اسمعى يا حكومه

احنا فى وادى وانتى فى وادى
وغلبنا نصبر وندادى
يا حكومه ما تحنى شويه
واسمعى حتى صوت بينادى
احنا شبابها الصاعد الواعد
من غير مستقبل اهوا قاعد
بس بيطلب منك مرة
تحلى عليه العيشه المرة
يا حكومه وسعتى الفجوة
لا سمعتى لنداء ولا نجوة
يا حكومه طلبتنا قليله
دى حقوقنا مش رد جميله
وحقوقنا دى حقوق مشروعه
لينا كلمه وتكون مسموعه
ليه دايما كلمه ممنوعه
فى وشوشنا بتكون مرفوعه
داحنا يدوب لسه عصافير
كان حلمنا فى السما بيطير
فكرنها واسعه تقضينا
جيتى يا حكومه طلعتى عنينا
بنعرضك وانتى تحكمينا
لافهمناكى ولا فهمتينا
كان ايه يحصل لو فيه حوار
بينا وبينك نبنى قرار
مش تخدينا من الدار للنار
انتى حكومه ولا استعمار
كان ايه يحصل لو قولنالك
على فى بالنا والى فى بالك
وسمعتينا وسمعنالك
يمكن لما لبعض نقرب
نبعد الى ما بنا يخرب
يمكن لما لبعض نقرب
اى فساد لازم يتغرب
يمكن لما لبعض نقرب
اى عدو يخاف يتقرب
بينا وبيكى بلدنا هتعلى
نحلف بيها لازم تحلها
ونقول للعالم بلدنا الاحلى

السلام عليكم .. مجرد رأي
الأستاذه / منة الله
احترامي وتقديري
رائعه من روائعك التي تخاطب الوجدان
كلمات ومعاني
لي شرف المرور الأول
وللجميع تحياتي

شكرا لمرورك اللاول الذى اسعدنى انت الى عندك روائع مش انا

انت فين يا استاذ عادل
انا عيزة اقولك انى بجد والله استنفذت كل طقاتى فى القصيدة دى

منة الله الجميله

واضح طبعا الفرق بين القصيده دى واللى قبل كدا

وعارفه انك بذلتى فيها مجهود

ولذلك عمل جميل جدا جدا

من معنى ومضمون

واجتهادك بإنك تتمسكى بالوزن لحد ما

برافو يامنه بجد

واكيد كل مره هتبقى احلى من اللى قبلها

دمتِ رائعه دمتِ بكل حب

الشاعره الصاعده الواعده
منة الله
والله العظيم تقدم وبخطى واسعه قد يأخذ شهوراّ طويله عند شعراء
آخرين . ولكن انتى ولإنك مصره على التقدم والنجاح وصلتى لمرحله
تشرف وهذه القصيده مقياساّ لبداياتك طفره ومحطة تقدم حافظى عليها
وانا واثق من قدراتك وسوف تصلين الى الكمال إن شاء الله .
فى قصيدتك انتى امسكتى بالتفعيله إلا من بعض مناطق قليله جداّ سوف
تتفاديها فى المرات القادمه وانا واثق من هذا ..
اهنئك على موضوعك ومحتواه من نقد بنّاء وإختيار بحر المتدارك .
الله ينور عليكى والى النجاح إن شاء الله ...

انا هنا مستايه ردك من الصبح يا استاذ عادل ومبسوطه اوى بكلام دة
بس ممكن ترد عليه يعنى ايه تفعيله ويعنى ايه بحر المتدارك
معاش لو بتقل عليك بس انا ماعنديش حد يفهمنى
لك منى كل ود واحترام

انتى الى اجمل يا استاذة عزة وان شاء الله المرة الجايه هتكون اجمل وعند حسن ظنكم لانى بتعلم منكم

[size=24][center]
[color=blue]كان ايه يحصل لو فيه حوار
بينا وبينك نبنى قرار
مش تخدينا من الدار للنار
انتى حكومه ولا استعمار
كان ايه يحصل لو قولنالك
على فى بالنا والى فى بالك
وسمعتينا وسمعنالك
يمكن لما لبعض نقرب
نبعد الى ما بنا يخرب
يمكن لما لبعض نقرب
اى فساد لازم يتغرب
يمكن لما لبعض نقرب
اى عدو يخاف يتقرب
بينا وبيكى بلدنا هتعلى
نحلف بيها لازم تحلها
ونقول للعالم بلدنا الاحلى[/color][color=red][b]
[color=red]
الله عليكى ياست منه

ميت ضرس طلعوعلى السنه

وكبرنا اهوه حبه بحبه

ونقول اشعار

احيى فيكى إصرارك

وشكرى للكل اهوه زارك

يقروا يشوفو اشعارك

طبعا اشعار

وحبه حبه هاتغلبنا

يالله نصيبنا

لو كتا احنا القيثاره
Very Happy

انتى الأوتار[/b][/color[/[/color]center]][/size]

الشاعرة المتألقة

منة الله

الله على احساسك الجميل يا منة

انا قلت لك انك هتبقي شاعرة حكاية

وآدي الدليل

تقبلي فائق احترامي وتقديري

أخوك

عمرو زيتون

منه الله كتب:: انا هنا مستايه ردك من الصبح يا استاذ عادل ومبسوطه اوى بكلام دة
بس ممكن ترد عليه يعنى ايه تفعيله ويعنى ايه بحر المتدارك
معاش لو بتقل عليك بس انا ماعنديش حد يفهمنى
لك منى كل ود واحترام

بصى يا منه ..
التفعيله هى التى يتكون منها البحر الشعرى
والشعر له بحور كثيره . بحور صافيه وهى التى تتكون من تفعيله واحده متشابهه . وبحور ممتزجه وهى التى تحتوى على اكثر من تفعيله .
وهذا الموضوع يحتاج دراسه وافيه لتعلمه . ولكن إذا كانت الأذن موسيقيه اى تستطيع ان تعى الشطره الشعريه فانت فى غنى مبدئياّ عن تعلم علم العروض الذى يشمل كل ما حدثتك عنه .

هايله يامنه
الله اكبر عليكى
بجد شاعره جامده
وطلعى بقى الهواجس اللى فى دماغك دى
انك لسه بدرى عليكى فى الكتابه ومش عارف ايه
لا انتى فعلا شاعره تستحق التقدير
ومن مكانى هنا والله بسقفلك وبقولك استمرى وربنا يوفقك

الجميله منه الله
أظن كده مش عايزه راى فى حاجه
بعد كل اللى شهادولك بتقدمك
وجمال قصيدتك
بس انا بجد فرحانه بتقدمك
وربنا يوفقك وتبقى شاعره جامده جدا
وملكيش حل ياقمر
دمت بكل سعاده

ميت ضرس طلعوعلى السنه

وكبرنا اهوه حبه بحبه

ونقول اشعار

احيى فيكى إصرارك

وشكرى للكل اهوه زارك

يقروا يشوفو اشعارك

طبعا اشعار

وحبه حبه هاتغلبنا

يالله نصيبنا

لو كتا احنا القيثاره

كدة كدة ماشى يا دكتور احنا بردة كبرنا على اديكم

استاذى ومعلمى ايها الشاعر القدير شكرا على المعلومه
بس عايز الحق انا مفهمتش هو مش تقصير منك ولا حاجه بس حيس انى دخلت فى موضوع خير الموضوع الى بردة انا ماكنش فهمه

شكرا لمروك الجميل اوى يا استاذ سامح
هواجس انا فى دماغى هواجس ماشى مقبوله
وعلى العموم والله سعيدة بمرورك والكلمات الحلوة دى الى يارب استحقها

ازاى يعنى يا اميرة يا حبيبتى واسمحيلى اقولك اميرة من غير القاب مش محتاجه رايك
انتى من ضمن الناس الى بيشجعونى وبيدونى امل والله من اول ما كتبت القصيدة وانا مستنيه رايك

منه الله كتب:: استاذى ومعلمى ايها الشاعر القدير شكرا على المعلومه
بس عايز الحق انا مفهمتش هو مش تقصير منك ولا حاجه بس حيس انى دخلت فى موضوع خير الموضوع الى بردة انا ماكنش فهمه

سيبك انتى دلوقتى من العروض والبحور والتفاعيل
واستمرى فى تقدمك ولا تهابى النقد فمن النقد ما يرفع
العمل وصاحبه . وانتى شاعره جميله وسوف تنجحى
إن شاء الله . بس شدى حيلك ..

ازيك يامنه عامله ايه
فاكرانى
انا اللى كنتى خايفه منتها
هههههههههههههههههههههههههههههه
هههههههههههههههههههههههههههه
ههههههههههههههههههههههههههههه
ههههههههههههههههههههههههههههه
هههههههههههههههههههههههههههههه

إحنا فى وادى
وانتى فى وادى
وغلبنا ..
نصبر وندادى
يا حكومه
م تحنى شويه
واسمعى حتى
لصوت بينادى
احنا شباب
الجيل الصاعد
من غير مستقبل
آهو قاعد
بس بيطلب
منك مرّه
تحلّى عليه
العيشه المرّه
يا حكومه
وسعتى الفجوه
لا سمعتى
لنداء ولا نجوه
يا حكومه
طلبتنا قليله
دى حقوقنا
مش رد جميله
وحقوقنا
د حقوق مشروعه
لينا كلمه
وتكون مسموعه
ليه دايما
كلمة ممنوعه
ف وشوشنا
بتكون مرفوعه
د احنا يدوب
حبّة عصافير
كان حلمنا
ف السما بيطير
فكّرنا
السما هتقضينا
ليه ديّقتي
الدنيا علينا ؟
وتهدّينا
بدون تفكير
نصدق ليكي
بتحاكمينا
لافهمناكى
ولا فهمتينا
كان إيه يحصل
لو في حوار ؟
بينا وبينك
نبني قرار
ليه تخدينا
وتودّينا
وبترمينا
ف قلب النار
انتى حكومه
ولّا برومه
ولّا بجد انتي استعمار ؟؟
كان ايه يحصل لو قولنالك
علّى ف بالنا واللي فى بالك
وسمعتينا وسمعنالك
يمكن لمّا لبعض نقرّب
نبعد سوسه ما بينّا تخرّب
يمكن لما لبعض نقرب
أي فساد لازم يتغرب
يمكن لما لبعض نقرب
أي عدو يخاف يتقرب
بينا وبيكى بلدنا هتعلى
تزهى قيمتها وترقى وتغلى
نحلف بيها لكل الدنيا
إنّ بلدنا بجدّ الأحلى

المرة دي بصراحة ربنا أنا مبهوووووووووور بالنقلة دي
إختصرتي شوط كبير جدا في مشوارك ودا دليل على ذكائك وإصرارك
وهتوصلي بغذن الله للي بتتمنيه ...
أنا عملتلك بعض الهمسات السريعة لبعض الأجزاء في النص
بس والله فعلا جميل جدا والموسيقى 98 % يعني هانت
ربنا معاكي بس وااااااااااااصلي

تقديري

يا منّه

أنا رأيي من رأي الأستاذ عادل
وحطي ف دماغك (( مدام القلب مليان ..لازم للموسيقى الإتزان ))
أنا بكتب الشعر إعتمادا على أذني فقط وليس عن دراسة

ومعظ الشعراء بيكتبوه عن هوايه وليس عن دراية
استمري ومعاكي الأساتذة هنا في المنتدى مش هيسيبوكي
هما نعم الأساتذة

المحاولة ... والإصرار .... طريق النجاح

نصيحة من أخ يتمنالك الخير

تقديري

حاضر يا استاذ عادل انا بردة حسه ان المنتدى عمل فارق معايه عن الاول

هخاف منك ليه يا ام الخلول انا حكمتى احغظ الله يحفظك
وبعدين الحمد لله انا مداومه على اذكار الصباح والمساء
اعوذ بالله من الخبث والخبائث

شكرا لمروك الجميل يا استاذ احمد ولتعلماتك الى اكيد بستفيد منها وكويس بردة ان الموسيقى 98% انا كنت خلاص فضلى سنه ويأس بس الحمد لله
بدون تفكير
نصدق ليكي
بتحاكمينا
حلوة بس مش دة الى انا كنت عيزو اوصله
احنا نبعارض مش بنصدق

الله الله الله

هههههههههههه

حلوه اوى

» اسمعى
» قامت قيامتك يا حكومه