لآخر مايوصل براح الكمنجه

ف الوقت ده
والوقت ده بالذات
حسيت وكإنه واحد حط إيديه ف جيوبي
وسرقني .. أخد مني حاجه
بس هيه إيه ؟!
مش عارف
وأنا أبويا مالوش ف الغنا
لكنك تحس ف كلامه حنين
يشدك لآخر مايوصل براح الكمنجه ..
ف بداية مرور التعب
والعساكر
والبنت اللي إبتدت تشد السسته ع البياض
اللي إحتل آخر نظراتي
قبل ما أدخل كتاب الأحياء
تحاربني الأميبا
وداروين ..
(الإنسان أصله قرد )
ولما سقف الأوضه يطبق عليه
أموت أكتر ف نسمة هوا
ودش بارد
يوطي ضغط الدم
ويرجع اللي إتسرق مني

نثريه رغم بعض الغموض واستخدام الرمز

إلا انها كتبت بوعى شاعرها ومقصده الذى ربما يتضح

فى آخر شطره .

تقبل مرورى استاذ / مراد

الله عليك

راق جدا

ومزيكت الكمانجا

مالية روح النص

المبدع / عدل عوض
تحياتي
وأنا بالفعل في غاية السعاده
بهذا الحضور الدئم لصفحتي
وهذه المتابعه
وهذا الحب
دمت بكل خير

الشاعر الجميل / نور الدين الشريف
تحياتي لك
وشكرا لزيارتك التي أسعدتني
وأتمناها دائما
دمت بكل خير

» براح
» شباك براح
» ومضات شعرية (متجدد)
» ومضات شعرية - متجدد
» ضحكتها .. براح اوسع من الدنيا