ضحكتها .. براح اوسع من الدنيا

بحبك .. أيوه

بس مش عارف بحبك ليه ؟!

وازاي دخلت القلب من جوّه

وسكنت فيه ..

شارع

وحاره

وبيت

وناس طيبين

ومين ده اللي دلّك عليّه

مين ؟

وخلاك ف الحلم تزوريني

وبتوحشيني

لو بس غمضة عين

ومن امتي

ولحد فيــ...ن

واخداني

ومالكاني .. يا انسيّه

ولا انت جنيّه

واتشعبطي ف الهوا الطاير

واتنفستك ..

صوت وصوره

ودم خفيف

بحبك .. أيوه

بس مش عارف أحبك كيف ؟!

ولا انت حبك كيف

إكمنك ..

مش زي كل البنات ف اللقا

ولا زي كل البلاد ضيقه

إكمنك كل حاجه وأي حاجه

وكل شئ ..

الحلوه الجميله المرهفه

سبايط نخلنا الطارح بلح لينا

الحزينه المفرحه

وضحكتها ..

براح أوسع من الدنيا



سوهاج / صيف 2003

الاستاذ الشاعر

مراد ناجح

قصيده برائحة الصعيد فى الصيف .

فالصيف هو فصل الحب والغيطان والخضره هما مفتاح الشعر .

قصيده لايكتبها إلا مراد بمفرداتها ومعانيها .

تقبل مرورى وخالص مودتى ...

الشاعر الجميل بكل المقايس

لا أجد من الكلام فى معجمى ما يوفيك حقك أيها الشاعر الشاعر

مراد ناجح عزيز

لذا اخترت الصمت

دمت بحب وأبداع

ملحوظه

تثبت بواسطتى لروعة الحرف

[b]