ عبد اللطيف اشكرك جدا ولم اغب عنكم الا للشديد القوى تدريبات وعمل فى الشغل بس دايما اشتاق اليكم
لك كل محبتى

اختى العزيزة استاذه مها اشكر مرورك الكريم والراقى لك كل تقدير

والله يا استاذ محمد

انا مع الواد العفريت دا وبشجعه وبقول له برافو

أنه بيعمل فيك كدا وبيخلص منك

عشان احنا زعلانين منك ومفتقادينك خالص

وما بتسألش فينا ببساطه كدا ومن الأخر

أنا اللى مسلطاه عليك وشكله كدا عمل الواجب وقام بالمهمه صح

وخلاك تيجى لنا وتنورنا

عموما أنا ممكن أخليه يسيبك فى حالك بس بشرط

تواظب معانا

لوموافق أوك غير كدا بقى معلش

ماليش دعوه بل حيحصل

بس بصراحه موضوع جميل

دمت بكل حب

الشاعر الكبير / محمد حسنى
افتقدناك كثيرا فأين أنت يارجل ؟
قصيدتك تثرى الواحة لما فيها من خصوصية وتميز رغم أن معظمنا له نفس هذا الواد العفريت
فما أجمل بساطتك وما أرق عمقك

استاذ / محمد

انت فين ياراااااجل من زمان ؟؟؟؟

والله وحشتنا . حمداّ لله على السلامه

مش انا قلت يوم من الايام انك ملك القصيده النثريه

بصمه لن تتكرر وموضوعاتك ولو لم تكتب اسمك

لقلت محمد حسنى هنا ..

سغيد برجوعك أضأت المنتدى من جديد ..

الشاعرة الصديقة والاخت الفاضلة عزة الزرقانى لك كل تقدير على انك ارسلتى الواد العفريت ده ولك كل المحبة على ترحابك وهاكون موجود باستمرار لو سبتى الولد العفريت معايا شويه صغيره يمكن اخليه يتهد ويكتب شعر زينا اشكرك بجد لك كل التقدير
محمد

اخى الصديق الحبيب استاذ عادل حسنين اشكرك جدا ياصديقى على المرور الكريم الذى يتوجنى بحب لا استحقة بس والله مشاغل كتيره لك كل الحب والتقدير فى قلبى ايها الصديق الرائع
محبتى

صديقى وشاعرى الاحب الغالى استاذ عادل عوض مش عارف اتكلم فى ظل اطراءك الجميل ومرورك الكريم والمحبب على قلبى وانت تخجلنى بكل هذا الحب الذى استشعرة منك ياصديقى الغالى ربنا يديم المحبة
محبتى

» كف العفريت
» العفريت؟؟!!
» الواد سلامة
» الواد الجنّ ~~~~
» يا خبر والله جد الواد كَبر