مين يخدك مني بعد الفراق

روح بتسرق روح
وتعلقها في حبال من السما لحدي انا
مرجيحه بتتمرجح
مين يخدك مني بعد الفراق

لاقيكى في مولد وسط الناس
كان فاضل دبلة وخاتم
ــ لقياك متعلق في فاترينة قزاز
بتحب اللون البرتقانى
متاخد من الحب والنار
ــ رغم اللى بيني وبينك لوح قزاز باغنّي
( لو ميت وزير عفريت مايقدروا يسرقوا عرشك
لو ألف ليلة وليلة ماينسوكي نيتك في قتلي)
ــ بلاش تستناني على كراسى الشوارع
عديت ولا خت بالك مني
ولا بيك انتبهت
ــ كان فاضل تبصي فى عيني علشان تشوفي البكا
وانا من كام سنة ما بكيت
لوح القزاز بنا بيكبر شوارع وميادين
تصرخ تدويرة وشك تشبهني
احنا يادوب اتنين مش عارفين مين فينا يبدأ ويمسك ايد التانى
ــ معلش انا عمرى ما حد مسك ايدى
ــ معلش انا عمرى ما مسكت ايد حد[center]

بترينه هى فاترينة أخى رضا
لكن نثرية روعة جدا
و أبصم على ذلك

أخى وصديقى / رضا فتحى
أسمح لى أولا بتنسيق نصك هكذا
مين ياخدك منى بعد الفراق
من الوهلة الأولى نعتقد أن هناك مشكلة فى العنوان
ولكن بعد قراءة النص
أستطيع أن أقول ( برافو عليك يا رضا )
كأنك تقول أن هذا الفراق هو جسدى فقط
ثم يبدأ النص بتصدير من أربع جمل إستطعت بهم أن تهيئنا لحوارك الدرامى
ويمكننى أت أقول عليه (تخاطر )روحى وليس مواجهه
ولأنك فنان تشكيلى إستطعت أن ترسم لنا لوحاتك بصدق وإحساس عالى ولغة خاصة جدا منتقاه بعناية
هذابعض ما أراه فى النص
ودمت بكل حب